Loma꞉ 16:10 - Panake Pi La: Ula: Buka pita: Kine Pieke Buka

¹⁰ Hande ipika꞉ Ketiso pa꞉ta꞉ ti lao hala꞉eki peneme yala꞉ hali A꞉pelisi pa꞉ta꞉ make a꞉taloe pi la꞉niaasome. Hande Atisitobulusi tapake wanda꞉hali pa꞉ta꞉ make a꞉taloe pi la꞉niaasome.

Loma꞉ 16:10 ပူးပေါင်းရင်းမြစ်များ

Loma꞉ 14:18

Kutupa hali epima꞉ Ketisona꞉ hau dupa peaeya꞉ka꞉na꞉ta꞉ kota꞉ Koda꞉ma꞉ ipiki pa꞉ta꞉ ta꞉na꞉ma꞉ homilieke. Kutupa wanda꞉halima꞉ make ipiki pa꞉ta꞉ epeke pita꞉la꞉me laa ipika꞉ pi laalimikie.

Loma꞉ 16:3

Nika꞉ mandakena꞉ hata꞉ Yesu Ketiso ipika꞉ e pokao haloma꞉ tooli Pisila Akuila yaapo pa꞉ta꞉ a꞉taloe pi make la꞉niaasome.

Loma꞉ 16:7

Hande nika꞉ mandakena꞉ dipula pituma꞉ Diu hali yaapo A꞉ndotonaikusi pita꞉ Diuniasi yaapo pa꞉ta꞉ make a꞉taloe pi la꞉niaasome. Mo hande aposolo haliwekima꞉ta꞉ koto hali yaapo wotu handa wilimime. I̱ta꞉ pi a̱i̱ na miki hano kone ipilikana꞉ma꞉ amba꞉la Ketiso haliweki haepekeme.

Loma꞉ 8:11

Hande Yesu homeekepate kone paa mea tiaeyeke Koda꞉ ipika꞉ Sipitidi iki tukiki pa꞉ta꞉ pitia꞉ka꞉na꞉ta꞉ kota꞉ hande Ketiso homeekepate kone paa mea tiaeyeke Koda꞉ma꞉ta꞉ iki tukiki pa꞉ta꞉ pitaala꞉ ipika꞉ Sipitidima꞉ kone ika꞉ homolo peleme lokemanu mea da꞉taalieke.

1 Kotindi 11:19

Kutupa make mo mandane tekilipa ta꞉ta꞉ ta꞉ta꞉ pea halemeeki manuta꞉ ota꞉ hau piteleme wanda꞉hali peneme yaluekema꞉ pea꞉peke ya꞉la꞉ haue laa loa꞉me.

2 Kotindi 12:2

I̱ma꞉ hone uluta꞉ amba꞉ paeya꞉ bapi 14 haowa꞉ dina꞉ta꞉ Ketiso hali ma꞉nda꞉ta꞉ oli ota꞉ manda hala꞉ hepeni nane pa꞉ta꞉la꞉ mea pea꞉eki hone ulume. Do ekita꞉ ota꞉ pia꞉pe o pa upama꞉ leke handea꞉pe laa I̱ hone na ulupate Koda꞉ma꞉ homeke hone ula꞉me.

2 Kotindi 2:9

I̱ma꞉ iki pa꞉ta꞉ koto tameiya꞉ tapaowa꞉ ekita꞉ I̱ma꞉ mo hande la handa꞉la꞉eki kua꞉ ekita꞉ ikana꞉ma꞉ ekipa bepolaalimipe la handuluekema꞉ pua꞉me. Kutupa ikana꞉ma꞉ta꞉ hoto paeyao yaka alo ekimanu koto kone opua pilimio la handuluekema꞉ pua꞉me.

2 Kotindi 5:17

Ma꞉nda꞉ epita꞉ Ketiso pa꞉ta꞉ tunaeya꞉ka꞉na꞉ta꞉ kota꞉ ipikita꞉ panake some hala꞉me. Amba꞉ ekita꞉ pulu hata꞉ panakeeki a꞉pa꞉la꞉me.

2 Kotindi 8:22

Koto ekina꞉ta꞉ mo haliweki ame̱le̱ nika꞉ kame taa tapaasoma꞉ handa꞉e. Nikana꞉ma꞉ta꞉ hoto paeyao ipiki la handoma꞉me. Pate ipikita꞉ hoto paeyao tamba꞉ muluekema꞉ hone wopu ula꞉eki handa꞉ uluma꞉me. Ipikana꞉ma꞉ amba꞉ta꞉ iki tamba꞉ muluekema꞉ hone wia꞉pate pa ameta꞉ iki pa꞉ta꞉ hone tulaala꞉ ekima꞉ a̱i̱ tamba꞉ muluekema꞉ hone wopu wia hala꞉me.

Ka꞉leisia 1:22

Koto pita꞉ma꞉ta꞉ mo Diudia kenke pa꞉ta꞉ haemeke siosi wanda꞉halima꞉ ya leke popeleketa꞉ na handemekepate

Pilipai 2:22

Ikana꞉ma꞉ make Timodita꞉ handolota꞉ ota꞉ epeke halie la handelememe. Kutupa make a꞉tala꞉ leke hata꞉ Timodi dikana꞉ma꞉ Koda꞉na꞉ Pi Seliapo daeyaena꞉ poko hapa꞉ eta꞉ hone wilimime.

1 Timodi 3:10

Koto haliwekita꞉ ika꞉ pu haleme haumanu handoma꞉ tiatiki peaata꞉ ana꞉ pia꞉ka꞉na꞉ta꞉ kota꞉ mo e pokaena꞉ lapeke ya꞉la꞉me.

2 Timodi 4:19

Mo Pisila Akuila yaapo pa꞉ta꞉ make mo Onesipotasina꞉ tapake pa꞉ta꞉ tonka꞉na꞉ ya a꞉talo pi tapaasome.

1 Pida 1:7

Mo tekipuleke laasa꞉ haumanu ipula꞉ ekina꞉ teketa꞉ mo ikana꞉ma꞉ Koda꞉ pa꞉ta꞉ hone tulaleme ekita꞉ ota꞉eki yaaluekema꞉ ipu hala꞉me. Kenke pa꞉ta꞉ awa mina꞉la꞉ kolota꞉ hoeyaapeke ya꞉la꞉pate kone haliwekima꞉ ota꞉ kolope o hoke ekipe laa pa handuluekema꞉ tima꞉ yanka hando halememe. Koto piteleme tupa꞉ kone ika꞉ hone tulaaseme ekina꞉ taka꞉lao hamena꞉ la handilieke. Mo kolota꞉ ota꞉ epeke ale ya꞉la꞉pate kone ikana꞉ma꞉ Koda꞉ pa꞉ta꞉ hone tulaleme ekima꞉ta꞉ mo kolo make ota꞉ lombei pa꞉la꞉me. Taka꞉lao haemeka꞉na꞉ta꞉ mo Yesu Ketisona꞉ opolo ipilie natena꞉ ikita꞉ yeiya꞉ laasa꞉eki mu pa̱a̱ peaasa꞉eki mu titina꞉ amba꞉la haasa꞉eki mu pilimikie.