Loma꞉ 5:11 - Panake Pi La: Ula: Buka pita: Kine Pieke Buka

¹¹ Koto hau homeke dia꞉me. Nika꞉ Tekehali Yesu Ketisoma꞉ nikita꞉ Koda꞉ ipika꞉ yankekesunu hamono la꞉la꞉ ekina꞉ Koda꞉ pa꞉ta꞉ ta꞉na꞉ma꞉ homo haloma꞉me.

Loma꞉ 5:11 ပူးပေါင်းရင်းမြစ်များ

Luku 1:46

Koto leeketa꞉ Metima꞉ alota꞉ Yaka pukima꞉ Tekehalina꞉ pi laasome.

Dioni 1:12

Kutu pimikipate mandane wanda꞉halima꞉ta꞉ ipiki handa꞉ meata꞉ ipiki pa꞉ta꞉ hone tulao hatiki pimikime. Kutu pimiki handaata꞉ koto wanda꞉halita꞉ Koda꞉na꞉ weki wandiki haena꞉ leekeme.

Loma꞉ 11:15

Koda꞉ma꞉ Diu wanda꞉hali kiaeyeke pita꞉ ipikana꞉ma꞉ mo mandane kenke wanda꞉halita꞉ ipika꞉ yankeketiti haena꞉ leekeme. Kutu pieke handaata꞉ Koda꞉ma꞉ Diu wanda꞉hali paa handa꞉ mia꞉ka꞉na꞉ta꞉ kota꞉ kutu pulu pa꞉la꞉ ekita꞉ mo homa toko ula꞉ wanda꞉hali paa mea da꞉taalo pa꞉la꞉ ekina꞉ pa꞉la꞉me.

Loma꞉ 2:17

Koto pa꞉la꞉pate neketa꞉ eki pelepe. Nakana꞉ma꞉ alota꞉ I̱ta꞉ Diu halie aleme. Nakana꞉ma꞉ta꞉ hande Lo Pimanu pa꞉ta꞉ ti lao hata꞉ naka꞉ kone naka꞉ hakoko litolo alota꞉ I̱ta꞉ Koda꞉na꞉ tapake hali halome aleme.

Loma꞉ 5:1

Nika꞉ hone tulaaloma꞉ ekima꞉ Koda꞉ma꞉ nikita꞉ ipiki yaapo tikitiki hamono la꞉la꞉me. Kutu pa꞉leke handa Koda꞉ma꞉ nika꞉ puki lopao ipiki ame̱le̱ hamono la꞉la꞉me. Nika꞉ Tekehali Yesu Ketisoma꞉ pa꞉la꞉ ekina꞉ pa꞉la꞉me.

Loma꞉ 5:10

Amba꞉ nikita꞉ Koda꞉ ipika꞉ a꞉nda꞉ tunkuliki wanda꞉hali haoma꞉pate ipika꞉ Eiyekena꞉ homeeke ekima꞉ nikita꞉ ipika꞉ yankekesunu hamono la꞉la꞉me. Ame nikita꞉ Koda꞉ ipika꞉ yankekesunu haloma꞉ ekina꞉ Ketiso ipika꞉ da꞉ta hala꞉ ekima꞉ Koda꞉ma꞉ niki wotu tamba꞉ milieke.

Loma꞉ 5:3

Koto ekina꞉ homeke dia꞉ya꞉la꞉pate niki pa꞉ta꞉ ka꞉nda꞉ma꞉ homa꞉la꞉eki ipula꞉ ekina꞉ make ta꞉na꞉ma꞉ homa hapeke ya꞉la꞉me. Niki pa꞉ta꞉ ka꞉nda꞉ma꞉ homa꞉la꞉ ekimanu epea꞉ka꞉na꞉ta꞉ kota꞉ nikita꞉ na꞉pa na wiki da̱o̱la halo poloma꞉eki ipulu pita꞉la꞉me.

Loma꞉ 8:23

Koto wa꞉pa꞉la꞉eki manuma꞉ homeke na alemepate niki make hande Koda꞉ma꞉ titina꞉ amba꞉la ka꞉la꞉ Sipitidi mea hata꞉ta꞉ nikana꞉ma꞉ make niki tukiki pa꞉ta꞉ keme lo haloma꞉me. Koda꞉ma꞉ niki ipika꞉ wekitonu hamono laata꞉ nika꞉ loke tieke paeyao ka꞉la꞉pa꞉ tapaowaena꞉yeke handeteke hao hata꞉ lo haloma꞉me.

Loma꞉ 9:10

Kutu pulu pa꞉la꞉eki homeke dia꞉me. Lepekama꞉ weki yaapo mendiekepate mo weki yaapo ipilika꞉ ateketa꞉ Aisa꞉kee. Ipikita꞉ nika꞉ apa꞉mei hayekeme.

