Loma꞉ 3:2 - Panake Pi La: Ula: Buka pita: Kine Pieke Buka

² A꞉pa꞉e. Iki pa꞉ta꞉ epekeeki wotu ula꞉me. Titina꞉ dupa Koda꞉ma꞉ta꞉ mo Diu wanda꞉halima꞉ ipika꞉ pimanu miniki hata꞉ handeteke haena꞉yeke iki pa꞉ta꞉ haleekeme.

Loma꞉ 3:2 ပူးပေါင်းရင်းမြစ်များ

Dioni 5:39

Deto hala꞉eki handa꞉ uluekema꞉ ikana꞉ma꞉ mo hande Baibolo buka pimanu pa꞉ta꞉ teke weitelemepateta꞉ mo hande Baibolo buka pi manuma꞉ kone yaka pi lawaasa꞉me.

Aposolo 7:38

Ipiki make mo Isulai wanda꞉hali ame̱le̱ mo hapu hayeke alena꞉ momba꞉la haemekeme. Ipikita꞉ nika꞉ apa꞉mei ameda ame̱le̱ koto pa꞉ta꞉ hayeke halie. Mo Sainai Pote pa꞉ta꞉ hande ipiki pa꞉ta꞉ pi leeke enisolo yaapo hayeke halie. Koda꞉ma꞉ ipika꞉ da꞉ta꞉la꞉ pi niki pa꞉ta꞉ la kina꞉yeke Koda꞉ma꞉ ipiki pa꞉ta꞉ la haleekeme.

Loma꞉ 1:2

Do hande Pi Seliapota꞉ Koda꞉ma꞉ amba꞉ kiake pi la꞉ witolo hata꞉ ipika꞉ pi la꞉ mea halo haemeke potopede haliweki pa꞉ta꞉ la halaata꞉ yakopiki Baibolo bukana꞉ make wape pina꞉ leekeme.

Loma꞉ 2:18

Nakana꞉ma꞉ta꞉ Koda꞉na꞉ hone pa꞉la꞉eki handaata꞉ mo hande Lo Pi manuna꞉ sukulu pea hata꞉ tikitiki hau handa꞉ uluekema꞉ handaata꞉

Loma꞉ 3:1

Kota꞉ Diu wanda꞉halima꞉ta꞉ Diendaili wanda꞉hali ankulao halemepe. Sekemesaisi hau peaala꞉ ekima꞉ta꞉ epekeeki ma꞉nda꞉ handa꞉ wilimikipe.

Loma꞉ 3:3

Koto hau pina꞉ kone mandane wanda꞉halima꞉ pi na opiki kiao haemekepate mo wanda꞉halima꞉ pimiki ekina꞉ ika꞉ honema꞉ta꞉ Koda꞉ma꞉ make ipika꞉ pi tunkula halieke hone witelemepe.

Loma꞉ 9:4

Ikita꞉ Koda꞉ma꞉ talopu mea haena꞉ la꞉la꞉ wanda꞉halie. Ipikana꞉ma꞉ ikita꞉ ipika꞉ wekiwandiki haena꞉ laata꞉ iki pa꞉ta꞉ ipika꞉ pa̱a̱ pa꞉la꞉eki waleekeme. Ipikana꞉ma꞉ iki pa꞉ta꞉ mandane pimanu la꞉ wia꞉tiki pea hande Lo Pimanu la kia꞉tiki pea ipiki pa꞉ta꞉ panda꞉puniao ota꞉ yeni pea꞉pekeeki walaata꞉ iki pa꞉ta꞉ kulu pieke ekimanu la꞉ wia꞉tiki piekeme.

1 Kotindi 9:17

Yaka e pokolo ekita꞉ yaka honema꞉ kone wia pokoa꞉ka꞉na꞉ yoluta꞉ kota꞉ mo ena꞉ yenki muluekema꞉ hone ulu pua꞉pate pa yaka hone wia na piki pa mo Koda꞉ma꞉ walea꞉ e kone pokaaso ekina꞉ta꞉

2 Kotindi 5:19

Nikana꞉ma꞉ waloloma꞉ ekita꞉ Koda꞉ma꞉ta꞉ wanda꞉hali paeyaota꞉ Ketiso pa꞉ta꞉ yama꞉ ipika꞉ yankeke au laala꞉ ekina꞉ aloma꞉me. Koda꞉ma꞉ta꞉ iki pi yokaalu puluekema꞉ ika꞉ hoke hau na yata꞉pea꞉me. Kutupa ipikana꞉ma꞉ta꞉ mo wanda꞉hali ipika꞉ yankekemanu au lao hala꞉ pita꞉ niki pa꞉ta꞉ la kia꞉me.

