Loma꞉ 4:16 - Panake Pi La: Ula: Buka pita: Kine Pieke Buka

¹⁶ Eipoloha꞉ma꞉ Koda꞉ pa꞉ta꞉ hone tulaeyeke ekina꞉ Koda꞉ma꞉ hande pi la꞉ wiekeme. Koda꞉ma꞉ta꞉ Eipoloha꞉ma꞉ ipika꞉ hoki nane halo pimiki wanda꞉hali paeyao pa꞉ta꞉ hande la꞉ wieke pita꞉ iki pa꞉ta꞉ pa hameke halena꞉yeke loa꞉me. Hande Lo Pimanu oto pa꞉ta꞉ haleme wanda꞉hali pa꞉ta꞉ homeke dia꞉ya꞉la꞉pate hande Eipoloha꞉ma꞉ma꞉ pieke tupa꞉ Koda꞉ pa꞉ta꞉ hone tulao haleme wanda꞉hali pa꞉ta꞉ make hala꞉la꞉me. Eipoloha꞉ma꞉ta꞉ niki paeyaona꞉ apa꞉ hala꞉me.

Loma꞉ 4:16 ပူးပေါင်းရင်းမြစ်များ

Luku 19:9

Yesuma꞉ mo hali pa꞉ta꞉ alota꞉ Da꞉ta꞉la꞉ ekita꞉ ame do da pa꞉ta꞉ a꞉pa꞉la꞉me. Pa ekipeke do halita꞉ Eipoloha꞉ma꞉na꞉ mondu tanka꞉la꞉ peala꞉ tapake hali yeke loa꞉me.

Loma꞉ 15:8

I̱ma꞉ iki pa꞉ta꞉ la kitolo ekita꞉ dupae. Ketisoma꞉ta꞉ Diu wanda꞉halina꞉ e pokalo a꞉pa꞉la꞉ ekita꞉ Koda꞉ma꞉ ipika꞉ la꞉ wieke pimanu ota꞉ yao hala꞉me laa la kuluekema꞉ pokalo epeekeme. Ketisoma꞉ta꞉ Koda꞉ma꞉ mo hande Diu wanda꞉halina꞉ apa꞉mei pa꞉ta꞉ la꞉ wieke pimanu yalo a꞉pata꞉

Loma꞉ 3:22

Wanda꞉halima꞉ Yesu Ketiso pa꞉ta꞉ hone tulaaseme ekima꞉ Koda꞉ma꞉ ikita꞉ ipiki pa꞉ta꞉ tikitiki yao hamina꞉ lo hala꞉me. Ketiso pa꞉ta꞉ hone tulaaseme wanda꞉hali paeya ta꞉pao pa꞉ta꞉ Koda꞉ma꞉ koto hau pu hala꞉me. Diu wanda꞉hali make Diendaili wanda꞉hali make ta꞉ta꞉ pea na haleme ekina꞉ loa꞉me.

Loma꞉ 3:30

Koda꞉ta꞉ homeke hata꞉ta꞉ mo Diu wanda꞉halima꞉ ika꞉ hone tulaaseme ekina꞉ make mo Diendaili wanda꞉halima꞉ ika꞉ hone tulaaseme ekina꞉ make ipiki yaapo tikitiki yao haena꞉ lelieke.

Loma꞉ 4:11

Mo sekemesaisi piki hauta꞉ wetepe nane piekeme. Kutupata꞉ ipika꞉ sekemesaisi hau pieke ekita꞉ ti witolo tombo dupa piekeme. Ipikita꞉ sekemesaisi hau na piki hata꞉ kone Koda꞉ pa꞉ta꞉ hone tulao hayeke ekina꞉ Koda꞉ma꞉ ipiki pa꞉ta꞉ tikitiki yao haena꞉ leeke ekita꞉ ti witolo tombo wiekeme. Kutu pa꞉la꞉ ekina꞉ haliweki paeyaoma꞉ sekemesaisi hau na piki hata꞉ kone Koda꞉ pa꞉ta꞉ hone tulao haleme ekina꞉ Koda꞉ma꞉ ipiki pa꞉ta꞉ tikitiki yao haena꞉ la꞉la꞉ haliwekina꞉ apa꞉ta꞉ Eipoloha꞉ma꞉ ika꞉ apa꞉ hala꞉me.

