Loma꞉ 8:7 - Panake Pi La: Ula: Buka pita: Kine Pieke Buka

⁷ Koto ekina꞉ hali epita꞉ ipika꞉ lokena꞉ hone pa꞉la꞉eki manuma꞉ ipika꞉ hone wita꞉la꞉eki handeteke hatiki pia꞉ka꞉na꞉ta꞉ kota꞉ ipikita꞉ Koda꞉na꞉ a꞉nda꞉ tunkuliki hali halieke. Ipikana꞉ma꞉ta꞉ Koda꞉na꞉ Lo Pimanu na opu hala꞉ ekima꞉ pita꞉la꞉pate ipikana꞉ma꞉ ota꞉ opua꞉peke na ya꞉la꞉me.

Loma꞉ 8:7 ပူးပေါင်းရင်းမြစ်များ

Ma꞉tiu 12:34

Ketoma꞉ handeke some hombo ikita꞉ hoke some hombo haemeka꞉na꞉ta꞉ ekipa epeke pimanu lo hapa꞉peke yelemepe. Pa ekipeke. Mo hone pa꞉ta꞉ tumba ula꞉eki kone kake pa꞉ta꞉ a꞉pa꞉tiki pu hala꞉me.

Ma꞉tiu 5:19

Kutu piliepate pa hali homeke ma꞉nda꞉ma꞉ mo Lo Pi Ula꞉ ekina꞉ hosiki pi siki kone yoka꞉ mea bao make o mandane wanda꞉halima꞉ make kutu pina꞉ wala꞉ tiaeya꞉ka꞉na꞉ta꞉ kota꞉ ipika꞉ bikita꞉ oli hepenina꞉ Kilu Tombuao Hala꞉eki pa꞉ta꞉ta꞉ ota꞉ hosiki siki ya꞉lieke. Pate pa hali homeke ma꞉nda꞉ma꞉ mo Lo Pi Ula꞉eki miniki hata꞉ mandane wanda꞉halima꞉ make kutu pina꞉ wala꞉ tiaeya꞉ka꞉na꞉ta꞉ kota꞉ ipikana꞉ma꞉ oli hepenina꞉ Kilu Tombuao Hala꞉ ekina꞉ biki tieke milieke.

Dioni 7:7

Kenke wanda꞉hali paeyaoma꞉ iki pa꞉ta꞉ ota꞉ ki hone wia꞉peke na ya꞉la꞉pate I̱ma꞉ ika꞉ piteleme haumanu hoke ekie laa lo halo ekina꞉ I̱ pa꞉ta꞉ ki hone witelememe.

Loma꞉ 1:28

Mo haliwekima꞉ta꞉ Koda꞉ ota꞉ hala꞉eki hone ma꞉nda꞉ uluekema꞉ kiaasemeke ekina꞉ta꞉ Koda꞉ma꞉ ika꞉ kone hone u hoeyao pa haena꞉ la꞉la꞉me. Koto pa꞉la꞉ ekina꞉ mo haliwekima꞉ ana꞉ na piki haumanu pu halememe.

Loma꞉ 1:30

ika꞉ ika꞉ kone pi la la pu alualu pia꞉tiki pu halememe. Koda꞉ hoki wala leke pa꞉ta꞉ sa꞉take pu hambiliki hoepitolo make tanda pea hatiki pu halememe. Hakoko litolo hata꞉ Koda꞉na꞉ pi kone la꞉tiki pitolo hata꞉ hoke ekimanu puluekema꞉ panake pota꞉manu weiya꞉tiki pu halememe. Kutupa ateke inkiki yaapona꞉ pi tunkula꞉tiki pu halememe.

Loma꞉ 3:31

Koto pa꞉la꞉ ekina꞉ mo hande hone tulaasa꞉ ekima꞉ hande Lo Pimanu paeyaasoma꞉pe. Ota꞉ dia꞉me. Hande Lo Pimanu nikana꞉ma꞉ mea a꞉meiyaasoma꞉me.

Loma꞉ 5:10

Amba꞉ nikita꞉ Koda꞉ ipika꞉ a꞉nda꞉ tunkuliki wanda꞉hali haoma꞉pate ipika꞉ Eiyekena꞉ homeeke ekima꞉ nikita꞉ ipika꞉ yankekesunu hamono la꞉la꞉me. Ame nikita꞉ Koda꞉ ipika꞉ yankekesunu haloma꞉ ekina꞉ Ketiso ipika꞉ da꞉ta hala꞉ ekima꞉ Koda꞉ma꞉ niki wotu tamba꞉ milieke.

Loma꞉ 7:22

Koda꞉na꞉ Lo Pimanu pa꞉ta꞉ yaka pukima꞉ ta꞉na꞉ma꞉ homolopate

Loma꞉ 8:4

Koda꞉ma꞉ do hau piki hauta꞉ mo hande Lo Pi manuma꞉ tikitiki hau pikieki wala꞉la꞉ ekimanu peomonoyeke pa꞉la꞉me. Nikana꞉ma꞉ta꞉ hande lokema꞉ wala꞉la꞉eki na opiki mo hande Sipitidima꞉ wala꞉la꞉eki opitolo hata꞉ pitoloma꞉me.

