Loma꞉ 5:1 - Panake Pi La: Ula: Buka pita: Kine Pieke Buka

¹ Nika꞉ hone tulaaloma꞉ ekima꞉ Koda꞉ma꞉ nikita꞉ ipiki yaapo tikitiki hamono la꞉la꞉me. Kutu pa꞉leke handa Koda꞉ma꞉ nika꞉ puki lopao ipiki ame̱le̱ hamono la꞉la꞉me. Nika꞉ Tekehali Yesu Ketisoma꞉ pa꞉la꞉ ekina꞉ pa꞉la꞉me.

Loma꞉ 5:1 ပူးပေါင်းရင်းမြစ်များ

Luku 19:38

Mo wanda꞉halima꞉ la꞉tia pulu alota꞉ Mo Tekehalina꞉ bikina꞉ ipula꞉ kini halita꞉ Koda꞉ma꞉ epeaena꞉e. Hepeni nane haleme tapakema꞉ a꞉nda꞉ peliaaso hata꞉ Koda꞉na꞉ biki tieke miniliaena꞉e la꞉tia pemekeme.

Luku 19:42

Nakana꞉ma꞉ ame a꞉nda꞉ peliaasa꞉eki muluekema꞉ pea꞉pekeeki hone witolo yoluta꞉ epolo pia꞉me. Koto pa꞉la꞉pate ameta꞉ nakana꞉ma꞉ ana꞉na꞉ handa꞉peke na ya꞉la꞉me.

Luku 2:14

Oli ya manda hala꞉ Koda꞉na꞉ pi lapa꞉peke. Ipikana꞉ma꞉ ta꞉na꞉ma꞉ homolo hata꞉ kenkena꞉ haleme haliwekina꞉ puki lopaala꞉me laa lemekeme.

Dioni 14:27

I̱ma꞉ iki mina꞉pa꞉lao pulupate puki lopa꞉niaasa꞉ ekita꞉ iki pa꞉ta꞉ pa wina꞉ laa pulume. Yaka puki lopa꞉niaasa꞉eki kone iki pa꞉ta꞉ kitolome. Kutupa mo kenke wanda꞉halima꞉ iki pa꞉ta꞉ kita꞉la꞉ tupa꞉ pa na kitolome. Koto ekina꞉ hone eleke eleke na wiki paala꞉ma꞉ na homa꞉pa꞉peke laa leekeme.

Dioni 16:33

Do la kitolo pita꞉ ikana꞉ma꞉ I̱ yaapo ta꞉ma꞉ni pea hata꞉ puki lopa꞉niao hamina꞉yeke la loa꞉me. Kenke wanda꞉halima꞉ iki pa꞉ta꞉ tanda kulu pelemepate honkopu hao hapa꞉peke. Do kenkena꞉ pita꞉la꞉ hau manuta꞉ I̱ma꞉ amba꞉ bepolao ulume leekeme.

Dioni 20:31

Kutu pa꞉la꞉pate ikana꞉ma꞉ Yesuta꞉ mo Ketiso make Koda꞉ ipika꞉ Eiyeke make hala꞉me laa ipiki pa꞉ta꞉ hone tulao hata꞉ ipika꞉ bikina꞉ da꞉ta꞉la꞉eki muemena꞉yeke do ekimanu do bukana꞉ wape pea ula꞉me.

Dioni 5:24

Iki pa꞉ta꞉ ota꞉ pi alome. Hali epima꞉ I̱ma꞉ alo pimanu opuaata꞉ I̱ tapaala꞉ hali pa꞉ta꞉ make hone tulaeya꞉ka꞉na꞉ta꞉ kota꞉ koto halita꞉ deto hala꞉eki miniki hala꞉me. Kutu pita꞉la꞉ halita꞉ homa꞉la꞉eki mina꞉pa꞉lao da꞉ta꞉la꞉eki amba꞉ miniki hala꞉eki yolo hata꞉ pi yokaalu pulu pa꞉la꞉ pa꞉ta꞉ na pelieke.

Aposolo 10:36

Ikana꞉ma꞉ do ekita꞉ amba꞉ ta handeleme handa꞉e. Koda꞉ma꞉ mo Isulai wanda꞉hali pa꞉ta꞉ pi tapaeyekeeki loa꞉me. Ipikana꞉ma꞉ mo a꞉nda꞉ peliaasa꞉ Pi Seliapota꞉ Yesu Ketiso pa꞉ta꞉ yama꞉ walena꞉ leekeme. Yesuta꞉ wanda꞉hali make ala꞉ta꞉ ala꞉ta꞉ make paeyaona꞉ Tekehalie.

