Loma꞉ 15:6 - Panake Pi La: Ula: Buka pita: Kine Pieke Buka

⁶ Iki paeyaoma꞉ta꞉ apa꞉tao hata꞉ kake mandakena꞉ wia hata꞉ Tekehali Yesu Ketiso ipika꞉ Apa꞉ Koda꞉na꞉ pi laamina꞉yeke loa꞉me.

Loma꞉ 15:6 ပူးပေါင်းရင်းမြစ်များ

Dioni 20:17

Yesuma꞉ ipiki pa꞉ta꞉ alota꞉ I̱ na mina꞉pe. Yaka Apa꞉ pa꞉ta꞉ a̱i̱ na la꞉ka꞉la a꞉meilo ekina꞉ loa꞉me. Yaka kametiti pa꞉ta꞉ yaka pi lawaalo pua꞉peke. Yaka Apa꞉ ika꞉ Apa꞉ make yaka Koda꞉ ika꞉ Koda꞉ make ipiki pa꞉ta꞉ paa la꞉ka꞉la a꞉meinolome lapeke leekeme.

Aposolo 4:24

Koto lepeke pi opuaata꞉ mo wanda꞉halima꞉ homeke hone wia Koda꞉ pa꞉ta꞉ yeni pitolo alota꞉ Tekehalio. Neketa꞉ ya kenke dawala tepo make kutupa koto pa꞉ta꞉ ula꞉ alemanu paeyao make nakana꞉ma꞉ wepia wina꞉ lele halie laata꞉

Aposolo 4:32

Kutupa mo hande pi mimiki wanda꞉hali paeyaoma꞉ hone homeke hau homeke wia haemekeme. Kutupa hali ma꞉nda꞉ma꞉ ipika꞉ wieke ala꞉ta꞉ ala꞉ta꞉ ota꞉ yakaeki homekee lapeke na yekeme. Homekema꞉ wieke ala꞉ta꞉ pea꞉na꞉eki yekeme.

2 Kotindi 1:3

Niki paeyaoma꞉ mo Koda꞉ nika꞉ Tekehali Yesu Ketisona꞉ Apa꞉ pa꞉ta꞉ keiyae lomana꞉e. Ipikita꞉ pa hameke a꞉ta꞉ma꞉ homa꞉la꞉ Apa꞉ hata꞉ mo tamba꞉ mina꞉la꞉ ekita꞉ ipiki pa꞉ta꞉ yama꞉ ipu hala꞉me.

2 Kotindi 11:31

Koda꞉ mo Tekehali Yesu Ketisona꞉ Atekema꞉ta꞉ I̱ma꞉ta꞉ yayapiki pi na alome laa hone wita꞉la꞉me. Ipika꞉ bikita꞉ hoto paeyao mea a꞉meiyamana꞉e.

Epesese 1:17

Hande nika꞉ Tekehali Yesu Ketiso ipika꞉ Koda꞉ta꞉ hande pa̱a̱ pa꞉la꞉ Atekema꞉ Sipitidi iki kina꞉yeke pu halome. Kutupa koto Sipitidima꞉ epeke hone wita꞉la꞉eki iki kiaata꞉ Koda꞉ hala꞉eki wopu handoemena꞉yeke Sipitidima꞉ la kina꞉yeke yeni pu halome.

Epesese 1:3

Tekehali Yesu Ketiso ipika꞉ Apa꞉ Koda꞉na꞉ pi nikana꞉ma꞉ laamana꞉e. Nikita꞉ Ketiso yaapo hamonota꞉ Koda꞉ma꞉ niki ota꞉ epeaala꞉ ekina꞉ loa꞉me. Hepeni nane hala꞉ ekimanu paeyaota꞉ nika꞉ temoko tamba꞉ mina꞉yeke amba꞉ ka꞉la꞉me.

Kolosi 1:3

Nikana꞉ma꞉ ikina꞉ yeni peaasota꞉ nika꞉ Tekehali Yesu Ketisona꞉ Ateke Koda꞉ pa꞉ta꞉ hoto paeyao keiyae lo haloma꞉me.

1 Pida 1:3

Nika꞉ Tekehali Yesu Ketisona꞉ Apa꞉ Koda꞉ pa꞉ta꞉ keiyae pi lomana꞉e. Ipikana꞉ma꞉ a꞉ta꞉ma꞉ homa tamba꞉ mieke handa Yesu Ketiso homa paa tiaeyeke ekima꞉ta꞉ niki pa꞉ta꞉ panake da꞉ta꞉la꞉eki kia꞉me. Koto pa꞉la꞉ ekima꞉ta꞉ nika꞉ hone pa꞉ta꞉ deto hala꞉ hone ti laasa꞉eki tumbao hala꞉me.

Peneme Yaeyekeeki 1:6

Kutupa ipika꞉ Apa꞉ Koda꞉na꞉ e pokomono nikita꞉ ipika꞉ kilu tombuao hala꞉ ekina꞉ yeni peao haleme wanda꞉hali hamono la꞉la꞉me. Yesu Ketiso pa꞉ta꞉ta꞉ pa̱a̱ pita꞉la꞉eki make wele pita꞉la꞉eki make hoto paeyao pa utia pu haena꞉e. Kutu pina꞉e.