Loma꞉ 16:26 - Panake Pi La: Ula: Buka pita: Kine Pieke Buka

²⁶ Koto pa꞉la꞉pate hande a꞉mbao wieke ota꞉ pi manuta꞉ ameta꞉ mo hande potopede haliwekina꞉ wape pelemeeki manuma꞉ peneme yaala꞉me. Kutupa hande na homeke pa hao hala꞉ Koda꞉ma꞉ dupa꞉pe laa leeke handaata꞉ wanda꞉hali paeyaoma꞉ opua pina꞉yeke koto hande pita꞉ kenke honiki honiki paeyao pa꞉ta꞉ mo tutu paeyao pa꞉ta꞉ wala꞉tia pominoloma꞉me.

Loma꞉ 16:26 ပူးပေါင်းရင်းမြစ်များ

Kini Pieke 21:33

Kutupa Eipoloha꞉ma꞉ma꞉ta꞉ mo Biasiba pa꞉ta꞉ta꞉ mo napu ti homeke ma꞉nda꞉ noka꞉paata꞉ mo Pa Hao Hala꞉ Tekehali Koda꞉ pa꞉ta꞉ panda꞉puniao yeiya꞉ layekeme.

Maka 16:15

Yesuma꞉ iki pa꞉ta꞉ alota꞉ Kenke paeyao pa꞉ta꞉ puaata꞉ wanda꞉hali paeyao pa꞉ta꞉ do pi seliapo wala꞉pa꞉peke laa

Aposolo 10:43

Mo hande potopede haliweki paeyaoma꞉ ipiki pa꞉ta꞉ lemeke ekita꞉ dupae. Hali epima꞉ ipika꞉ pi miniki haya꞉ka꞉na꞉ta꞉ kota꞉ ipika꞉ bikina꞉ mo hoke hau piekeeki pa tombuaasa꞉eki milieke lemekeme leekeme.

Aposolo 6:7

Koto ekina꞉ mo Koda꞉na꞉ pi paa mea a꞉meiyao kutupa Diutuseleme da nane mo disaipolo wanda꞉hali make aneke hapu daeyao kutupa mandane yeni peao haemeke haliweki wopu make mo Koda꞉na꞉ pi opua Ketiso pa꞉ta꞉ hone tulao haemekeme.

Loma꞉ 1:2

Do hande Pi Seliapota꞉ Koda꞉ma꞉ amba꞉ kiake pi la꞉ witolo hata꞉ ipika꞉ pi la꞉ mea halo haemeke potopede haliweki pa꞉ta꞉ la halaata꞉ yakopiki Baibolo bukana꞉ make wape pina꞉ leekeme.

Loma꞉ 1:20

Koda꞉ma꞉ kenke ala꞉ta꞉ ala꞉ta꞉ paeyao wepia wina꞉ la꞉la꞉ dina꞉ kini pu mea a꞉pa ame haloma꞉ pa꞉ta꞉ kone wanda꞉hali paeyaoma꞉ta꞉ Koda꞉ ota꞉ hala꞉eki make ipika꞉ wele pu hao halo pa꞉la꞉eki make hone epeke tupa꞉ wia꞉pa꞉peke ya꞉la꞉me. Koto Koda꞉na꞉ hau yaapota꞉ lekema꞉ peneme handa꞉pa꞉peke na ya꞉la꞉pate pa hone wia꞉pa꞉peke ya꞉la꞉me. Wanda꞉hali paeyaoma꞉ta꞉ Koda꞉ma꞉ wepia wina꞉ la꞉la꞉ ekimanu lekema꞉ handolo hata꞉ hone wia꞉pa꞉peke ya꞉la꞉me. Koto ekina꞉ wanda꞉hali paeyaoma꞉ pi ma꞉nda꞉ lapa꞉peke na ya꞉la꞉me.

Loma꞉ 1:5

Koda꞉ma꞉ Yesu Ketiso pa꞉ta꞉ hone witolo hata꞉ I̱ aposolo hali halo pua꞉eki kia꞉me. Kutupa Ketisona꞉ bikina꞉ kenke ta꞉ta꞉ ta꞉ta꞉ pa꞉ta꞉manu haeme wanda꞉hali paeyao hatuku pua ipika꞉ pi hone tulao opua pina꞉yeke kia꞉me.

