Loma꞉ 8:1 - Panake Pi La: Ula: Buka pita: Kine Pieke Buka

¹ Koto ekina꞉ Yesu Ketiso ame̱le̱ ta꞉ma꞉ni pea haloma꞉ wanda꞉hali pa꞉ta꞉ta꞉ ma꞉nda꞉ma꞉ hoke yenki kia꞉peke na ya꞉la꞉me.

Loma꞉ 8:1 ပူးပေါင်းရင်းမြစ်များ

Dioni 14:20

Kutupa koto dina꞉ta꞉ I̱ta꞉ yaka Apa꞉ tukiki pa꞉ta꞉ haloeki make ikita꞉ I̱ tukiki pa꞉ta꞉ halemeeki make iki tukiki pa꞉ta꞉ I̱ haloeki make handilimikie laa leekeme.

Dioni 15:4

Ikita꞉ I̱ pa꞉ta꞉ hapa꞉peke. Kutupa I̱ma꞉ta꞉ iki pa꞉ta꞉ halueke. Mo hande paleke ma꞉nda꞉ teke pa꞉ta꞉ na tunaeya꞉ka꞉na꞉ta꞉ kota꞉ ipika꞉ kone kiliki a꞉eya꞉peke na ya꞉la꞉me. Iki make I̱ pa꞉ta꞉ na haemeka꞉na꞉ta꞉ ika꞉ kone kiliki na a꞉elieke.

Dioni 5:24

Iki pa꞉ta꞉ ota꞉ pi alome. Hali epima꞉ I̱ma꞉ alo pimanu opuaata꞉ I̱ tapaala꞉ hali pa꞉ta꞉ make hone tulaeya꞉ka꞉na꞉ta꞉ kota꞉ koto halita꞉ deto hala꞉eki miniki hala꞉me. Kutu pita꞉la꞉ halita꞉ homa꞉la꞉eki mina꞉pa꞉lao da꞉ta꞉la꞉eki amba꞉ miniki hala꞉eki yolo hata꞉ pi yokaalu pulu pa꞉la꞉ pa꞉ta꞉ na pelieke.

Loma꞉ 16:3

Nika꞉ mandakena꞉ hata꞉ Yesu Ketiso ipika꞉ e pokao haloma꞉ tooli Pisila Akuila yaapo pa꞉ta꞉ a꞉taloe pi make la꞉niaasome.

Loma꞉ 16:7

Hande nika꞉ mandakena꞉ dipula pituma꞉ Diu hali yaapo A꞉ndotonaikusi pita꞉ Diuniasi yaapo pa꞉ta꞉ make a꞉taloe pi la꞉niaasome. Mo hande aposolo haliwekima꞉ta꞉ koto hali yaapo wotu handa wilimime. I̱ta꞉ pi a̱i̱ na miki hano kone ipilikana꞉ma꞉ amba꞉la Ketiso haliweki haepekeme.

Loma꞉ 5:1

Nika꞉ hone tulaaloma꞉ ekima꞉ Koda꞉ma꞉ nikita꞉ ipiki yaapo tikitiki hamono la꞉la꞉me. Kutu pa꞉leke handa Koda꞉ma꞉ nika꞉ puki lopao ipiki ame̱le̱ hamono la꞉la꞉me. Nika꞉ Tekehali Yesu Ketisoma꞉ pa꞉la꞉ ekina꞉ pa꞉la꞉me.

Loma꞉ 5:16

Kutupa make Koda꞉ma꞉ wanda꞉hali pa꞉ta꞉ ku hala꞉eki pita꞉ mo hande hali homekema꞉ hoke hau piekeeki yaapota꞉ ota꞉ ta꞉ta꞉ pu alu pelepeme. A꞉da꞉ma꞉ma꞉ hoke hau pieke handaata꞉ Koda꞉ma꞉ ipiki pa꞉ta꞉ alota꞉ Neketa꞉ ketete peleme la leekeme. Koto leekepate wanda꞉hali paeyaoma꞉ hoke hau pelemepate Koda꞉ma꞉ niki pa꞉ta꞉ pa hameke a꞉ta꞉ma꞉ homolo hata꞉ Ikita꞉ ketete na peleme wanda꞉hali halememe la ala꞉me.

Loma꞉ 7:17

Koto ekina꞉ do I̱ma꞉ hande pu halo hauta꞉ yaka kone na pitolopate I̱ tukiki pa꞉ta꞉ ula꞉ hoke hauma꞉ kone pita꞉la꞉me.

Loma꞉ 7:20

I̱ma꞉ hone na pa꞉la꞉eki kone pu halo ekina꞉ I̱ma꞉ ya kone na pitolopate I̱ tukiki pa꞉ta꞉ ula꞉ hoke hauma꞉ kone pita꞉la꞉me.

