Loma꞉ 6:14 - Panake Pi La: Ula: Buka pita: Kine Pieke Buka

¹⁴ Hande Lo Pi manuna꞉ dupa꞉pe laa wala꞉la꞉eki ika꞉ wenoko tikitikina꞉ na mea wikita꞉ hande Koda꞉na꞉ pa a꞉ta꞉ma꞉ homa꞉la꞉eki homeke ika꞉ wenoko tikitikina꞉ mea wina꞉ aleme ekina꞉ kota꞉ hoke hau pita꞉la꞉ ekima꞉ iki paa a꞉nda꞉ na lu tombuaena꞉ lapa꞉pekema.

Loma꞉ 6:14 ပူးပေါင်းရင်းမြစ်များ

Ma꞉tiu 1:21

Mo wekita꞉ hali weki mendilieke. Kutu pia꞉ka꞉na꞉ ipika꞉ wanda꞉hali mea da꞉taalo pa꞉la꞉ ekina꞉ yeketa꞉ ipika꞉ biki Yesue lelipipikie leekeme.

Dioni 1:14

Mo hande Pita꞉ hali au la a꞉pa niki ame̱le̱ haya꞉me. Ipika꞉ pa̱a̱ pu hala꞉eki pa a꞉ta꞉ma꞉ homa꞉la꞉eki make ota꞉ hau pita꞉la꞉eki make tumba pitia꞉eki nikana꞉ma꞉ handoma꞉me. Koto hande pa̱a̱ pu hala꞉ ekita꞉ ipikita꞉ Atekena꞉ Eiyeke homeke kone hata꞉ miekeme.

Dioni 1:17

Koda꞉ma꞉ta꞉ mo hande Lo Pimanu niki pa꞉ta꞉ la kina꞉yeke Mosesi pa꞉ta꞉ la haleekeme. Kutu piekepate pa a꞉ta꞉ma꞉ homa꞉la꞉eki make ota꞉ hau pita꞉la꞉eki make Yesu Ketisoma꞉ mea a꞉paeyekeme.

Dioni 8:36

Hande Eiyekema꞉ iki ka꞉la꞉pa꞉ tapaeya꞉ka꞉na꞉ta꞉ kota꞉ ota꞉ ka꞉la꞉pa꞉ tapao halimikie.

Loma꞉ 11:6

Koda꞉ma꞉ a꞉ta꞉ wotu pa꞉leke handaata꞉ talopu mea haena꞉ la꞉tiki pita꞉la꞉me. Koto ekina꞉ wanda꞉halima꞉ ika꞉ piteleme hauna꞉ na mea haena꞉ ala꞉me. Koda꞉ma꞉ta꞉ wanda꞉halima꞉ ika꞉ piteleme hauna꞉ mea haena꞉ lea꞉ka꞉na꞉ yoluta꞉ kota꞉ ipika꞉ a꞉ta꞉ pa꞉la꞉ ekita꞉ ota꞉eki dia꞉yolo pia꞉me.

Loma꞉ 4:16

Eipoloha꞉ma꞉ Koda꞉ pa꞉ta꞉ hone tulaeyeke ekina꞉ Koda꞉ma꞉ hande pi la꞉ wiekeme. Koda꞉ma꞉ta꞉ Eipoloha꞉ma꞉ ipika꞉ hoki nane halo pimiki wanda꞉hali paeyao pa꞉ta꞉ hande la꞉ wieke pita꞉ iki pa꞉ta꞉ pa hameke halena꞉yeke loa꞉me. Hande Lo Pimanu oto pa꞉ta꞉ haleme wanda꞉hali pa꞉ta꞉ homeke dia꞉ya꞉la꞉pate hande Eipoloha꞉ma꞉ma꞉ pieke tupa꞉ Koda꞉ pa꞉ta꞉ hone tulao haleme wanda꞉hali pa꞉ta꞉ make hala꞉la꞉me. Eipoloha꞉ma꞉ta꞉ niki paeyaona꞉ apa꞉ hala꞉me.

Loma꞉ 5:17

Mo hande hali homekema꞉ hoke hau pieke handa homa꞉la꞉ ekita꞉ honkopu hao wanda꞉hali paeyao lu tombuao ula꞉ ekita꞉ nikana꞉ma꞉ handoloma꞉me. Koto pa꞉la꞉pate mo hande hali homeke Yesu Ketisoma꞉ pieke ekita꞉ ota꞉ hone mateke some tieke pa꞉la꞉me. Koda꞉ma꞉ pa hameke a꞉ta꞉ma꞉ wopu homa꞉la꞉eki make ipiki yaapo tikitiki yao hamono la kita꞉la꞉eki make kotoeki yaapo moloma꞉ wanda꞉halima꞉ta꞉ Ketisoma꞉ peaala꞉ ekina꞉ da꞉ta hata꞉ honkopu hao halumeke.

