Loma꞉ 7:5 - Panake Pi La: Ula: Buka pita: Kine Pieke Buka

⁵ Amba꞉ nikita꞉ nika꞉ hone pa꞉la꞉ ekimanu homeke pu haoma꞉ dina꞉ hande Lo Pi manuma꞉ta꞉ nikana꞉ma꞉ hoke hau peomonoyeke nika꞉ lokena꞉ hone pa꞉la꞉ ekimanu pu tiaaso haena꞉ niki homaapeke yeekeme.

Loma꞉ 7:5 ပူးပေါင်းရင်းမြစ်များ

Ma꞉tiu 15:19

Kota꞉ koto some ipika꞉ puki pa꞉ta꞉ pita ipula꞉ hoke hone manuma꞉ta꞉ dupiki haumanu pu tialieke. Hali ma꞉nda꞉ lina꞉ lo o wanda꞉ pake na꞉na꞉ lo o hali yankeke pa꞉ta꞉ kone hoke hau pina꞉ lo o pake na꞉na꞉ lo o yapiki hau pina꞉ lo o wanda꞉halina꞉ biki hoeyaena꞉ lo

Dioni 3:6

weki mondu hala꞉ ale manuma꞉ta꞉ ipika꞉ loke hala꞉eki kone mondu hala꞉pate mo Sipitidima꞉ta꞉ ipikima꞉ handekeeki kone pitaalieke laa leekeme.

Loma꞉ 1:26

Kutupu haemeke ekina꞉ Koda꞉ma꞉ta꞉ ika꞉ yaala꞉ piki haumanu pa putia pena꞉ la꞉la꞉me. Wanda꞉wekima꞉ kone haliweki pa꞉ta꞉ hone na wiki pa ika꞉ wanda꞉ yankeke pa꞉ta꞉ ana꞉ na piki haumanu pu halememe.

Loma꞉ 3:20

Do ekina꞉ yeke loa꞉me. Ma꞉nda꞉ hali a꞉nda꞉ma꞉ hande Lo Pimanu opua pa꞉la꞉ ekina꞉ Koda꞉ pa꞉ta꞉ tikitiki yao hapeke na ya꞉la꞉me. Mo hande Lo Pi manuma꞉ pita꞉la꞉ ekita꞉ wanda꞉halima꞉ ika꞉ hoke hau pelemeeki hone wina꞉ pita꞉la꞉me.

Loma꞉ 4:15

Hande Lo Pimanu opua oto pa꞉ta꞉ haleme wanda꞉hali pa꞉ta꞉ wetepena꞉ta꞉ Koda꞉ma꞉ mineke pankolo hata꞉ iki ame̱le̱ pi yokaalu pilieke. Kutu pulu pa꞉la꞉pate hali ma꞉nda꞉ma꞉ wanda꞉hali pa꞉ta꞉ pi wita꞉la꞉eki ma꞉nda꞉ na la halea꞉ka꞉na꞉ta꞉ kota꞉ wetepena꞉ iki pa꞉ta꞉ pi ula꞉eki yambelelememe pi lapeke na ya꞉la꞉me.

Loma꞉ 5:20

Hande Lo Pi manuta꞉ wanda꞉halima꞉ hao hoeyaaseme ekimanu daeyaena꞉yeke Koda꞉ma꞉ wetepena꞉ Mosesi pa꞉ta꞉ la haleekeme. Kutu piekepate hoke haumanu daeya꞉tia peekepate Koda꞉ma꞉ pa hameke a꞉ta꞉ma꞉ homa꞉la꞉eki tiekema꞉ daeya꞉tia pulu hata꞉ lu ankulala꞉me.

Loma꞉ 6:13

Ika꞉ lokena꞉ haleme alemanu ma꞉nda꞉ta꞉ hoke hau pina꞉ na lapa꞉peke. Dia꞉me. Homa paa da꞉ta a꞉pa hala꞉ wanda꞉hali leke hata꞉ ika꞉ ika꞉ kone Koda꞉ pa꞉ta꞉ hala꞉pa꞉peke. Tikitiki haumanu pina꞉yeke ika꞉ loke tieke paeyao Koda꞉ pa꞉ta꞉ hala꞉pa꞉peke.