Loma꞉ 8:11

Hande Yesu homeekepate kone paa mea tiaeyeke Koda꞉ ipika꞉ Sipitidi iki tukiki pa꞉ta꞉ pitia꞉ka꞉na꞉ta꞉ kota꞉ hande Ketiso homeekepate kone paa mea tiaeyeke Koda꞉ma꞉ta꞉ iki tukiki pa꞉ta꞉ pitaala꞉ ipika꞉ Sipitidima꞉ kone ika꞉ homolo peleme lokemanu mea da꞉taalieke.

Loma꞉ 8:14

Koda꞉na꞉ Sipitidima꞉ hatuku pula꞉ wanda꞉halita꞉ Koda꞉na꞉ weki wandiki halememe.

Loma꞉ 8:2

Do ekina꞉yeke loa꞉me. Nikita꞉ Yesu Ketiso ame̱le̱ ta꞉ma꞉ni pea ota꞉ hamono la꞉la꞉ Sipitidita꞉ ipikana꞉ma꞉ kone I̱ handeteke hata꞉ walo hala꞉ ekima꞉ta꞉ mo hoke hau pita꞉ homa꞉la꞉eki yaapo pu tiaasa꞉ hauma꞉ tonka pelia hala꞉eki ka꞉la꞉pa꞉ tapaala꞉me.

Loma꞉ 8:34

Hali epima꞉ iki pa꞉ta꞉ alota꞉ Hoke yenki milimikie laa lapeke ya꞉la꞉pe. Dia꞉me. Ma꞉nda꞉ma꞉ koto pi lapeke na ya꞉la꞉me. Yesu Ketisota꞉ homeekepate Koda꞉ma꞉ ipiki paa mea tiao ipika꞉ popeke kikina꞉ pitina꞉ leekeme. Yesu Ketisoma꞉ta꞉ Koda꞉ pa꞉ta꞉ nika꞉ pi la꞉ mea halao hala꞉me.

Loma꞉ 8:39

Do kenke manda hala꞉ eki ma꞉nda꞉ma꞉ make o do kenke oto pa꞉ta꞉ pila꞉eki ma꞉nda꞉ma꞉ make do wepia ula꞉ alemanu paeyao pa꞉ta꞉ kone ala꞉ta꞉ ma꞉nda꞉siki homeke a꞉nda꞉ma꞉ mo nika꞉ Tekehali Yesu Ketiso pa꞉ta꞉ yama꞉ Koda꞉ ipika꞉ pukima꞉ homa꞉la꞉eki niki pa꞉ta꞉ pa꞉la꞉ ekita꞉ ka꞉taalu peapeke na ya꞉la꞉me.

Loma꞉ 8:4

Koda꞉ma꞉ do hau piki hauta꞉ mo hande Lo Pi manuma꞉ tikitiki hau pikieki wala꞉la꞉ ekimanu peomonoyeke pa꞉la꞉me. Nikana꞉ma꞉ta꞉ hande lokema꞉ wala꞉la꞉eki na opiki mo hande Sipitidima꞉ wala꞉la꞉eki opitolo hata꞉ pitoloma꞉me.

Loma꞉ 8:9

Kutupu halemepate ika꞉ lokena꞉ hone pa꞉la꞉eki manuma꞉ iki na handeteke hatiki pita꞉la꞉pateta꞉ Koda꞉ ipika꞉ Sipitidita꞉ iki tukiki pa꞉ta꞉ ota꞉ pitia꞉ka꞉na꞉ta꞉ kota꞉ hande Sipitidima꞉ walo hala꞉eki pea꞉tiki pu halememe. Hali ma꞉nda꞉ pa꞉ta꞉ Ketiso ipika꞉ Sipitidi na pitia꞉ka꞉na꞉ta꞉ kota꞉ ipikita꞉ Ketisona꞉eki dia꞉me.

1 Kotindi 1:30

Koda꞉ma꞉ iki mea Yesu Ketiso yaapo ta꞉ma꞉ni peala꞉me. Kutupa ipikana꞉ma꞉ Ketisota꞉ nika꞉ hone wopu wita꞉la꞉eki haena꞉ la꞉la꞉me. Kutupa make Ketisoma꞉ nikita꞉ Koda꞉ yaapo tikitiki yao hamono laata꞉ nikita꞉ yakopiki wanda꞉hali hamono la꞉la꞉me. Kutupa ipikana꞉ma꞉ make niki pa ka꞉la꞉pa꞉ tapaala꞉me.

