Loma꞉ 16:17 - Panake Pi La: Ula: Buka pita: Kine Pieke Buka

¹⁷ Yaka Ketiso kame titio. I̱ma꞉ iki sutiaaso hata꞉ dupiki pi alome. Mo wanda꞉halina꞉ hone tulaasemeeki hoeyaasa꞉eki make wanda꞉hali ka꞉ta꞉ alualu peaasa꞉eki make kutupiki hau piteleme wanda꞉halima꞉ iki hoeyaama꞉na꞉ma꞉ wotu handeteke hapa꞉peke. Amba꞉ titina꞉ iki pa꞉ta꞉ walemeke handa ikana꞉ma꞉ opimiki pi manuta꞉ ame mo wanda꞉halima꞉ tombualuekema꞉ taapelememe. Koto wanda꞉halita꞉ iki ame̱le̱ mandake pa꞉ta꞉ na momba꞉la꞉pa꞉peke.

Loma꞉ 16:17 ပူးပေါင်းရင်းမြစ်များ

Ma꞉tiu 18:17

Kutu pilimipate iki paeyaona꞉ pi na opia꞉ka꞉na꞉ta꞉ kota꞉ mo ipika꞉ pia꞉ hau paeyao siosi wanda꞉hali mombilimi ale pa꞉ta꞉ la hala꞉peke. Kutaa ipikana꞉ma꞉ mo siosi wanda꞉hali paeyaona꞉ pi na opia꞉ka꞉na꞉ta꞉ kota꞉ nakana꞉ma꞉ koto someta꞉ mo Koda꞉ mataasa꞉ hali o a꞉nda꞉ tunkuliki wanda꞉halina꞉ tamba꞉ mina꞉la꞉ hali tupa꞉ haena꞉ lapeke leekeme.

Ma꞉tiu 18:7

A꞉pei. Do kenke pa꞉ta꞉ I̱ paala꞉e. Wanda꞉halima꞉ hoke hau pina꞉yeke ula꞉ hoke haumanu ula꞉me. Dupiki haumanu a꞉pa꞉peke yolo pa꞉la꞉pate a꞉pa꞉e mo hau epena꞉ ala꞉ halita꞉ ota꞉ hoke yenki milieke.

Ma꞉tiu 7:15

Mo yayapiki potopede haliwekima꞉ iki makeaama꞉na꞉ leke leke lo hapa꞉peke. Ikana꞉ma꞉ iki makealuekema꞉ta꞉ ika꞉ lokena꞉ manda hau manuma꞉ta꞉ sipisipi nono pilimipate ika꞉ puki tukiki naneta꞉ hali lu no hala꞉ tikene kikamanu leke kone halememe.

Luku 17:1

Yesuma꞉ ipika꞉ disaipolo haliweki pa꞉ta꞉ alota꞉ Wanda꞉hali hoke hau pa꞉ta꞉ pena꞉ yeke pu tiaasa꞉ haumanu opolo epolo pa꞉la꞉pate kutu piki haumanu pina꞉ pu tiaasa꞉ someta꞉ paala꞉e. Hoke yenki milieke.

Aposolo 15:24

Nika꞉ da nane haliweki mandaneeki manuma꞉ pi walolo hata꞉ iki ka꞉nda꞉ peaemeke ekita꞉ opuma꞉me. Nikana꞉ma꞉ dupa lapa꞉peke pi na loma꞉pate pa ika꞉ konema꞉ iki ka꞉nda꞉ma꞉ homaemekeme.

1 Kotindi 11:18

I̱ma꞉ mandane opitoloeki dupa. Ikana꞉ma꞉ yeni puluekema꞉ momba꞉la hata꞉ kone tekilipa ta꞉ta꞉ ta꞉ta꞉ pea halememe laa alemeeki opitolo hata꞉ mandaneeki ota꞉ ekie hone witolome.

1 Kotindi 3:3

Ikana꞉ma꞉ ne tunkula꞉la꞉ haumanu make ape ala꞉ ekimanu make kutupiki haumanu piteleme ekita꞉ mo kenke wanda꞉halima꞉ pu haleme tupa꞉ kone pitelememe.

