Loma꞉ 6:4 - Panake Pi La: Ula: Buka pita: Kine Pieke Buka

⁴ Koto bapitaisi puma꞉ ekita꞉ ipiki yaapo mandakena꞉ homa pa lapa꞉ pa꞉ta꞉ make mandake uma꞉me. Panake hau pu hata꞉ haluekema꞉ bapitaisi puma꞉me. Hande nika꞉ Apa꞉ma꞉ ipika꞉ honkopu hala꞉eki epekema꞉ Ketiso paa mea da꞉taeyeke tupa꞉ pitoloma꞉me.

Loma꞉ 6:4 ပူးပေါင်းရင်းမြစ်များ

Dioni 11:40

Yesuma꞉ ipiki pa꞉ta꞉ alota꞉ Nakana꞉ma꞉ hone tulao haeka꞉na꞉ta꞉ Koda꞉na꞉ pa̱a̱ pa꞉la꞉eki handilipikie pita꞉ na loa꞉pe leekeme.

Dioni 2:11

Yesuma꞉ta꞉ mo Ka꞉lili nane hayeke da Keina da pa꞉ta꞉ hata꞉ ipika꞉ wele piekeeki koto pa꞉ta꞉ amba꞉la piekeme. Koto pa꞉ta꞉ hata꞉ ipikana꞉ma꞉ ipika꞉ kapu tieke hala꞉eki peneme yao waleeke handaa ipika꞉ disaipolo haliwekima꞉ ipiki pa꞉ta꞉ hone tulaemekeme.

Aposolo 2:24

Kutu pimipate Koda꞉ma꞉ mo hande toopi ka꞉ka꞉na꞉ pa꞉ta꞉ Yesu paa mea tiaeyekeme. Mo hande lapa꞉ pimiki toopima꞉ta꞉ Yesu miniki pita꞉peke ana꞉ na pitolo hata꞉ mo hande homaasa꞉ ekima꞉ Yesu tonkaeyeke ekita꞉ Koda꞉ma꞉ ka꞉la꞉pa꞉ tapawaeyekeme.

Aposolo 2:32

Do hande Yesuta꞉ Koda꞉ma꞉ paa mea tiaala꞉ ekita꞉ niki paeyaoma꞉ handoma꞉eki iki pa꞉ta꞉ la kitoloma꞉me.

Loma꞉ 6:19

Ika꞉ hone a̱i̱ na tikitiki yao wimi ekina꞉ I̱ma꞉ da wanda꞉halima꞉ lo haleme tupa꞉ alome. Amba꞉ ikita꞉ hoke hoke haumanu paeyao puluekema꞉ pa hameke e pokaaseme wanda꞉hali leke hata꞉ suseke haasa꞉ haumanu make hoke haumanu make ika꞉ hone wia wenoko tikitikina꞉ mea wia hata꞉ pu haemekeme. Koto tupa꞉ kone ame ikita꞉ yakopiki haumanu puluekema꞉ yeke koto hauna꞉ e pa hameke pokaaseme wanda꞉hali leke hata꞉ tikitiki haumanu ika꞉ hone wia wenoko tikitikina꞉ mea wia hata꞉ pu hapa꞉peke ya꞉la꞉me.

Loma꞉ 6:3

Do pa꞉la꞉ ekita꞉ hone na witelemepe. Yesu Ketiso yaapo ta꞉ma꞉ni pea hata꞉ bapitaisi puma꞉ pita꞉ta꞉ ipika꞉ homeeke ekina꞉ make ta꞉ma꞉ni pea hata꞉ puma꞉me.

Loma꞉ 6:8

Nikita꞉ Ketiso homeeke ekita꞉ ipiki ame̱le̱ mandakena꞉ homomeke handa nika꞉ hone tulaasoma꞉ ekita꞉ dupa uluma꞉me. Ipiki ame̱le̱ hao halumeke hone witoloma꞉me.

Loma꞉ 6:9

Ketisota꞉ homeekepate Koda꞉ma꞉ ipiki paa mea da꞉taeyeketa꞉ paa na homa꞉peke yekeeki nikana꞉ma꞉ hone witoloma꞉me. Homaasa꞉ ekima꞉ honkopu hao Ketiso ipiki pa꞉ta꞉ pa eki a꞉nda꞉ paa pea꞉peke na ya꞉la꞉me.

Loma꞉ 7:6

Kutu piekepate nikita꞉ mo Lo Pi manuma꞉ amba꞉ mea tonkao wiekeeki pa꞉ta꞉ homomeke handaata꞉ ameta꞉ Koda꞉ma꞉ niki ka꞉la꞉pa꞉ ta꞉pao pa hamono la꞉la꞉me. Ame do pokoloma꞉ eta꞉ hande amba꞉ wape pea wieke Lo Pi manuma꞉ waleeke tupa꞉ na pokoloma꞉pate hande Sipitidima꞉ panakeeki wala꞉la꞉ tupa꞉ pokoloma꞉me.

