Loma꞉ 7:18 - Panake Pi La: Ula: Buka pita: Kine Pieke Buka

¹⁸ I̱ tukiki pa꞉ta꞉ epekeeki ma꞉nda꞉ na pila꞉eki I̱ma꞉ hone witolome. I̱ tukiki pa꞉ta꞉ loa꞉ ekita꞉ I̱ta꞉ kenke hali hata꞉ loa꞉me. I̱ma꞉ta꞉ epeke ekimanu puluekema꞉ hone pa꞉la꞉pate I̱ma꞉ pea꞉peke na ya꞉la꞉me.

Loma꞉ 7:18 ပူးပေါင်းရင်းမြစ်များ

Kini Pieke 6:5

Mo Tekehalima꞉ do kenkena꞉ haemeke wanda꞉hali paeyaoma꞉ hoto paeyao ika꞉ putia peme hoke haumanu make ika꞉ temokona꞉ honemanu u tia peme ekimanu make hando haota꞉

Kini Pieke 8:21

Kutu pieke handaa mo lia haleeke hotekena꞉ totopo seliapoma꞉ta꞉ mo Tekehali ta꞉na꞉ homa꞉ tiayeke handaa ipika꞉ kone alota꞉ Do wanda꞉halima꞉ pu haleme ekina꞉ I̱ma꞉ do kenketa꞉ esihou pi oto pa꞉ta꞉ ota꞉ paa na wina꞉ lolueke. Pa ekipeke ika꞉ mo panake daeta꞉la꞉me ale pa꞉ta꞉ koneta꞉ hoke honemanu wilimi ekita꞉ I̱ma꞉ hone ulu ekina꞉ loa꞉me. Koto ekina꞉ I̱ma꞉ ame do pua꞉ tupa꞉ mo do kenkena꞉ pa pitiki alemanu paeyao ota꞉ paa a꞉nda꞉ na hoeyaalueke.

Ma꞉tiu 15:19

Kota꞉ koto some ipika꞉ puki pa꞉ta꞉ pita ipula꞉ hoke hone manuma꞉ta꞉ dupiki haumanu pu tialieke. Hali ma꞉nda꞉ lina꞉ lo o wanda꞉ pake na꞉na꞉ lo o hali yankeke pa꞉ta꞉ kone hoke hau pina꞉ lo o pake na꞉na꞉ lo o yapiki hau pina꞉ lo o wanda꞉halina꞉ biki hoeyaena꞉ lo

Luku 11:13

Ikita꞉ hoke haliweki halemepate kone ika꞉ weki wandiki pa꞉ta꞉ta꞉ epeke epeke alemanu halo halememe. Koto hau ota꞉ lombei peaaso hata꞉ta꞉ oli ya nane hala꞉ Apa꞉ma꞉ta꞉ mo Holi Sipitidi honke aleme wanda꞉hali pa꞉ta꞉ta꞉ ota꞉ halieke laa leekeme.

Dioni 3:6

weki mondu hala꞉ ale manuma꞉ta꞉ ipika꞉ loke hala꞉eki kone mondu hala꞉pate mo Sipitidima꞉ta꞉ ipikima꞉ handekeeki kone pitaalieke laa leekeme.

Loma꞉ 13:14

Ikana꞉ma꞉ta꞉ ika꞉ lokena꞉ hoke hau tekema꞉ iki hoke hau puemena꞉yeke sutiaasa꞉ ekimanu na opiki Tekehali Yesu Ketiso ipika꞉ a꞉nda꞉ pea꞉peke alemanu mea miniki hapa꞉peke.

Loma꞉ 7:15

I̱ma꞉ta꞉ ya pu haloeki hone wopu na ulume. Hone pa꞉la꞉eki na pu halopateta꞉ hone na pa꞉la꞉ ekimanu kone pu halome.

Loma꞉ 7:19

Epekeeki puluekema꞉ I̱ma꞉ hone pa꞉la꞉pate na pu halome. Hokeeki puluekema꞉ I̱ma꞉ hone na pa꞉la꞉pate paa pu halome.