Loma꞉ 6:19

Ika꞉ hone a̱i̱ na tikitiki yao wimi ekina꞉ I̱ma꞉ da wanda꞉halima꞉ lo haleme tupa꞉ alome. Amba꞉ ikita꞉ hoke hoke haumanu paeyao puluekema꞉ pa hameke e pokaaseme wanda꞉hali leke hata꞉ suseke haasa꞉ haumanu make hoke haumanu make ika꞉ hone wia wenoko tikitikina꞉ mea wia hata꞉ pu haemekeme. Koto tupa꞉ kone ame ikita꞉ yakopiki haumanu puluekema꞉ yeke koto hauna꞉ e pa hameke pokaaseme wanda꞉hali leke hata꞉ tikitiki haumanu ika꞉ hone wia wenoko tikitikina꞉ mea wia hata꞉ pu hapa꞉peke ya꞉la꞉me.

Loma꞉ 6:21

Kutupu haeme hau manuma꞉ ameta꞉ iki yaala꞉ma꞉ homelemepate iki epeaaso na pia꞉me. Kutu piki hau manuma꞉ta꞉ wanda꞉hali homao halememe.

Loma꞉ 6:23

Hoke hau piteleme ekina꞉ mea꞉peke yenkita꞉ homa꞉la꞉ekie. Kutu pa꞉la꞉pate Koda꞉ma꞉ pa hameke kita꞉la꞉ ekita꞉ da꞉ta hao hala꞉ekie. Nika꞉ Tekehali Yesu Ketiso yaapo ta꞉ma꞉ni pea hamono kita꞉la꞉me.

Loma꞉ 7:23

hau ma꞉nda꞉ta꞉ I̱ pa꞉ta꞉ ula꞉eki handolome. Koto ekima꞉ta꞉ yaka honema꞉ Koda꞉na꞉ Lo Pimanu epekeekie laa hone witoloeki yaapo a꞉nda꞉ lu alu pu halepeme. Do hande I̱ pa꞉ta꞉ ula꞉ hauma꞉ koto ekima꞉ta꞉ I̱ma꞉ hoke hau piono pu tiaasa꞉ hauta꞉ do hande I̱ pa꞉ta꞉ ula꞉ hauma꞉ kone I̱ dipula hali leke mea lopao halome.

1 Kotindi 15:56

Homa꞉la꞉ ekima꞉ta꞉ ipika꞉ tanda peao homaaluekema꞉ wele peaasa꞉ ekita꞉ hoke hau pita꞉la꞉eki pa꞉ta꞉ yama꞉ mu hala꞉me. Kutupa hoke hau pita꞉la꞉ ekima꞉ta꞉ ipika꞉ wele peaasa꞉ ekita꞉ mo hande Lo Pimanu pa꞉ta꞉ yama꞉ mu hala꞉me.

2 Kotindi 10:3

Nikita꞉ do kenkena꞉ ota꞉ haloma꞉pate nikita꞉ kenkena꞉ hone pa꞉la꞉ hau pa꞉ta꞉ yama꞉ a꞉nda꞉ na pitoloma꞉me.

Ka꞉leisia 3:10

Epi amedama꞉ mo Lo Pi ula꞉eki pitolo ekima꞉ta꞉ I̱ ana꞉na꞉ epeaalieke laa hone ti laeya꞉ka꞉na꞉ta꞉ kota꞉ ipikita꞉ mo Koda꞉na꞉ esihou pi oto pa꞉ta꞉ hala꞉me. Kota꞉ mo Baiboloma꞉ alota꞉ Epima꞉ mo wape pea ula꞉ pi ula꞉eki paeyao ota꞉ tana꞉ paeyaona꞉ opua na pu haya꞉ka꞉na꞉ta꞉ kota꞉ koto some epita꞉ Koda꞉ ipika꞉ esihou pi yu wia hala꞉eki oto pa꞉ta꞉ hala꞉me ala꞉me.

Ka꞉leisia 5:24

Mo Yesu Ketisona꞉ wanda꞉halima꞉ta꞉ ika꞉ lokena꞉ hau make koto loke ipika꞉ namonamo hata꞉ na꞉na꞉ na꞉na꞉ pitolo loke tiaasa꞉eki make koto hau paeyaota꞉ Ketiso yaapo apa꞉tao mo a꞉ka꞉tei wape piki tina꞉ lia endialememe.

