Loma꞉ 8:11 - Panake Pi La: Ula: Buka pita: Kine Pieke Buka

¹¹ Hande Yesu homeekepate kone paa mea tiaeyeke Koda꞉ ipika꞉ Sipitidi iki tukiki pa꞉ta꞉ pitia꞉ka꞉na꞉ta꞉ kota꞉ hande Ketiso homeekepate kone paa mea tiaeyeke Koda꞉ma꞉ta꞉ iki tukiki pa꞉ta꞉ pitaala꞉ ipika꞉ Sipitidima꞉ kone ika꞉ homolo peleme lokemanu mea da꞉taalieke.

Loma꞉ 8:11 ပူးပေါင်းရင်းမြစ်များ

Dioni 5:21

Hande Apa꞉ma꞉ homemeke wanda꞉hali mea da꞉taasa꞉ tupa꞉ koto tupa꞉ kone hande Eiyekema꞉ ipika꞉ hone wia wanda꞉hali mea da꞉taasa꞉me.

Aposolo 2:24

Kutu pimipate Koda꞉ma꞉ mo hande toopi ka꞉ka꞉na꞉ pa꞉ta꞉ Yesu paa mea tiaeyekeme. Mo hande lapa꞉ pimiki toopima꞉ta꞉ Yesu miniki pita꞉peke ana꞉ na pitolo hata꞉ mo hande homaasa꞉ ekima꞉ Yesu tonkaeyeke ekita꞉ Koda꞉ma꞉ ka꞉la꞉pa꞉ tapawaeyekeme.

Loma꞉ 16:10

Hande ipika꞉ Ketiso pa꞉ta꞉ ti lao hala꞉eki peneme yala꞉ hali A꞉pelisi pa꞉ta꞉ make a꞉taloe pi la꞉niaasome. Hande Atisitobulusi tapake wanda꞉hali pa꞉ta꞉ make a꞉taloe pi la꞉niaasome.

Loma꞉ 16:3

Nika꞉ mandakena꞉ hata꞉ Yesu Ketiso ipika꞉ e pokao haloma꞉ tooli Pisila Akuila yaapo pa꞉ta꞉ a꞉taloe pi make la꞉niaasome.

Loma꞉ 16:7

Hande nika꞉ mandakena꞉ dipula pituma꞉ Diu hali yaapo A꞉ndotonaikusi pita꞉ Diuniasi yaapo pa꞉ta꞉ make a꞉taloe pi la꞉niaasome. Mo hande aposolo haliwekima꞉ta꞉ koto hali yaapo wotu handa wilimime. I̱ta꞉ pi a̱i̱ na miki hano kone ipilikana꞉ma꞉ amba꞉la Ketiso haliweki haepekeme.

Loma꞉ 16:9

Nika꞉ mandakena꞉ hata꞉ Ketisona꞉ e pokao haloma꞉ hali Ebanusi ipiki pa꞉ta꞉ make ota꞉ yaka yankeke Sitakusi ipiki pa꞉ta꞉ make a꞉taloe pi la꞉niaasome.

Loma꞉ 6:12

Ika꞉ loke tieke paeyaona꞉ hoke hone u tiaasa꞉ ekimanu pa putia pulu hamono hoke hau pita꞉la꞉ ekima꞉ ika꞉ homa꞉peke ya꞉la꞉ loke tieke paeyao lu tombuaasa꞉me. Kutu pa꞉la꞉pate koto hau manuma꞉ iki paa na lu tombuaena꞉ lapa꞉pekema.

Loma꞉ 8:1

Koto ekina꞉ Yesu Ketiso ame̱le̱ ta꞉ma꞉ni pea haloma꞉ wanda꞉hali pa꞉ta꞉ta꞉ ma꞉nda꞉ma꞉ hoke yenki kia꞉peke na ya꞉la꞉me.