Loma꞉ 7:25

Koda꞉ pa꞉ta꞉ I̱ma꞉ keiyae pi alome. Ipikana꞉ma꞉ nika꞉ Tekehali Yesu Ketisoma꞉ I̱ tamba꞉ mina꞉ lolo pa꞉la꞉ ekina꞉ loa꞉me. Kota꞉ yaka haloeki dupa. I̱ma꞉ yaka kone Koda꞉na꞉ Lo Pimanu yaka hone wia halopate yaka lokena꞉ hone pa꞉la꞉eki manuma꞉ I̱ma꞉ hoke hau piono pu tiaasa꞉ hauna꞉eki peao halome.

Loma꞉ 7:5

Amba꞉ nikita꞉ nika꞉ hone pa꞉la꞉ ekimanu homeke pu haoma꞉ dina꞉ hande Lo Pi manuma꞉ta꞉ nikana꞉ma꞉ hoke hau peomonoyeke nika꞉ lokena꞉ hone pa꞉la꞉ ekimanu pu tiaaso haena꞉ niki homaapeke yeekeme.

Ka꞉leisia 5:17

Pa ekipeke alo mo lokena꞉ hauma꞉ta꞉ mo Holi Sipitidi bepolaluekema꞉ taapo hala꞉me. Kutupa make mo Holi Sipitidima꞉ta꞉ mo lokena꞉ haumanu bepolaluekema꞉ taapo pu hala꞉me. Koto hau yaapoma꞉ta꞉ a꞉nda꞉ lu alu pu halepeme. Koto pitepe ekima꞉ta꞉ ikana꞉ma꞉ mo puluekema꞉ hone pa꞉la꞉ hau pia꞉peke ekita꞉ ota꞉ pea꞉peke na ya꞉la꞉me.

Ka꞉leisia 5:24

Mo Yesu Ketisona꞉ wanda꞉halima꞉ta꞉ ika꞉ lokena꞉ hau make koto loke ipika꞉ namonamo hata꞉ na꞉na꞉ na꞉na꞉ pitolo loke tiaasa꞉eki make koto hau paeyaota꞉ Ketiso yaapo apa꞉tao mo a꞉ka꞉tei wape piki tina꞉ lia endialememe.

Pilipai 2:13

Kota꞉ pa ekipeke Koda꞉ma꞉ta꞉ ikana꞉ma꞉ ipika꞉ hone pa꞉la꞉ hau pulu pa꞉la꞉eki peawaluekema꞉ ika꞉ hone pina꞉yeke ika꞉ tukiki pa꞉ta꞉ e pokolo ombu hala꞉me.

Pilipai 3:12

I̱ma꞉ koto haumanu paeyaota꞉ ana꞉na꞉ ana꞉lao amba꞉ mea hata꞉ I̱ta꞉ ana꞉ pa꞉la꞉me pi na alome. I̱ma꞉ mo kita꞉la꞉ epeke ale miono Yesu Ketisoma꞉ I̱ mea hala꞉ ekina꞉ I̱ma꞉ koto ale muluekema꞉ honkopu pa haaso ombu halome.

Taitasi 3:3

Amba꞉ niki make hone wopu na wiki pi tunkulu make pu ata꞉ka꞉ peaoma꞉me. Nika꞉ lokena꞉ hone pa꞉la꞉ hau manuma꞉ make nika꞉ lokena꞉ ta꞉na꞉ma꞉ homaasa꞉ haumanu make koto hau paeyaoma꞉ nika꞉ hone handeteke haena꞉ loma꞉me. Kutupa nate paeyao mineke panka꞉ tiake pimanu lo make ma꞉nda꞉ma꞉ epeke ale pa꞉ta꞉ make leke polopao haoma꞉me. Mandane wanda꞉halima꞉ niki honditi pimikita꞉ iki make honditi pu haoma꞉me.

1 Pida 4:2

Koto ekina꞉ ame do aneta꞉ ikana꞉ma꞉ do kenkena꞉ hata꞉ ika꞉ hone tiaaseme ekima꞉ iki na handeteke haena꞉ leketa꞉ Koda꞉na꞉ hone pa꞉la꞉ ekima꞉ iki handeteke haena꞉ lo hapa꞉peke.