Loma꞉ 5:13 - Panake Pi La: Ula: Buka pita: Kine Pieke Buka

¹³ Mosesima꞉ mo hande Lo Pimanu a̱i̱ na opieke dina꞉ta꞉ kenke wanda꞉halima꞉ hoke hau pu haemekepate pi ula꞉ ekimanu dia꞉ yolo hata꞉ kota꞉ wanda꞉halima꞉ hoke hau pu haleme ekimanu wotu handa yata꞉pa꞉ tapaapeke na yeekeme.

Loma꞉ 5:13 ပူးပေါင်းရင်းမြစ်များ

Kini Pieke 13:13

Koto pa꞉ta꞉ haemeke wanda꞉halita꞉ hoke wanda꞉hali hata꞉ make mo Tekehali pa꞉ta꞉ hoke hau pu haemekeme.

Kini Pieke 18:20

Koto hone wia mo Tekehalima꞉ Eipoloha꞉ma꞉ pa꞉ta꞉ alota꞉ Mo Sodomo Komoto da yaapona꞉ pi laasa꞉eki manuta꞉ ota꞉ hokeeki laaloendi pita꞉la꞉me. Kutupa ipilika꞉ hoke hauta꞉ ota꞉ tiekee.

Kini Pieke 19:32

Koto ekina꞉ dika꞉ apa꞉ hoke ikali na keaena꞉ laa ipiki ame̱le̱ polupa꞉ka꞉na꞉ta꞉ kota꞉ ipiki pa꞉ta꞉ yama꞉ wekiwandiki mondupana꞉ loa꞉me leekeme.

Kini Pieke 19:36

Koto hau pipiki ekima꞉ta꞉ Lodana꞉ waneke yaapota꞉ weki loke lomba꞉alu pipikime.

Kini Pieke 19:4

Mo kimisu hali yaapo polu poluekema꞉ haena꞉ta꞉ mo Sodomo haliwekima꞉ mo da a꞉pa popei yaemekeme. Mo daoni pa꞉ta꞉ haemeke koke haliweki paeyao make pa꞉pa꞉na꞉ weki paeyao make a꞉pa haemekeme.

Kini Pieke 38:10

Ipikana꞉ma꞉ kutupiki hau pieke ekima꞉ta꞉ Koda꞉ ta꞉na꞉ma꞉ na homaeyeke handa Koda꞉ma꞉ta꞉ ipiki make lu homaeyekeme.

Kini Pieke 38:7

Eana꞉ hau manuta꞉ ota꞉ hoeyeke ekina꞉ Koda꞉ma꞉ ta꞉na꞉ma꞉ na homolo hata꞉ lu homaeyekeme.

Kini Pieke 6:11

Pate Koda꞉na꞉ leke popelekena꞉ wanda꞉hali paeyaota꞉ hoke hauma꞉ tumbulu bao make haku na piki hau pita꞉la꞉eki manuma꞉ta꞉ kenke honiki paeyao pa꞉ta꞉ putu piekeme.

Kini Pieke 8:21

Kutu pieke handaa mo lia haleeke hotekena꞉ totopo seliapoma꞉ta꞉ mo Tekehali ta꞉na꞉ homa꞉ tiayeke handaa ipika꞉ kone alota꞉ Do wanda꞉halima꞉ pu haleme ekina꞉ I̱ma꞉ do kenketa꞉ esihou pi oto pa꞉ta꞉ ota꞉ paa na wina꞉ lolueke. Pa ekipeke ika꞉ mo panake daeta꞉la꞉me ale pa꞉ta꞉ koneta꞉ hoke honemanu wilimi ekita꞉ I̱ma꞉ hone ulu ekina꞉ loa꞉me. Koto ekina꞉ I̱ma꞉ ame do pua꞉ tupa꞉ mo do kenkena꞉ pa pitiki alemanu paeyao ota꞉ paa a꞉nda꞉ na hoeyaalueke.

Loma꞉ 3:20

Do ekina꞉ yeke loa꞉me. Ma꞉nda꞉ hali a꞉nda꞉ma꞉ hande Lo Pimanu opua pa꞉la꞉ ekina꞉ Koda꞉ pa꞉ta꞉ tikitiki yao hapeke na ya꞉la꞉me. Mo hande Lo Pi manuma꞉ pita꞉la꞉ ekita꞉ wanda꞉halima꞉ ika꞉ hoke hau pelemeeki hone wina꞉ pita꞉la꞉me.

Loma꞉ 4:15

Hande Lo Pimanu opua oto pa꞉ta꞉ haleme wanda꞉hali pa꞉ta꞉ wetepena꞉ta꞉ Koda꞉ma꞉ mineke pankolo hata꞉ iki ame̱le̱ pi yokaalu pilieke. Kutu pulu pa꞉la꞉pate hali ma꞉nda꞉ma꞉ wanda꞉hali pa꞉ta꞉ pi wita꞉la꞉eki ma꞉nda꞉ na la halea꞉ka꞉na꞉ta꞉ kota꞉ wetepena꞉ iki pa꞉ta꞉ pi ula꞉eki yambelelememe pi lapeke na ya꞉la꞉me.

1 Kotindi 15:56

Homa꞉la꞉ ekima꞉ta꞉ ipika꞉ tanda peao homaaluekema꞉ wele peaasa꞉ ekita꞉ hoke hau pita꞉la꞉eki pa꞉ta꞉ yama꞉ mu hala꞉me. Kutupa hoke hau pita꞉la꞉ ekima꞉ta꞉ ipika꞉ wele peaasa꞉ ekita꞉ mo hande Lo Pimanu pa꞉ta꞉ yama꞉ mu hala꞉me.

1 Dioni 3:14

Mo homa꞉la꞉eki mina꞉pa꞉lao da꞉ta꞉la꞉eki pa꞉ta꞉ epoloma꞉ ekita꞉ nika꞉ hone uluma꞉me. Koto mo nikana꞉ma꞉ nika꞉ kametonu pa꞉ta꞉ pukima꞉ homo haloma꞉ ekita꞉ hone ulume laa loa꞉me. Ma꞉nda꞉ epima꞉ pukima꞉ na homea꞉ka꞉na꞉ta꞉ ipikita꞉ mo homa꞉la꞉ ekina꞉ honkopu oto pa꞉ta꞉ paa hala꞉me.

1 Dioni 3:4

Ma꞉nda꞉ epita꞉ hoke hau pia꞉ka꞉na꞉ta꞉ Koda꞉na꞉ pi ula꞉eki yamba꞉la꞉la꞉me. Pa ekipeke hoke hauta꞉ Koda꞉na꞉ pi ula꞉eki yamba꞉la꞉la꞉ ekie.