1 Kotindi 10:16

Hande Koda꞉ma꞉ niki epeaala꞉ kapona꞉ noluekema꞉ hata꞉ Koda꞉ pa꞉ta꞉ keiyae pi laa nalo hata꞉ta꞉ Ketiso ipika꞉ we pa꞉ta꞉ na telipaasoma꞉pe. Kutupa hande pindipindi pea ula꞉ palaowa make nalo hata꞉ta꞉ Ketiso ipika꞉ loke mindiki pa꞉ta꞉ na telipaasoma꞉pe.

2 Kotindi 8:19

Kutupa make ipikita꞉ nikana꞉ma꞉ do pukima꞉ homa꞉la꞉ ekina꞉ e pokotia pominoloma꞉ ale pa꞉ta꞉ mandakena꞉ pomiomono yeke mo siosi manuma꞉ ma̱leke lila꞉me. Do e pokoloma꞉ ekina꞉ teketa꞉ mo Tekehalina꞉ pa̱a̱na꞉ make mo nikita꞉ tamba꞉ muluekema꞉ hone wopu witoloma꞉me laa waluekema꞉ pitoloma꞉me.

Ka꞉leisia 4:9

Kutu pimipate ameta꞉ ikana꞉ma꞉ Koda꞉ handelememe o dia꞉me ameta꞉ Koda꞉ma꞉ iki handa꞉la꞉me lapeke ya꞉la꞉me. Koto pa꞉la꞉pate pa ekipa mo hoke honkopu na hake kenke tumbao haleme temokomanu pa꞉ta꞉ paa la꞉ka꞉la pua ika꞉ pa hameke e pokaaseme wanda꞉hali kone haluekema꞉ taapo halemepe.

Ka꞉leisia 5:22

Koto pa꞉la꞉pate mo Holi Sipitidima꞉ta꞉ epeke haumanu dupa peawaasa꞉me. Pukima꞉ homa꞉la꞉ hau make puki tukiki nane ota꞉ ta꞉na꞉ma꞉ homa꞉la꞉ hau make puki lopaasa꞉ hau make homu pea yu wia hala꞉ hau make a꞉ta꞉ma꞉ homolo epeke pita꞉la꞉ ekima꞉ ma꞉nda꞉ tamba꞉ mina꞉la꞉ hau make hone tulao hata꞉ e poka꞉la꞉ hau make

Pilipai 3:1

Ya Ketiso yankeke tonuo. Ya pi lo paeyaaluekema꞉ta꞉ dupa alome. Ikana꞉ma꞉ mo Tekehali pa꞉ta꞉ tunao hata꞉ta꞉ ta꞉na꞉ma꞉ homo hapa꞉peke. Amba꞉ hande wape pua꞉eki paa wape puluekema꞉ soka꞉la꞉ na pa꞉la꞉pate iki lopaama꞉na꞉ sa꞉sa꞉ pina꞉e hone witolo ekina꞉ paa wape pitolome.

Pilipai 3:3

Mo hau pu haleme haliweki dia꞉ya꞉la꞉ pateta꞉ nikita꞉ mo ota꞉ sekemesaisi hauta꞉ mea haloma꞉me. Pa ekipape. Nikita꞉ Koda꞉na꞉ yakopiki temokoma꞉ tamba꞉ minolo haena꞉ Koda꞉ pa꞉ta꞉ yeni pu haloma꞉me. Kutupata꞉ Yesu Ketiso pa꞉ta꞉ tunao hata꞉ paleke na hao haloma꞉me. Kutupa make mo nika꞉ manda loke nina꞉ peaaseme haumanu pa꞉ta꞉ hone ota꞉ homeke a꞉nda꞉ ti lao na haloma꞉me.

Pilipai 4:4

Ika꞉ Tekehali pa꞉ta꞉ haleme ekina꞉ta꞉ hoto paeyao ta꞉na꞉ma꞉ homu hapa꞉peke. Paa make alome. Ta꞉na꞉ma꞉ homu hapa꞉peke.

Kolosi 2:6

Yesu Ketisota꞉ ika꞉ Tekehalie laa handa꞉ meleme ekina꞉ta꞉ ipiki yaapo ta꞉ma꞉ni pea hapa꞉peke.

1 Pida 1:8

Ipikita꞉ lekema꞉ na handemepate kone ipiki pa꞉ta꞉ ikana꞉ma꞉ pukima꞉ homelememe. Ameta꞉ ipiki lekema꞉ na handelemepate kone ikana꞉ma꞉ ipiki pa꞉ta꞉ hone tulao halememe. Ika꞉ temokona꞉ pa꞉ta꞉ la꞉la꞉ ekina꞉ muluekema꞉ hone tulaememe. Kutupa ameta꞉ minelemeke handa ikana꞉ma꞉ ta꞉na꞉ma꞉ homa꞉la꞉eki paeyao lombei pu pa pua ota꞉ pima꞉ make lapeke na yeke ta꞉na꞉ homo halememe.