Loma꞉ 8:28 - Panake Pi La: Ula: Buka pita: Kine Pieke Buka

²⁸ Koda꞉ma꞉ta꞉ ipiki pa꞉ta꞉ pukima꞉ homoloma꞉ wanda꞉hali niki ame̱le̱ hata꞉ wetepe pulu pa꞉la꞉ ekimanu epekeeki wina꞉yeke pu hala꞉me. Koto wanda꞉hali nikita꞉ Koda꞉ma꞉ ipika꞉ hone wita꞉la꞉eki peaaluekema꞉ niki wi la꞉la꞉me. Koto pa꞉la꞉ ekita꞉ nikana꞉ma꞉ handoloma꞉me.

Loma꞉ 8:28 ပူးပေါင်းရင်းမြစ်များ

Kini Pieke 50:20

Ikana꞉ma꞉ta꞉ I̱ pa꞉ta꞉ hoke hau pimipate Koda꞉ma꞉ta꞉ koto paa topo pea epekeeki au lala꞉me. Kutupa mo koto hau pimi ekita꞉ mo ame pa do haleme wanda꞉hali paeyaona꞉ hao polu pelemeeki epeanoyeke pa꞉la꞉me.

Maka 12:30

Kutupa mo Tekehali naka꞉ Koda꞉ pa꞉ta꞉ naka꞉ puki paeyaoma꞉ make naka꞉ temoko paeyaoma꞉ make naka꞉ hone witeleeki paeyaoma꞉ make naka꞉ honkopu haseeki paeyaoma꞉ make pukima꞉ homo hapa꞉pekee la꞉la꞉me.

Aposolo 13:48

Kutupa mo Diendaili wanda꞉halima꞉ koto pi opuaata꞉ ta꞉na꞉ma꞉ homolo hata꞉ mo Koda꞉na꞉ pi laemekeme. Kutupa deto hala꞉eki mulu pimiki wanda꞉halima꞉ pi mimikime.

Loma꞉ 11:29

Wanda꞉hali epi amedata꞉ Koda꞉ma꞉ mea haena꞉ ala꞉eki make epeaasa꞉eki pia꞉ka꞉na꞉ta꞉ kota꞉ ipikana꞉ma꞉ hone ma꞉nda꞉ topo pea na wilieke.

Loma꞉ 8:30

Koto pa꞉la꞉ ekina꞉ Koda꞉ma꞉ amba꞉ handa꞉ mea ta꞉ta꞉ haena꞉ la꞉la꞉ wanda꞉halita꞉ ipikana꞉ma꞉ wi la꞉la꞉ wanda꞉halie. Kutupa ipikana꞉ma꞉ta꞉ amba꞉ wi la꞉la꞉ wanda꞉halita꞉ ipiki yaapo tikitiki yao haena꞉ la꞉la꞉me. Kutupa ipikana꞉ma꞉ta꞉ ipiki yaapo tikitiki yao haena꞉ la꞉la꞉ wanda꞉halita꞉ ipika꞉ pa̱a̱ pa꞉la꞉eki koto wanda꞉hali pa꞉ta꞉ teli teli peaala꞉me.

Loma꞉ 9:11

Koda꞉ma꞉ta꞉ mo weki yaapota꞉ ma꞉nda꞉ hondo muluekema꞉ ipika꞉ hone wia kone inkiki pa꞉ta꞉ alota꞉ Mupeke wekima꞉ta꞉ wetepe nane wekina꞉ e pokaalieke laa leekeme. Koto leeke pita꞉ mo weki yaapo a̱i̱ na mendiki haena꞉ make epeke hau o hoke hau ma꞉nda꞉ a̱i̱ na piki haena꞉ kone Koda꞉ma꞉ leekeme. Koto ekina꞉ Koda꞉ma꞉ talopu mea haena꞉ la꞉la꞉ ekita꞉ mo weki yaapoma꞉ pipiki ekina꞉ dia꞉ yekepate pa ipika꞉ hone wia kone wi leekeme.

