Loma꞉ 8:36 - Panake Pi La: Ula: Buka pita: Kine Pieke Buka

³⁶ mo hande Baibolo bukana꞉ wape pa꞉la꞉ tupa꞉ Nikana꞉ma꞉ naka꞉eki peaasoma꞉ ekina꞉ wanda꞉halima꞉ nate paeyao niki luekema꞉ taapo halememe. Sipisipi ma꞉na꞉manu luekema꞉ piteleme tupa꞉ wanda꞉halima꞉ta꞉ niki pa꞉ta꞉ make hoke hau puluekema꞉ taapo halememe laa wape pa꞉la꞉me.

Loma꞉ 8:36 ပူးပေါင်းရင်းမြစ်များ

Dioni 16:2

Mo hande pi hotu haleme da pa꞉ta꞉manu iki poemena꞉yeke iki yokilimikie. Kutupa wetepena꞉ mandane haliwekima꞉ta꞉ iki litolo hata꞉ta꞉ Koda꞉na꞉ e pokaasoma꞉me laa hone wilimikie.

Aposolo 20:24

Kutu pa꞉la꞉pate ya lokena꞉ hau hone na witolome laa tombona꞉ opolo puaata꞉ ya Tekehali Yesuma꞉ walea꞉ hau amba꞉la paeyaalueke lea꞉me. Hande Koda꞉na꞉ pa hameke a꞉ta꞉ma꞉ homo hala꞉ Pi Seliapo la kitoloeki loa꞉me lea꞉me.

Aposolo 8:32

Mo hande halima꞉ mo Baibolo bukana꞉ yata꞉polo pitieke ekita꞉ doeki yeekeme. Ipikita꞉ sipisipi pita꞉la꞉ tupa꞉ kia kia pi na leekeme. Kutupa mo sipisipima꞉ mo itiki tunkulu hala꞉ halina꞉ leke popeleke nane a꞉pa haena꞉ kake a꞉mbaaso hata꞉ pi na la꞉lie tupa꞉ kota꞉ ipikana꞉ma꞉ ipika꞉ kake na a̱a̱ leekeme.

1 Kotindi 15:30

Kutupa niki make pa ekipeke nika꞉ loke ota꞉ hoeyaalo pa꞉la꞉ alemanu pa꞉ta꞉ hao haloma꞉pe.

1 Kotindi 15:31

Ya kametitio. Homa꞉la꞉ ekita꞉ nate paeyao I̱ pa꞉ta꞉ a꞉pa꞉peke ya꞉la꞉me. Dota꞉ pa yapa꞉piki pi alope. Dia꞉me. Nika꞉ Tekehali Yesu Ketiso pa꞉ta꞉ ta꞉ma꞉ni pea haloma꞉ ekina꞉ I̱ma꞉ ika꞉ pi laaso hata꞉ pitolo tupa꞉ do alo pi make ota꞉ekie alome.

1 Kotindi 4:9

Pate ya honema꞉ta꞉ Koda꞉ma꞉ ipika꞉ aposolo haliweki nikita꞉ ota꞉ hoki nane hamono la꞉la꞉me. Nikita꞉ mo homaapeke ya꞉la꞉ haliwekima꞉ handele tupa꞉ mo kenke wanda꞉hali paeyaona꞉ leke popeleke nane make mo enisolo tapakena꞉ leke popelekena꞉ make ota꞉ mo telepo la꞉tiaasa꞉ hama tukikina꞉ homaapeke ya꞉la꞉ haliweki tupa꞉ haloma꞉eki handelememe.

2 Kotindi 1:9

Niki pa꞉ta꞉ homena꞉e ala꞉ pita꞉ amba꞉ la꞉ wiki nono pia꞉me. Pate doeki pia꞉ ekita꞉ nikana꞉ma꞉ nika꞉ homeke na ti lake pa mo homa꞉la꞉eki mea tiao hala꞉ Koda꞉ pa꞉ta꞉ homeke hone tulaamono pia꞉me.

2 Kotindi 11:23

Ikita꞉ Ketisona꞉ e pokaaseme haliweki ya꞉ka꞉ta꞉pe kota꞉ I̱ta꞉ you hoke halima꞉ leke nono pitolopate I̱ta꞉ e pokaaso hali hata꞉ iki lombei peaalome. I̱ma꞉ta꞉ lombei peaaso hata꞉ oto honkopu hao e wopu pokolome. I̱ta꞉ dipula da pa꞉ta꞉manu ota꞉ lombei piki hoto eleke eleke mea pitaalememe. I̱ta꞉ ota꞉ lombei peake tupa꞉ dopitama꞉ yombelememe. Kutupa I̱ta꞉ homa꞉la꞉eki tombona꞉ teke pa꞉ta꞉ ota꞉ lombei piki natemanu mea꞉tiki polome.

2 Kotindi 6:9

Nikita꞉ hone na wiki nono pelemepate nikita꞉ paeyaoma꞉ hone wilimime. Nikita꞉ homelememe lo halemepate pa haloma꞉ ekita꞉ ika꞉ hone wilimime. Nikita꞉ panisi peao halemepate kone niki homomono na lilimime.

Pilipai 3:10

Ya hone pa꞉la꞉eki homeketa꞉ ota꞉ Ketiso handuluekema꞉ hone pa꞉la꞉me. Koto hone pa꞉la꞉ ekita꞉ Ketiso ipika꞉ tiala꞉ wele pa꞉la꞉eki muluekema꞉ make ipikana꞉ma꞉ tanda mieke tupa꞉ muluekema꞉ make kutupa Ketiso homeeke tupa꞉ I̱ make mandake tupa꞉ homuluekema꞉ hone pa꞉la꞉me.