Loma꞉ 5:12 - Panake Pi La: Ula: Buka pita: Kine Pieke Buka

¹² Hali homekema꞉ pa꞉la꞉ ekima꞉ kone niki kenke wanda꞉hali paeyaoma꞉ hoke hau pu haloma꞉me. Ipika꞉ hoke hau pieke ekina꞉ homeekeme. Kutupa kenke wanda꞉hali paeyaoma꞉ make hoke hau pu haloma꞉ ekina꞉ homolo poloma꞉eki moloma꞉me.

Loma꞉ 5:12 ပူးပေါင်းရင်းမြစ်များ

Kini Pieke 2:17

mo epeke hau pita꞉ hoke hau pita꞉la꞉eki yaapona꞉ hone u tiaasa꞉ ti poteke homeke homeke dia꞉me. Mo koto tina꞉ poteketa꞉ ota꞉ na napeke laata꞉ Neka꞉na꞉ta꞉ kota꞉ mo nelipi natena꞉ kone homilipikie laa leekeme.

Kini Pieke 3:19

Kutupa mo kenkema꞉ anemone ale opena꞉ yeketa꞉ a꞉ka꞉li mendia honkopu hao e poka꞉tiki pilipikie. Dupiki hau putia pua mo neke wa꞉pa꞉la꞉ kenke pa꞉ta꞉ pulu hata꞉ta꞉ mina꞉pa꞉lalipikie. Neketa꞉ dokoloma꞉ wepiekeeki yalo hata꞉ dokolo au kone lelipikie.

Kini Pieke 3:6

Mo wanda꞉ma꞉ mo ti handeeketa꞉ au epeke laa mo ti poteke nalota꞉ ota꞉ a꞉pa꞉la꞉me laa handeekeme. Kutupa ipika꞉ honema꞉ ipikita꞉ hone wopu u lenkene pitolota꞉ ota꞉ a꞉pa꞉la꞉me hone wiekeme. Koto ekina꞉ta꞉ ipikana꞉ma꞉ mo mandane ti potekemanu mea neekeme. Kutupa ipikana꞉ma꞉ mandane ekita꞉ ipika꞉ haliki haleeketa꞉ halikima꞉ make neekeme.

Loma꞉ 3:23

Wanda꞉hali paeya ta꞉paoma꞉ hoke hau pea hata꞉ta꞉ hande da꞉tao hala꞉ Koda꞉ teke pa꞉ta꞉ na haloma꞉pate

Loma꞉ 5:18

Koto ekina꞉ mo hande hali homekema꞉ hoke hau pieke ekina꞉ wanda꞉hali niki paeyaoma꞉ hoke yenki mea꞉peke ya꞉la꞉me. Koto tupa꞉ kone mo hande hali homeke ma꞉nda꞉ma꞉ tikitiki hau pieke ekina꞉ Koda꞉ma꞉ wanda꞉hali niki paeyao ka꞉la꞉pa꞉ tapao da꞉ta hao hamono lo hala꞉me.

Loma꞉ 5:19

Kutupa make mo hande hali homekema꞉ Koda꞉na꞉ pi na opieke ekina꞉ wanda꞉hali woputa꞉ hoke hau poloma꞉ wanda꞉hali haloma꞉me. Koto tupa꞉ kone mo hande hali homeke ma꞉nda꞉ma꞉ Koda꞉na꞉ pi opua pieke ekina꞉ Koda꞉ma꞉ wanda꞉hali wopu ipiki yaapo tikitiki yao hamono lo hala꞉me.

Loma꞉ 5:21

Koto ekina꞉ wanda꞉hali paeyao homolo puma꞉ ekina꞉ hoke hau pita꞉la꞉eki titipu wotu piekeme. Koto tupa꞉ kone Koda꞉ma꞉ niki pa꞉ta꞉ pa hameke a꞉ta꞉ma꞉ homolo hata꞉ nikita꞉ ipiki yaapo tikitiki yao hamono laata꞉ da꞉ta hao hamono la꞉la꞉me. Koto pa꞉la꞉ ekima꞉ Koda꞉ ipika꞉ pa hameke a꞉ta꞉ma꞉ homa꞉la꞉eki titipu wopu pa꞉la꞉eki peneme yao wala꞉la꞉me. Kutupa koto pa꞉la꞉ ekita꞉ Koda꞉ma꞉ nika꞉ Tekehali Yesu Ketisoma꞉ peaena꞉ leekeme.

Loma꞉ 6:21

Kutupu haeme hau manuma꞉ ameta꞉ iki yaala꞉ma꞉ homelemepate iki epeaaso na pia꞉me. Kutu piki hau manuma꞉ta꞉ wanda꞉hali homao halememe.

Loma꞉ 6:23

Hoke hau piteleme ekina꞉ mea꞉peke yenkita꞉ homa꞉la꞉ekie. Kutu pa꞉la꞉pate Koda꞉ma꞉ pa hameke kita꞉la꞉ ekita꞉ da꞉ta hao hala꞉ekie. Nika꞉ Tekehali Yesu Ketiso yaapo ta꞉ma꞉ni pea hamono kita꞉la꞉me.

1 Kotindi 15:56

Homa꞉la꞉ ekima꞉ta꞉ ipika꞉ tanda peao homaaluekema꞉ wele peaasa꞉ ekita꞉ hoke hau pita꞉la꞉eki pa꞉ta꞉ yama꞉ mu hala꞉me. Kutupa hoke hau pita꞉la꞉ ekima꞉ta꞉ ipika꞉ wele peaasa꞉ ekita꞉ mo hande Lo Pimanu pa꞉ta꞉ yama꞉ mu hala꞉me.

Epesese 2:3

Amba꞉ta꞉ niki make kutupiki wanda꞉hali hao hata꞉ta꞉ nika꞉ hone pieke ekimanu putia pulu hata꞉ nika꞉ lokema꞉ hone pieke make nika꞉ hone wia puma꞉eki make pu haoma꞉me. Koto hau pu haleme wanda꞉hali pa꞉ta꞉ Koda꞉ma꞉ hoke yenki hala꞉peke ya꞉la꞉ tupa꞉ niki pa꞉ta꞉ make kia꞉peke yolo pia꞉me.

Dia꞉mesi 1:15

Pa wanda꞉wekina꞉ weleke pa꞉ta꞉ weki pitao mendia꞉la꞉ tupa꞉ hande ipika꞉ hoke hone pa꞉la꞉eki pia꞉ka꞉na꞉ta꞉ kota꞉ hoke hau pita꞉la꞉me. Kutupa mo weki daeta꞉la꞉ tupa꞉ mo hoke hau pita꞉la꞉eki daeyatia puaata꞉ hande some ota꞉ homaalieke.

Dia꞉mesi 3:2

Niki paeyaoma꞉ hoto elekeeleke hao hoeya꞉tiki pitoloma꞉pate hali homeke a꞉nda꞉ma꞉ pi alo hata꞉ hokeeki ma꞉nda꞉ na lea꞉ka꞉na꞉ta꞉ koto halima꞉ta꞉ ipiki pa꞉ta꞉ ala꞉ta꞉ ma꞉nda꞉ na wiki hali hata꞉ ipika꞉ hone puki pa꞉ta꞉ make ipika꞉ loke make ana꞉na꞉ handeteke hatiki pilieke.