1 Kotindi 15:22

Kota꞉ mo A꞉da꞉ma꞉na꞉ tapake wanda꞉hali paeyaota꞉ homeleme tupa꞉ pa mo Ketisona꞉ tapake wanda꞉halita꞉ Koda꞉ma꞉ paa mea tiaalieke.

2 Kotindi 12:2

I̱ma꞉ hone uluta꞉ amba꞉ paeya꞉ bapi 14 haowa꞉ dina꞉ta꞉ Ketiso hali ma꞉nda꞉ta꞉ oli ota꞉ manda hala꞉ hepeni nane pa꞉ta꞉la꞉ mea pea꞉eki hone ulume. Do ekita꞉ ota꞉ pia꞉pe o pa upama꞉ leke handea꞉pe laa I̱ hone na ulupate Koda꞉ma꞉ homeke hone ula꞉me.

2 Kotindi 5:17

Ma꞉nda꞉ epita꞉ Ketiso pa꞉ta꞉ tunaeya꞉ka꞉na꞉ta꞉ kota꞉ ipikita꞉ panake some hala꞉me. Amba꞉ ekita꞉ pulu hata꞉ panakeeki a꞉pa꞉la꞉me.

Ka꞉leisia 3:13

Hali epima꞉ ti manda endiaeya꞉ka꞉na꞉ta꞉ kota꞉ koto halita꞉ Koda꞉na꞉ esihou pi la꞉la꞉eki oto pa꞉ta꞉ hala꞉me mo Baibolona꞉ wape pea ula꞉ tupa꞉ Ketisoma꞉ mo pi ula꞉ ekina꞉ esihou pi niki pa꞉ta꞉ a꞉paama꞉na꞉yeke ipikana꞉ma꞉ nika꞉ anketeke mieke handaata꞉ mo esihou pita꞉ ipiki pa꞉ta꞉ yapeekeme.

Ka꞉leisia 3:26

Iki paeyaota꞉ hone tulaasa꞉eki pa꞉ta꞉ yama꞉ Yesu Ketiso ame̱le̱ apa꞉tao Koda꞉na꞉ wekiwandiki halememe.

Ka꞉leisia 3:28

Koto pa꞉la꞉ ekima꞉ta꞉ kota꞉ mo Diu tapake pita꞉ Diendaili tapake yaapo make ata꞉ka꞉ na pu mo e handeteke hala꞉ haliweki pita꞉ e pokaasa꞉ haliweki yaapo make ata꞉ka꞉ na pu mo wanda꞉ pita꞉ hali yaapo make ata꞉ka꞉ na pu piki iki paeyaota꞉ Yesu Ketiso ame̱le̱ apa꞉tao ota꞉ homeke tapake halememe.

Ka꞉leisia 5:16

I̱ma꞉ta꞉ dupiki pi alome. Mo Sipitidima꞉ ika꞉ pu haleme haumanu kilu tombuao handeteke hata꞉ tikitiki yawaena꞉ lapa꞉peke. Kutu pimika꞉na꞉ta꞉ kota꞉ ikana꞉ma꞉ mo ika꞉ lokema꞉ na꞉na꞉ pa꞉la꞉ hau manuta꞉ na telia pilimikie.

Ka꞉leisia 5:25

Mo Holi Sipitidima꞉ta꞉ nika꞉ da꞉ta haloma꞉ ekina꞉ teke haleke handaata꞉ kota꞉ mo do haloma꞉eki make Holi Sipitidima꞉ kone tombuao haena꞉ lomana꞉ pea꞉peke alee.

Epesese 1:1

I̱ Polota꞉ Koda꞉ ipika꞉ hone pa꞉la꞉ ekina꞉ Yesu Ketiso ipika꞉ aposolo hali halome. I̱ma꞉ do wape pitolo ekita꞉ ikita꞉ Koda꞉ ipika꞉ wanda꞉hali pa꞉ta꞉ pitolome. Ikita꞉ Yesu Ketiso pa꞉ta꞉ hone tulao hata꞉ Epesese da pa꞉ta꞉ halememe.

Pilipai 3:9

Koto ekina꞉ mo tikitiki yao hala꞉ ekita꞉ ya kone na polome. Hande Mosesima꞉ mieke Lo Pimanu opua pu hao mea꞉peke ya꞉la꞉ ekima꞉ na polome laa loa꞉me. Mo Koda꞉ma꞉ Yesu Ketiso pa꞉ta꞉ hone tulaasome wanda꞉hali pa꞉ta꞉ ku hala tikitiki yao hala꞉ ekita꞉ ame molome. Do tikitiki yao haasa꞉ ekina꞉ teketa꞉ hone tulaasa꞉ekie.