Loma꞉ 15:18

I̱ma꞉ na kita꞉ yokake hata꞉ dupa lolo polopate Ketisoma꞉ I̱ pa꞉ta꞉ peaala꞉eki homeke lolueke. Diendaili wanda꞉halima꞉ Koda꞉na꞉ pi opua pina꞉yeke pua꞉me. Do pimiki ekina꞉ teketa꞉ dupae. I̱ma꞉ loa꞉ pimanu make pua꞉ haumanu make

Loma꞉ 15:4

Mo hande Baibolo bukana꞉ wape pa꞉la꞉ ekimanu paeyaota꞉ niki waluekema꞉ wape pea pelememe. Mo hande Baibolo bukana꞉ wape pa꞉la꞉eki manuma꞉ta꞉ niki sutia tia pitolo haena꞉ niki tiao hata꞉ mo hande la꞉ ula꞉ ekimanu yaena꞉yeke handeteke hao hamono ula꞉me.

Loma꞉ 3:21

Kutu pita꞉la꞉pate Koda꞉ma꞉ta꞉ wanda꞉hali ipiki pa꞉ta꞉ tikitiki yao haena꞉ la꞉la꞉ ekita꞉ peneme yao ula꞉me. Hande Lo Pi manuma꞉ peaasa꞉eki dia꞉ ya꞉la꞉pate hande Lo Pi manuma꞉ make mo hande potopede haliwekima꞉ make amba꞉ la ka꞉la꞉me.

Ka꞉leisia 3:8

Baiboloma꞉ dupa la꞉ wiekeme Koda꞉ma꞉ mo hande Diendaili wanda꞉hali ika꞉ hone tulaleme ekina꞉ Koda꞉ ipiki ame̱le̱ epea halimikie laa la꞉ wiekeme. Kota꞉ mo Baiboloma꞉ Eipoloha꞉ma꞉ pa꞉ta꞉ dupiki pi seliapo la halolo alota꞉ Neke pa꞉ta꞉ yama꞉ta꞉ Koda꞉ma꞉ wanda꞉hali paeyao wamo pilieke leekeme. Mo koto leeke ekita꞉

Epesese 1:9

amba꞉ ipikana꞉ma꞉ do hau pulueke hone wiekeeki pa꞉la꞉me. Kutupata꞉ hande amba꞉ ipika꞉ a꞉mbao wieke honeta꞉ Ketisoma꞉ yaena꞉yeke koto make ame niki pa꞉ta꞉ peneme yaala꞉me.

Epesese 2:20

Ikita꞉ Koda꞉ma꞉ a꞉eta꞉la꞉ da tupa꞉ halememe. Ipikana꞉ma꞉ koto da a꞉etolota꞉ niki aposolo haliweki make potopede haliweki make mea apa꞉tao pinkimanu tupa꞉ noka꞉pa꞉la꞉me. Kutu pa꞉la꞉pate Yesu Ketisota꞉ ota꞉ titina꞉ noka꞉pa꞉la꞉ pinki hala꞉me.

Kolosi 1:26

Do pita꞉ amba꞉ hatia epemeke wanda꞉hali paeyao pa꞉ta꞉ta꞉ a꞉mbao wiekepate ameta꞉ ipika꞉ wanda꞉hali pa꞉ta꞉ peneme yaala꞉me.

1 Timodi 1:17

Mo lekema꞉ handa꞉peke na yo make homa꞉peke na yo piki da꞉ta hao hala꞉ Kini hali ipiki homeke kone Koda꞉ hala꞉me. Ipika꞉ biki tieke ota꞉ kende wina꞉ mea a꞉meiyaena꞉ la꞉na꞉e. Kutu pina꞉e.

1 Timodi 3:16

Mo nika꞉ Ketiso hauna꞉ teketa꞉ ota꞉ hau tieke dia꞉me pita꞉ ma꞉nda꞉ma꞉ lapeke na ya꞉la꞉me. Do ekina꞉ alome. Ipikita꞉ ota꞉ halina꞉ loke kone mea opolo epeekeme. Mo hande Sipitidima꞉ ipika꞉ yako pa꞉la꞉ ekita꞉ ota꞉ ekie laa peneme waleekeme. Kutupa ipikita꞉ enisoloma꞉ make handeekeme. Ipika꞉ bikita꞉ mo tutu ma꞉nda꞉ ma꞉nda꞉ paeyao pa꞉ta꞉manu make walemekeme. Kutu pieketa꞉ mo kenke paeyao pa꞉ta꞉ haemeke wanda꞉halima꞉ ipiki pa꞉ta꞉ hone tulaemekeme. Kutaa ipikita꞉ Koda꞉ma꞉ oli ya nane hatuku mea peekeme.

