Loma꞉ 16:13 - Panake Pi La: Ula: Buka pita: Kine Pieke Buka

¹³ Hande ponka꞉ ponka꞉ pilo hata꞉ Tekehalina꞉ e pokao hala꞉ hali Lupasi pa꞉ta꞉ make hande ipika꞉ eiyeke handeteke hala꞉ tupa꞉ kone I̱ make handeteke hao hala꞉ wanda꞉ Lupasina꞉ inkiki pa꞉ta꞉ make a꞉taloe pi la꞉niaasome.

Loma꞉ 16:13 ပူးပေါင်းရင်းမြစ်များ

Ma꞉tiu 20:16

Koto pi Yesuma꞉ lo a꞉mbolo hata꞉ alota꞉ Koto ekina꞉ mo ame biki na ula꞉ mandane wanda꞉hali woputa꞉ titina꞉ haena꞉ laata꞉ mo ame biki tieke ula꞉ mandane wanda꞉hali woputa꞉ wetepe halo yapilimikie laa leekeme.

Maka 15:21

Pota꞉na꞉ puaata꞉ hali ma꞉nda꞉ manda꞉hande pimikime. Mo halita꞉ Saitini da hali Saimonoe. Ipikita꞉ A꞉lekesa꞉nda Lupasi yaapo ipilika꞉ ateke hayekeme. Dolo a꞉ndeli miniki haemeke haliwekima꞉ mo hali meaata꞉ Yesuna꞉ a꞉ka꞉tei wape piki ti mea tiawaena꞉ lemekeme.

Maka 3:35

Koda꞉na꞉ hone pa꞉la꞉ hau pu haleme wanda꞉hali ikita꞉ ya kame ya ana꞉ ya ama꞉ halememe leekeme.

Dioni 15:16

I̱ta꞉ ikana꞉ma꞉ na mea haena꞉ lelemepate pa ikita꞉ I̱ma꞉ talopu meaata꞉ ikita꞉ pua hande u halo pa꞉la꞉ napeke a꞉eyamina꞉yeke mea haena꞉ lolome. Koto ekina꞉ ikana꞉ma꞉ yaka Apa꞉ pa꞉ta꞉ ala꞉ta꞉ ma꞉nda꞉ yaka biki alo hata꞉ honke lemeka꞉na꞉ta꞉ ipikana꞉ma꞉ iki pa꞉ta꞉ ota꞉ kilieke.

Dioni 19:27

mo disaipolo hali pa꞉ta꞉ make alota꞉ Naka꞉ ama꞉ koto handa꞉e laa leekeme. Koto dina꞉ta꞉ mo disaipolo halima꞉ Meti ipika꞉ da pa꞉ta꞉ hatuku pua handeteke hao hayekeme.

Loma꞉ 16:12

Tekehalina꞉ e pokao halepe hali yaapo Totaipina pita꞉ Totaiposa yaapo pa꞉ta꞉ make Tekehalina꞉ e wotu pokaala꞉ hali Pesisi pa꞉ta꞉ make a꞉taloe pi la꞉niaasome.

Loma꞉ 16:14

Asinkitidasi Pilekoni Hemesi Pa꞉todobasi Hema꞉si kutupa iki ame̱le̱ hao haleme Ketiso wanda꞉hali paeyao pa꞉ta꞉ a꞉taloe pi la꞉niaasome.

Epesese 1:4

Koda꞉ma꞉ do kenke na wepia wina꞉ leeke natena꞉ta꞉ nikita꞉ Ketiso yaapo hata꞉ ipika꞉eki hamono niki amba꞉ talopu ma꞉la꞉me. Nikita꞉ ipika꞉ leke popeleke nane hata꞉ta꞉ yako pea hata꞉ ekia꞉nda꞉ na piki wanda꞉hali hamonoyeke ma꞉la꞉me.

2 Desalonaika 2:13

Tekehalima꞉ pukima꞉ homo hala꞉ kametonuo. Hoto paeyao ikina꞉ Koda꞉ pa꞉ta꞉ keiyae lo hamonoe. Koda꞉ma꞉ iki peteluekema꞉ titina꞉ amba꞉ ma̱leke lia mea haya꞉me. Mo Holi Sipitidima꞉ iki Koda꞉na꞉eki hamena꞉ sa̱ pa꞉la꞉ ekima꞉ make ika꞉ mo ota꞉ pi pa꞉ta꞉ hone tulaleme ekima꞉ make koto ekima꞉ta꞉ Koda꞉ma꞉ iki petelea꞉me.

1 Timodi 5:2

Koke wanda꞉weki make naka꞉ ama꞉ tupa꞉ kone handeteke hata꞉ta꞉ panake wanda꞉weki make naka꞉ ana꞉ leke tikitiki piki hauma꞉ homeke handeteke hapeke.

2 Dioni 1:1

I̱ta꞉ you halima꞉ mo hande yaka pukima꞉ homolo ankula꞉ ankula꞉ pa꞉ta꞉ do tameiya꞉ tapaasome. I̱ma꞉ homeke dia꞉ya꞉la꞉pate mo hande ota꞉eki hone ula꞉ wanda꞉halima꞉ make iki pukima꞉ homelememe.