Loma꞉ 8:33 - Panake Pi La: Ula: Buka pita: Kine Pieke Buka

³³ Koda꞉ma꞉ talopu mea haena꞉ la꞉la꞉ wanda꞉halita꞉ hali epima꞉ samani piliepe. Dia꞉me. Koda꞉ma꞉ kone iki pa꞉ta꞉ alota꞉ Eki a꞉nda꞉ na piki wanda꞉halie la ala꞉me.

Loma꞉ 8:33 ပူးပေါင်းရင်းမြစ်များ

Ma꞉tiu 24:24

Yayapiki Ketisomanu make yayapiki pi la꞉ mea halo hala꞉ haliweki make a꞉pa mo hande Koda꞉na꞉ ma̱leke lila꞉ wanda꞉hali pa nane hatuku mea puluekema꞉ yeke iki makeaapeke ya꞉la꞉o laa makea handuluekema꞉ na handeke hau tieke tiekemanu make wele pita꞉la꞉ ekimanu make walimikie.

Luku 18:7

Kota꞉ Koda꞉na꞉ wanda꞉halima꞉ iki tamba꞉ mina꞉ alo timba natena꞉ wi alo honke la꞉tiki pu haleme wanda꞉halina꞉ pota꞉ta꞉ Koda꞉ma꞉ tikitiki na yaalia꞉pe. Tamba꞉ muluekema꞉ kese kese pilia꞉pe. Dia꞉me.

Loma꞉ 3:26

ameta꞉ ipika꞉ tikitiki hau pita꞉la꞉eki peneme yao waluekema꞉ wanda꞉halina꞉ hoke hau pelemeeki manuna꞉ hau ma꞉nda꞉ pu hala꞉me. Koda꞉ma꞉ kutu pita꞉la꞉ ekima꞉ ipikana꞉ma꞉ kone tikitiki hau pu hala꞉eki Yesu Ketiso pa꞉ta꞉ hone tulaaseme wanda꞉hali ipiki yaapo tikitiki yao hamena꞉ la꞉la꞉eki make wala꞉la꞉me.

Loma꞉ 8:1

Koto ekina꞉ Yesu Ketiso ame̱le̱ ta꞉ma꞉ni pea haloma꞉ wanda꞉hali pa꞉ta꞉ta꞉ ma꞉nda꞉ma꞉ hoke yenki kia꞉peke na ya꞉la꞉me.

Ka꞉leisia 3:8

Baiboloma꞉ dupa la꞉ wiekeme Koda꞉ma꞉ mo hande Diendaili wanda꞉hali ika꞉ hone tulaleme ekina꞉ Koda꞉ ipiki ame̱le̱ epea halimikie laa la꞉ wiekeme. Kota꞉ mo Baiboloma꞉ Eipoloha꞉ma꞉ pa꞉ta꞉ dupiki pi seliapo la halolo alota꞉ Neke pa꞉ta꞉ yama꞉ta꞉ Koda꞉ma꞉ wanda꞉hali paeyao wamo pilieke leekeme. Mo koto leeke ekita꞉

1 Desalonaika 1:4

Kametitio. Koda꞉ma꞉ iki pa꞉ta꞉ pukima꞉ homo hao ikita꞉ ipika꞉eki hamina꞉yeke amba꞉ talopu mea hamina꞉ la꞉la꞉eki nikana꞉ma꞉ hone witoloma꞉me.

Taitasi 1:1

I̱ta꞉ Poloma꞉ Koda꞉na꞉ e pokaasa꞉ hali hata꞉ make Yesu Ketisona꞉ aposolo hali hata꞉ make do wape wapitolome. I̱ta꞉ mo Koda꞉ma꞉ ma̱leke lila꞉ wanda꞉halina꞉ hone tulalemeeki daeyaena꞉ lono ipikana꞉ma꞉ I̱ mea tapaeya꞉me. Kuta make ika꞉ pi miniki haasa꞉ hauna꞉ ota꞉ pita꞉ miniki haena꞉ walonoyeke I̱ tapaeya꞉me.

1 Pida 1:2

Apa꞉ Koda꞉ma꞉ ipika꞉ hau ma꞉nda꞉ tekena꞉ hata꞉ iki ma̱leke lia mia꞉me. Kutu pieke ekita꞉ dupa Mo Holi Sipitidima꞉ iki yakopiki wanda꞉hali hamena꞉ lena꞉ make Yesu Ketisona꞉ pi opua puemena꞉ make kutupa ipika꞉ wema꞉ iki tandepena꞉ make iki mea haena꞉ la꞉la꞉me. A꞉ta꞉ma꞉ homa tamba꞉ mina꞉la꞉eki make a꞉nda꞉ peliaasa꞉eki make iki pa꞉ta꞉ ota꞉ tumbaena꞉e.