2 Timodi 1:10

Pate ameta꞉ mo nika꞉ da꞉taasa꞉ hali Ketiso Yesu ipika꞉ a꞉pa꞉la꞉eki pa꞉ta꞉ yama꞉ peneme yaala꞉me. Mo homa꞉la꞉ ekina꞉ wele ipikana꞉ma꞉ paeyaaso hata꞉ mo Koda꞉na꞉ Pi Seliapo pa꞉ta꞉ yama꞉ deto hala꞉eki peneme yaala꞉me.

Hibulu 13:8

Yesu Ketisota꞉ amba꞉ make ame make belia make hoto paeyao tapao topo na piki pa homeke hau kone pa꞉la꞉me.

Hibulu 9:14

kota꞉ mo Ketisona꞉ wema꞉ta꞉ koto titina꞉ hau ota꞉ lombei peao hau tieke peaapeke ya꞉la꞉me laa hone wipee. Ipikana꞉ma꞉ta꞉ mo na paelo pa꞉la꞉ Sipitidi pa꞉ta꞉ yama꞉ ala꞉ta꞉ ma꞉nda꞉ na ta̱lekeeki ipiki kone Koda꞉ pa꞉ta꞉ haleekeme. Nikana꞉ma꞉ mo da꞉ta hao hala꞉ Koda꞉na꞉ e ana꞉na꞉ pokomono ipika꞉ wema꞉ nika꞉ hone teke pa꞉ta꞉ ula꞉ popeke na piki haumanu tandepo halieke.

1 Dioni 5:20

Nika꞉ hone uluma꞉ ekita꞉ mo Koda꞉na꞉ Eiyeketa꞉ niki hone lenkipa wita꞉la꞉eki kulu a꞉pa꞉la꞉me. Pa ekipeke nikana꞉ma꞉ mo ota꞉ Koda꞉ hone ulu poloma꞉ tupa꞉ pa꞉la꞉me. Ipiki ame̱le̱ hone homeke witolo hata꞉ pa ipika꞉ Eiyeke Yesu Ketiso kone hone homeke wia haloma꞉me. Ipikita꞉ mo ota꞉ Koda꞉e. Kutupa ipikita꞉ deto hala꞉ ekina꞉ tekee.

Peneme Yaeyekeeki 1:17

I̱ma꞉ ipiki handoa꞉ dina꞉ta꞉ amba꞉ homeke halima꞉ handaa ipika꞉ anke teke pa꞉ta꞉ lopoa꞉me. Kutu pueketa꞉ ipikana꞉ma꞉ ipika꞉ popeke nane kiki I̱ manda witolo hata꞉ alota꞉ Paala꞉ma꞉ na homa꞉pee. I̱ta꞉ ota꞉ titina꞉ make ota꞉ wetepe sale nane makee.

Peneme Yaeyekeeki 19:10

I̱ta꞉ ipiki yeiya꞉ lao yeni puluku alo ipika꞉ anke teke pa꞉ta꞉ panda꞉puniao lopoa꞉ pa꞉ta꞉ ipikana꞉ma꞉ I̱ pa꞉ta꞉ alota꞉ Ei I̱ pa꞉ta꞉ kotoeki na pia꞉pema. I̱ta꞉ e pokaaso naka꞉ yankekee. Kutupa make naka꞉ kamemanu mo Yesuma꞉ peneme yaeya꞉ ota꞉ pimanu miniki haleme wanda꞉halina꞉ yankeke halome. Koda꞉ pa꞉ta꞉ homeke yeiya꞉ laaso hata꞉ yeni pu hapeke laa lea꞉me. Pa ekipeke mo Yesuma꞉ peneme yaeya꞉ ota꞉ ekita꞉ mo potopede haliwekima꞉ alemeeki hone u tiaasa꞉ekie.