Ka꞉leisia 2:7

Koto hau na pimipate Pidama꞉ Diu wanda꞉hali pa꞉ta꞉ mo pi seliapo walao haena꞉ mea hayeke tupa꞉ kone Koda꞉ma꞉ I̱ make Diu tapake na hake ta꞉ta꞉ piki tapakemanu pa꞉ta꞉ pi walano mea haena꞉ lea꞉ ekita꞉ ikana꞉ma꞉ handememe.

1 Timodi 6:20

Timodio. Do Koda꞉ma꞉ neke pa꞉ta꞉ ka꞉la꞉ eta꞉ ota꞉ wopu handeteke hapeke. Mo epe na piki Koda꞉ mataake pimanu la kiteme pi manuta꞉ kiaapeke. Mandane wanda꞉halima꞉ makeaaso hata꞉ Do aloma꞉ pi manuta꞉ ota꞉ tumiki pie lo halememe.

Hibulu 5:12

Ikana꞉ma꞉ Koda꞉na꞉ pi wala꞉la꞉ wanda꞉hali hamena꞉ yeke nate tieke ana꞉na꞉ wia꞉pate kone pa mo hande wekiwandiki sunu pa꞉ta꞉ wala꞉la꞉ Koda꞉na꞉ hosiki pi sunu ma꞉nda꞉ma꞉ paa walena꞉ lapeke ya꞉ka꞉ta꞉me. Epeke taka꞉lake nemanu no hapa꞉peke yolo pa꞉la꞉pate pa andu homeke no halememe.

1 Pida 4:11

Epima꞉ta꞉ pi walo haya꞉ka꞉na꞉ta꞉ ota꞉ Koda꞉na꞉ pi homeke wala꞉peke ya꞉la꞉taa. Epima꞉ta꞉ siosi wanda꞉hali tamba꞉ mia꞉ka꞉na꞉ta꞉ ota꞉ Koda꞉na꞉ hala꞉la꞉ wele taapuna꞉ hata꞉ tamba꞉ mia꞉peke ya꞉la꞉taa. Koto ekina꞉ do hau paeyao pilimi ekima꞉ta꞉ Yesu Ketiso pa꞉ta꞉ yama꞉ Koda꞉ yeiya꞉ lapeke yelieke. Mo pa̱a̱ pita꞉la꞉eki make mo kilu tombuao hala꞉eki make ipika꞉eki na paeke pa hao halieke. Kutu pina꞉e.

Peneme Yaeyekeeki 19:10

I̱ta꞉ ipiki yeiya꞉ lao yeni puluku alo ipika꞉ anke teke pa꞉ta꞉ panda꞉puniao lopoa꞉ pa꞉ta꞉ ipikana꞉ma꞉ I̱ pa꞉ta꞉ alota꞉ Ei I̱ pa꞉ta꞉ kotoeki na pia꞉pema. I̱ta꞉ e pokaaso naka꞉ yankekee. Kutupa make naka꞉ kamemanu mo Yesuma꞉ peneme yaeya꞉ ota꞉ pimanu miniki haleme wanda꞉halina꞉ yankeke halome. Koda꞉ pa꞉ta꞉ homeke yeiya꞉ laaso hata꞉ yeni pu hapeke laa lea꞉me. Pa ekipeke mo Yesuma꞉ peneme yaeya꞉ ota꞉ ekita꞉ mo potopede haliwekima꞉ alemeeki hone u tiaasa꞉ekie.

Peneme Yaeyekeeki 22:6

Kutupa mo enisoloma꞉ I̱ pa꞉ta꞉ alota꞉ Do pi manuta꞉ ota꞉eki ya꞉la꞉ ekina꞉ hone tu lapeke ya꞉la꞉me. Kutupa hande potopede haliweki pa꞉ta꞉ Sipitidi halo pa꞉la꞉ Tekehali Koda꞉ma꞉ mo ipika꞉ e pokaaseme haliweki pa꞉ta꞉ ame do koto kone pulu pa꞉la꞉ ekimanu walena꞉yeke ipika꞉ enisolo tapaala꞉me lea꞉me.