Loma꞉ 3:25 - Panake Pi La: Ula: Buka pita: Kine Pieke Buka

²⁵ Koda꞉ma꞉ta꞉ Yesu Ketiso mea haena꞉ laata꞉ ipiki homolo hata꞉ ipika꞉ we lopolo piekeme. Lopeeke ekima꞉ ipiki pa꞉ta꞉ hone tulaalo peleme wanda꞉halina꞉ hoke hau pelemeeki manuta꞉ pa paeyaena꞉ leekeme. Koda꞉ma꞉ koto pa꞉la꞉ ekita꞉ ipika꞉ tikitiki hau pita꞉la꞉eki peneme yao waluekema꞉ piekeme. Amba꞉ta꞉ Koda꞉ma꞉ wanda꞉halina꞉ hoke hau peleme ekimanu leke honikima꞉ hando ankulao handeteke hao hayekepate

Loma꞉ 3:25 ပူးပေါင်းရင်းမြစ်များ

Dioni 6:47

Iki pa꞉ta꞉ ota꞉ pi alome laata꞉ I̱ pa꞉ta꞉ hone tulaasa꞉ halita꞉ da꞉ta hao hala꞉me.

Aposolo 14:16

Amba꞉ haemeke haliwekita꞉ ika꞉ hone pa꞉la꞉ hau tukiki pa꞉ta꞉ haena꞉yeke pina꞉ leekepate

Aposolo 15:18

Tekehalima꞉ amba꞉ kone dupiki pi la halaata꞉ koto ala꞉ handa꞉e leekeme.

Aposolo 17:30

Hone wopu na wimiki pita꞉ta꞉ Koda꞉ma꞉ pa pina꞉ leekepate ameta꞉ kenke wanda꞉hali paeyao pa꞉ta꞉ta꞉ Ika꞉ hoke hau mina꞉pa꞉lao hone ma꞉nda꞉ la꞉ka꞉la wina꞉ lapa꞉peke ala꞉me.

Aposolo 2:23

Amba꞉ kone Koda꞉ma꞉ hone wiaata꞉ Yesuta꞉ ikana꞉ma꞉ milimikie laa pi la꞉ wiekeme. Kutupa ikana꞉ma꞉ta꞉ mo hoke hau pu haleme haliwekima꞉ Yesuta꞉ hande a꞉ka꞉tei wapepiki tina꞉ ikokoma꞉ tamendiaena꞉ lemeke ekima꞉ ikana꞉ma꞉ kone Yesu limikime.

Aposolo 3:18

Amba꞉ kiaake Koda꞉ma꞉ta꞉ ipika꞉ Ketisona꞉ tanda mulu pa꞉la꞉eki mo potopede haliweki paeyaoma꞉ la hale hale pina꞉ leekeme. Kutupa hande Koda꞉ma꞉ la꞉ wiekeeki kone ota꞉ yao ikana꞉ma꞉ do pimime.

Aposolo 4:28

Ikana꞉ma꞉ momba꞉la hata꞉ kotoeki puluekema꞉ pimikipate nakana꞉ma꞉ naka꞉ hone wia naka꞉ wele pa꞉la꞉ ekima꞉ amba꞉ kone dupilimikie laa pina꞉ leleme.

Loma꞉ 2:4

Koda꞉ma꞉ neke pa꞉ta꞉ a꞉ta꞉ma꞉ wopu homaata꞉ naka꞉ hoke hauna꞉ yenki a̱i̱ na kiki yu wia hao hala꞉ ekita꞉ neketa꞉ hone na witele. Koda꞉ma꞉ a꞉ta꞉ma꞉ homa꞉la꞉ ekita꞉ nakana꞉ma꞉ ipiki pa꞉ta꞉ hone ma꞉nda꞉ la꞉ka꞉la꞉ mina haelena꞉yeke pita꞉la꞉me. Koto ekita꞉ iki paeyaoma꞉ hone witolo pelememe.