1 Kotindi 1:2

Iki Kotindi daoni pa꞉ta꞉ haleme Koda꞉na꞉ siosi wanda꞉hali pa꞉ta꞉ wape polo pi doe. Koda꞉ma꞉ ikita꞉ ipika꞉ yakopiki wanda꞉hali hamina꞉ wi la꞉la꞉me. Iki mo Yesu Ketiso yaapo ta꞉ma꞉ni pea hata꞉ Koda꞉na꞉eki haleme wanda꞉hali pa꞉ta꞉ loa꞉me. Kutupa mo kenke paeyao pa꞉ta꞉ hata꞉ nika꞉ Tekehali make ika꞉ Tekehali Yesu Ketisona꞉ biki wi aleme wanda꞉hali make iki paeyao pa꞉ta꞉ wape polo pi doe.

1 Kotindi 1:24

Koto lo halemepate pa mo hande Koda꞉ma꞉ wi la ma꞉la꞉ Diu wanda꞉hali make Diendaili wanda꞉hali make koto wanda꞉halima꞉ do pina꞉ Ketisota꞉ Koda꞉na꞉ wele pita꞉la꞉eki pita꞉ hone wotu wita꞉la꞉eki yaapo hala꞉me lo haloma꞉me.

1 Kotindi 1:9

Mo Yesu Ketiso nika꞉ Tekehali yaapo ta꞉ma꞉ni puemena꞉ yeke wi la꞉la꞉ Koda꞉ma꞉ta꞉ ipika꞉ la꞉ ula꞉ pimanu na tunkuliki ota꞉ pilieke. Ipiki pa꞉ta꞉ hone tulaapa꞉peke ya꞉la꞉me.

1 Kotindi 2:9

Koto pa꞉la꞉pate hande Baibolo bukana꞉ wape pa꞉la꞉ tupa꞉ta꞉ Wanda꞉hali homeke a꞉nda꞉ma꞉ na handeekeeki make na opiekeeki make honema꞉ na niminaeyekeeki make kotoeki kone Koda꞉ma꞉ mo ipiki pa꞉ta꞉ pukima꞉ homa꞉la꞉ wanda꞉hali pa꞉ta꞉ peaeyekeme laa wape pa꞉la꞉me.

2 Kotindi 5:1

Koto ekina꞉ta꞉ nikana꞉ma꞉ dupa hone uluma꞉me. Do nika꞉ haloma꞉ palai data꞉ nika꞉ kenke loke yalo hata꞉ leisiya꞉ka꞉na꞉ta꞉ kota꞉ Koda꞉ma꞉ niki hao hapeke da oli hepeni wialieke. Mo data꞉ ota꞉ ipika꞉ kone a꞉eyaata꞉ hoto paeyao pa hao halieke.

Ka꞉leisia 1:15

Kutu pua꞉pate Koda꞉ma꞉ a꞉ta꞉ma꞉ homa tamba꞉ mina꞉la꞉ hali hata꞉ I̱ma꞉ ipika꞉ e pokaano ya ama꞉na꞉ weleke pa꞉ta꞉ pitono kone I̱ ma̱leke liekeme. Kutupa wetepena꞉ I̱ma꞉ Yesuna꞉ Pi Seliapota꞉ mo Diu tapake na hake ta꞉ta꞉piki tapakemanu pa꞉ta꞉ walalo ponoyeke Koda꞉ ipika꞉ eiyeke I̱ handono waluekema꞉ hone pieke di opolo epeeketa꞉ I̱ta꞉ ma꞉nda꞉ yaapo pi hotuluekema꞉ na pu make

Ka꞉leisia 1:6

A꞉pei. Ikana꞉ma꞉ pitelememe ala꞉eki opitolo I̱ma꞉ tola꞉tia pominolome. Ikita꞉ nate aneke hapu a꞉nda꞉ dia꞉ya꞉pate mo hande Ketisona꞉ a꞉ta꞉ma꞉ homa꞉la꞉eki pa꞉ta꞉ yama꞉ iki wi lea꞉ Koda꞉ta꞉ koto kone mina꞉pa꞉laaso hata꞉ pi seliapo ma꞉nda꞉ taa miniki haemeka꞉ta꞉me.

Ka꞉leisia 5:8

Kutu piki hauta꞉ mo hande iki wi la꞉la꞉ Koda꞉ma꞉ na peaya꞉me.

Epesese 3:11

Koda꞉ma꞉ kutu pieke ekita꞉ ipika꞉ paeya꞉ paapeke na ya꞉la꞉ hone u hala꞉ ekita꞉ nika꞉ Tekehali Yesu Ketisoma꞉ pina꞉yeke leekeme.

