Loma꞉ 2:7 - Panake Pi La: Ula: Buka pita: Kine Pieke Buka

⁷ Mandane wanda꞉halima꞉ta꞉ epeke haumanu pu hatiki peaata꞉ ika꞉ biki epeke wina꞉ lolo pa꞉la꞉eki make Koda꞉ma꞉ ika꞉ pi lawalo pa꞉la꞉eki make homa꞉peke na yeke da꞉ta hao halo pa꞉la꞉eki make weiyu halememe. Kutu piki wanda꞉hali pa꞉ta꞉ Koda꞉ma꞉ da꞉ta hao halo pa꞉la꞉eki halieke.

Loma꞉ 2:7 ပူးပေါင်းရင်းမြစ်များ

Ma꞉tiu 25:46

Koto wanda꞉halita꞉ honiki na paeyo hala꞉ hoke yenki mu hala꞉ pa꞉ta꞉ tapaalieke. Pate mo tikitiki wopu piki wanda꞉hali ikita꞉ honiki na paeyo deto hala꞉ pa꞉ta꞉ pelimikie leekeme.

Luku 21:19

Honkopu hao hapa꞉peke. Pa ekipeke dupiteleme hau manuma꞉ta꞉ ika꞉ kone petelimikie leekeme.

Luku 8:15

Kutupa mo epeke kenkena꞉ lopa꞉la꞉ wae ale manuta꞉ pi opua homu pu haleme wanda꞉hali ikana꞉ma꞉ honkopu hao epeke tupa꞉ minaata꞉ ika꞉ kiliki aneke a꞉eluekema꞉ pa putia pelimikie leekeme.

Dioni 4:36

Ne napeke poka꞉ mepi pita꞉la꞉ halima꞉ta꞉ ipika꞉ yenki minolo hata꞉ mo hande ne napekemanu mea pua momba꞉la wia꞉ka꞉na꞉ta꞉ da꞉ta hao hala꞉eki kone yelieke. Kutu pia꞉ka꞉na꞉ta꞉ ne wae noka꞉pa꞉la꞉ hali make napeke poka꞉ mepi pita꞉la꞉ hali make ipiliki telipina꞉ma꞉ ta꞉na꞉ma꞉ homilipipikie leekeme.

Dioni 5:44

Ikana꞉ma꞉ ika꞉ ika꞉ kone ika꞉ pi lao alualu piteleme ekita꞉ hone pa꞉la꞉pate hande homeke hala꞉ Koda꞉ma꞉ ika꞉ pi laasa꞉ ekita꞉ hone na witelememe. Kutu piteleme ekina꞉ ika꞉ honeta꞉ I̱ pa꞉ta꞉ ekipa tulaalimikipe.

Loma꞉ 2:10

Koda꞉ma꞉ kutu pulu pa꞉la꞉pate epeke hau pu haleme wanda꞉halita꞉ biki ula꞉ kapu halaata꞉ ika꞉ pi laota꞉ ika꞉ puki lopa꞉niaalieke. Diu wanda꞉hali pa꞉ta꞉ amba꞉la pea Diendaili wanda꞉hali pa꞉ta꞉ make kutu pilieke.

Loma꞉ 6:23

Hoke hau piteleme ekina꞉ mea꞉peke yenkita꞉ homa꞉la꞉ekie. Kutu pa꞉la꞉pate Koda꞉ma꞉ pa hameke kita꞉la꞉ ekita꞉ da꞉ta hao hala꞉ekie. Nika꞉ Tekehali Yesu Ketiso yaapo ta꞉ma꞉ni pea hamono kita꞉la꞉me.

Loma꞉ 8:18

I̱ma꞉ handolo ekita꞉ dupae. Wetepe mo hande kapu tieke handolo poloma꞉ ekima꞉ta꞉ ame do nikana꞉ma꞉ tanda tanda minoloma꞉ ekita꞉ ota꞉ ankulalieke.

Loma꞉ 9:23

Kutupa make ipika꞉ pa̱a̱ pa꞉la꞉eki tieke pu hala꞉eki waluekema꞉ hone piekeme. Koto ekita꞉ ipikana꞉ma꞉ a꞉ta꞉ma꞉ homa꞉la꞉ wanda꞉hali niki pa꞉ta꞉ teli teli peaala꞉me. Koto hande teli teli peaala꞉ pa̱a̱ pa꞉la꞉eki tieke pu hala꞉ ekita꞉ miomonoyeke niki amba꞉la tikitiki yao hamono la꞉la꞉me.

1 Kotindi 15:42

Kutupa mo hande homemeke wanda꞉hali paa mea tiaeya꞉ka꞉na꞉ta꞉ kota꞉ koto tupa꞉ kone halumeke. Hali toko hoitolo haena꞉ homa꞉la꞉ ale ula꞉me. Paa mea tiaeya꞉ka꞉na꞉ta꞉ homa꞉peke na ya꞉la꞉eki halieke.