Loma꞉ 3:26

ameta꞉ ipika꞉ tikitiki hau pita꞉la꞉eki peneme yao waluekema꞉ wanda꞉halina꞉ hoke hau pelemeeki manuna꞉ hau ma꞉nda꞉ pu hala꞉me. Koda꞉ma꞉ kutu pita꞉la꞉ ekima꞉ ipikana꞉ma꞉ kone tikitiki hau pu hala꞉eki Yesu Ketiso pa꞉ta꞉ hone tulaaseme wanda꞉hali ipiki yaapo tikitiki yao hamena꞉ la꞉la꞉eki make wala꞉la꞉me.

Loma꞉ 5:1

Nika꞉ hone tulaaloma꞉ ekima꞉ Koda꞉ma꞉ nikita꞉ ipiki yaapo tikitiki hamono la꞉la꞉me. Kutu pa꞉leke handa Koda꞉ma꞉ nika꞉ puki lopao ipiki ame̱le̱ hamono la꞉la꞉me. Nika꞉ Tekehali Yesu Ketisoma꞉ pa꞉la꞉ ekina꞉ pa꞉la꞉me.

Loma꞉ 5:11

Koto hau homeke dia꞉me. Nika꞉ Tekehali Yesu Ketisoma꞉ nikita꞉ Koda꞉ ipika꞉ yankekesunu hamono la꞉la꞉ ekina꞉ Koda꞉ pa꞉ta꞉ ta꞉na꞉ma꞉ homo haloma꞉me.

Loma꞉ 5:18

Koto ekina꞉ mo hande hali homekema꞉ hoke hau pieke ekina꞉ wanda꞉hali niki paeyaoma꞉ hoke yenki mea꞉peke ya꞉la꞉me. Koto tupa꞉ kone mo hande hali homeke ma꞉nda꞉ma꞉ tikitiki hau pieke ekina꞉ Koda꞉ma꞉ wanda꞉hali niki paeyao ka꞉la꞉pa꞉ tapao da꞉ta hao hamono lo hala꞉me.

Loma꞉ 5:9

Ipika꞉ homeeke ekima꞉ Koda꞉ma꞉ nikita꞉ ipiki yaapo tikitiki yao hamono la꞉la꞉me. Koto pa꞉la꞉ ekina꞉ ipikana꞉ma꞉ niki wopu tamba꞉ mulu pa꞉la꞉ ekina꞉ Koda꞉ma꞉ mineke pankolo pa꞉la꞉ ekita꞉ hoke yenki halo pa꞉la꞉ ekita꞉ na handulumeke.

1 Kotindi 5:7

Koto ekina꞉ ikana꞉ma꞉ iki kone ota꞉ wamo pea haluekema꞉ do amba꞉ wieke hoke hauna꞉ pombei yaasa꞉ yisitita꞉ ota꞉ yoka꞉ mea baapa꞉peke. Kutu pimika꞉na꞉ta꞉ ikita꞉ pombei na yaake panake palaowama꞉ handilimikie. Kutu pikieki ame do pelememe. Pa ekipeke Ketisota꞉ nika꞉ Lombei Pupa Yapeekeeki ma꞉na꞉siki leke amba꞉ lia haleeke ekina꞉ nika꞉ Lombei Pupa Yapeeke ekina꞉ ne pambaalo poloma꞉eki ame do ana꞉na꞉ ula꞉me.

2 Kotindi 5:21

Ketiso pa꞉ta꞉ hoke hau ma꞉nda꞉ na wia꞉pate kone nika꞉ epeke hau peaaso hata꞉ Koda꞉ma꞉ ipikita꞉ nika꞉ hoke hau putupa꞉ mina꞉ leekeme. Pa ekipeke nikana꞉ma꞉ ipiki ame̱le̱ tunaasota꞉ mo Koda꞉na꞉ tikitiki pa꞉la꞉eki putu pomono yeke pa꞉la꞉me.

Epesese 1:7

Ketiso homeeke ekima꞉ nikita꞉ ka꞉la꞉pa꞉ tapao hamono laata꞉ nika꞉ hoke hau poloma꞉ ekimanu ipika꞉ wema꞉ pa paeyaala꞉me. Koda꞉ ipika꞉ pa hameke a꞉ta꞉ma꞉ homa꞉la꞉ ekita꞉ ota꞉ wopue.

