Loma꞉ 4:18 - Panake Pi La: Ula: Buka pita: Kine Pieke Buka

¹⁸ Eipoloha꞉ma꞉ma꞉ mo hande la꞉ wieke pina꞉ yaapeke pota꞉ ma꞉nda꞉ na handeekepate kone ipikana꞉ma꞉ hone tulao hayeke ekina꞉ta꞉ mo tutu ta꞉ta꞉ ta꞉ta꞉ wanda꞉halina꞉ apa꞉ hayekeme. Hande Baibolo bukana꞉ wape pa꞉la꞉ tupa꞉ Naka꞉ hoki nane halo peleme wanda꞉hali wopu halimikie wape pa꞉la꞉me.

Loma꞉ 4:18 ပူးပေါင်းရင်းမြစ်များ

Luku 1:18

Sekataiyama꞉ mo enisolo pa꞉ta꞉ alota꞉ Do pita꞉ ota꞉ekie laa ekipa hone wionope laata꞉ Ya wanda꞉ diki telipina꞉ koke ya halopa꞉me leekeme.

Aposolo 27:25

Koto ekina꞉ haliwekio. Honkopu hape. I̱ma꞉ta꞉ Koda꞉na꞉ pi miniki hata꞉ hande I̱ pa꞉ta꞉ lea꞉ haumanu ota꞉ pilieke hone ulume lea꞉me.

Loma꞉ 4:17

Hande Baibolo bukana꞉ wape pa꞉la꞉ tupa꞉ Neketa꞉ tutu ta꞉ta꞉ ta꞉ta꞉ wanda꞉hali paeyaona꞉ apa꞉ halena꞉ lolome laa leeke ekina꞉ opua Eipoloha꞉ma꞉ Koda꞉ pa꞉ta꞉ hone tulao hayekeme. Koto ekina꞉ Koda꞉ma꞉ kone koto pi la꞉ wieke ekita꞉ ota꞉ yaeyekeme. Do hauta꞉ mo amba꞉ homemeke wanda꞉hali mea da꞉taapekeeki make mo amba꞉ na haemeke alemanu ipikana꞉ma꞉ pima꞉ alo hata꞉ kone mea haena꞉ leekeeki make koto Koda꞉ma꞉ta꞉ do hau make pu hala꞉me.

Loma꞉ 4:19

Ipikana꞉ma꞉ta꞉ ipika꞉ bapimanu 100 tupa꞉ hata꞉ta꞉ Setama꞉ weki mendia꞉peke na yeekeeki make ipika꞉ loke ankolopa꞉ pamba꞉ pamba꞉ piekeeki make hone witolo hata꞉ kone ipika꞉ hone tulaeyeke ekita꞉ na kiti yokaeyekeme.

Loma꞉ 5:5

Nikana꞉ma꞉ koto tupa꞉ hone ti lao haoma꞉ka꞉na꞉ta꞉ nikita꞉ hoto ma꞉nda꞉ a꞉nda꞉ olopuniao na halumeke. Koda꞉ma꞉ niki pa꞉ta꞉ pukima꞉ wotu homa꞉leke handa loa꞉me. Ipikana꞉ma꞉ kita꞉la꞉ Holi Sipitidima꞉ kone nika꞉ puki pa꞉ta꞉ pita꞉ peaasa꞉me.

Loma꞉ 8:24

Nikana꞉ma꞉ honema꞉ tumao hamono Koda꞉ma꞉ niki da꞉taala꞉me. Koto pa꞉la꞉pate nikana꞉ma꞉ nika꞉ honema꞉ tumao witoloma꞉eki ota꞉ yao puma꞉ka꞉na꞉ta꞉ kota꞉ nika꞉ honema꞉ tumaasoma꞉eki ta paeyaasoma꞉me. Hali homekema꞉ ipika꞉ kone ipika꞉ handa꞉la꞉eki honema꞉ tumaapeke na ya꞉la꞉me.

Hibulu 6:19

Do hone ti laloma꞉ ekina꞉ta꞉ nika꞉ temoko epeke tupa꞉ halo pa꞉la꞉ ekina꞉ da̱o̱la hasa꞉ ekina꞉ teke ula꞉me. Koto teketa꞉ mo hepeni nane yeni pu hala꞉ dana꞉ tupele dau tieke hoki nane ula꞉ yako piki da panda꞉ tukiki nane yopua ula꞉me.