Loma꞉ 4:2 - Panake Pi La: Ula: Buka pita: Kine Pieke Buka

² Koda꞉ma꞉ta꞉ Eipoloha꞉ma꞉ma꞉ piekeeki manuma꞉ Koda꞉ pa꞉ta꞉ tikitiki yao haena꞉ lea꞉ka꞉na꞉ yoluta꞉ kota꞉ Eipoloha꞉ma꞉ma꞉ ipika꞉ hakoko lia꞉peke yolo pia꞉me. Kutu pulu pia꞉pate ipikana꞉ma꞉ Koda꞉ pa꞉ta꞉ hata꞉ hakoko lia꞉peke na ya꞉la꞉me.

Loma꞉ 4:2 ပူးပေါင်းရင်းမြစ်များ

Kini Pieke 12:18

Kutu pieke mo kinima꞉ Eipola꞉ma꞉ epoe laa lota꞉ pitolo alota꞉ I̱ pa꞉ta꞉ dota꞉ ekipiki hau pelepe laata꞉ Do wanda꞉ta꞉ naka꞉ wanda꞉e laa I̱ta꞉ ekipeke na lakipe.

Kini Pieke 12:20

Mo kinima꞉ ipika꞉ haliweki pa꞉ta꞉ Hatuku pupe leeke handaa mo haliwekima꞉ Eipola꞉ma꞉ make ipika꞉ wanda꞉ make ipika꞉ wia hayeke ala꞉ta꞉ ala꞉ta꞉ paeyao mea mo kenke mina꞉pa꞉lao pena꞉ hatuku pemekeme.

Loma꞉ 15:17

Koto ekina꞉ I̱ma꞉ta꞉ Yesu Ketiso yaapo ta꞉ma꞉ni pea hata꞉ta꞉ Koda꞉na꞉ e pokao halo ekina꞉ epeke pua꞉me laa ta꞉na꞉ma꞉ homa꞉peke ya꞉la꞉me.

1 Kotindi 1:29

Koto mo hali homeke a꞉nda꞉ma꞉ Koda꞉na꞉ leke popelekena꞉ hata꞉ ipika꞉ hakoko na lina꞉yeke Koda꞉ma꞉ kutu piekeme.

1 Kotindi 1:31

Kutu pieke handaa mo Baibolo bukana꞉ wape pa꞉la꞉ pea꞉pekeeki ma꞉nda꞉ dupa Hali epima꞉ hakoko luekema꞉ hone wia꞉ka꞉na꞉ta꞉ Tekehalima꞉ peaala꞉ ekimanu hone witolo hata꞉ ipika꞉ hakoko lia꞉peke yelieke wape pa꞉la꞉me.

1 Kotindi 4:7

Neketa꞉ wanda꞉hali ankulao tieke halena꞉ epima꞉ mea haena꞉ la꞉la꞉pe. Naka꞉ wia haleeki paeyaota꞉ Koda꞉ma꞉ na kia꞉pe. Koto pa꞉la꞉eki ya꞉ka꞉na꞉ta꞉ kota꞉ nakana꞉ma꞉ta꞉ ya kone poloma꞉ ala꞉ halima꞉ laata꞉ naka꞉ biki kone ekipeke mea a꞉meiyaasepe.

1 Kotindi 9:16

I̱ma꞉ hande Pi Seliapo walaaso ekina꞉ta꞉ yaka pi I̱ma꞉ kone laapeke na ya꞉la꞉me. Pa ekipeke mo Tekehalima꞉ dupie la꞉la꞉ ekina꞉ kone pitolome. Koto ekina꞉ I̱ma꞉ mo Pi Seliapo na walaoka꞉na꞉ta꞉ a꞉pei I̱ta꞉ ota꞉ hoke tupa꞉ hapeke ya꞉la꞉me.

2 Kotindi 11:12

I̱ma꞉ta꞉ ame do pitolo ekita꞉ ota꞉ pa pitolo ombu halueke. Pa ekipeke mo koto mandane aposoloe lo haleme haliwekima꞉ hakoko litolo hata꞉ alota꞉ Nikana꞉ma꞉ta꞉ ikana꞉ma꞉ pokeme tupa꞉ kone pokoloma꞉me alemeeki sa꞉sa꞉ puluekema꞉ loa꞉me.

2 Kotindi 11:30

I̱ma꞉ hakoko lia꞉peke ya꞉ka꞉na꞉ta꞉ kota꞉ I̱ma꞉ mo I̱ damako pitoloeki wala꞉la꞉ ale manuna꞉ hakoko lionoe.

2 Kotindi 5:12

Nikana꞉ma꞉ta꞉ ikana꞉ma꞉ nika꞉ biki paa mina꞉liamena꞉ loluekema꞉ na taapoloma꞉pate pa ikana꞉ma꞉ wanda꞉halina꞉ leke popelekena꞉ nikina꞉ ta꞉na꞉ma꞉ homolo hata꞉ epeke pimanu la haloemena꞉ yeke taapoloma꞉me. Dupiki hauta꞉ mo halina꞉ ota꞉ hau mina꞉pa꞉lao pa manda lokena꞉ epeke hau handolo biki mina꞉liaasa꞉ wanda꞉hali pa꞉ta꞉ ana꞉na꞉ hombo pealo peleme ekina꞉ loa꞉me.

Ka꞉leisia 3:22

pa mo Baiboloma꞉ alota꞉ kenke paeyaota꞉ hoke hauna꞉ wele oto pa꞉ta꞉ ula꞉me ala꞉me. Koto ekina꞉ Koda꞉ma꞉ mo Yesu Ketiso pa꞉ta꞉ hone tulalemeeki tekena꞉ta꞉ I̱ma꞉ kulueke laa la꞉ ua꞉ ekita꞉ mo hone tulaaso haleme wanda꞉hali pa꞉ta꞉ halo hala꞉me.

Epesese 2:9

Ikana꞉ma꞉ ika꞉ kone ika꞉ pi laapeke na ya꞉la꞉me. Ikana꞉ma꞉ mineleme ekita꞉ ika꞉ piteleme ekina꞉ na minelemeke handa loa꞉me.

Pilipai 3:9

Koto ekina꞉ mo tikitiki yao hala꞉ ekita꞉ ya kone na polome. Hande Mosesima꞉ mieke Lo Pimanu opua pu hao mea꞉peke ya꞉la꞉ ekima꞉ na polome laa loa꞉me. Mo Koda꞉ma꞉ Yesu Ketiso pa꞉ta꞉ hone tulaasome wanda꞉hali pa꞉ta꞉ ku hala tikitiki yao hala꞉ ekita꞉ ame molome. Do tikitiki yao haasa꞉ ekina꞉ teketa꞉ hone tulaasa꞉ekie.