Loma꞉ 5:1

Nika꞉ hone tulaaloma꞉ ekima꞉ Koda꞉ma꞉ nikita꞉ ipiki yaapo tikitiki hamono la꞉la꞉me. Kutu pa꞉leke handa Koda꞉ma꞉ nika꞉ puki lopao ipiki ame̱le̱ hamono la꞉la꞉me. Nika꞉ Tekehali Yesu Ketisoma꞉ pa꞉la꞉ ekina꞉ pa꞉la꞉me.

Loma꞉ 9:8

Koto leeke ekima꞉ta꞉ doeki wala꞉la꞉me. Pa Eipoloha꞉ma꞉ma꞉ monduma꞉ monduma꞉ pieke wanda꞉hali paeyaota꞉ Koda꞉na꞉ wekiwandikimanu paeyao na haemekeme. Dia꞉me. Koda꞉ma꞉ la꞉ wieke ekina꞉ monduma꞉ monduma꞉ pieke wanda꞉halita꞉ ota꞉ Koda꞉na꞉ wanda꞉hali haemekeme.

Ka꞉leisia 3:14

Kutu pieke ekita꞉ mo hande Eipoloha꞉ma꞉ pa꞉ta꞉ Neke tamba꞉ mulueke laa la꞉ wieke pima꞉ta꞉ Yesu Ketiso pa꞉ta꞉ yama꞉ mo Diendaili wanda꞉hali make tamba꞉ meaata꞉ kota꞉ niki make Koda꞉ pa꞉ta꞉ hone tulaaso hata꞉ ipika꞉ pi la꞉ wia꞉ Sipitidi miomono piekeme.

Ka꞉leisia 3:16

Koda꞉ma꞉ make koto tupa꞉ kone Eipoloha꞉ma꞉ pa꞉ta꞉ make ipika꞉ hoki nane epolo pieke hali pa꞉ta꞉ make ipika꞉ pi la꞉ wita꞉la꞉eki manuma꞉ la꞉ wiekeme. Baiboloma꞉ hoki nane epolo pieke haliweki ala꞉ pina꞉ teketa꞉ haliweki eleke eleke laa na ala꞉pate pa hoki nane epolo pieke hali ala꞉ pina꞉ teketa꞉ hali homeke homeke la ala꞉me. Mo koto hali bikita꞉ Ketisoe.

Ka꞉leisia 3:22

pa mo Baiboloma꞉ alota꞉ kenke paeyaota꞉ hoke hauna꞉ wele oto pa꞉ta꞉ ula꞉me ala꞉me. Koto ekina꞉ Koda꞉ma꞉ mo Yesu Ketiso pa꞉ta꞉ hone tulalemeeki tekena꞉ta꞉ I̱ma꞉ kulueke laa la꞉ ua꞉ ekita꞉ mo hone tulaaso haleme wanda꞉hali pa꞉ta꞉ halo hala꞉me.

Epesese 2:8

Ikana꞉ma꞉ hone tulaaso hamina꞉ Koda꞉ta꞉ ipikana꞉ma꞉ pa hameke a꞉ta꞉ma꞉ homolo hata꞉ iki mea da꞉taala꞉me. Ikana꞉ma꞉ ika꞉ piteleme ekina꞉ dia꞉me. Koda꞉ma꞉ iki pa꞉ta꞉ pa kita꞉la꞉ ekina꞉ loa꞉me.

Taitasi 3:7

Kutu pieke ekima꞉ta꞉ mo Ketiso ipika꞉ a꞉ta꞉ma꞉ homeeke ekina꞉ niki Koda꞉na꞉ leke popelekena꞉ tikitiki pea make nika꞉ hone puaasoma꞉ deto hala꞉eki make miomono piekeme. Do ala꞉ pita꞉ ota꞉ pie.

2 Pida 1:10

Koto ekina꞉ yaka kame titio. Mo Koda꞉ma꞉ iki wi laa ma̱leke lita꞉la꞉ ekita꞉ ota꞉ pa u haena꞉ ikana꞉ma꞉ honkopu wopu hao pea꞉pa꞉peke. Kutu pimika꞉na꞉ta꞉ ika꞉ hone tulaleme ekita꞉ ota꞉ na mina꞉pa꞉lalimikie.