Epesese 2:13

Koto tupa꞉ pa haemekepate ameta꞉ Yesu Ketiso yaapo ta꞉ma꞉ni pea hata꞉ta꞉ ika꞉ ta꞉ta꞉ papate haemeke wanda꞉hali kone Ketiso ipika꞉ we lopeeke ekina꞉ iki mea a꞉pa Koda꞉ teke pa꞉ta꞉ hamina꞉ la꞉la꞉me.

1 Timodi 1:15

Ota꞉ opua hone tulaapeke ya꞉la꞉ ota꞉ pi ma꞉nda꞉ta꞉ dupa. Ketiso Yesuma꞉ hoke hau pu haloma꞉ wanda꞉hali da꞉taaluekema꞉ yeke do kenkena꞉ epeekeme. Koto ekina꞉ mo hoke hau wopu pita꞉la꞉ halita꞉ I̱ ya꞉pate

Hibulu 11:14

Wanda꞉hali manuma꞉ kutupiki pi lemeka꞉na꞉ta꞉ kota꞉ nikana꞉ma꞉ hone witolota꞉ Ikana꞉ma꞉ ika꞉ hao hapeke yu weitelememe hone ulumekee.

Hibulu 11:17

Koda꞉ma꞉ Eipoloha꞉ma꞉ makea handeeke dina꞉ta꞉ Eipoloha꞉ma꞉ma꞉ hone tulaaso hata꞉ ipika꞉ eiyeke Aisa꞉ke lia haluekema꞉ peekeme. Koda꞉ma꞉ ipiki pa꞉ta꞉ weki wandiki wopu kuluekee laa pi la꞉ wieke pi miniki hayekepate kone Eipoloha꞉ma꞉ ipika꞉ weki siki homeke kone Koda꞉ pa꞉ta꞉ lia haluekema꞉ tikitiki yaeyekeme.

Hibulu 11:7

Koda꞉ma꞉ wetepe epolo pieke hau manuta꞉ Noa pa꞉ta꞉ kinki piekeme. Koto hau manuta꞉ Noama꞉ handa꞉peke na yekepate kone ipika꞉ hone tulaaso hata꞉ Koda꞉na꞉ pi opiekeme. Koto leeke Koda꞉na꞉ kakena꞉ homolo mo wepie leeke kawaso tieke wepiekeme. Koto kawasoma꞉ta꞉ ipiki make ipika꞉ wekiwanda꞉ make peteleekeme. Noama꞉ mo hande Koda꞉ma꞉ leeke pi telia pieke handaa Koda꞉ma꞉ mo hone tulaasemeke hala꞉la꞉ tikitiki piki hauta꞉ Noa pa꞉ta꞉ haleekepate paa pa haemeke mandane wanda꞉hali paeyaota꞉ ota꞉ hoeyaeyekeme.

Hibulu 9:28

Koto tupa꞉ kone Ketisoma꞉ wanda꞉hali wopuna꞉ hoke hau yokawaluekema꞉ lia we hala꞉la꞉ hoteke tupa꞉ hoto homeke homekema꞉ homeekeme. Ipikana꞉ma꞉ hoto ma꞉nda꞉ opolo epolo pa꞉la꞉ ekita꞉ wanda꞉halina꞉ hoke hau yokawaluekema꞉ dia꞉ ya꞉la꞉pate pa mo ipiki epena꞉ yuwia haleme wanda꞉hali peteluekema꞉ homeke ipilieke.

Hibulu 9:5

Koto bokosi manda naneta꞉ Koda꞉ma꞉ niki ame̱le̱ hala꞉meeki walolo enisolo leke wepieke ale yaapota꞉ wepia handa꞉ alu pea haena꞉ lemekeme. Ipilika꞉ popakema꞉ta꞉ mo hoke hau a꞉mbaluekema꞉ we holo hayeke ale tikitiki peolaniao wipikime. Pa ameta꞉ do hau paeyaona꞉ tekemanu wopu wala꞉peke na ya꞉la꞉me.

