Loma꞉ 2:26 - Panake Pi La: Ula: Buka pita: Kine Pieke Buka

²⁶ Diendaili hali ma꞉nda꞉ma꞉ sekemesaisi hau na piki pa hata꞉ kone hande Lo Pimanu opua miniki hata꞉ pu haya꞉ka꞉na꞉ta꞉ kota꞉ kutupiki halita꞉ sekemesaisi hau peaala꞉ hali leke hala꞉ ekita꞉ Koda꞉ma꞉ hone na wiliepe.

Loma꞉ 2:26 ပူးပေါင်းရင်းမြစ်များ

Ma꞉tiu 15:28

Koto leeke Yesuma꞉ hombo peaaso alota꞉ Neketa꞉ hone wopu tulaasa꞉ wanda꞉ ya꞉ka꞉ta꞉me. Koto ekina꞉ta꞉ naka꞉ hone pa꞉la꞉ hauta꞉ ota꞉ pealueke leekeme. Yesuma꞉ koto alo haena꞉ kone mo wanda꞉na꞉ waneketa꞉ paa epeke tupa꞉ tiao hayekeme.

Loma꞉ 2:25

Nakana꞉ma꞉ta꞉ hande Lo Pimanu opua miniki hata꞉ pu haeka꞉na꞉ta꞉ kota꞉ naka꞉ sekemesaisi hau peaala꞉ ekita꞉ a꞉pa꞉la꞉pate pa nakana꞉ma꞉ hande Lo Pimanu opua na pu haeka꞉na꞉ta꞉ kota꞉ naka꞉ sekemesaisi hau peaala꞉ ekita꞉ pa ekie.

Loma꞉ 2:27

Koto ekina꞉ Diendaili haliwekima꞉ta꞉ sekemesaisi hau na piki hata꞉ kone hande Lo Pimanu opua miniki hata꞉ pu haleme ekina꞉ Diu wanda꞉hali kiki ma̱leke lilieke. Pa ekipeke ikana꞉ma꞉ta꞉ hande wape peaala꞉ Lo Pimanu miniki hata꞉ make sekemesaisi hau peaala꞉eki pea hata꞉ make pa yambolo haleme ekina꞉ kiki ma̱leke lilimikie.

Loma꞉ 3:30

Koda꞉ta꞉ homeke hata꞉ta꞉ mo Diu wanda꞉halima꞉ ika꞉ hone tulaaseme ekina꞉ make mo Diendaili wanda꞉halima꞉ ika꞉ hone tulaaseme ekina꞉ make ipiki yaapo tikitiki yao haena꞉ lelieke.

Loma꞉ 8:4

Koda꞉ma꞉ do hau piki hauta꞉ mo hande Lo Pi manuma꞉ tikitiki hau pikieki wala꞉la꞉ ekimanu peomonoyeke pa꞉la꞉me. Nikana꞉ma꞉ta꞉ hande lokema꞉ wala꞉la꞉eki na opiki mo hande Sipitidima꞉ wala꞉la꞉eki opitolo hata꞉ pitoloma꞉me.

Ka꞉leisia 6:15

Sekemesaisi hau pita꞉ sekemesaisi na pita꞉la꞉ hau yaapota꞉ pa manda hau yaapoe. Ota꞉ hau tieketa꞉ Koda꞉ma꞉ niki panake wanda꞉hali mea haasa꞉eki homeke ota꞉ tumikiekie.

Epesese 2:11

Ikana꞉ma꞉ hone wilimime. Mo hande Diu haliwekima꞉ta꞉ ikana꞉ma꞉ ika꞉ kone alota꞉ nikita꞉ sekemesaisi hau pea haloma꞉ haliwekio la alemepate ikita꞉ Diendaili haliweki mondu wieke pa꞉ta꞉ kone iki pa꞉ta꞉ sekemesaisi hau na peleme haliwekio lo halememe. Hande sekemesaisi hau pita꞉la꞉ ekita꞉ haliwekina꞉ lokena꞉ pita꞉la꞉ hau pa꞉ta꞉ loa꞉me. Koto ekina꞉ Diendaili wanda꞉halio ikana꞉ma꞉ amba꞉ hata꞉ pimi ekita꞉ hone wia꞉pa꞉peke.

Pilipai 3:3

Mo hau pu haleme haliweki dia꞉ya꞉la꞉ pateta꞉ nikita꞉ mo ota꞉ sekemesaisi hauta꞉ mea haloma꞉me. Pa ekipape. Nikita꞉ Koda꞉na꞉ yakopiki temokoma꞉ tamba꞉ minolo haena꞉ Koda꞉ pa꞉ta꞉ yeni pu haloma꞉me. Kutupata꞉ Yesu Ketiso pa꞉ta꞉ tunao hata꞉ paleke na hao haloma꞉me. Kutupa make mo nika꞉ manda loke nina꞉ peaaseme haumanu pa꞉ta꞉ hone ota꞉ homeke a꞉nda꞉ ti lao na haloma꞉me.

Kolosi 2:11

Ketiso yaapo tunaaleme ekima꞉ta꞉ ikita꞉ sekemesaisi hau pelememe. Kenke halima꞉ peaasa꞉ sekemesaisi hauna꞉ dia꞉ya꞉la꞉pate pa Ketisoma꞉ peala꞉ sekemesaisi haue. Koto hauta꞉ mo niki tukiki pa꞉ta꞉ ula꞉ hoke hau teke yoko baasa꞉ haue.