Loma꞉ 16:25 - Panake Pi La: Ula: Buka pita: Kine Pieke Buka

²⁵ Nikana꞉ma꞉ Koda꞉na꞉ pi laamana꞉e. Koda꞉ma꞉ mo amba꞉ kiake kone a꞉mbao wieke pa ame I̱ma꞉ walolo hande Yesu Ketisona꞉ Pi Seliapo pa꞉ta꞉ yama꞉ Koda꞉ma꞉ ika꞉ hone tulao haleme ekita꞉ ana꞉na꞉ taka꞉lao hamina꞉ lelieke. Koto walolo pita꞉ mo amba꞉ kiaake kone a꞉mbao wieke ota꞉ pie.

Loma꞉ 16:25 ပူးပေါင်းရင်းမြစ်များ

Ma꞉tiu 13:17

I̱ma꞉ iki pa꞉ta꞉ ota꞉ pi alome. Amba꞉ haemeke potopede haliweki wopuma꞉ make mandane tikitiki piki haliweki wopuma꞉ make ikana꞉ma꞉ ame do handeleme haumanu handuluekema꞉ hone wopu pieke taapo haemekepate na handemekeme. Koto haliwekima꞉ta꞉ do opueleme pimanu make opuluekema꞉ hone wopu pieke taapo haemekepate na opimikime.

Ma꞉tiu 13:35

Koto pieke ekita꞉ amba꞉ hande potopede halima꞉ la꞉ wieke pimanu yaena꞉ yeke piekeme. Koto hande potopede halima꞉ la꞉ wieke pita꞉ dupa Wanda꞉hali pa꞉ta꞉ pi loluekema꞉ta꞉ onkoluma꞉ manuma꞉ homeke lolueke. Do kenke wepia wieke ane kini pu mea a꞉pa ame do halome anema꞉ a꞉mbao ula꞉ pi manuta꞉ iki pa꞉ta꞉ I̱ma꞉ peneme yao la halueke leekeme.

Ma꞉tiu 20:7

Ikana꞉ma꞉ hombo peaaso alota꞉ Yenki e pokomono ma꞉nda꞉ma꞉ niki na mia꞉me. Koto lemeke ipikana꞉ma꞉ alota꞉ Kota꞉ a꞉pa꞉la꞉me mo ya waini pu e pua pokaape leekeme.

Aposolo 20:32

Kutupa ameta꞉ Koda꞉ pa꞉ta꞉ make ipika꞉ pa a꞉ta꞉ma꞉ homa꞉la꞉ pi ale pa꞉ta꞉ make iki halolome. Ipikana꞉ma꞉ta꞉ iki daeyaapeke yao ipika꞉ talopu mea haena꞉ la꞉la꞉ wanda꞉hali ame̱le̱ ika꞉ anke teke mulu pelemeeki ana꞉na꞉ kia꞉peke ya꞉la꞉me lea꞉me.

Aposolo 9:20

Ipikana꞉ma꞉ koto kone Yesu Ketisona꞉ pi mo pi hotu haemeke da pa꞉ta꞉ walolo hata꞉ alota꞉ Yesuta꞉ Koda꞉na꞉ Eiyekee leekeme.

Loma꞉ 11:25

Ya kame titio. Pi homeke a꞉nda꞉ta꞉ a꞉mbao ula꞉me. Ikana꞉ma꞉ handoemena꞉yeke I̱ta꞉ hone pa꞉la꞉me. Kotoeki handemeka꞉na꞉ta꞉ kota꞉ ikana꞉ma꞉ ame do kone alota꞉ Nikita꞉ pita꞉la꞉ ekimanu paeyao handoloma꞉me pi paa na lelimikie. Koto a꞉mbao ula꞉ ekita꞉ dupa. Mo mandane Isulai wanda꞉halima꞉ pi na opiteleme ekita꞉ hoto paeyao na opu haluekema꞉ na pitelememe. Pua꞉tiki pua Koda꞉ma꞉ Diendaili wanda꞉hali mina꞉la꞉ tombo ana꞉na꞉ mia꞉ka꞉na꞉ta꞉ pilimikie.