Epesese 4:1

I̱ta꞉ Poloma꞉ Tekehalina꞉ e pokaaso ekita꞉ dipula pita꞉ kone iki pa꞉ta꞉ hone wotu witolo hata꞉ doeki alome. Koda꞉ma꞉ wi la꞉la꞉ ekina꞉ iki do tupa꞉ tikitiki yao hapa꞉peke.

Pilipai 3:14

Koto ekina꞉ta꞉ mo hotonelina꞉ yenki muluekema꞉ I̱ma꞉ mo tombo hala꞉ pa꞉ta꞉ tikitiki a̱i̱ya pulume. Do ekina꞉ alome. Oli hepeni nane hao hapekeeki miono Koda꞉ma꞉ Yesu Ketiso pa꞉ta꞉ yama꞉ I̱ wi la꞉la꞉ ekina꞉ alome.

1 Desalonaika 5:9

Koda꞉ma꞉ ipika꞉ mineke panka꞉la꞉eki niki pa꞉ta꞉ epena꞉yeke niki na talopu mea hamono lea꞉pate pa Tekehali Yesuma꞉ niki mea da꞉taowaena꞉ leekeme.

2 Timodi 1:9

Nikita꞉ ipika꞉ wanda꞉hali hamono yeke Koda꞉ma꞉ pa꞉ta꞉la꞉ mea wi la꞉la꞉me. Koto hau pieke ekina꞉ teketa꞉ nikana꞉ma꞉ epeke hau puma꞉ ekina꞉ dia꞉pate pa ipikana꞉ma꞉ a꞉ta꞉ma꞉ homolo hata꞉ ipika꞉ hone pieke ekima꞉ kone niki wi la꞉la꞉me. Koda꞉ma꞉ do kenke a̱i̱ na wepia wina꞉ leeke pita꞉ma꞉ta꞉ do a꞉ta꞉ma꞉ homa꞉la꞉ hauta꞉ niki miomono yeke Ketiso Yesu pa꞉ta꞉ yama꞉ wina꞉ leekeme.

2 Timodi 2:19

Koda꞉ma꞉ nokopeeke taka꞉lake pinkita꞉ da̱o̱la꞉pa pa꞉la꞉me. Koto pinkina꞉ pi yaapo wape pea ula꞉ ekita꞉ dupa. Tekehalima꞉ ipika꞉ wanda꞉halita꞉ ipika꞉ amba꞉ hando ulume laa wape pea ula꞉me. Kutupa pi ma꞉nda꞉ make dupa. Ma꞉nda꞉ hali epima꞉ I̱ta꞉ mo Tekehalina꞉eki halome lea꞉ka꞉na꞉ta꞉ kota꞉ mo hokeeki paeyao ota꞉ mina꞉pa꞉lao hoki walaa pua꞉peke ya꞉la꞉me pi yaapo wape pa꞉la꞉me.

Hibulu 9:15

Koto ekina꞉ta꞉ Ketisoma꞉ mo hande panake la꞉ ula꞉ pina꞉ honkopu hawaasa꞉ ka꞉pa hali hata꞉ta꞉ wanda꞉halima꞉ mo hande amba꞉ pi wiekeeki oto pa꞉ta꞉ hata꞉ pimiki hoke haumanu bepolao ka꞉la꞉pa꞉ tapaaluekema꞉ yeke ikina꞉ homeekeme. Kutu pieke ekita꞉ ipikana꞉ma꞉ mo hande Koda꞉ma꞉ wi la꞉la꞉ wanda꞉halima꞉ Koda꞉ ipika꞉ pi la꞉ wieke na paeta꞉la꞉ epeaasa꞉ ekimanu mina꞉yeke piekeme.

Dia꞉mesi 1:12

Hali epima꞉ mo la handa꞉la꞉ ekimanu epena꞉ kone da̱o̱la haya꞉ka꞉na꞉ta꞉ ta꞉na꞉ma꞉ homilieke. Do ekina꞉yeke loa꞉me. Mo halima꞉ta꞉ mo la handa꞉la꞉ ekimanu paeyao bepolaeya꞉ka꞉na꞉ta꞉ Koda꞉ma꞉ ipiki pa꞉ta꞉ yenki halolo hata꞉ta꞉ deto hala꞉eki kone halieke. Koto yenkita꞉ Koda꞉ma꞉ amba꞉ pi la꞉ witolo hata꞉ I̱ pa꞉ta꞉ pukima꞉ homa꞉la꞉ wanda꞉hali pa꞉ta꞉ deto hala꞉eki halueke laa pi la꞉ ula꞉me.