1 Kotindi 15:50

Kametitio. Do ekina꞉ alome. Loke mindiki wema꞉ wa꞉pa꞉la꞉ ekita꞉ Koda꞉na꞉ Kilu Tombuao Hala꞉eki pa꞉ta꞉ pua hapeke na ya꞉la꞉me. Kutupa homa꞉peke ya꞉la꞉ ekita꞉ deto hala꞉eki mea꞉peke na ya꞉la꞉me.

1 Kotindi 15:58

Koto ekina꞉ ota꞉ ya kametonuo. Da̱o̱la hata꞉ taka꞉lao hapa꞉peke. Tekehalina꞉ e pokaaseme ekita꞉ nate wotu pokaatiki pu hapa꞉peke. Pa ekipeke mo Tekehalina꞉ e pokaaseme ekita꞉ ota꞉ homekesiki kone na alupea꞉peke ya꞉leke handa loa꞉me.

Ka꞉leisia 6:9

Kutu pea꞉peke ya꞉la꞉ ekina꞉ta꞉ mo epeke haumanu pu haluekema꞉ kima꞉ na homo hamana꞉e. Mo hau a꞉nda꞉ na mina꞉pa꞉laoma꞉ka꞉na꞉ta꞉ kota꞉ koto hauna꞉ kiliki tala꞉peke nateta꞉ opolo ipilieke.

Epesese 6:24

Kutupa Tekehali Yesu Ketiso pa꞉ta꞉ hoto paeyao pukima꞉ homo haleme wanda꞉hali pa꞉ta꞉ Koda꞉ma꞉ ipika꞉ pa a꞉ta꞉ma꞉ homa꞉la꞉eki kia꞉ka꞉na꞉ta꞉ epelieke.

Kolosi 1:27

Koda꞉na꞉ pulueke hone ula꞉ ekita꞉ ipika꞉ a꞉mbao ula꞉ ekita꞉ ipika꞉ wanda꞉halima꞉ hone wina꞉e hone wita꞉la꞉me. Do napeke wia seliapo piki a꞉mbao ula꞉ ekita꞉ paeyaoma꞉ hone wina꞉ ula꞉ ekina꞉ loa꞉me. Do a꞉mbao ula꞉ ekita꞉ Ketisota꞉ iki pa꞉ta꞉ hala꞉me. Koto ekina꞉ta꞉ ikita꞉ Koda꞉na꞉ pa̱a̱ pa꞉ta꞉ pua halimikie la ala꞉me.

1 Timodi 1:17

Mo lekema꞉ handa꞉peke na yo make homa꞉peke na yo piki da꞉ta hao hala꞉ Kini hali ipiki homeke kone Koda꞉ hala꞉me. Ipika꞉ biki tieke ota꞉ kende wina꞉ mea a꞉meiyaena꞉ la꞉na꞉e. Kutu pina꞉e.

2 Timodi 1:10

Pate ameta꞉ mo nika꞉ da꞉taasa꞉ hali Ketiso Yesu ipika꞉ a꞉pa꞉la꞉eki pa꞉ta꞉ yama꞉ peneme yaala꞉me. Mo homa꞉la꞉ ekina꞉ wele ipikana꞉ma꞉ paeyaaso hata꞉ mo Koda꞉na꞉ Pi Seliapo pa꞉ta꞉ yama꞉ deto hala꞉eki peneme yaala꞉me.

Hibulu 2:7

Nakana꞉ma꞉ hali wepitolo hata꞉ mo hande enisolo oto pa꞉ta꞉ hosiki haena꞉ wepia haena꞉ leke yekepate paa wetepena꞉ta꞉ yeiya꞉ laasa꞉eki tieke pita꞉ pa̱a̱ peaasa꞉eki tieke yaapo ipiki pa꞉ta꞉ dopuaeyekeme.

Hibulu 6:12

Ikana꞉ma꞉ soka꞉la꞉ homeleme wanda꞉hali hamena꞉ niki hone na pa꞉la꞉me. Kotoeki na pikita꞉ mo hande mandane wanda꞉hali ika꞉ hone tulaemeke hauma꞉ make ika꞉ epeke tupa꞉ yu wia haemeke hauma꞉ make koto hau yaapo pa꞉ta꞉ yama꞉ mo hande Koda꞉ma꞉ la꞉ ula꞉ ekimanu mu haemekeme. Koto wanda꞉halina꞉ hauta꞉ ikana꞉ma꞉ handa꞉ muemena꞉ hone witoloma꞉me.

Hibulu 6:15

Eipoloha꞉ma꞉ mo pi la꞉ wieke ale muluekema꞉ yu wia hayeke handaata꞉ koto pi la꞉ wieke ekita꞉ ota꞉ miekeme.

1 Dioni 2:25

Kotota꞉ mo hande Ketisoma꞉ niki pa꞉ta꞉ kulueke laa pi la꞉ wia꞉ ekita꞉ Da꞉ta꞉la꞉eki lataa.