Loma꞉ 8:15 - Panake Pi La: Ula: Buka pita: Kine Pieke Buka

¹⁵ Koda꞉ma꞉ iki ka꞉la꞉ Sipitidima꞉ta꞉ iki paala꞉ tiao pa hameke e pokaasa꞉ hali leke na hamina꞉ la꞉la꞉me. Dia꞉me. Koto hau na pita꞉la꞉me. Hande Sipitidima꞉ ikita꞉ Koda꞉ ipika꞉ wekiwandiki hamina꞉ la꞉la꞉me. Koto pa꞉la꞉ ekina꞉ Sipitidi ipika꞉ wele pita꞉la꞉ ekina꞉ nikana꞉ma꞉ Koda꞉ pa꞉ta꞉ wi alo alota꞉ Apa꞉o. Yaka Apa꞉o lo haloma꞉me.

Loma꞉ 8:15 ပူးပေါင်းရင်းမြစ်များ

Ma꞉tiu 25:25

I̱ma꞉ neke paala꞉ma꞉ homoa꞉me. Koto ekina꞉ mo naka꞉ 1 daoseni kina꞉ kenke awa panka꞉ hoilu poa꞉me. Koto ekina꞉ mo hande naka꞉ ki eki kone doma꞉ paa mie.

Maka 14:36

Ipikana꞉ma꞉ alota꞉ Ya apa꞉o. Hau paeyao nakana꞉ma꞉ pea꞉peke ya꞉la꞉me. Do I̱ pa꞉ta꞉ ipula꞉ kapo I̱ pa꞉ta꞉ na epena꞉ lapeke. Kutu pea꞉peke ya꞉la꞉pate yaka hone pa꞉la꞉eki dia꞉me. Naka꞉ hone pa꞉la꞉eki homekee leekeme.

Luku 11:2

Koto leeke Yesuma꞉ iki pa꞉ta꞉ walolo hata꞉ alota꞉ Ikana꞉ma꞉ yeni pimika꞉na꞉ta꞉ dupa pia꞉pa꞉peke. Apa꞉o. Naka꞉ yako piki bikita꞉ ota꞉ manda wia haena꞉e. Naka꞉ Kilu Tombuao Haleeki do ane opolo epena꞉e.

Luku 22:42

Ipikana꞉ma꞉ alota꞉ Apa꞉o. Ana꞉ pia꞉ka꞉na꞉ta꞉ do I̱ pa꞉ta꞉ ipula꞉ kapo I̱ pa꞉ta꞉ na epena꞉ lapeke. Kutu pea꞉peke ya꞉la꞉pate yaka hone pa꞉la꞉eki dia꞉me. Naka꞉ hone pa꞉la꞉ ekina꞉ homeke pina꞉e leekeme.

Luku 8:28

Ipikana꞉ma꞉ Yesu handaata꞉ wi tieke alo hata꞉ Yesuna꞉ anke pa꞉ta꞉ handa꞉niao kenkena꞉ tu lopaata꞉ wi anekema꞉ pa alo alota꞉ Yesuo. Neketa꞉ Koda꞉ Manda Hala꞉ Tiekena꞉ Eiyekee. Nakana꞉ma꞉ I̱ yaapo eki hau puluekema꞉ pitelepe. Nakana꞉ma꞉ I̱ pa꞉ta꞉ tanda na kia꞉pee laa honke leekeme.

Luku 8:37

Kutupa mo Kedasa kenke wanda꞉hali paeyaoma꞉ paala꞉ma꞉ homolo hata꞉ Yesu pa꞉ta꞉ alota꞉ Nakana꞉ma꞉ niki mina꞉pa꞉lao pue lemekeme. Koto lemeke Yesuma꞉ mo kawasona꞉ pitulu pua peekeme.

Dioni 16:8

Kutupa a꞉paata꞉ ipikana꞉ma꞉ta꞉ kenke wanda꞉halima꞉ mo hoke hau pita꞉la꞉eki pa꞉ta꞉ make tikitiki hau pita꞉la꞉eki pa꞉ta꞉ make pi yokaalu pulu pa꞉la꞉eki pa꞉ta꞉ make ika꞉ hone u hoeyaasekeeki peneme yao walieke.

