Loma꞉ 8:10 - Panake Pi La: Ula: Buka pita: Kine Pieke Buka

¹⁰ Koto pa꞉la꞉pate Ketiso iki tukiki pa꞉ta꞉ pitia꞉ka꞉na꞉ta꞉ kota꞉ hande Sipitidima꞉ iki mea da꞉taalieke. Hoke hauma꞉ta꞉ ika꞉ loke lia homaalo pa꞉la꞉pate hande Sipitidima꞉ iki mea da꞉taalieke. Ketisoma꞉ iki pa꞉ta꞉ koto hau peaeya꞉ka꞉na꞉ta꞉ ikita꞉ Koda꞉ yaapo tikitiki yao hamina꞉ la꞉la꞉ ekina꞉ peaalieke.

Loma꞉ 8:10 ပူးပေါင်းရင်းမြစ်များ

Dioni 14:23

Kutupa Yesuma꞉ ipika꞉ pi hombo peaaso alota꞉ Hali epima꞉ I̱ pa꞉ta꞉ pukima꞉ homea꞉ka꞉na꞉ta꞉ I̱ma꞉ alo pi opua pilieke. Kutupa yaka Apa꞉ma꞉ koto hali pa꞉ta꞉ pukima꞉ homilieke. Kutupa yaka Apa꞉ dikita꞉ mo hali pa꞉ta꞉ a꞉pa ipiki ame̱le̱ hao halumeke.

Dioni 15:5

I̱ta꞉ waini pu tekee. Ikita꞉ palekemanue. Hali epima꞉ I̱ pa꞉ta꞉ haya꞉ka꞉na꞉ta꞉ I̱ta꞉ ipiki yaapo hata꞉ kiliki wotu a꞉elieke. Pate ikana꞉ma꞉ I̱ ame̱le̱ na hake hata꞉ta꞉ ikana꞉ma꞉ epeke hau homeke a꞉nda꞉ na pilimikie.

Dioni 17:23

I̱ta꞉ iki pa꞉ta꞉ haloeki make neketa꞉ I̱ pa꞉ta꞉ haleeki make ikita꞉ ota꞉ homekeeki haena꞉yeke loa꞉me. Kenke wanda꞉halima꞉ta꞉ nakana꞉ma꞉ I̱ tapaaleeki make I̱ pa꞉ta꞉ pukima꞉ homele tupa꞉ do haliweki pa꞉ta꞉ koto homeke pukima꞉ homeleeki make hone wina꞉yeke loa꞉me.

Dioni 4:14

Kutu piliepate hali epima꞉ I̱ma꞉ halolo ikali naa haya꞉ka꞉na꞉ta꞉ koto halita꞉ ikali nena꞉ paa na pilieke. I̱ma꞉ do alo ekita꞉ do ekina꞉ yeke loa꞉me. I̱ma꞉ halolo ikalita꞉ mo hali tukiki pa꞉ta꞉ pita꞉ opa꞉la꞉ ikali kone pitilieke. Kutupa hande ikalima꞉ta꞉ opolo hata꞉ mo halita꞉ da꞉tao haena꞉ lelieke leekeme.

Dioni 6:54

Hali epima꞉ yaka loke mindiki make yaka we make nea꞉ka꞉na꞉ta꞉ da꞉ta hao hala꞉me. Kutupa mo hande paelie dina꞉ koto halita꞉ I̱ma꞉ pa mea tiawaalueke.

Dioni 6:56

Hali epima꞉ yaka loke mindiki make yaka we make nea꞉ka꞉na꞉ta꞉ ipikita꞉ I̱ pa꞉ta꞉ halieke. Kutu pia꞉ka꞉na꞉ta꞉ I̱ make ipiki pa꞉ta꞉ halueke.

Loma꞉ 5:12

Hali homekema꞉ pa꞉la꞉ ekima꞉ kone niki kenke wanda꞉hali paeyaoma꞉ hoke hau pu haloma꞉me. Ipika꞉ hoke hau pieke ekina꞉ homeekeme. Kutupa kenke wanda꞉hali paeyaoma꞉ make hoke hau pu haloma꞉ ekina꞉ homolo poloma꞉eki moloma꞉me.

