Loma꞉ 2:5 - Panake Pi La: Ula: Buka pita: Kine Pieke Buka

⁵ Koto pelemepate ikita꞉ pi na opiki puki taka꞉lao halememe. Koto ekina꞉ Koda꞉ma꞉ta꞉ hande Natena꞉ hoke hau peleme wanda꞉hali pa꞉ta꞉ mineke pankolo hata꞉ pi yokaalu tikitikina꞉ pia꞉ka꞉na꞉ta꞉ kota꞉ mo iki panisi tieke peaalia꞉ ekita꞉ ika꞉ kone ame pa haka꞉ta꞉paasememe.

Loma꞉ 2:5 ပူးပေါင်းရင်းမြစ်များ

Loma꞉ 1:18

Kutupa Koda꞉ma꞉ta꞉ wanda꞉hali paeyaoma꞉ ipikita꞉ hoki nane yao ika꞉ hoke hau paeyao pimiki ekina꞉ ipikana꞉ma꞉ mineke pankolo hata꞉ iki ame̱le̱ pi yokaalu pulu pelemeeki make wala꞉la꞉me. Kutu piki wanda꞉halima꞉ ika꞉ hoke hau piteleme ekina꞉ mandane wanda꞉halima꞉ Koda꞉na꞉ ota꞉ hala꞉eki handaama꞉na꞉ sa꞉sa꞉ pu halememe.

Loma꞉ 11:25

Ya kame titio. Pi homeke a꞉nda꞉ta꞉ a꞉mbao ula꞉me. Ikana꞉ma꞉ handoemena꞉yeke I̱ta꞉ hone pa꞉la꞉me. Kotoeki handemeka꞉na꞉ta꞉ kota꞉ ikana꞉ma꞉ ame do kone alota꞉ Nikita꞉ pita꞉la꞉ ekimanu paeyao handoloma꞉me pi paa na lelimikie. Koto a꞉mbao ula꞉ ekita꞉ dupa. Mo mandane Isulai wanda꞉halima꞉ pi na opiteleme ekita꞉ hoto paeyao na opu haluekema꞉ na pitelememe. Pua꞉tiki pua Koda꞉ma꞉ Diendaili wanda꞉hali mina꞉la꞉ tombo ana꞉na꞉ mia꞉ka꞉na꞉ta꞉ pilimikie.

Loma꞉ 9:22

Kota꞉ Koda꞉ma꞉ koto tupa꞉ pea la꞉la꞉me. Ipika꞉ mineke panka꞉la꞉eki waluekema꞉ make ipika꞉ wele pita꞉la꞉eki wanda꞉halima꞉ handena꞉ loluekema꞉ make hone piekeme. Koto ekina꞉ Koda꞉ma꞉ mineke pankolo hata꞉ pi yokaalu pea꞉peke yeeke wanda꞉halita꞉ hande hoeyaapeke wanda꞉halita꞉ pota꞉ haena꞉ ipikana꞉ma꞉ koto wanda꞉halita꞉ yuwia hao hatiki piekeme.

2 Kotindi 5:10

Pa ekipeke niki paeyaota꞉ ipikana꞉ma꞉ pi yokaalu pina꞉ Ketisona꞉ leke popelekena꞉ pua hapeke ya꞉lieke. Homeke homekema꞉ ipika꞉ mea꞉peke ya꞉la꞉ ekita꞉ ota꞉ milieke. Ipika꞉ kenke lokema꞉ epekeeki o hokeeki pa꞉la꞉eki paeyao sikina꞉ ana꞉na꞉ kone milieke.

2 Desalonaika 1:5

Koto pu haleme hau manuta꞉ Koda꞉ma꞉ niki tikitiki yao telipealo pa꞉la꞉eki peneme yaasa꞉eki doe. Ikana꞉ma꞉ mo Koda꞉na꞉ Kilu Tombuao Hala꞉eki mea tialuekema꞉ do ka꞉nda꞉ pa꞉la꞉ ekimanu mea tu haleme ekina꞉ yenkita꞉ kota꞉ pa Koda꞉ma꞉ iki ipika꞉ Kilu Tombuao Hala꞉ alena꞉ tukiki pa꞉ta꞉ hamena꞉ ipikana꞉ma꞉ iki ana꞉na꞉ ana꞉ lalieke.

