Loma꞉ 5:2 - Panake Pi La: Ula: Buka pita: Kine Pieke Buka

² Nikana꞉ma꞉ Yesu Ketiso pa꞉ta꞉ hone tulaaloma꞉ ekina꞉ ipikana꞉ma꞉ Koda꞉ma꞉ niki pa꞉ta꞉ pa hameke a꞉ta꞉ma꞉ homa꞉la꞉eki handomono la꞉la꞉me. Kutupa ameta꞉ koto tupa꞉ haloma꞉me. Koto ekina꞉ Koda꞉ma꞉ ipika꞉ pa̱a̱ pa꞉la꞉eki niki pa꞉ta꞉ teli teli peaalo pa꞉la꞉eki hone ti lao hata꞉ ta꞉na꞉ma꞉ homa haloma꞉me.

Loma꞉ 5:2 ပူးပေါင်းရင်းမြစ်များ

Ma꞉tiu 25:21

Koto leeke mo you halima꞉ alota꞉ O neketa꞉ ota꞉ epeke somee. Nakana꞉ma꞉ ota꞉ epeke e tieke pokeka꞉ta꞉me. Do hosiki kua꞉eki kone epeke tupa꞉ handeteke haleketa꞉ ameta꞉ nakana꞉ma꞉ ya e tieke handeteke hawalena꞉ mea halueke la alota꞉ I̱ yaapo mandake pa꞉ta꞉ hata꞉ ta꞉na꞉ma꞉ homopana꞉ epoe leekeme.

Dioni 10:7

Koto ekina꞉ Yesuma꞉ paa dupa leekeme. I̱ma꞉ iki pa꞉ta꞉ ota꞉ pi alome. I̱ta꞉ sipisipi ma꞉na꞉ manuna꞉ pota꞉ kake halome.

Dioni 10:9

I̱ta꞉ pota꞉ kake halome. Hali epima꞉ I̱ pa꞉ta꞉ honda꞉ pamba epea꞉ka꞉na꞉ta꞉ koto halima꞉ da꞉ta꞉la꞉eki milieke. Kutupa mo halita꞉ tukiki nane pua꞉tiki hama꞉ nane a꞉pa꞉tiki pitolo hata꞉ epeke nemanu netiki pilieke.

Dioni 14:6

Yesuma꞉ ipika꞉ pi hombo peaaso alota꞉ I̱ta꞉ hande pota꞉e. I̱ ota꞉ekie laa I̱ta꞉ da꞉ta꞉la꞉ekie. Hali epima꞉ yaka Apa꞉ pa꞉ta꞉ polueke hone wia꞉ka꞉na꞉ta꞉ pota꞉ ma꞉nda꞉ dia꞉me. I̱ pa꞉ta꞉ homeke epena꞉e leekeme.

Dioni 5:24

Iki pa꞉ta꞉ ota꞉ pi alome. Hali epima꞉ I̱ma꞉ alo pimanu opuaata꞉ I̱ tapaala꞉ hali pa꞉ta꞉ make hone tulaeya꞉ka꞉na꞉ta꞉ kota꞉ koto halita꞉ deto hala꞉eki miniki hala꞉me. Kutu pita꞉la꞉ halita꞉ homa꞉la꞉eki mina꞉pa꞉lao da꞉ta꞉la꞉eki amba꞉ miniki hala꞉eki yolo hata꞉ pi yokaalu pulu pa꞉la꞉ pa꞉ta꞉ na pelieke.

Aposolo 14:27

Kutupa opolo a꞉paata꞉ siosi tapake wanda꞉hali mombelena꞉ laata꞉ Koda꞉ma꞉ Diendaili wanda꞉halima꞉ pi mina꞉yeke pota꞉ lombeekeeki make walepekeme.

Loma꞉ 11:20

Koto make ota꞉eki ya꞉la꞉pate Diu wanda꞉hali ikana꞉ma꞉ hone na tulaemeke handaa ipikana꞉ma꞉ tonda꞉pa꞉ mepi pea pa꞉la꞉me. Diendaili wanda꞉hali ikana꞉ma꞉ hone tulaaseme ekina꞉ tunao halememe. Kutupa halemepate ikana꞉ma꞉ I̱ handaena꞉ haumanu hone na wiki ika꞉ loke tonkao paala꞉ma꞉ homa yopu hapa꞉peke.

Loma꞉ 12:12

Tekehalima꞉ pulu pa꞉la꞉ ekina꞉ handeteke hata꞉ ta꞉na꞉ma꞉ homa hapa꞉peke. Ka꞉nda꞉piki haumanu iki pa꞉ta꞉ epea꞉ka꞉na꞉ta꞉ kota꞉ honkopu hao hata꞉ handeteke hapa꞉peke. Hoto paeyao yeni pea꞉tiki pu hapa꞉peke.

Loma꞉ 14:4

Hali ma꞉nda꞉na꞉ e pokaasa꞉ hali pa꞉ta꞉ hone u hoeyaasa꞉ hali neketa꞉ epi ya꞉ka꞉ta꞉pe. Pu hoeyaaleme laa make epeke peleme laa make ipika꞉ Tekehalima꞉ homeke lelieke. Ipika꞉ Tekehalima꞉ epeke tupa꞉ pina꞉ lapeke ya꞉la꞉ ekima꞉ mo halima꞉ epeke tupa꞉ pilieke.