Loma꞉ 5:21

Koto ekina꞉ wanda꞉hali paeyao homolo puma꞉ ekina꞉ hoke hau pita꞉la꞉eki titipu wotu piekeme. Koto tupa꞉ kone Koda꞉ma꞉ niki pa꞉ta꞉ pa hameke a꞉ta꞉ma꞉ homolo hata꞉ nikita꞉ ipiki yaapo tikitiki yao hamono laata꞉ da꞉ta hao hamono la꞉la꞉me. Koto pa꞉la꞉ ekima꞉ Koda꞉ ipika꞉ pa hameke a꞉ta꞉ma꞉ homa꞉la꞉eki titipu wopu pa꞉la꞉eki peneme yao wala꞉la꞉me. Kutupa koto pa꞉la꞉ ekita꞉ Koda꞉ma꞉ nika꞉ Tekehali Yesu Ketisoma꞉ peaena꞉ leekeme.

Loma꞉ 8:11

Hande Yesu homeekepate kone paa mea tiaeyeke Koda꞉ ipika꞉ Sipitidi iki tukiki pa꞉ta꞉ pitia꞉ka꞉na꞉ta꞉ kota꞉ hande Ketiso homeekepate kone paa mea tiaeyeke Koda꞉ma꞉ta꞉ iki tukiki pa꞉ta꞉ pitaala꞉ ipika꞉ Sipitidima꞉ kone ika꞉ homolo peleme lokemanu mea da꞉taalieke.

1 Kotindi 15:45

Mo Baibolo bukana꞉ wape pa꞉la꞉ ekita꞉ dupa. Amba꞉ titina꞉ hali A꞉da꞉ma꞉ta꞉ wepia da꞉ta haena꞉ leeke halie wape pa꞉la꞉pate pa mo wetepe nane A꞉da꞉ma꞉ta꞉ mo deto haena꞉ la꞉la꞉ Temokoe.

2 Kotindi 13:5

Ika꞉ kone mo la handa꞉la꞉eki pa꞉ta꞉ u moneaaso hata꞉ ika꞉ kone pi yokaalu pea꞉pa꞉peke. Do hauta꞉ ika꞉ ota꞉ hone tulaasa꞉eki pa꞉ta꞉ halemeo laa handa꞉ uluekema꞉ pea꞉pa꞉peke. Iki amba꞉ a̱i̱ na lopemeketa꞉ kota꞉ Yesu Ketisota꞉ iki pa꞉ta꞉ hala꞉me hone u hapa꞉peke aleo.

2 Kotindi 4:11

Yesuna꞉ ekina꞉ nika꞉ hatia puluma꞉ ale pa꞉ta꞉ manuta꞉ homa꞉la꞉eki teke pa꞉ta꞉ hao haloma꞉me. Pa ekipeke ipika꞉ deto hala꞉ ekita꞉ nika꞉ do kenke loke pa꞉ta꞉ handena꞉yeke pitoloma꞉me.

2 Kotindi 5:21

Ketiso pa꞉ta꞉ hoke hau ma꞉nda꞉ na wia꞉pate kone nika꞉ epeke hau peaaso hata꞉ Koda꞉ma꞉ ipikita꞉ nika꞉ hoke hau putupa꞉ mina꞉ leekeme. Pa ekipeke nikana꞉ma꞉ ipiki ame̱le̱ tunaasota꞉ mo Koda꞉na꞉ tikitiki pa꞉la꞉eki putu pomono yeke pa꞉la꞉me.

Ka꞉leisia 2:20

Koto pa꞉la꞉ ekina꞉ta꞉ ame do ya da꞉ta halo ekita꞉ ya kone na da꞉ta halopate Ketiso I̱ tukiki pa꞉ta꞉ da꞉ta hala꞉me. I̱ma꞉ do koto da꞉ta halo ekita꞉ Koda꞉na꞉ Eiyeke pa꞉ta꞉ hone tulaalo ekima꞉ halome. Ipikana꞉ma꞉ I̱ pa꞉ta꞉ pukima꞉ homolo hata꞉ I̱ da꞉ta hanoyeke ipika꞉ da꞉ta꞉la꞉ ekita꞉ pa haleekeme.