Loma꞉ 1:17

Mo hande Pi Seliapoma꞉ doeki wala꞉leke handa loa꞉me. Koda꞉ma꞉ wanda꞉hali ipiki pa꞉ta꞉ tiki tiki haena꞉ ala꞉eki wala꞉la꞉me. Mo Koda꞉ma꞉ do pita꞉la꞉ ekita꞉ wanda꞉halima꞉ hone tulao hatiki puo pu hao paeyaalo pulu make pilieke. Mo Baibolo bukana꞉ wape pea ula꞉ tupa꞉ Hali epima꞉ Koda꞉ pa꞉ta꞉ hone tulao haya꞉ka꞉na꞉ta꞉ Koda꞉ma꞉ ipiki pa꞉ta꞉ mo hali tiki tiki haena꞉ lelieke. Kutupa mo halita꞉ da꞉ta halieke.

Loma꞉ 1:7

Koto pa꞉la꞉ ekina꞉ Koda꞉ma꞉ pukima꞉ homaata꞉ ota꞉ ipika꞉ wanda꞉hali hamina꞉ wi la꞉la꞉ Loma꞉ wanda꞉halio. Iki paeyao pa꞉ta꞉ wape do pitolome. Nika꞉ Apa꞉ Koda꞉ma꞉ make pa Tekehali Yesu Ketisoma꞉ make iki pa꞉ta꞉ a꞉ta꞉ma꞉ homolo hata꞉ ika꞉ puki lopao hamina꞉ lepeka꞉na꞉ta꞉ epelieke.

Loma꞉ 10:10

Do ekina꞉yeke loa꞉me. Nika꞉ puki pa꞉ta꞉ hone tulaasoma꞉ ekina꞉ Koda꞉ma꞉ nikita꞉ ipiki yaapo tikitiki yao hamono ala꞉me. Nika꞉ kakema꞉ peneme yao aloma꞉ ekina꞉ nikita꞉ da꞉ta haloma꞉me.

Loma꞉ 10:15

Kutupa hande pi mea pua walaaseme wanda꞉hali na tapaemeka꞉na꞉ta꞉ kota꞉ ekipa pi walaalimikipe. Mo hande Baibolo bukana꞉ wape pa꞉la꞉ ekita꞉ dupa. Mo ota꞉ epeke pi seliapo mea a꞉paaseme wanda꞉halina꞉ anke manuta꞉ ota꞉ yole pea ula꞉me laa la꞉la꞉me.

Loma꞉ 14:17

Mo hande Koda꞉ ipika꞉ Kilu Tombuao Hala꞉ ekita꞉ kota꞉ ne ikali nala꞉ ekima꞉ na pa꞉la꞉me. Mo hande Holi Sipitidima꞉ kita꞉la꞉eki manuta꞉ tikitiki yao hala꞉eki puki lopa꞉niaasa꞉eki ta꞉na꞉ma꞉ homa꞉la꞉eki koto ekimanu kita꞉la꞉ ekima꞉ pa꞉la꞉me.

Loma꞉ 15:13

Mo hande ti lao haasa꞉ ekina꞉ teke hali Koda꞉ma꞉ta꞉ ikana꞉ma꞉ ipiki pa꞉ta꞉ hone tulaaseme ekina꞉ ta꞉na꞉ tiekema꞉ homelemeeki make puki lopa꞉niao halemeeki make iki pa꞉ta꞉ tumbao pitaeya꞉ka꞉na꞉ta꞉ epelieke. Kutupa ikana꞉ma꞉ ipikina꞉ ti lao hata꞉ hando haleme ekita꞉ mo Holi Sipitidina꞉ welema꞉ mea daeyatiki pina꞉ lea꞉ka꞉na꞉ta꞉ kota꞉ kotota꞉ epelieke.

Loma꞉ 15:33

Mo hande puki lopa꞉niaasa꞉eki pu tiaasa꞉ teke hali Koda꞉ma꞉ iki paeyao ame̱le̱ mandakena꞉ haya꞉ka꞉na꞉ta꞉ kota꞉ epelieke. Kutu pina꞉e.

Loma꞉ 3:22

Wanda꞉halima꞉ Yesu Ketiso pa꞉ta꞉ hone tulaaseme ekima꞉ Koda꞉ma꞉ ikita꞉ ipiki pa꞉ta꞉ tikitiki yao hamina꞉ lo hala꞉me. Ketiso pa꞉ta꞉ hone tulaaseme wanda꞉hali paeya ta꞉pao pa꞉ta꞉ Koda꞉ma꞉ koto hau pu hala꞉me. Diu wanda꞉hali make Diendaili wanda꞉hali make ta꞉ta꞉ pea na haleme ekina꞉ loa꞉me.

Loma꞉ 3:30

Koda꞉ta꞉ homeke hata꞉ta꞉ mo Diu wanda꞉halima꞉ ika꞉ hone tulaaseme ekina꞉ make mo Diendaili wanda꞉halima꞉ ika꞉ hone tulaaseme ekina꞉ make ipiki yaapo tikitiki yao haena꞉ lelieke.

