Loma꞉ 4:3 - Panake Pi La: Ula: Buka pita: Kine Pieke Buka

³ Baibolo bukana꞉ wape pa꞉la꞉ ekita꞉ dupa Eipoloha꞉ma꞉ma꞉ Koda꞉ pa꞉ta꞉ hone tulao hayekeme. Koto ekina꞉ Koda꞉ma꞉ta꞉ Eipoloha꞉ma꞉ ipika꞉ hone tulao hayeke ekina꞉ ipikita꞉ tikitiki yao haena꞉ leekeme wape pa꞉la꞉me.

Loma꞉ 4:3 ပူးပေါင်းရင်းမြစ်များ

Kini Pieke 15:6

Koto ekina꞉ Eipola꞉ma꞉ma꞉ Tekehali pa꞉ta꞉ hone tulaeyeke ekiyalo mo Tekehalima꞉ta꞉ ipikita꞉ tikitiki piki halie leekeme.

Ma꞉tiu 20:9

Koto leeke opuaata꞉ ipikana꞉ma꞉ mo welealo nane nate leke yunki hata꞉ kini pea e pokeme haliweki homeke homeke pa꞉ta꞉ 1 kina hale hale piekeme.

Maka 12:10

Kota꞉ mo Baibolo bukana꞉ wape pea ula꞉ pi do ekita꞉ na yata꞉pelemepe. Mo da a꞉eyo haemeke haliwekima꞉ baemeke toopita꞉ da keneme nane ota꞉ teke toopi ula꞉me.

Loma꞉ 10:11

Kota꞉ mo hande Baibolo bukana꞉ wape pa꞉la꞉ ekita꞉ dupa Hali epima꞉ ipiki pa꞉ta꞉ hone tulaeya꞉ka꞉na꞉ta꞉ kota꞉ hone ka꞉nda꞉ma꞉ homa na halieke laa wape pa꞉la꞉me.

Loma꞉ 11:2

Koda꞉ma꞉ta꞉ panake pa꞉ta꞉ talopu mea haena꞉ la꞉la꞉ ipika꞉ wanda꞉halita꞉ na kiaeyekeme. Hande Baibolo bukana꞉ wape pa꞉la꞉ ekita꞉ Ilaidiama꞉ Isulai wanda꞉hali pa꞉ta꞉ pi alo hata꞉ Koda꞉ pa꞉ta꞉ ota꞉ honke leeke ekita꞉ ikana꞉ma꞉ opimime.

Loma꞉ 4:11

Mo sekemesaisi piki hauta꞉ wetepe nane piekeme. Kutupata꞉ ipika꞉ sekemesaisi hau pieke ekita꞉ ti witolo tombo dupa piekeme. Ipikita꞉ sekemesaisi hau na piki hata꞉ kone Koda꞉ pa꞉ta꞉ hone tulao hayeke ekina꞉ Koda꞉ma꞉ ipiki pa꞉ta꞉ tikitiki yao haena꞉ leeke ekita꞉ ti witolo tombo wiekeme. Kutu pa꞉la꞉ ekina꞉ haliweki paeyaoma꞉ sekemesaisi hau na piki hata꞉ kone Koda꞉ pa꞉ta꞉ hone tulao haleme ekina꞉ Koda꞉ma꞉ ipiki pa꞉ta꞉ tikitiki yao haena꞉ la꞉la꞉ haliwekina꞉ apa꞉ta꞉ Eipoloha꞉ma꞉ ika꞉ apa꞉ hala꞉me.

Loma꞉ 4:5

Koto pa꞉la꞉pate hali homeke a꞉nda꞉ma꞉ ipika꞉ pieke ekimanu hone na wiki pa Koda꞉ pa꞉ta꞉ hone tulao haya꞉ka꞉na꞉ta꞉ kota꞉ Koda꞉ma꞉ koto halima꞉ ipiki pa꞉ta꞉ hone tulaala꞉eki handaata꞉ pa hoke hau pa꞉la꞉ hali kone ameta꞉ eki a꞉nda꞉ na piki hali hala꞉me laa lelieke. Kutu pita꞉la꞉ ekima꞉ Koda꞉ma꞉ koto halita꞉ I̱ pa꞉ta꞉ tikitiki yao haena꞉ lolueke la꞉la꞉me.

Loma꞉ 4:9

Do hande Deipidima꞉ la꞉la꞉ ta꞉na꞉ma꞉ homa hapeke ekita꞉ pa mo sekemesaisi hau pea haleme haliweki pa꞉ta꞉ homeke la꞉la꞉pe. Dia꞉me. Mo sekemesaisi hau na piki haleme haliweki pa꞉ta꞉ make la꞉la꞉me. Hande Baibolo bukana꞉ wape pa꞉la꞉eki loa꞉ tupa꞉ Eipoloha꞉ma꞉ Koda꞉ pa꞉ta꞉ hone tulao hayekeme. Koda꞉ma꞉ta꞉ Eipoloha꞉ma꞉ ipika꞉ hone tulao hayeke ekina꞉ ipikita꞉ tikitiki yao haena꞉ leekeme wape pa꞉la꞉me.

Loma꞉ 9:17

Mo Baibolo bukana꞉ wape pa꞉la꞉ ekita꞉ Koda꞉ma꞉ Petou pa꞉ta꞉ alota꞉ Nakana꞉ma꞉ dupiki hau yaapo puelena꞉yeke I̱ma꞉ neketa꞉ you hali mea halena꞉ laa pua꞉me. Nakana꞉ma꞉ yaka wele pitoloeki walaalena꞉yeke make kenke honiki paeyao pa꞉ta꞉ hao yapeleme wanda꞉hali paeyaoma꞉ yaka biki opuaalena꞉yeke make pua꞉me laa leekeme.

Dia꞉mesi 2:23

Kutupa make mo Baibolo bukana꞉ leekeeki make ota꞉ yaeyekeme. Hande leekeeki dupa Eipoloha꞉ma꞉ma꞉ Koda꞉ pa꞉ta꞉ hone tulao hayeke ekina꞉ Koda꞉ma꞉ta꞉ ipikita꞉ tikitiki yao haena꞉ leekeme. Kutupa Koda꞉ma꞉ Eipoloha꞉ma꞉ pa꞉ta꞉ alota꞉ Neketa꞉ yaka yankekee laa leekeme.

Dia꞉mesi 4:5

Hande Baibolo bukana꞉ wape pa꞉la꞉ ekita꞉ paekie hone witelemepe dupae. Hande Koda꞉ma꞉ niki loke tukiki pa꞉ta꞉ pitaala꞉ temokoma꞉ta꞉ ipika꞉ hone pa꞉la꞉eki puluekema꞉ wotu taapilieke wape pa꞉la꞉me.