Loma꞉ 6:9 - Panake Pi La: Ula: Buka pita: Kine Pieke Buka

⁹ Ketisota꞉ homeekepate Koda꞉ma꞉ ipiki paa mea da꞉taeyeketa꞉ paa na homa꞉peke yekeeki nikana꞉ma꞉ hone witoloma꞉me. Homaasa꞉ ekima꞉ honkopu hao Ketiso ipiki pa꞉ta꞉ pa eki a꞉nda꞉ paa pea꞉peke na ya꞉la꞉me.

Loma꞉ 6:9 ပူးပေါင်းရင်းမြစ်များ

Loma꞉ 5:14

Koto pa꞉la꞉pate A꞉da꞉ma꞉ hao Mosesi halo ipu pea koto tukiki pa꞉ta꞉ haemeke wanda꞉halita꞉ paeyao homo paemekeme. Hande Koda꞉ma꞉ A꞉da꞉ma꞉ pa꞉ta꞉ leeke pi A꞉da꞉ma꞉ma꞉ na opieke tupa꞉ A꞉da꞉ma꞉ma꞉ piekeeki na pimiki wanda꞉hali kone paeyao homemekeme. A꞉da꞉ma꞉ta꞉ hali ma꞉nda꞉ wetepena꞉ epolo pieke hali tupa꞉ hayekeme.

Loma꞉ 6:10

Ketiso ipika꞉ homeeke ekita꞉ dupa. Hoto homeke pita꞉ kone ipiki homeekepate hoke hau pita꞉la꞉ ekina꞉ wele pita꞉la꞉ ekita꞉ paeyaeyekeme. Kutupa ame ipiki hake hauta꞉ Koda꞉ yaapo mandakena꞉ halepeme.

Loma꞉ 6:14

Hande Lo Pi manuna꞉ dupa꞉pe laa wala꞉la꞉eki ika꞉ wenoko tikitikina꞉ na mea wikita꞉ hande Koda꞉na꞉ pa a꞉ta꞉ma꞉ homa꞉la꞉eki homeke ika꞉ wenoko tikitikina꞉ mea wina꞉ aleme ekina꞉ kota꞉ hoke hau pita꞉la꞉ ekima꞉ iki paa a꞉nda꞉ na lu tombuaena꞉ lapa꞉pekema.

Loma꞉ 6:4

Koto bapitaisi puma꞉ ekita꞉ ipiki yaapo mandakena꞉ homa pa lapa꞉ pa꞉ta꞉ make mandake uma꞉me. Panake hau pu hata꞉ haluekema꞉ bapitaisi puma꞉me. Hande nika꞉ Apa꞉ma꞉ ipika꞉ honkopu hala꞉eki epekema꞉ Ketiso paa mea da꞉taeyeke tupa꞉ pitoloma꞉me.

Hibulu 7:16

Koto ipiki yeni peaasa꞉ hali haena꞉ leeke ekita꞉ pa wekima꞉ atekena꞉ anketeke mina꞉la꞉ tupa꞉ o mana꞉ pimanu wiekeeki mieke ekima꞉ na miekeme. Dia꞉me mo da꞉ta hao hala꞉ ekina꞉ wele pita꞉la꞉eki homekema꞉ ipiki yeni peaasa꞉ hali mea haena꞉ leekeme.

Hibulu 7:25

Koto pa꞉la꞉ ekima꞉ta꞉ wetepe make ame do make mo ipiki pa꞉ta꞉ yama꞉ Koda꞉ pa꞉ta꞉ ipilimi wanda꞉halita꞉ ota꞉ da꞉taapeke ya꞉la꞉me. Pa ekipeke ipikana꞉ma꞉ ikina꞉ Koda꞉ pa꞉ta꞉ honke latiki puluekema꞉ hao hala꞉me.

Peneme Yaeyekeeki 1:18

I̱ta꞉ deto hala꞉ halie. I̱ta꞉ homoa꞉pate ameta꞉ tiao hoto paeyao pa hatia pu hala꞉ hali halome. I̱ma꞉ta꞉ homa꞉la꞉ ekina꞉ make mo homo hala꞉ kenkena꞉ pota꞉ ki handeteke halo halie.