Hibulu 3:13

Koto hau na pikita꞉ mo hoke hauma꞉ iki makeao haama꞉na꞉ laa ika꞉ puki taka꞉lawaama꞉na꞉ nate paeyao ika꞉ ika꞉ kone epeke pi manuma꞉ tikitiki ya alualu pu hapa꞉peke. Mo Baiboloma꞉ Ame do natee la꞉la꞉ pita꞉ niki pa꞉ta꞉ waleke kitolo aleketa꞉ kota꞉ koto ala꞉ hau pu hamana꞉e.

Hibulu 3:15

Hande kinki pitolo ala꞉ pita꞉ niki pa꞉ta꞉ ipulu ipulu hata꞉ alota꞉ dupae Ame Koda꞉na꞉ pi ho̱la̱꞉make opimika꞉na꞉ta꞉ kota꞉ mo hande ika꞉ apa꞉na꞉ atekena꞉ atekema꞉ puki taka꞉laaso hata꞉ Koda꞉na꞉ pi na opiki nono pimiki tupa꞉ ikana꞉ma꞉ make pi na opiki nono na pea꞉pa꞉peke la꞉la꞉me.

Hibulu 4:7

Koto mia꞉pekeeki ota꞉ peneme yaasa꞉ ekita꞉ Koda꞉ma꞉ pa nate ma꞉nda꞉ witolo alota꞉ Ame koto natee leekeme. Do wapena꞉ amba꞉ loa꞉ Baibolo pita꞉ bapi wopu paeyeke hoki nane Deipidima꞉ la꞉na꞉ ipiki pa꞉ta꞉ yama꞉ leeke ekita꞉ dupae Ame do natena꞉ Koda꞉na꞉ pi ho̱la̱꞉make opimika꞉na꞉ta꞉ puki taka꞉laaso hata꞉ ipika꞉ pi na opiki nono na pea꞉peke leekeme.

Dia꞉mesi 5:3

Ika꞉ kolo silipa ale manuna꞉ maka꞉ta꞉ ikiki amba꞉ tala꞉me. Kutupa koto ekima꞉ta꞉ ika꞉ hokeeki peneme yaalieke. Kutupa ika꞉ loketa꞉ ti tala꞉ ekima꞉ handilieke. Kutupa mo paelo pa꞉la꞉ natena꞉ta꞉ ika꞉ hamoko alemanu amba꞉ amu pealememe.

2 Pida 2:9

Koto ekina꞉ Koda꞉ma꞉ta꞉ mo ipika꞉ hau leke piteleme wanda꞉hali ika꞉ ka꞉nda꞉ma꞉ homelemeke pa꞉ta꞉la꞉la꞉ ekita꞉ hone ula꞉me. Kutupa make mo hoke wanda꞉halita꞉ hoke yenki oto pa꞉ta꞉ haena꞉ laata꞉ mo pi yokaalu pulu pa꞉la꞉ nate yu wia haena꞉ ala꞉ ekita꞉ hone ula꞉me.

2 Pida 3:7

Koto tupa꞉ Koda꞉ma꞉ mo hande la꞉ wieke homeke pima꞉ kone ame do ula꞉ kenke ya yaapota꞉ ti ulekema꞉ hoeyaena꞉yeke amu pea ula꞉me. Koda꞉ matao haleme wanda꞉hali pi yokaalu pea hoeyaalo pa꞉la꞉ nate yu wia haena꞉ la꞉la꞉me.

Diudi 1:6

Kutupa make mo hande enisolo manuma꞉ta꞉ ika꞉ ota꞉ epeke tupa꞉ handeteke haemekeeki pa꞉ta꞉ na hake ika꞉ epeke da hoki walemekeeki hone wipee. Ikita꞉ oni oto nane timba꞉ la꞉papeke pa꞉ta꞉ ota꞉ na paeke pa u halo pa꞉la꞉ senipu manuma꞉ hotaala꞉me. Koda꞉ma꞉ ikita꞉ mo hande Aneke natena꞉ pi yokaalu pina꞉yeke yu wia haena꞉ la꞉la꞉me hone wipee.

Peneme Yaeyekeeki 2:21

I̱ma꞉ta꞉ ipika꞉ hoke hau hoki walena꞉ waleke haloa꞉pate ipika꞉ loke hoeyaasa꞉ hau pa꞉ta꞉ hoki wala꞉peke ya꞉leke kiaasa꞉me.

Peneme Yaeyekeeki 6:17

Ipilika꞉ mineke panka꞉la꞉ ota꞉ hoke nateta꞉ doma꞉ ma꞉nda꞉ epima꞉ doeki mea baapeke ya꞉la꞉pe lememe.