Epesese 2:11

Ikana꞉ma꞉ hone wilimime. Mo hande Diu haliwekima꞉ta꞉ ikana꞉ma꞉ ika꞉ kone alota꞉ nikita꞉ sekemesaisi hau pea haloma꞉ haliwekio la alemepate ikita꞉ Diendaili haliweki mondu wieke pa꞉ta꞉ kone iki pa꞉ta꞉ sekemesaisi hau na peleme haliwekio lo halememe. Hande sekemesaisi hau pita꞉la꞉ ekita꞉ haliwekina꞉ lokena꞉ pita꞉la꞉ hau pa꞉ta꞉ loa꞉me. Koto ekina꞉ Diendaili wanda꞉halio ikana꞉ma꞉ amba꞉ hata꞉ pimi ekita꞉ hone wia꞉pa꞉peke.

Epesese 2:3

Amba꞉ta꞉ niki make kutupiki wanda꞉hali hao hata꞉ta꞉ nika꞉ hone pieke ekimanu putia pulu hata꞉ nika꞉ lokema꞉ hone pieke make nika꞉ hone wia puma꞉eki make pu haoma꞉me. Koto hau pu haleme wanda꞉hali pa꞉ta꞉ Koda꞉ma꞉ hoke yenki hala꞉peke ya꞉la꞉ tupa꞉ niki pa꞉ta꞉ make kia꞉peke yolo pia꞉me.

Kolosi 3:5

Koto ekina꞉ta꞉ do kenkena꞉ ekina꞉ hone pa꞉la꞉eki manuta꞉ yola꞉la꞉ hau make ha̱i̱piki hau pita꞉la꞉eki make we pamba꞉la꞉eki make hoke hauna꞉ hone tulaa pelia hala꞉eki make pasa꞉tei pita꞉la꞉ hauta꞉ mo toopi ti wepia ula꞉ ale pa꞉ta꞉ honke honke ala꞉ pasa꞉tei pita꞉la꞉ hauma꞉ handekeeki make doeki paeyaota꞉ ota꞉ homena꞉ lapa꞉peke.

Taitasi 3:3

Amba꞉ niki make hone wopu na wiki pi tunkulu make pu ata꞉ka꞉ peaoma꞉me. Nika꞉ lokena꞉ hone pa꞉la꞉ hau manuma꞉ make nika꞉ lokena꞉ ta꞉na꞉ma꞉ homaasa꞉ haumanu make koto hau paeyaoma꞉ nika꞉ hone handeteke haena꞉ loma꞉me. Kutupa nate paeyao mineke panka꞉ tiake pimanu lo make ma꞉nda꞉ma꞉ epeke ale pa꞉ta꞉ make leke polopao haoma꞉me. Mandane wanda꞉halima꞉ niki honditi pimikita꞉ iki make honditi pu haoma꞉me.

Dia꞉mesi 1:15

Pa wanda꞉wekina꞉ weleke pa꞉ta꞉ weki pitao mendia꞉la꞉ tupa꞉ hande ipika꞉ hoke hone pa꞉la꞉eki pia꞉ka꞉na꞉ta꞉ kota꞉ hoke hau pita꞉la꞉me. Kutupa mo weki daeta꞉la꞉ tupa꞉ mo hoke hau pita꞉la꞉eki daeyatia puaata꞉ hande some ota꞉ homaalieke.

Dia꞉mesi 4:1

Iki pa꞉ta꞉ a꞉nda꞉ pita꞉la꞉eki ipula꞉eki make ape ala꞉eki ipula꞉eki make koto haumanu ipula꞉eki teketa꞉ hando pa꞉ta꞉ ka꞉ta꞉pe. Ika꞉ honema꞉ tiaasa꞉ ekimanu ika꞉ loke tukiki nane kone a꞉nda꞉ leke ale lia꞉tiki pitolo hata꞉ peaasa꞉me.

1 Dioni 3:4

Ma꞉nda꞉ epita꞉ hoke hau pia꞉ka꞉na꞉ta꞉ Koda꞉na꞉ pi ula꞉eki yamba꞉la꞉la꞉me. Pa ekipeke hoke hauta꞉ Koda꞉na꞉ pi ula꞉eki yamba꞉la꞉la꞉ ekie.