Loma꞉ 4:5

Koto pa꞉la꞉pate hali homeke a꞉nda꞉ma꞉ ipika꞉ pieke ekimanu hone na wiki pa Koda꞉ pa꞉ta꞉ hone tulao haya꞉ka꞉na꞉ta꞉ kota꞉ Koda꞉ma꞉ koto halima꞉ ipiki pa꞉ta꞉ hone tulaala꞉eki handaata꞉ pa hoke hau pa꞉la꞉ hali kone ameta꞉ eki a꞉nda꞉ na piki hali hala꞉me laa lelieke. Kutu pita꞉la꞉ ekima꞉ Koda꞉ma꞉ koto halita꞉ I̱ pa꞉ta꞉ tikitiki yao haena꞉ lolueke la꞉la꞉me.

Loma꞉ 5:11

Koto hau homeke dia꞉me. Nika꞉ Tekehali Yesu Ketisoma꞉ nikita꞉ Koda꞉ ipika꞉ yankekesunu hamono la꞉la꞉ ekina꞉ Koda꞉ pa꞉ta꞉ ta꞉na꞉ma꞉ homo haloma꞉me.

Loma꞉ 5:18

Koto ekina꞉ mo hande hali homekema꞉ hoke hau pieke ekina꞉ wanda꞉hali niki paeyaoma꞉ hoke yenki mea꞉peke ya꞉la꞉me. Koto tupa꞉ kone mo hande hali homeke ma꞉nda꞉ma꞉ tikitiki hau pieke ekina꞉ Koda꞉ma꞉ wanda꞉hali niki paeyao ka꞉la꞉pa꞉ tapao da꞉ta hao hamono lo hala꞉me.

Loma꞉ 6:23

Hoke hau piteleme ekina꞉ mea꞉peke yenkita꞉ homa꞉la꞉ekie. Kutu pa꞉la꞉pate Koda꞉ma꞉ pa hameke kita꞉la꞉ ekita꞉ da꞉ta hao hala꞉ekie. Nika꞉ Tekehali Yesu Ketiso yaapo ta꞉ma꞉ni pea hamono kita꞉la꞉me.

Loma꞉ 9:30

Koto ekina꞉ do aloma꞉ pita꞉ eki epina꞉ aloma꞉pe dupae. Diendaili wanda꞉halima꞉ta꞉ Koda꞉ yaapo tikitiki yao haluekema꞉ pota꞉ na weimikipate ikana꞉ma꞉ Koda꞉ pa꞉ta꞉ hone tulaaleme ekima꞉ Koda꞉ma꞉ ikita꞉ ipiki yaapo tikitiki hamina꞉ la꞉la꞉me.

Ka꞉leisia 2:16

Koto poloma꞉pate koneta꞉ ma꞉nda꞉ hali epima꞉ Koda꞉ pa꞉ta꞉ tikitiki yao haluekema꞉ta꞉ kota꞉ titina꞉ pea꞉peke hauta꞉ Yesu Ketiso pa꞉ta꞉ hone tulaalimi ekima꞉ homeke tikitiki yao halimikie. Pa mo Lo Pi ula꞉ ekimanu miniki haleme ekima꞉ ota꞉ dia꞉me. Koto pa꞉la꞉eki handolo hata꞉ niki make Yesu pa꞉ta꞉ hone tulaaloma꞉me. Pa Koda꞉ pa꞉ta꞉ tikitiki yao haluekema꞉yeke kutupiki hau ota꞉ poloma꞉me. Pate pa mo Mosesina꞉ pi ula꞉ ekimanu miniki haloma꞉ ekima꞉ dia꞉me. Koda꞉ pa꞉ta꞉ tikitiki yao haluekema꞉ta꞉ hali homeke ma꞉nda꞉ma꞉ mo Lo Pi ula꞉ ekimanu opua pu hala꞉ ekima꞉ ota꞉ pea꞉peke na ya꞉la꞉me.

Ka꞉leisia 3:25

Kota꞉ ameta꞉ mo hone tulaasa꞉ ekina꞉ nate opolo a꞉pa꞉leke handaata꞉ mo Lo Pi ula꞉eki manuma꞉ niki pa na handeteke hala꞉me.