Epesese 3:17

Kutupa make ikana꞉ma꞉ hone tulao hamina꞉ Ketisota꞉ ika꞉ puki pa꞉ta꞉ hao haena꞉yeke honke alome. Ti pikimanu kenkena꞉ lopa꞉niaaseme tupa꞉ ikana꞉ma꞉ make Koda꞉na꞉ pukima꞉ homa꞉la꞉eki pa꞉ta꞉ ika꞉ pikimanu lopa꞉niao haota꞉

Pilipai 1:23

Ale yaapoma꞉ yola꞉ alu pita꞉la꞉me. Do kenkena꞉ haloeki mina꞉pa꞉lao Ketiso yaapo pua hapeketa꞉ hone wotu pa꞉la꞉me. Kutupa make do polueke alo ekita꞉ I̱ pa꞉ta꞉ta꞉ ota꞉ epekeeki ya꞉la꞉pate

Pilipai 3:9

Koto ekina꞉ mo tikitiki yao hala꞉ ekita꞉ ya kone na polome. Hande Mosesima꞉ mieke Lo Pimanu opua pu hao mea꞉peke ya꞉la꞉ ekima꞉ na polome laa loa꞉me. Mo Koda꞉ma꞉ Yesu Ketiso pa꞉ta꞉ hone tulaasome wanda꞉hali pa꞉ta꞉ ku hala tikitiki yao hala꞉ ekita꞉ ame molome. Do tikitiki yao haasa꞉ ekina꞉ teketa꞉ hone tulaasa꞉ekie.

Kolosi 1:27

Koda꞉na꞉ pulueke hone ula꞉ ekita꞉ ipika꞉ a꞉mbao ula꞉ ekita꞉ ipika꞉ wanda꞉halima꞉ hone wina꞉e hone wita꞉la꞉me. Do napeke wia seliapo piki a꞉mbao ula꞉ ekita꞉ paeyaoma꞉ hone wina꞉ ula꞉ ekina꞉ loa꞉me. Do a꞉mbao ula꞉ ekita꞉ Ketisota꞉ iki pa꞉ta꞉ hala꞉me. Koto ekina꞉ta꞉ ikita꞉ Koda꞉na꞉ pa̱a̱ pa꞉ta꞉ pua halimikie la ala꞉me.

1 Desalonaika 4:16

Kutu pilie natena꞉ta꞉ mana꞉ pi aneke hapu alo haena꞉ mo titina꞉ enisolona꞉ pi ho̱la̱꞉make tonka꞉na꞉ alo haena꞉ Koda꞉na꞉ bu kanake make litolo haena꞉ kutupiki haumanu pitolo haena꞉ta꞉ Tekehali ipiki oli hepeni nanema꞉ hao hola꞉pa꞉nialo ipilieke. Hande Ketiso pa꞉ta꞉ hone tulao hata꞉ homemeke wanda꞉hali amba꞉la paa mea tialieke.

Hibulu 12:23

Ikita꞉ Koda꞉na꞉ mo hepeni nane biki wape pa ula꞉ titina꞉ haemeke wanda꞉halina꞉ momba꞉la꞉la꞉ eki pa꞉ta꞉ make mo wanda꞉hali paeyaona꞉ pi yokaalu pulu pa꞉la꞉ Koda꞉ pa꞉ta꞉ make mo amba꞉ titina꞉ haemeke tikitiki piki wanda꞉hali epeaeyeke temokomanu pa꞉ta꞉ make opolo epelememe.

Hibulu 9:27

Wanda꞉hali paeyao tana꞉ homeke homaa hoki naneta꞉ Koda꞉ma꞉ pi yokaalu pina꞉ handeteke halieke.

Peneme Yaeyekeeki 14:13

Kutupa oli hepeni nanema꞉ pi ho̱la̱꞉makema꞉ alota꞉ Doeki laaniae. Ame do kini pea mo Tekehalina꞉ e pokolo hata꞉ homeleme wanda꞉halita꞉ ta꞉na꞉ma꞉ homa꞉pa꞉peke ya꞉la꞉me lea꞉me. Koto leeke mo Sipitidima꞉ hombo peaaso hata꞉ alota꞉ Ota꞉e. Ikita꞉ ika꞉ ki hone na wiki honkopu hao pokelemeeki paeyaemeke handaa ta꞉na꞉ma꞉ homilimikie. Pa ekipeke ika꞉ e pokeleme ekina꞉ yenkita꞉ iki ame̱le̱ pa hala꞉me lea꞉me.