Loma꞉ 5:18

Koto ekina꞉ mo hande hali homekema꞉ hoke hau pieke ekina꞉ wanda꞉hali niki paeyaoma꞉ hoke yenki mea꞉peke ya꞉la꞉me. Koto tupa꞉ kone mo hande hali homeke ma꞉nda꞉ma꞉ tikitiki hau pieke ekina꞉ Koda꞉ma꞉ wanda꞉hali niki paeyao ka꞉la꞉pa꞉ tapao da꞉ta hao hamono lo hala꞉me.

Loma꞉ 6:12

Ika꞉ loke tieke paeyaona꞉ hoke hone u tiaasa꞉ ekimanu pa putia pulu hamono hoke hau pita꞉la꞉ ekima꞉ ika꞉ homa꞉peke ya꞉la꞉ loke tieke paeyao lu tombuaasa꞉me. Kutu pa꞉la꞉pate koto hau manuma꞉ iki paa na lu tombuaena꞉ lapa꞉pekema.

Loma꞉ 6:15

Koto ekina꞉ eki pumana꞉pe. Hande Lo Pi manuma꞉ dupa꞉pe laa wala꞉la꞉eki nika꞉ wenokona꞉ na wiki hande Koda꞉na꞉ pa a꞉ta꞉ma꞉ homa꞉la꞉eki homeke nika꞉ wenokona꞉ wina꞉ aloma꞉ ekina꞉ hoke hau pumana꞉pe. A꞉pa꞉e. Dia꞉me.

Loma꞉ 8:12

Ya kame tonuo. Koto ekina꞉ nikana꞉ma꞉ yano ale hala꞉pa꞉peke ya꞉la꞉me. Nika꞉ hande lokena꞉ hone pa꞉la꞉ ekimanu pea꞉tiki pulu poloma꞉ ekina꞉ na loa꞉me.

Loma꞉ 8:2

Do ekina꞉yeke loa꞉me. Nikita꞉ Yesu Ketiso ame̱le̱ ta꞉ma꞉ni pea ota꞉ hamono la꞉la꞉ Sipitidita꞉ ipikana꞉ma꞉ kone I̱ handeteke hata꞉ walo hala꞉ ekima꞉ta꞉ mo hoke hau pita꞉ homa꞉la꞉eki yaapo pu tiaasa꞉ hauma꞉ tonka pelia hala꞉eki ka꞉la꞉pa꞉ tapaala꞉me.

Ka꞉leisia 3:23

Amba꞉ mo hande hone tulaasa꞉ ekina꞉ nate a̱i̱ na epea꞉ toma꞉na꞉ta꞉ mo Lo Pi ula꞉eki manuma꞉ niki paeyao dipula mea mo koto epolo pa꞉la꞉ hone tulaasa꞉eki peneme yaena꞉ ho̱linda꞉ pu pamba haya꞉me.

Ka꞉leisia 4:21

Iki ame̱le̱ mandane wanda꞉halima꞉ mo Mosesina꞉ pi ula꞉eki manuna꞉ oto pa꞉ta꞉ hao haluekema꞉ hone pa꞉la꞉ tapake iki pa꞉ta꞉ dupiki pi lota꞉ pionoe - mo hande pi ula꞉ ekima꞉ ala꞉ ekita꞉ opitemepe.

Ka꞉leisia 5:18

Koto pa꞉la꞉pate kota꞉ mo Sipitidima꞉ iki hatuku pu haya꞉ka꞉na꞉ta꞉ kota꞉ mo Lo Pi ula꞉ ekima꞉ta꞉ iki na tombuao hala꞉me.

Taitasi 2:14

Ketiso ipikita꞉ nikina꞉ homeekeme. Kutu pieke ekima꞉ta꞉ nikita꞉ mo hoke hau pa꞉ta꞉ haomeke yoka꞉ muluekema꞉ make ipika꞉ epeke hauna꞉ puawee hone pa꞉la꞉ yako piki wanda꞉hali homeke hamono yeke piekeme.

Hibulu 8:10

Pate pa ame mo Tekehalima꞉ alota꞉ Mo ipulua꞉ nate nina꞉ta꞉ mo Isulai wanda꞉hali ame̱le̱ la꞉ ulu polo panake pita꞉ dupa la꞉ ulueke laata꞉ Mo ya pi ulu pi manuta꞉ ika꞉ hone teke pa꞉ta꞉manu wina꞉ laota꞉ ika꞉ puki manuna꞉ make wape pealueke. Kutaa I̱ta꞉ ika꞉ Koda꞉ halueke. Kutu pua꞉ka꞉na꞉ta꞉ ikita꞉ ya wanda꞉hali halimikie.