Loma꞉ 8:11

Hande Yesu homeekepate kone paa mea tiaeyeke Koda꞉ ipika꞉ Sipitidi iki tukiki pa꞉ta꞉ pitia꞉ka꞉na꞉ta꞉ kota꞉ hande Ketiso homeekepate kone paa mea tiaeyeke Koda꞉ma꞉ta꞉ iki tukiki pa꞉ta꞉ pitaala꞉ ipika꞉ Sipitidima꞉ kone ika꞉ homolo peleme lokemanu mea da꞉taalieke.

1 Kotindi 6:14

Koda꞉ma꞉ mo Tekehalita꞉ ota꞉ homa꞉la꞉eki pa꞉ta꞉ kone mea tiaeyeke ekina꞉ kota꞉ niki make ipika꞉ wele pita꞉la꞉ ekima꞉ koto tupa꞉ kone mea tiaalieke.

2 Kotindi 13:4

Mo damako peaaso haena꞉ kone ipikita꞉ mo kotosina꞉ lu homaeya꞉pate Koda꞉na꞉ honkopuma꞉ta꞉ ipikita꞉ da꞉taa hao hala꞉me. Kutupa make ipiki ame̱le̱ tunaaso hata꞉ niki make damako poloma꞉pate pa iki ame̱le̱ tukikina꞉ hata꞉ nikana꞉ma꞉ta꞉ Koda꞉ma꞉ Ketiso wele peaasa꞉eki ma꞉nda꞉ putupa꞉ meaata꞉ ika꞉ yankeke halumeke.

2 Kotindi 5:17

Ma꞉nda꞉ epita꞉ Ketiso pa꞉ta꞉ tunaeya꞉ka꞉na꞉ta꞉ kota꞉ ipikita꞉ panake some hala꞉me. Amba꞉ ekita꞉ pulu hata꞉ panakeeki a꞉pa꞉la꞉me.

Epesese 4:17

Koto ekina꞉ Tekehalina꞉ bikina꞉ I̱ma꞉ iki pa꞉ta꞉ do pi tieke wotu alome. Hande pi na miki wanda꞉hali haleme tupa꞉ na hapa꞉peke.

Epesese 5:8

Amba꞉ titina꞉ ikita꞉ timba꞉ la꞉pa peeke pa꞉ta꞉ haemepate ameta꞉ Tekehalina꞉ wanda꞉hali haleme ekina꞉ pa̱a̱ pita꞉la꞉eki tukiki pa꞉ta꞉ haleme wanda꞉hali ana꞉na꞉ hapa꞉peke.

Kolosi 3:10

mo panake hau mea yamelememe. Kutupa panake hau wa꞉pa꞉la꞉ hali Koda꞉ma꞉ta꞉ do panake ekita꞉ ipikima꞉ handeke nono pina꞉yeke hoto paeyao panakeeki au laatiki pita꞉la꞉me. Dupita꞉la꞉ ekita꞉ ikana꞉ma꞉ ipiki hone wopu uemena꞉yeke pita꞉la꞉me.

Kolosi 4:1

Handeteke haleme haliwekio. Ika꞉ pa hameke e pokaasa꞉ haliweki ana꞉na꞉ kone tikitiki yao handeteke hapa꞉peke. Hone wipe. Iki make ika꞉ handeteke hala꞉ halita꞉ oli hepeni hala꞉me.

1 Pida 3:21

Koto ikalita꞉ mo hande wetepena꞉ bapitaisi hau epolo piekeeki manda mieke ikalie. Do ame pu haleme bapitaisi hauma꞉ta꞉ pa ika꞉ lokena꞉ ha̱i̱ tanda꞉ pelemeeki dia꞉ya꞉la꞉pate ika꞉ epeke hone tekema꞉ Koda꞉ pa꞉ta꞉ pi la꞉ witolo hamena꞉ mo ikalima꞉ iki petolo hala꞉me. Do bapitaisi hauta꞉ mo Yesu Ketisona꞉ paa tiaeyeke ekima꞉ iki petolo hala꞉me.

1 Dioni 2:6

Ma꞉nda꞉ epima꞉ Koda꞉ yaapo ta꞉ma꞉ni pea halome lea꞉ka꞉na꞉ta꞉ kota꞉ ipikita꞉ mo Yesu Ketisoma꞉ pieke tupa꞉ kone hao pelia꞉peke ya꞉la꞉me.