Ka꞉leisia 5:22

Koto pa꞉la꞉pate mo Holi Sipitidima꞉ta꞉ epeke haumanu dupa peawaasa꞉me. Pukima꞉ homa꞉la꞉ hau make puki tukiki nane ota꞉ ta꞉na꞉ma꞉ homa꞉la꞉ hau make puki lopaasa꞉ hau make homu pea yu wia hala꞉ hau make a꞉ta꞉ma꞉ homolo epeke pita꞉la꞉ ekima꞉ ma꞉nda꞉ tamba꞉ mina꞉la꞉ hau make hone tulao hata꞉ e poka꞉la꞉ hau make

Epesese 2:7

Koto hande Koda꞉ma꞉ pieke hauta꞉ ipikana꞉ma꞉ pukima꞉ homolo hata꞉ Yesu Ketiso niki pa꞉ta꞉ ka꞉la꞉ ekima꞉ wetepena꞉ halo peleme wanda꞉halima꞉ ipikana꞉ma꞉ ota꞉ pa hameke a꞉ta꞉ma꞉ wopu homo hala꞉eki nate paeyao handa꞉tiki pina꞉ piekeme.

Pilipai 3:9

Koto ekina꞉ mo tikitiki yao hala꞉ ekita꞉ ya kone na polome. Hande Mosesima꞉ mieke Lo Pimanu opua pu hao mea꞉peke ya꞉la꞉ ekima꞉ na polome laa loa꞉me. Mo Koda꞉ma꞉ Yesu Ketiso pa꞉ta꞉ hone tulaasome wanda꞉hali pa꞉ta꞉ ku hala tikitiki yao hala꞉ ekita꞉ ame molome. Do tikitiki yao haasa꞉ ekina꞉ teketa꞉ hone tulaasa꞉ekie.

Kolosi 1:20

Eiyeke pa꞉ta꞉ yama꞉ Koda꞉ma꞉ mo do kenkena꞉ oli ya nane ula꞉ alemanu paeyao paa la꞉ka꞉la ipiki ame̱le̱ a꞉pa ta꞉ma꞉ni pina꞉ hone wiekeme. Koda꞉ma꞉ a꞉nda꞉ peliayeke ekita꞉ ipika꞉ Eiyeketa꞉ a꞉ka꞉tei wape piki ti manda homena꞉ leeke ekima꞉ oli ya do kenke nane ula꞉ alemanu paeyao paa la꞉ka꞉la ipiki ame̱le̱ a꞉pa ta꞉ma꞉ni pina꞉ leekeme.

Kolosi 3:15

Kutupa Ketisoma꞉ kita꞉la꞉ puki lopa꞉niaasa꞉ ekima꞉ta꞉ ika꞉ wepilimi pimanu handeteke haena꞉ pita꞉la꞉me. Do puki lopa꞉niaasa꞉eki muemena꞉ yeke Koda꞉ma꞉ iki homeke loke apa꞉taemena꞉ wi la꞉la꞉me. Kutupa keiyae lo hapa꞉peke.

1 Desalonaika 5:23

Nika꞉ puki lopawao hala꞉ Koda꞉ma꞉ ikita꞉ ika꞉ haumanu paeyao pa꞉ta꞉ yako pina꞉ lawaena꞉e alome. Kota꞉ nika꞉ Tekehali Yesu Ketisona꞉ epolo pa꞉la꞉ nateta꞉ ipula꞉me. Koto nate opolo epea꞉ka꞉na꞉ta꞉ ikita꞉ ata꞉ka꞉ na piki wanda꞉hali hamina꞉ Koda꞉ma꞉ ika꞉ temoko make a̱o̱a̱o̱ make loke make paeyaota꞉ ana꞉na꞉ handeteke hao haena꞉e alome.

2 Desalonaika 3:16

Mo Tekehali ipikana꞉ma꞉ kone nika꞉ a꞉nda꞉ peliaasa꞉ ekina꞉ teke hata꞉ ika꞉ pota꞉ paeyao pa꞉ta꞉ hoto paeyao a꞉nda꞉ peliaasa꞉eki ku haena꞉e. Tekehali iki paeyao ame̱le̱ mandakena꞉ haena꞉e.

Hibulu 13:20

Mo sipisipi ma꞉na꞉ handeteke hala꞉ hali tieke Yesu mo lapa꞉ pa꞉ta꞉ mea tiaeya꞉ Koda꞉ma꞉ kone mo na paelo pa꞉la꞉ la꞉ wieke we pa꞉ta꞉ yama꞉ ikana꞉ma꞉ ipika꞉ hone pa꞉la꞉ e epeke tupa꞉ pokawamena꞉ yeke epeao wina꞉e alome. Kutupa make mo puki lopawaasa꞉ Koda꞉ma꞉ Yesu Ketiso pa꞉ta꞉ yama꞉ niki tukiki pa꞉ta꞉ ipiki ta꞉na꞉ma꞉ homa꞉ tialo poloma꞉eki pina꞉ lomana꞉e alome. Ketisona꞉ bikima꞉ na paelo pa꞉la꞉ yeiya꞉ laasa꞉eki tieke mina꞉e. Kutu pina꞉e.