Loma꞉ 15:31 - Panake Pi La: Ula: Buka pita: Kine Pieke Buka

³¹ Doeki yaapona꞉ yeni peaapa꞉peke. Ma꞉nda꞉ta꞉ Diudia nane haleme pi na miki haliwekima꞉ I̱ hoeyaama꞉na꞉ loa꞉me. Ma꞉nda꞉ make dupa. Mo Diutuseleme da nane haleme Koda꞉na꞉ wanda꞉halima꞉ I̱ma꞉ iki tamba꞉ mulu poloeki mina꞉yeke loa꞉me.

Loma꞉ 15:31 ပူးပေါင်းရင်းမြစ်များ

Aposolo 22:24

mo a꞉nda꞉ tumiki halima꞉ Polota꞉ mo baliki da pa꞉ta꞉ hatuku mea epena꞉ laaka꞉na꞉ mo haliwekima꞉ ipiki pa꞉ta꞉ koto taka꞉lake pi la alu alu pimiki ekina꞉ teke weiluekema꞉ Polo yombina꞉ leekeme.

Aposolo 25:2

Koto da pa꞉ta꞉ haemeke yeni peao haemeke you haliwekima꞉ make mo Diu you haliwekima꞉ make ikana꞉ma꞉ Polo samani pimiki pita꞉ Pesitasi pa꞉ta꞉ la halemekeme. Ikana꞉ma꞉ Pesitasi pa꞉ta꞉ honke alo alota꞉

Aposolo 25:24

Kutupa a꞉pa haena꞉ Pesitasima꞉ alota꞉ Kini hali Akatipao. Do hao yapeleme wanda꞉hali iki paeyao make do hala꞉ hali ika꞉ handelememe. Do pa꞉ta꞉ haleme wanda꞉halima꞉ make Diutuseleme da pa꞉ta꞉ haleme wanda꞉halima꞉ make koto Diu wanda꞉hali paeyaoma꞉ I̱ pa꞉ta꞉ koto hali samani pimime. Mo haliwekima꞉ pi tanda pu alu alu pea alota꞉ Do halita꞉ homena꞉e alememe.

Aposolo 9:13

A꞉na꞉naisima꞉ alota꞉ Tekehalio. Do halita꞉ naka꞉ Diutuseleme wanda꞉hali pa꞉ta꞉ tanda tanda hala꞉la꞉eki ma꞉nda꞉ ma꞉nda꞉ma꞉ a꞉pa la꞉tiki pu haleke opu halome leekeme.

Aposolo 9:15

Koto leekepate Tekehalima꞉ alota꞉ Pue. Do halita꞉ yaka amba꞉ molo halima꞉ pa꞉la꞉me leekeme. Yaka bikita꞉ Diendaili wanda꞉halima꞉ make kini haliwekima꞉ make Isulai wanda꞉halima꞉ make opina꞉ pua꞉ma꞉ pue leekeme.

Loma꞉ 15:25

Kutu pulu polopateto ame dota꞉ mo Diutuseleme da nane haleme Koda꞉na꞉ wanda꞉hali tamba꞉ mulu pulume.

1 Kotindi 16:15

Some ma꞉nda꞉ Sitepanisita꞉ ipika꞉ weki wanda꞉ tonka꞉na꞉ ikana꞉ma꞉ handelememe. Koto tapaketa꞉ mo Akaya Potobinisi nane hata꞉ta꞉ ota꞉ amba꞉ titina꞉ pi mea hata꞉ pa Koda꞉na꞉ wanda꞉halina꞉ e pokaatiki pitelememe. Koto ekina꞉ ya kametiti iki pa꞉ta꞉ honke alo hata꞉ dupa alome.

2 Kotindi 1:10

Dupiki ota꞉ hoke paala꞉piki homa꞉la꞉ ekimanu pa꞉ta꞉ ipikana꞉ma꞉ niki tamba꞉ mia꞉ ekina꞉ta꞉ nikana꞉ma꞉ta꞉ niki paa tamba꞉ milieke laa nika꞉ honeta꞉ ipiki pa꞉ta꞉ tulaaloma꞉me.

2 Kotindi 8:4

mo Diudia da kenke pa꞉ta꞉ haleme Koda꞉na꞉ wanda꞉hali tamba꞉ mina꞉la꞉eki pa꞉ta꞉ ikana꞉ma꞉ make tamba꞉ mina꞉la꞉eki pa peomonope laa niki pa꞉ta꞉ honke tieke lememe.

2 Kotindi 9:1

Mo Diudia da kenke pa꞉ta꞉ haleme Koda꞉na꞉ wanda꞉hali pa꞉ta꞉ tapaala꞉ tamba꞉ mina꞉la꞉ ekita꞉ iki pa꞉ta꞉ do laaso tameiya꞉ tapapeketa꞉ ti na pa꞉la꞉me.

2 Kotindi 9:13

Kutupa do ika꞉ pokeleme ema꞉ta꞉ ika꞉ epeke hau peneme yaaso hata꞉ paeyaoma꞉ta꞉ ikana꞉ma꞉ Ketisona꞉ Pi Seliapo oto pa꞉ta꞉ haleme ekina꞉ Koda꞉na꞉ biki yeiya꞉ lalimikie. Mo ikana꞉ma꞉ ika꞉ ta꞉na꞉ma꞉ homolo hata꞉ ale mandaneeki pa halo halemeeki iki ame̱le̱ telipa make paeyao ame̱le̱ putupeleme ekina꞉ loa꞉me.

1 Desalonaika 2:15

Hande Diu haliwekima꞉ta꞉ nika꞉ Tekehali Yesu make mo hande potopede haliweki make limikime. Koto homeke tapakema꞉ kone niki make a꞉nda꞉ lu moneasememe. Ikana꞉ma꞉ Koda꞉na꞉ hone pa꞉la꞉eki kiaaso hata꞉ wanda꞉hali paeyao pa꞉ta꞉ make a꞉nda꞉ lia halememe.

2 Desalonaika 3:2

Kutupa make wanda꞉hali paeyaoma꞉ mo hande pina꞉ hone na tulaasemeke handa mo hoke haliwekima꞉ niki pa꞉ta꞉ hoke hau peaama꞉na꞉ Koda꞉ma꞉ niki petelena꞉ yeni peao hapa꞉peke.

2 Timodi 3:11

Mandane haliwekima꞉ I̱ lu yombu moneao halemeke make tanda wopuna꞉ moneao haloeki make handeme. Mo hande A꞉ndioko da pa꞉ta꞉ make Aikoniomo da pa꞉ta꞉ make kutaa Lisita da pa꞉ta꞉ make do da tepo haliwekima꞉ I̱ ota꞉ hoeya꞉ hau lu yombu haena꞉ kone pa taka꞉lao haowa꞉ ekita꞉ naka꞉ hone wilime. Kutu pimipate kone mo Tekehalima꞉ do koto hau paeyaona꞉ tukiki pa꞉ta꞉ kone I̱ wopu pa꞉ta꞉la꞉ moneao haya꞉me.

2 Timodi 4:17

Kutu pimipate mo Tekehalima꞉ I̱ teke pa꞉ta꞉ hata꞉ I̱ wele peaya꞉me. Kutu pia꞉ ekima꞉ta꞉ mo pi na miki wanda꞉hali paeyaoma꞉ opina꞉ I̱ma꞉ mo Pi Seliapo epeke tupa꞉ waloa꞉me. Kutaa make mo laionima꞉ I̱ lu nena꞉ taapolo pimikieki teke pa꞉ta꞉ ya꞉na꞉ mo Tekehalima꞉ I̱ petelea꞉me.