Dioni 20:17

Yesuma꞉ ipiki pa꞉ta꞉ alota꞉ I̱ na mina꞉pe. Yaka Apa꞉ pa꞉ta꞉ a̱i̱ na la꞉ka꞉la a꞉meilo ekina꞉ loa꞉me. Yaka kametiti pa꞉ta꞉ yaka pi lawaalo pua꞉peke. Yaka Apa꞉ ika꞉ Apa꞉ make yaka Koda꞉ ika꞉ Koda꞉ make ipiki pa꞉ta꞉ paa la꞉ka꞉la a꞉meinolome lapeke leekeme.

Aposolo 16:29

Kutupa lamepa mea epo laa mo halima꞉ dipula da tukiki pa꞉ta꞉ ipikana꞉ma꞉ anke hao honda꞉ pambaata꞉ pututuma꞉ homolo hata꞉ paala꞉ pieke handaata꞉ Polo Sailasi yaapo pa꞉ta꞉ lopa꞉niao hali yaapo hama꞉ nane hatuku pua alota꞉

Aposolo 2:37

Mo wanda꞉halima꞉ koto pi opuaata꞉ ika꞉ puki pa꞉ta꞉ aweeke handaa Pida pa꞉ta꞉ make mandane aposolo haliweki pa꞉ta꞉ make alota꞉ Kametitio. Nikana꞉ma꞉ eki peomonope laa lemekeme.

Loma꞉ 8:16

Koda꞉ ipika꞉ Sipitidima꞉ nika꞉ temoko yaapo ta꞉ma꞉ni pea hata꞉ nikita꞉ Koda꞉ ipika꞉ wekiwandiki haloma꞉eki peneme yao waluekema꞉ pa꞉la꞉me.

Loma꞉ 8:23

Koto wa꞉pa꞉la꞉eki manuma꞉ homeke na alemepate niki make hande Koda꞉ma꞉ titina꞉ amba꞉la ka꞉la꞉ Sipitidi mea hata꞉ta꞉ nikana꞉ma꞉ make niki tukiki pa꞉ta꞉ keme lo haloma꞉me. Koda꞉ma꞉ niki ipika꞉ wekitonu hamono laata꞉ nika꞉ loke tieke paeyao ka꞉la꞉pa꞉ tapaowaena꞉yeke handeteke hao hata꞉ lo haloma꞉me.

Loma꞉ 8:26

Koto tupa꞉ kone nikita꞉ damakopiki wanda꞉hali haloma꞉ ekina꞉ mo hande Sipitidima꞉ niki tamba꞉ mulu ipu hala꞉me. Nikana꞉ma꞉ta꞉ yeni pea꞉peke ekimanu na handoloma꞉ ekina꞉ mo hande Sipitidima꞉ta꞉ peneme yao pi lapeke na yalo hata꞉ kemema꞉ kemema꞉ pitolo kone Koda꞉ pa꞉ta꞉ nika꞉ yeni peao hala꞉me.

Loma꞉ 9:4

Ikita꞉ Koda꞉ma꞉ talopu mea haena꞉ la꞉la꞉ wanda꞉halie. Ipikana꞉ma꞉ ikita꞉ ipika꞉ wekiwandiki haena꞉ laata꞉ iki pa꞉ta꞉ ipika꞉ pa̱a̱ pa꞉la꞉eki waleekeme. Ipikana꞉ma꞉ iki pa꞉ta꞉ mandane pimanu la꞉ wia꞉tiki pea hande Lo Pimanu la kia꞉tiki pea ipiki pa꞉ta꞉ panda꞉puniao ota꞉ yeni pea꞉pekeeki walaata꞉ iki pa꞉ta꞉ kulu pieke ekimanu la꞉ wia꞉tiki piekeme.

1 Kotindi 2:12

Koda꞉ma꞉ta꞉ do kenkena꞉ hau pita꞉la꞉eki handomono na la꞉la꞉pate ipikana꞉ma꞉ amba꞉ ka꞉la꞉ alemanu paeyao handomonoyeke ipika꞉ Sipitidi kone amba꞉ ka꞉la꞉me.