1 Dioni 1:10

Kota꞉ a꞉nda꞉ nikana꞉ma꞉ alo hata꞉ Nikita꞉ hoke hau na poloma꞉me la loma꞉ka꞉na꞉ta꞉ nikana꞉ma꞉ Koda꞉ta꞉ yayapiki pi lo hala꞉ hali au laasoma꞉me. Kutupa ipika꞉ pita꞉ niki pa꞉ta꞉ na ula꞉me.

1 Dioni 2:2

Kutupa Ketisota꞉ nika꞉ hoke hau paeyawala꞉ ekina꞉ tekee. Nika꞉ hoke hau homeke dia꞉ya꞉la꞉pate pa paeyao sikina꞉ hoke hau make loa꞉me.

1 Dioni 4:10

Pukima꞉ homa꞉la꞉ ekita꞉ dupae. Nikana꞉ma꞉ Koda꞉ pa꞉ta꞉ pukima꞉ homomeke handa dia꞉ya꞉la꞉pate pa ipikana꞉ma꞉ niki pa꞉ta꞉ pukima꞉ homolo hata꞉ ipika꞉ weki tapaala꞉ ekima꞉ta꞉ nika꞉ hoke hau paeyao paeyawala꞉me.

Peneme Yaeyekeeki 1:5

Kutupa make mo Koda꞉na꞉ pi ota꞉ tupa꞉ laasa꞉ hali mo hande homa꞉la꞉eki bepolao tiaeyeke titina꞉ hali make do kenke honiki paeyaona꞉ kini haliwekina꞉ handeteke hala꞉ hali Yesu Ketisoma꞉ make homeke hau kone pina꞉e. Ipikana꞉ma꞉ta꞉ niki pukima꞉ homo hala꞉me. Ipika꞉ a꞉ka꞉tei wape piki tina꞉ lopeeke wema꞉ta꞉ nika꞉ hoke hau pa꞉ta꞉ niki ka꞉la꞉pa꞉ tapaala꞉me.

Peneme Yaeyekeeki 13:8

Do kenkena꞉ hala꞉ wanda꞉hali paeyaoma꞉ta꞉ mo sayale pa꞉ta꞉ panda꞉puniao yeiya꞉ laaso hata꞉ yeni pilimikie. Pate do kenke a̱i̱ na wepiki haena꞉ kone ika꞉ biki manuta꞉ mo deto hala꞉ wanda꞉halina꞉ biki ula꞉ bukana꞉ laala꞉ wanda꞉hali homeke homekema꞉ kotoeki na pilimikie. Koto biki ula꞉ bukata꞉ hande limiki Sipisipi Ma꞉na꞉ Ikikina꞉ bukae.

Peneme Yaeyekeeki 20:15

Kutupa make ma꞉nda꞉ epi ipika꞉ bikita꞉ mo da꞉ta꞉la꞉ wanda꞉halina꞉ bukana꞉ na laeya꞉ someta꞉ oni ti uleke kiake pa꞉ta꞉ yola꞉ mea lopaeya꞉me.

Peneme Yaeyekeeki 5:9

Ikana꞉ma꞉ panake emeli homeke alota꞉ Neketa꞉ mo pi ula꞉ buka mea tonkaake ale yamba꞉lapeketa꞉ ota꞉ ana꞉ pa꞉la꞉me. Pa ekipeke neketa꞉ limikime. Kutupa nakana꞉ma꞉ naka꞉ wema꞉ mo wanda꞉halita꞉ Koda꞉na꞉ wanda꞉hali haena꞉yeke hambeleme. Ikita꞉ tapake ta꞉ta꞉ ta꞉ta꞉ make pi ta꞉ta꞉ ta꞉ta꞉ make kapomani manuma꞉ handeteke hala꞉ da ta꞉ta꞉ ta꞉ta꞉ make tutu ta꞉ta꞉ ta꞉ta꞉ paeyao pa꞉ta꞉ hambeleme.