Ka꞉leisia 2:4

Koto Taitasi sekemesaisi hau pina꞉e lemeke tapaketa꞉ yayapiki pi mimiki haliweki hata꞉ nika꞉ mombololoma꞉eki handoma꞉ tiaaluekema꞉ a꞉mbao epemekeme. Nikana꞉ma꞉ Yesu Ketiso ame̱le̱ hata꞉ mo Diu wanda꞉halina꞉ nindi peaasa꞉ pi wimiki ekimanu nindi na piki ka꞉la꞉pa꞉ tapaleke haloma꞉eki handuluekema꞉ kutu pimikime. Ikana꞉ma꞉ niki mo koto pi ula꞉ ekimanu paa nindi wopu peomono loluekema꞉yeke hone pimikime.

Pilipai 3:17

Ya yankeke tonuo. Ikana꞉ma꞉ I̱ma꞉ pitolo hau hondo hapa꞉peke. Mo hande puemena꞉ waloma꞉ tikitiki haumanu pu haleme wanda꞉halina꞉ epeke haumanu ikana꞉ma꞉ handa honduluekema꞉ta꞉ hone wopu u hapa꞉peke.

Kolosi 2:8

Wopu handa꞉pa꞉peke. Ma꞉nda꞉ma꞉ do kenke halina꞉ napeke na wiki makeaasa꞉ hone lenkena꞉ pea wita꞉la꞉ hau manuma꞉ iki na handeteke haena꞉ lapa꞉peke. Do hau manuta꞉ Ketiso pa꞉ta꞉ yama꞉ na a꞉pa꞉la꞉pate pa mo apa꞉meina꞉ loma꞉loma꞉ pa꞉la꞉ pimanu make do kenkena꞉ teke na wiki mana꞉ pimanu pa꞉ta꞉ yama꞉ a꞉pa꞉la꞉me.

2 Desalonaika 3:6

Kametonuo. Tekehali Yesu Ketisona꞉ bikina꞉ dupa꞉pe aloma꞉me. Mo nikana꞉ma꞉ loma꞉ mana꞉ pimanu opua na piki soka꞉la꞉ pambeke kametiti pa꞉ta꞉ apa꞉tao na hake ta꞉ta꞉ hapa꞉peke.

1 Timodi 1:3

I̱ma꞉ mo hande Ma꞉sedonia nane pulu hata꞉ loa꞉ tupa꞉ ame make neketa꞉ mo Epesese nane pa hao hapeke alome. Koto pa꞉ta꞉ haleme mandane haliwekima꞉ iki makeaasa꞉ haumanu walo halemeeki na walepepee loelena꞉yeke loa꞉me.

2 Timodi 3:5

Ikana꞉ma꞉ mo Koda꞉ pa꞉ta꞉ yeni pita꞉la꞉ hauta꞉ pa pea꞉tiki pea꞉tiki pu halemepate mo yenina꞉ wele pita꞉la꞉ ekita꞉ hoki walaa kiaaso halememe. Kutu piki wanda꞉hali ame̱le̱ apa꞉tao na hapeke.

Taitasi 3:10

Mo Ketiso tapake tekili paaluekema꞉ taapa꞉la꞉ somema꞉ hoto homeke o yaapo tekili peaapeke lea꞉ka꞉na꞉ta꞉ hoto yaapo sa꞉sa꞉ pilipipate pi na opiki pa tepo peao paa pia꞉ka꞉na꞉ta꞉ kota꞉ koto someta꞉ nika꞉ tapake some dia꞉me laa hoki wala꞉peke.

1 Dioni 2:19

Koto wanda꞉halita꞉ ota꞉ nika꞉ homhomeke hone wia mombololoma꞉eki tukiki pa꞉ta꞉ epea꞉pate pa na apa꞉taememe. Koto ekina꞉ ikana꞉ma꞉ niki mina꞉pa꞉lalememe. Iki a꞉nda꞉ nika꞉ mombololoma꞉eki pa꞉ta꞉ apa꞉taemekena꞉ yoluta꞉ kota꞉ niki ame̱le̱ mandakena꞉ halo pimime. Pate ika꞉ pa mina꞉pa꞉laemeketa꞉ ota꞉ ma꞉nda꞉ hondo niki ame̱le̱ na apa꞉talemeeki peneme yaasememe.

Diudi 1:19

Do ika꞉ lokena꞉ hone pa꞉la꞉ hau manuma꞉ handeteke hata꞉ mo hande ka꞉taasa꞉ hau pu halememe. Ikita꞉ mo hande Sipitidi na pila꞉ wanda꞉halie.