Loma꞉ 4:20 - Panake Pi La: Ula: Buka pita: Kine Pieke Buka

²⁰ Koda꞉ma꞉ la꞉ wieke pita꞉ ipikana꞉ma꞉ hone ti na yokeke hone tulatiki pu hao hayekeme. Kutu pia꞉tiki pu hayeke ekima꞉ da̱o̱la hata꞉ Koda꞉na꞉ pi laatiki pu hayekeme.

Loma꞉ 4:20 ပူးပေါင်းရင်းမြစ်များ

Kini Pieke 15:6

Koto ekina꞉ Eipola꞉ma꞉ma꞉ Tekehali pa꞉ta꞉ hone tulaeyeke ekiyalo mo Tekehalima꞉ta꞉ ipikita꞉ tikitiki piki halie leekeme.

Ma꞉tiu 9:8

Wanda꞉halima꞉ koto hau handolota꞉ paala꞉ma꞉ homemekeme. Do epeaasa꞉ weleta꞉ Koda꞉ma꞉ haliweki pa꞉ta꞉ halaa pia꞉ka꞉ta꞉me laa ipika꞉ biki yeiya꞉ laemekeme.

Luku 1:18

Sekataiyama꞉ mo enisolo pa꞉ta꞉ alota꞉ Do pita꞉ ota꞉ekie laa ekipa hone wionope laata꞉ Ya wanda꞉ diki telipina꞉ koke ya halopa꞉me leekeme.

Luku 1:45

Nakana꞉ma꞉ta꞉ mo hande Tekehalima꞉ neke pa꞉ta꞉ pi la꞉ ula꞉ ekita꞉ opua ota꞉ pilieke hone tula ale ekima꞉ta꞉ ta꞉na꞉ma꞉ homilipikie leekeme.

1 Kotindi 16:13

Ikana꞉ma꞉ kokele pea hata꞉ hone tulaaso hata꞉ make da̱o̱la hao hapa꞉peke. Kutupa puki hana꞉ noka꞉pa hata꞉ honkopu hao hapa꞉peke.

2 Kotindi 12:10

Koto ekina꞉ I̱ma꞉ta꞉ Ketisona꞉eki peaaso mo damako pa꞉la꞉ ekima꞉ make tetopiki pima꞉ make ka꞉nda꞉piki ekima꞉ make a꞉nda꞉ lita꞉la꞉ ekima꞉ make mamatala꞉ ekima꞉ make I̱ta꞉ pa ta꞉na꞉ pa꞉la꞉me. Pa ekipeke I̱ta꞉ damako polo dina꞉ta꞉ honkopu hao halome.

Epesese 6:10

Pi paetolo hata꞉ dupa alome. Ikana꞉ma꞉ Tekehali ta꞉ma꞉ni pea hata꞉ ipika꞉ wele pita꞉la꞉eki meata꞉ honkopu hao hapa꞉peke.

2 Timodi 2:1

Ya weki neke pa꞉ta꞉ dupa alome. Mo Koda꞉na꞉ a꞉ta꞉ma꞉ homa꞉la꞉ ekita꞉ mo nika꞉ Ketiso Yesu ame̱le̱ ta꞉ma꞉ni pitolo hata꞉ minoloma꞉me. Koto a꞉ta꞉ma꞉ homa꞉la꞉eki nakana꞉ma꞉ minele ekina꞉ta꞉ honkopu hao hapeke.