Loma꞉ 14:4

Hali ma꞉nda꞉na꞉ e pokaasa꞉ hali pa꞉ta꞉ hone u hoeyaasa꞉ hali neketa꞉ epi ya꞉ka꞉ta꞉pe. Pu hoeyaaleme laa make epeke peleme laa make ipika꞉ Tekehalima꞉ homeke lelieke. Ipika꞉ Tekehalima꞉ epeke tupa꞉ pina꞉ lapeke ya꞉la꞉ ekima꞉ mo halima꞉ epeke tupa꞉ pilieke.

Loma꞉ 16:24

[Nika꞉ Tekehali Yesu Ketiso ipika꞉ a꞉ta꞉ma꞉ homa tamba꞉ mina꞉la꞉eki iki paeyao pa꞉ta꞉ wina꞉e.]

Loma꞉ 2:16

Koto ekina꞉ Koda꞉ma꞉ta꞉ hande Natena꞉ pi yokaalu pia꞉ka꞉na꞉ta꞉ I̱ma꞉ hande Pi Seliapo loa꞉ tupa꞉ pilieke. Ipikana꞉ma꞉ta꞉ Yesu Ketisoma꞉ wanda꞉halima꞉ a꞉mbao u haeme hone manuna꞉ pi yokaalu pina꞉ lelieke.

1 Kotindi 1:23

Kutu pelemepateta꞉ nikana꞉ma꞉ hande a꞉ka꞉tei wape piki tina꞉ Ketiso endiaemekeme laa pi walo haloma꞉me. Do waloma꞉ pina꞉ta꞉ mo Diu wanda꞉halima꞉ta꞉ ya handa꞉olu bepi pu halememe. Kutupa mo Kitiki wanda꞉halima꞉ta꞉ Pa ekie lo halememe.

1 Kotindi 2:7

Kutu pilia꞉pate I̱ma꞉ hande hone wotu witolo hata꞉ lo halo ekita꞉ mo Koda꞉na꞉ hone wotu wita꞉la꞉eki kone alopate pa do kenkena꞉ wanda꞉hali pa꞉ta꞉ta꞉ pa panka꞉ ala꞉ ekie. Amba꞉ do kenke ala꞉ta꞉ ala꞉ta꞉ paeyao a̱i̱ na wepiki hata꞉ kone Koda꞉ma꞉ mo ipika꞉ pa̱a̱ pa꞉la꞉ ekita꞉ niki handa꞉ mea poluekema꞉ do hande hone wotu wita꞉la꞉ ekita꞉ ipikana꞉ma꞉ amba꞉ hone wiekeme.

1 Kotindi 4:1

Ikana꞉ma꞉ niki pa꞉ta꞉ hone witolo hata꞉ hone dupa wia꞉pa꞉peke. Ikita꞉ Ketisona꞉ e pokaasoma꞉ haliweki hata꞉ta꞉ mo hande Koda꞉na꞉ a꞉mbao ula꞉ haumanu handeteke haleme haliwekie laa hone wia꞉pa꞉peke.

2 Kotindi 4:3

Nikana꞉ma꞉ peneme yao waloloma꞉ Pi Seliapota꞉ ma꞉nda꞉ pa꞉ta꞉ a꞉mbao wia꞉ka꞉na꞉ta꞉ kota꞉ mo alupa꞉la꞉ pota꞉na꞉ polo peleme wanda꞉hali pa꞉ta꞉ homeke a꞉mbao ula꞉me.

2 Kotindi 4:5

Nikana꞉ma꞉ta꞉ nikina꞉ na waloloma꞉pate pa Yesu Ketisota꞉ Tekehalie laa nikita꞉ waloloma꞉me. Kutupa Yesuna꞉ hone pa꞉la꞉ ekina꞉ ika꞉ pa hameke e pokaasoma꞉ haliwekie laa waloloma꞉me.

Ka꞉leisia 2:2

I̱ ponoyeke Koda꞉ma꞉ pue leeke handa poa꞉me. Kutupa mo siosi you haliweki niki honumake mombela pita꞉ I̱ma꞉ mo Diendaili wanda꞉hali pa꞉ta꞉ pi seliapo dupa walolome laa la haloa꞉me. Ya amba꞉ pokoa꞉ e make ame do pokolo e make pa pahameke pokaama꞉na꞉ laa iki pa꞉ta꞉ loa꞉me.