Loma꞉ 15:13

Mo hande ti lao haasa꞉ ekina꞉ teke hali Koda꞉ma꞉ta꞉ ikana꞉ma꞉ ipiki pa꞉ta꞉ hone tulaaseme ekina꞉ ta꞉na꞉ tiekema꞉ homelemeeki make puki lopa꞉niao halemeeki make iki pa꞉ta꞉ tumbao pitaeya꞉ka꞉na꞉ta꞉ epelieke. Kutupa ikana꞉ma꞉ ipikina꞉ ti lao hata꞉ hando haleme ekita꞉ mo Holi Sipitidina꞉ welema꞉ mea daeyatiki pina꞉ lea꞉ka꞉na꞉ta꞉ kota꞉ kotota꞉ epelieke.

Loma꞉ 2:7

Mandane wanda꞉halima꞉ta꞉ epeke haumanu pu hatiki peaata꞉ ika꞉ biki epeke wina꞉ lolo pa꞉la꞉eki make Koda꞉ma꞉ ika꞉ pi lawalo pa꞉la꞉eki make homa꞉peke na yeke da꞉ta hao halo pa꞉la꞉eki make weiyu halememe. Kutu piki wanda꞉hali pa꞉ta꞉ Koda꞉ma꞉ da꞉ta hao halo pa꞉la꞉eki halieke.

Loma꞉ 3:23

Wanda꞉hali paeya ta꞉paoma꞉ hoke hau pea hata꞉ta꞉ hande da꞉tao hala꞉ Koda꞉ teke pa꞉ta꞉ na haloma꞉pate

Loma꞉ 5:5

Nikana꞉ma꞉ koto tupa꞉ hone ti lao haoma꞉ka꞉na꞉ta꞉ nikita꞉ hoto ma꞉nda꞉ a꞉nda꞉ olopuniao na halumeke. Koda꞉ma꞉ niki pa꞉ta꞉ pukima꞉ wotu homa꞉leke handa loa꞉me. Ipikana꞉ma꞉ kita꞉la꞉ Holi Sipitidima꞉ kone nika꞉ puki pa꞉ta꞉ pita꞉ peaasa꞉me.

Loma꞉ 8:1

Koto ekina꞉ Yesu Ketiso ame̱le̱ ta꞉ma꞉ni pea haloma꞉ wanda꞉hali pa꞉ta꞉ta꞉ ma꞉nda꞉ma꞉ hoke yenki kia꞉peke na ya꞉la꞉me.

Loma꞉ 8:24

Nikana꞉ma꞉ honema꞉ tumao hamono Koda꞉ma꞉ niki da꞉taala꞉me. Koto pa꞉la꞉pate nikana꞉ma꞉ nika꞉ honema꞉ tumao witoloma꞉eki ota꞉ yao puma꞉ka꞉na꞉ta꞉ kota꞉ nika꞉ honema꞉ tumaasoma꞉eki ta paeyaasoma꞉me. Hali homekema꞉ ipika꞉ kone ipika꞉ handa꞉la꞉eki honema꞉ tumaapeke na ya꞉la꞉me.

1 Kotindi 15:1

Ya kametitio. Ame I̱ma꞉ iki pa꞉ta꞉ waloa꞉ Pi Seliapota꞉ ika꞉ hone u tiaaluekema꞉ alome. Koto pima꞉ta꞉ ikana꞉ma꞉ meata꞉ hone tulao honkopu hao hamina꞉ iki mea da꞉taala꞉me.

2 Kotindi 3:18

Kota꞉ niki paeyaota꞉ mo Tekehalina꞉ pa̱a̱ta꞉ na a꞉mbake nika꞉ leke popelekema꞉ta꞉ ipika꞉ pa̱a̱na꞉ su̱a̱ su̱a̱ waloma꞉me. Kutupa koto homeke pa̱a̱ma꞉ kone Tekehali hande Sipitidi pa꞉ta꞉ yama꞉ ipula꞉ ekima꞉ta꞉ nikita꞉ mo hoto paeyao pa daeya꞉tiki pu hala꞉ pa̱a̱ tieke pa꞉ta꞉ ipikima꞉ handomono topo peao hala꞉me.

2 Kotindi 4:17

Kutupa do hosiki pa ta꞉ka꞉li minoloma꞉ ka꞉nda꞉ manuma꞉ta꞉ koto ka꞉nda꞉ ota꞉ lombeipiki pa u halopa꞉la꞉ seliapo piki pa̱a̱ mea ipilieke.

Epesese 2:18

Ketisoma꞉ peaala꞉ ekima꞉ta꞉ Diu wanda꞉hali make Diendaili wanda꞉hali make niki paeyaoma꞉ta꞉ homeke Sipitidi meata꞉ Koda꞉ hala꞉ pa꞉ta꞉ pua꞉peke ya꞉la꞉me.

