Loma꞉ 6:7 - Panake Pi La: Ula: Buka pita: Kine Pieke Buka

⁷ Hali ma꞉nda꞉ a꞉nda꞉ homea꞉ka꞉na꞉ta꞉ kota꞉ mo hoke hauma꞉ koto halita꞉ paa lu tumbaapeke na ya꞉la꞉me.

Loma꞉ 6:7 ပူးပေါင်းရင်းမြစ်များ

Ma꞉tiu 11:19

Pate Wanda꞉halina꞉ Eiyeke a꞉pa ikali ne yaapo no hayeke ekita꞉ koto wanda꞉halima꞉ kone handolo alota꞉ Do hali handa꞉pe. Ipikita꞉ ikali ne wopu no hake some ya꞉ka꞉ta꞉me. Kutupa ipikita꞉ mo hande dakisi mu make hoke hau pu haleme haliweki ame̱le̱ apa꞉taala꞉me lemekeme. Kota꞉ mo hone wiki hauma꞉ta꞉ ipika꞉ pu hala꞉eki manuma꞉ ipika꞉ honeta꞉ ota꞉ epeke hone o hoke hone laa pa peneme yaasa꞉me.

Loma꞉ 6:2

A꞉pa꞉e. Dia꞉me. Hoke hau pita꞉la꞉eki pa꞉ta꞉ nikita꞉ amba꞉ homoma꞉me. Ekipeke paa putia pua꞉tiki pumana꞉pe.

Loma꞉ 6:8

Nikita꞉ Ketiso homeeke ekita꞉ ipiki ame̱le̱ mandakena꞉ homomeke handa nika꞉ hone tulaasoma꞉ ekita꞉ dupa uluma꞉me. Ipiki ame̱le̱ hao halumeke hone witoloma꞉me.

Loma꞉ 7:2

Do tupa꞉ make hali pa꞉la꞉ wanda꞉ma꞉ta꞉ haliki pa haya꞉ka꞉na꞉ta꞉ kota꞉ mo hande Lo Pi manuma꞉ alota꞉ Naka꞉ haliki pa꞉ta꞉ hao hapeke la꞉la꞉me. Koto la꞉la꞉pate mo haliki homea꞉ka꞉na꞉ta꞉ mo hande Lo Pi manuma꞉ alota꞉ Naka꞉ honumake halipikie la꞉la꞉me.

Loma꞉ 7:4

Ya kame tonuo. Koto tupa꞉ iki pa꞉ta꞉ make ula꞉me. Ikita꞉ Ketiso ipika꞉ loke kone haleme ekina꞉ hande Lo Pimanu pa꞉ta꞉ ikita꞉ homolo hata꞉ pa ameta꞉ mo Koda꞉ma꞉ paa mea tiaeyeke halina꞉eki halememe. Koto ekita꞉ nikana꞉ma꞉ Koda꞉na꞉ epeke haumanu pu hamonoyeke pa꞉la꞉me.

Loma꞉ 8:1

Koto ekina꞉ Yesu Ketiso ame̱le̱ ta꞉ma꞉ni pea haloma꞉ wanda꞉hali pa꞉ta꞉ta꞉ ma꞉nda꞉ma꞉ hoke yenki kia꞉peke na ya꞉la꞉me.

1 Pida 4:1

Ketiso ipika꞉ lokema꞉ tanda mieke handa ikana꞉ma꞉ make ipikana꞉ma꞉ mo tanda mulu piekeeki pa꞉ta꞉ hone wieke tupa꞉ koto mandake honema꞉ kone iki honkopu hao hapa꞉peke. Kota꞉ ma꞉nda꞉ epima꞉ ipika꞉ lokema꞉ tanda mu haya꞉ka꞉na꞉ta꞉ ipikana꞉ma꞉ hoke hau mina꞉pa꞉lao hala꞉me.