Loma꞉ 8:12

Ya kame tonuo. Koto ekina꞉ nikana꞉ma꞉ yano ale hala꞉pa꞉peke ya꞉la꞉me. Nika꞉ hande lokena꞉ hone pa꞉la꞉ ekimanu pea꞉tiki pulu poloma꞉ ekina꞉ na loa꞉me.

Loma꞉ 8:2

Do ekina꞉yeke loa꞉me. Nikita꞉ Yesu Ketiso ame̱le̱ ta꞉ma꞉ni pea ota꞉ hamono la꞉la꞉ Sipitidita꞉ ipikana꞉ma꞉ kone I̱ handeteke hata꞉ walo hala꞉ ekima꞉ta꞉ mo hoke hau pita꞉ homa꞉la꞉eki yaapo pu tiaasa꞉ hauma꞉ tonka pelia hala꞉eki ka꞉la꞉pa꞉ tapaala꞉me.

Loma꞉ 8:9

Kutupu halemepate ika꞉ lokena꞉ hone pa꞉la꞉eki manuma꞉ iki na handeteke hatiki pita꞉la꞉pateta꞉ Koda꞉ ipika꞉ Sipitidita꞉ iki tukiki pa꞉ta꞉ ota꞉ pitia꞉ka꞉na꞉ta꞉ kota꞉ hande Sipitidima꞉ walo hala꞉eki pea꞉tiki pu halememe. Hali ma꞉nda꞉ pa꞉ta꞉ Ketiso ipika꞉ Sipitidi na pitia꞉ka꞉na꞉ta꞉ kota꞉ ipikita꞉ Ketisona꞉eki dia꞉me.

1 Kotindi 15:16

Amba꞉ homemeke wanda꞉halita꞉ Koda꞉ma꞉ paa na mea tiaeya꞉ka꞉na꞉ta꞉ kota꞉ Ketiso make Koda꞉ma꞉ paa na mea tiaalo pia꞉me.

1 Kotindi 6:14

Koda꞉ma꞉ mo Tekehalita꞉ ota꞉ homa꞉la꞉eki pa꞉ta꞉ kone mea tiaeyeke ekina꞉ kota꞉ niki make ipika꞉ wele pita꞉la꞉ ekima꞉ koto tupa꞉ kone mea tiaalieke.

2 Kotindi 4:11

Yesuna꞉ ekina꞉ nika꞉ hatia puluma꞉ ale pa꞉ta꞉ manuta꞉ homa꞉la꞉eki teke pa꞉ta꞉ hao haloma꞉me. Pa ekipeke ipika꞉ deto hala꞉ ekita꞉ nika꞉ do kenke loke pa꞉ta꞉ handena꞉yeke pitoloma꞉me.

2 Kotindi 4:14

Mo hande Tekehali Yesu mea da꞉taeya꞉ Koda꞉ma꞉ta꞉ niki make Yesu taapu mea da꞉taalieke hone uluma꞉me. Kutupa iki ame̱le̱ mandakena꞉ ipiki hala꞉ alena꞉ hatuku pelieke.

2 Kotindi 5:4

Niki do kenkena꞉ palai da pa꞉ta꞉ hata꞉ta꞉ ka꞉nda꞉ma꞉ homolo hata꞉ wese lo haloma꞉me. Do ekita꞉ mo nika꞉ kenke loke mea baaluekema꞉ dia꞉ya꞉la꞉pate nika꞉ hone pa꞉la꞉ ekita꞉ mo hepenina꞉eki nikina꞉ pambaena꞉yeke loma꞉me. Pa ekipeke mo homo hala꞉ ekita꞉ da꞉ta꞉la꞉ ekima꞉ da panda꞉ meaka꞉na꞉ bepolalieke.