Epesese 1:9

amba꞉ ipikana꞉ma꞉ do hau pulueke hone wiekeeki pa꞉la꞉me. Kutupata꞉ hande amba꞉ ipika꞉ a꞉mbao wieke honeta꞉ Ketisoma꞉ yaena꞉yeke koto make ame niki pa꞉ta꞉ peneme yaala꞉me.

Epesese 3:11

Koda꞉ma꞉ kutu pieke ekita꞉ ipika꞉ paeya꞉ paapeke na ya꞉la꞉ hone u hala꞉ ekita꞉ nika꞉ Tekehali Yesu Ketisoma꞉ pina꞉yeke leekeme.

Epesese 3:9

Kutupa wanda꞉hali paeyaoma꞉ Koda꞉ma꞉ a꞉mbao u hayeke hone peneme yao yaalo pa꞉la꞉eki make handena꞉yeke I̱ma꞉ walo ponoyeke I̱ pa꞉ta꞉ kia꞉me. Hande ala꞉ta꞉ ala꞉ta꞉ paeyao wepia wina꞉ la꞉la꞉ Koda꞉ma꞉ta꞉ amba꞉ kiaake hatiki epemeke pa꞉ta꞉ kone ipika꞉ u hayeke hone a꞉mbao wia hao hayekeme.

Epesese 6:19

Kutupa yaka biki make yeni pitolo hata꞉ Koda꞉ pa꞉ta꞉ hala꞉tiki pea꞉pa꞉peke. I̱ma꞉ta꞉ tikitiki yao hata꞉ mo hande Pi Seliapo a꞉mbao ula꞉ ekimanu handa꞉ wia honkopu hao wala꞉tiki pionoyeke Koda꞉ma꞉ kotoeki kina꞉ yeni pea꞉tiki pea꞉pa꞉peke.

Kolosi 2:2

I̱ma꞉ doeki pitolo ekita꞉ mo wanda꞉halima꞉ pukima꞉ homa꞉ alualu pitolo hata꞉ puki hana꞉ noka꞉pa꞉la꞉ ekima꞉ tumbina꞉ lena꞉ loluekema꞉ pitolome. Do pitolo ekita꞉ ikana꞉ma꞉ ota꞉ tikitiki piki hone wita꞉la꞉eki pa꞉ta꞉ yama꞉ a꞉pa꞉la꞉ hone tulaaseme honkopu muemena꞉ loa꞉me. Do hau pimika꞉na꞉ta꞉ Koda꞉na꞉ a꞉mbao ula꞉eki handilimikie. Do ekita꞉ Ketiso ipiki konee.

Kolosi 4:3

Kutu pitolo hata꞉ta꞉ Koda꞉ma꞉ mo hande Ketisona꞉ a꞉mbaala꞉ ekina꞉ pimanu walamono epeke walekemanu kina꞉ yeni pu hapa꞉peke. Kotoeki tekena꞉ I̱ta꞉ ameta꞉ dipula pilume.

1 Desalonaika 3:13

Ipikana꞉ma꞉ kutu pilimi ekima꞉ ika꞉ puki taka꞉lawalieke. Kutu pia꞉ka꞉na꞉ta꞉ nika꞉ Tekehali Yesu ipika꞉ wanda꞉hali ame̱le̱ epolo peleme natena꞉ta꞉ ikita꞉ nika꞉ Apa꞉ Koda꞉ ipika꞉ leke popelekena꞉ mombela hata꞉ta꞉ ala꞉ta꞉ na piki epeke yakopiki wanda꞉hali halimikie.

2 Desalonaika 2:14

Koda꞉ma꞉ koto tupa꞉ hamena꞉ mo Pi Seliapo waloma꞉ ekima꞉ta꞉ iki wi lea꞉me. Nika꞉ Tekehali Yesu Ketisona꞉ pa̱a̱ pita꞉la꞉eki putu piliki ikana꞉ma꞉ muemena꞉ wi lea꞉me.