1 Kotindi 2:14

Koto poloma꞉pate hande Sipitidi na ma꞉la꞉ some epita꞉ mo hande Koda꞉na꞉ Sipitidima꞉ pa kita꞉la꞉ alemanu na mia꞉peke ya꞉la꞉me. Kutupiki someta꞉ hande Koda꞉na꞉ Sipitidima꞉ pa kita꞉la꞉ alemanu na minolo hata꞉ yalo Pa ekie laa hone na u hala꞉me.

1 Kotindi 9:21

Koto tupa꞉ kone mo Diendaili wanda꞉hali ame̱le̱ hata꞉ koto wanda꞉hali muluekema꞉ ikana꞉ma꞉ mo Diu wanda꞉halina꞉ Lo Pimanu pa꞉ta꞉ na haleme tupa꞉ I̱ make koto tupa꞉ halome. Do alo ekima꞉ta꞉ I̱ta꞉ Koda꞉na꞉ pi ula꞉eki yamba꞉la꞉ hali leke halome pi na leke I̱ta꞉ Ketisona꞉ pi ula꞉eki pa꞉ta꞉ teliolo hali halo ekina꞉ loa꞉me.

Kolosi 1:21

Amba꞉ a꞉nda꞉ta꞉ ika꞉ pimi hoke hau manuma꞉ make wimi hoke hone manuma꞉ make ikita꞉ Koda꞉ teke pa꞉ta꞉ na hake ipika꞉ a꞉nda꞉ tunkuliki wanda꞉hali haememe.

Kolosi 2:18

Ma꞉nda꞉ma꞉ ipiki ta꞉ta꞉ piki upamanu pa꞉la꞉ ekima꞉ ipikita꞉ ota꞉ handa ulu somee ala꞉ ekima꞉ iki bepolaena꞉ waleke na hala꞉pa꞉peke. Mo makeaaso homupiki hau pitolo hata꞉ enisolomanu pa꞉ta꞉ yeni pu hapa꞉peke lo hala꞉ somena꞉ loa꞉me. Dupiki someta꞉ teke na wiki ekina꞉ ipika꞉ kenke hauna꞉ hone ula꞉ ekima꞉ pa hameke pombei yaala꞉me.

2 Timodi 3:4

Kutaa make ikana꞉ma꞉ yankeke kone lina꞉ ma꞉na꞉ yapa꞉ mu a꞉nda꞉ lombo make homa꞉la꞉ ale teke na hake haumanu pu make ika꞉ honema꞉ ikita꞉ tieke haloma꞉me hone witolo hata꞉ Koda꞉ pukima꞉ na homeketa꞉ pa ika꞉ loke ta꞉na꞉ peaasa꞉ alemanu pa꞉ta꞉ pukima꞉ homo halememe.

Hibulu 8:10

Pate pa ame mo Tekehalima꞉ alota꞉ Mo ipulua꞉ nate nina꞉ta꞉ mo Isulai wanda꞉hali ame̱le̱ la꞉ ulu polo panake pita꞉ dupa la꞉ ulueke laata꞉ Mo ya pi ulu pi manuta꞉ ika꞉ hone teke pa꞉ta꞉manu wina꞉ laota꞉ ika꞉ puki manuna꞉ make wape pealueke. Kutaa I̱ta꞉ ika꞉ Koda꞉ halueke. Kutu pua꞉ka꞉na꞉ta꞉ ikita꞉ ya wanda꞉hali halimikie.

Dia꞉mesi 4:4

Ikita꞉ pi tunkuleleme wanda꞉halio. Do ekita꞉ ikana꞉ma꞉ hone na witelemepe. Hali epima꞉ do kenke hau puluekema꞉ hone pia꞉ka꞉na꞉ta꞉ koto halita꞉ Koda꞉ ipika꞉ a꞉nda꞉ tunkiliki hali hala꞉me. Koto tupa꞉ make hali epima꞉ do kenke hauna꞉ yankeke haluekema꞉ hone pia꞉ka꞉na꞉ta꞉ koto halita꞉ ipika꞉ kone Koda꞉na꞉ a꞉nda꞉ tunkiliki hali haluekema꞉ pita꞉la꞉me.

2 Pida 2:14

Ikita꞉ wanda꞉na꞉ leke titolo hata꞉ hoke hauta꞉ ota꞉ na pao halememe. Ikana꞉ma꞉ mo damako piki wanda꞉halita꞉ hona꞉ pa꞉ta꞉ mea teao halememe. Ika꞉ta꞉ pasa꞉tei pita꞉la꞉ hau puluekema꞉ amba꞉ moka꞉la handa wilimime. Ikita꞉ Koda꞉na꞉ mineke panka꞉la꞉eki oto pa꞉ta꞉ hala꞉ tapake au laa halememe.