Ka꞉leisia 6:8

Mo somema꞉ ipika꞉ lokena꞉ namonamo pa꞉la꞉ ekina꞉ waemanu ti lao noka꞉pea꞉ka꞉na꞉ta꞉ kota꞉ koto namo namona꞉ kilikita꞉ homa꞉la꞉eki milieke. Pate ipika꞉ waeta꞉ mo Holi Sipitidima꞉ kilu tombuao hala꞉ pa꞉ta꞉ wae noko pea꞉ka꞉na꞉ta꞉ kota꞉ mo ipika꞉ tala꞉la꞉ ekita꞉ mo hande Holi Sipitidima꞉ kita꞉la꞉ deto hala꞉eki milieke.

Pilipai 3:21

Ipikana꞉ma꞉ta꞉ mo nika꞉ dete piki tande polo pa꞉la꞉ loke manuta꞉ mo ipika꞉ ota꞉ ta꞉ta꞉ piki pa̱a̱ pupapeke lokema꞉ handekeeki topo peao hawalieke. Koto hauta꞉ mo ipika꞉ ala꞉ta꞉ ala꞉ta꞉ paeyao lu tumbapeke ya꞉la꞉ welema꞉ peawalieke.

Hibulu 13:20

Mo sipisipi ma꞉na꞉ handeteke hala꞉ hali tieke Yesu mo lapa꞉ pa꞉ta꞉ mea tiaeya꞉ Koda꞉ma꞉ kone mo na paelo pa꞉la꞉ la꞉ wieke we pa꞉ta꞉ yama꞉ ikana꞉ma꞉ ipika꞉ hone pa꞉la꞉ e epeke tupa꞉ pokawamena꞉ yeke epeao wina꞉e alome. Kutupa make mo puki lopawaasa꞉ Koda꞉ma꞉ Yesu Ketiso pa꞉ta꞉ yama꞉ niki tukiki pa꞉ta꞉ ipiki ta꞉na꞉ma꞉ homa꞉ tialo poloma꞉eki pina꞉ lomana꞉e alome. Ketisona꞉ bikima꞉ na paelo pa꞉la꞉ yeiya꞉ laasa꞉eki tieke mina꞉e. Kutu pina꞉e.

1 Pida 1:21

Yesu pa꞉ta꞉ yama꞉ Koda꞉ pa꞉ta꞉ hone tulalememe. Koda꞉ma꞉ Yesu mea tiao pa̱a̱ peawayekeme. Koto ekina꞉ta꞉ ika꞉ hone tulalemeeki make ika꞉ hone ti lalemeeki make Koda꞉ pa꞉ta꞉ pu halememe.

1 Pida 3:18

Ketiso hone umana꞉e. Ipiki kone ikina꞉ homeekeme. Ipikana꞉ma꞉ hoke hau paeyao yoko luekema꞉ hoto homeke kone homeekeme. Niki Koda꞉ pa꞉ta꞉ hatuku poluekema꞉ mo epeke halima꞉ niki hoke wanda꞉halina꞉ anke teke mea homeekeme. Ipika꞉ loketa꞉ homena꞉ lemekepate ipika꞉ temokota꞉ (Koda꞉ma꞉) da꞉ta hao haena꞉ leekeme.

Peneme Yaeyekeeki 1:18

I̱ta꞉ deto hala꞉ halie. I̱ta꞉ homoa꞉pate ameta꞉ tiao hoto paeyao pa hatia pu hala꞉ hali halome. I̱ma꞉ta꞉ homa꞉la꞉ ekina꞉ make mo homo hala꞉ kenkena꞉ pota꞉ ki handeteke halo halie.

Peneme Yaeyekeeki 11:11

Koto nate tepo paeya nate ma꞉nda꞉na꞉ tukikina꞉ta꞉ da꞉ta꞉la꞉eki hala꞉la꞉ pomo Koda꞉ pa꞉ta꞉ yama꞉ a꞉pa mo hali yaapo pa꞉ta꞉ honda꞉ pambeeketa꞉ mo hali yaapo tialu pipime. Kutupa mo hali yaapo handeme wanda꞉hali paeyaota꞉ pututuma꞉ homememe.