2 Desalonaika 3:3

Mo Tekehalima꞉ hone homeke u haleke handa ikita꞉ wele pealieke. Kutupa make Sadanima꞉ iki hoeyaapa꞉na꞉ handeteke halieke.

2 Timodi 1:9

Nikita꞉ ipika꞉ wanda꞉hali hamono yeke Koda꞉ma꞉ pa꞉ta꞉la꞉ mea wi la꞉la꞉me. Koto hau pieke ekina꞉ teketa꞉ nikana꞉ma꞉ epeke hau puma꞉ ekina꞉ dia꞉pate pa ipikana꞉ma꞉ a꞉ta꞉ma꞉ homolo hata꞉ ipika꞉ hone pieke ekima꞉ kone niki wi la꞉la꞉me. Koda꞉ma꞉ do kenke a̱i̱ na wepia wina꞉ leeke pita꞉ma꞉ta꞉ do a꞉ta꞉ma꞉ homa꞉la꞉ hauta꞉ niki miomono yeke Ketiso Yesu pa꞉ta꞉ yama꞉ wina꞉ leekeme.

2 Timodi 2:8

Nakana꞉ma꞉ mo hande homa paa tiaeyeke yeke Deipidina꞉ tapake hali Yesu Ketiso hone u hapeke. I̱ma꞉ mo Pi Seliapo waloa꞉ka꞉na꞉ta꞉ kota꞉ koto pi kone walo halome.

Taitasi 1:2

Ika꞉ mo koto hone tulalemeeki make mo ota꞉ pi miniki halemeeki make do hau yaapota꞉ mo deto hala꞉ hauna꞉ ti laasa꞉eki pa꞉ta꞉ ti lalememe. Mo yayapiki pi na lo hala꞉ Koda꞉ma꞉ amba꞉ mo ala꞉ta꞉ ala꞉ta꞉ paeyao na wepia wina꞉ leke do deto hala꞉ ekita꞉ niki pa꞉ta꞉ hone witolo hata꞉ pi la꞉ wiekeme.

Hibulu 7:25

Koto pa꞉la꞉ ekima꞉ta꞉ wetepe make ame do make mo ipiki pa꞉ta꞉ yama꞉ Koda꞉ pa꞉ta꞉ ipilimi wanda꞉halita꞉ ota꞉ da꞉taapeke ya꞉la꞉me. Pa ekipeke ipikana꞉ma꞉ ikina꞉ Koda꞉ pa꞉ta꞉ honke latiki puluekema꞉ hao hala꞉me.

1 Pida 1:20

Koda꞉ma꞉ do kenke a̱i̱ na wepieke pita꞉ma꞉ kone Yesu amba꞉ mea hayekeme kutupa do wetepe naneta꞉ iki tamba꞉ muluekema꞉ ipiki peneme yaeyekeme.

1 Pida 5:10

Koda꞉ma꞉ta꞉ pa a꞉ta꞉ma꞉ homa꞉la꞉ Tekehali hata꞉ iki Ketiso ame̱le̱ ta꞉ma꞉ni pea hamena꞉ ipika꞉ nate paeyao pa̱a̱ pu hala꞉eki muemena꞉yeke iki amba꞉ wi la꞉la꞉me. Kutupa iki pa꞉ta꞉ tanda peaasa꞉eki hosiki hao paeya꞉ka꞉na꞉ta꞉ Koda꞉ma꞉ kone wetepe iki epeaota꞉ ota꞉ honkopu hao da̱o̱la hamena꞉ lelieke.

Peneme Yaeyekeeki 10:7

pa mo watake hata꞉ peao enisoloma꞉ ipika꞉ bu kanake lia꞉ka꞉na꞉ta꞉ Koda꞉ma꞉ mo hande ipika꞉ pa hameke e pokaasa꞉ potopede haliweki pa꞉ta꞉ la haleeke tupa꞉ ipikana꞉ma꞉ ipika꞉ pulueke laa a꞉mbao ula꞉ ekita꞉ ota꞉ pu paeyaalieke lea꞉me.