2 Kotindi 11:4

Pa ekipeke ikana꞉ma꞉ta꞉ iki pa꞉ta꞉ ma꞉nda꞉ epima꞉ a꞉pa mo Yesu ma꞉nda꞉na꞉ wala꞉la꞉ pita꞉ pa ta꞉na꞉ma꞉ homaa opu halememe. Mo nikana꞉ma꞉ waloma꞉ Yesuna꞉ dia꞉me. Ikana꞉ma꞉ mimi sipitidi pita꞉ pi seliapo yaapota꞉ ota꞉ ta꞉ta꞉ pa꞉la꞉me. Mo hande nikana꞉ma꞉ mea epoma꞉ Sipitidi pita꞉ Pi Seliapo yaapo ota꞉ dia꞉me.

Ka꞉leisia 2:4

Koto Taitasi sekemesaisi hau pina꞉e lemeke tapaketa꞉ yayapiki pi mimiki haliweki hata꞉ nika꞉ mombololoma꞉eki handoma꞉ tiaaluekema꞉ a꞉mbao epemekeme. Nikana꞉ma꞉ Yesu Ketiso ame̱le̱ hata꞉ mo Diu wanda꞉halina꞉ nindi peaasa꞉ pi wimiki ekimanu nindi na piki ka꞉la꞉pa꞉ tapaleke haloma꞉eki handuluekema꞉ kutu pimikime. Ikana꞉ma꞉ niki mo koto pi ula꞉ ekimanu paa nindi wopu peomono loluekema꞉yeke hone pimikime.

Ka꞉leisia 5:1

Ota꞉ ka꞉la꞉pa꞉ tapao hamono Ketisoma꞉ niki ka꞉la꞉pa꞉ tapaala꞉me. Koto pa꞉la꞉ ekina꞉ta꞉ ka꞉la꞉pa꞉ tapaala꞉ wanda꞉hali tupa꞉ taka꞉lao hata꞉ mo pa hameke e pokaaseme wanda꞉hali tupa꞉ paa na hapa꞉peke.

Epesese 1:5

Koda꞉ma꞉ pukima꞉ homolo hata꞉ta꞉ Yesu Ketisoma꞉ nikita꞉ Koda꞉ ipika꞉ eiyekemanu hamono ipiki pa꞉ta꞉ hatuku epena꞉yeke hone amba꞉ wiekeme. Koto ekita꞉ Koda꞉ma꞉ hone pieke ekina꞉ hone wiekeme.

2 Timodi 1:7

Pa ekipeke. Mo Koda꞉ma꞉ ka꞉la꞉ Sipitidima꞉ta꞉ niki yala꞉ yala꞉ na peaasa꞉me. Kotoeki na pikita꞉ ipika꞉ Sipitidima꞉ mo wele pita꞉la꞉eki make pukima꞉ homa꞉la꞉eki make hone lu tumbaasa꞉eki make niki ana꞉na꞉ ku hala꞉me.

Hibulu 2:15

Koto pa꞉la꞉ ekima꞉ta꞉ mo homa꞉la꞉eki pa꞉ta꞉ paala꞉ma꞉ homoloma꞉ ekima꞉ nate paeyao niki tonkao hala꞉ hauta꞉ Yesu ipika꞉ homa꞉la꞉ ekima꞉ ka꞉la꞉pa꞉ tapaala꞉me.

Dia꞉mesi 2:19

Naka꞉ hone tulale ekita꞉ dupae. Koda꞉ homeke hala꞉me ale ekita꞉ epeke alepate pa mo hande hoke temoko manuma꞉ make koto lo halemepateta꞉ pututuma꞉ homolo hata꞉ lo halememe.

1 Dioni 4:18

Pukima꞉ homa꞉la꞉eki pa꞉ta꞉ta꞉ paala꞉ pa꞉la꞉eki na ula꞉me. Ota꞉ tikitiki piki pukima꞉ homa꞉la꞉ ekima꞉ta꞉ mo paala꞉ pa꞉la꞉eki pendulu baasa꞉me. Koto ekina꞉ ma꞉nda꞉ epi paala꞉ma꞉ homea꞉ka꞉na꞉ta꞉ mo pukima꞉ homa꞉la꞉ ekita꞉ ipiki pa꞉ta꞉ tikitiki yao na pitaala꞉me. Pa ekipeke paala꞉ pa꞉la꞉ ekita꞉ mo hoke yenki pa꞉ta꞉ apa꞉taleke loa꞉me.