Epesese 3:12

Koto ekina꞉ nikita꞉ Yesu Ketiso yaapo ta꞉ma꞉ni pea ipiki pa꞉ta꞉ hone tulao hata꞉ta꞉ Koda꞉ hala꞉ pa꞉ta꞉ kina꞉pao honda꞉ pambolo pua꞉pa꞉peke ya꞉la꞉me.

Epesese 6:13

Koto ekina꞉ Koda꞉ma꞉ ika꞉ loke a꞉mbaamena꞉ kita꞉la꞉ alemanu ame kone mea pambao hapa꞉peke. Kutupa hande hoke natemanu ipilie dina꞉ta꞉ ika꞉ a꞉nda꞉ tunkuliki haliwekima꞉ iki hoeyaaluekema꞉ limi ala꞉ta꞉ ikana꞉ma꞉ ana꞉na꞉ a꞉mbao hata꞉ tombona꞉ opolo puata꞉ ika꞉ halimi alena꞉ kone pa tiao hao halimikie.

2 Desalonaika 2:16

Koda꞉ nika꞉ Apa꞉ma꞉ niki pukima꞉ homolo hata꞉ ipika꞉ a꞉ta꞉ma꞉ homa tamba꞉ mina꞉la꞉ ekina꞉yeke mo na paelo pa꞉la꞉ aela꞉ baasa꞉ hau make epeke hone tulaasa꞉ hau make niki kia꞉me.

Hibulu 3:6

Mosesita꞉ pa e pokaasa꞉ hali homeke hayekepate Ketisota꞉ Koda꞉na꞉ eiyeke yaalo hata꞉ Koda꞉na꞉ wanda꞉hali ota꞉ epeke tupa꞉ handeteke hala꞉me. Koto handeteke hala꞉ wanda꞉halita꞉ nikie. Nikana꞉ma꞉ a꞉nda꞉ nika꞉ Tekehalima꞉ ota꞉ pealieke hone wita꞉la꞉eki pita꞉ aela꞉ baasa꞉ hau yaapo a꞉nda꞉ ota꞉ wopu miniki haoma꞉ka꞉na꞉ alome.

Hibulu 6:18

Koda꞉ma꞉ koto topo pea꞉peke na yo yayapiki pi na lo pea꞉peke yekeeki yaapo wina꞉ leekeme. Ipika꞉ oto nane tinki pa haloma꞉ wanda꞉hali nikita꞉ nika꞉ hone ti laloma꞉eki ota꞉ miniki hamono yeke do koto pi yaapoma꞉ta꞉ nika꞉ puki tieke wopu mea tiala꞉me.

1 Pida 3:18

Ketiso hone umana꞉e. Ipiki kone ikina꞉ homeekeme. Ipikana꞉ma꞉ hoke hau paeyao yoko luekema꞉ hoto homeke kone homeekeme. Niki Koda꞉ pa꞉ta꞉ hatuku poluekema꞉ mo epeke halima꞉ niki hoke wanda꞉halina꞉ anke teke mea homeekeme. Ipika꞉ loketa꞉ homena꞉ lemekepate ipika꞉ temokota꞉ (Koda꞉ma꞉) da꞉ta hao haena꞉ leekeme.

Peneme Yaeyekeeki 21:11

Mo daonita꞉ Koda꞉na꞉ pa̱a̱ piti pa̱a̱ putia ipulu hata꞉ dia꞉sepa leke toopi seliapoma꞉ handa ala꞉ta꞉ ma꞉nda꞉ na ta̱leke kalasima꞉ handeekeme.

Peneme Yaeyekeeki 21:23

Mo daonina꞉ta꞉ nate o kaisepo ma꞉nda꞉ pa̱a̱ pealuekema꞉ opa꞉peke na ya꞉me. Pa ekipeke mo Koda꞉na꞉ au la꞉la꞉ pa̱a̱ta꞉ koto pa꞉ta꞉ pa̱a̱ pu hala꞉me. Kutupa mo daonina꞉ ola꞉paketa꞉ mo Sipisipi Ma꞉na꞉ Ikiki ya꞉me.

Peneme Yaeyekeeki 21:3

Oli kini sea nanema꞉ pi ho̱la̱꞉make tiekema꞉ dupa lea꞉eki opua꞉me. Ameta꞉ Koda꞉na꞉ data꞉ wanda꞉hali ame̱le̱ hala꞉me. Ipikita꞉ iki ame̱le̱ hata꞉ mo wanda꞉halita꞉ ipika꞉ wanda꞉hali au lalieke. Koda꞉ ipikita꞉ mo wanda꞉hali ame̱le̱ halieke. Ipikita꞉ ika꞉ Koda꞉ halieke.

Peneme Yaeyekeeki 3:21

Ma꞉nda꞉ epima꞉ a꞉nda꞉ pea bepolaeya꞉ka꞉na꞉ta꞉ I̱ ame̱le̱ mo yaka kini seana꞉ lopulao pitulupeke. I̱ma꞉ta꞉ bepolaota꞉ ameta꞉ yaka Apa꞉na꞉ kini seana꞉ lopulao pilupa꞉ tupa꞉ loa꞉me lea꞉me.