Dia꞉mesi 2:5

Ya kametitio. Opua꞉pe. Kenke wanda꞉halima꞉ta꞉ aleta꞉ ma꞉nda꞉ na wiki natehali wanda꞉halio laa alemepateta꞉ Koda꞉ma꞉ koto wanda꞉hali talopu meata꞉ ika꞉ hone tulaaleme ekina꞉ta꞉ iki hamoko mea yaasa꞉me. Kutupa make ipiki pa꞉ta꞉ pukima꞉ homeleme wanda꞉hali pa꞉ta꞉ pi la꞉ wieke tupa꞉ koto wanda꞉hali ipika꞉ Kilu Tombuao Hala꞉ ekina꞉ mea haena꞉ lelieke.

1 Pida 2:9

Koto pa꞉la꞉pate ikita꞉ Koda꞉na꞉ ma̱leke lila꞉ tapake halememe. Ikita꞉ mo Kini halina꞉ yeni peao haleme wanda꞉halie. Ikita꞉ mo yakopiki tapakee. Koda꞉na꞉ wanda꞉hali homeke halememe. Ikita꞉ mo timba꞉la꞉ pambeke pa꞉ta꞉ haapa꞉na꞉ ipika꞉ pa̱a̱ pita꞉la꞉eki ota꞉ seliapo pa꞉ta꞉ epoemena꞉ wi lea꞉ Koda꞉ma꞉ ipika꞉ ota꞉ epeke pita꞉la꞉ ekimanu la halamena꞉ iki ma̱leke lila꞉me.

1 Pida 3:9

Hoke hau iki pa꞉ta꞉ pimika꞉na꞉ta꞉ hoke hauma꞉ na hombo peapa꞉peke o keke pi lemeka꞉na꞉ta꞉ keke pima꞉ na hombo peapa꞉peke. Ikana꞉ma꞉ koto hau na pikita꞉ iki tamba꞉ mulu peleme ekima꞉ hombo peapa꞉peke. Kota꞉ kotota꞉ Koda꞉ma꞉ iki wi lea꞉ dina꞉ta꞉ iki tamba꞉ mulueke la la꞉ wiekeme.

1 Pida 5:10

Koda꞉ma꞉ta꞉ pa a꞉ta꞉ma꞉ homa꞉la꞉ Tekehali hata꞉ iki Ketiso ame̱le̱ ta꞉ma꞉ni pea hamena꞉ ipika꞉ nate paeyao pa̱a̱ pu hala꞉eki muemena꞉yeke iki amba꞉ wi la꞉la꞉me. Kutupa iki pa꞉ta꞉ tanda peaasa꞉eki hosiki hao paeya꞉ka꞉na꞉ta꞉ Koda꞉ma꞉ kone wetepe iki epeaota꞉ ota꞉ honkopu hao da̱o̱la hamena꞉ lelieke.

1 Dioni 4:10

Pukima꞉ homa꞉la꞉ ekita꞉ dupae. Nikana꞉ma꞉ Koda꞉ pa꞉ta꞉ pukima꞉ homomeke handa dia꞉ya꞉la꞉pate pa ipikana꞉ma꞉ niki pa꞉ta꞉ pukima꞉ homolo hata꞉ ipika꞉ weki tapaala꞉ ekima꞉ta꞉ nika꞉ hoke hau paeyao paeyawala꞉me.

1 Dioni 4:19

Koda꞉ma꞉ta꞉ niki amba꞉la pukima꞉ homeeke handaa nikana꞉ma꞉ make pukima꞉ homo haloma꞉me.

Peneme Yaeyekeeki 3:19

I̱ma꞉ta꞉ yaka pukima꞉ homolo wanda꞉hali paeyaota꞉ pima꞉ hando laa panisi peao halome. Koto ekina꞉ ika꞉ hoke hau manuta꞉ ota꞉ hone witolo hata꞉ hoki wala꞉pe.