Loma꞉ 15:20 - Panake Pi La: Ula: Buka pita: Kine Pieke Buka

²⁰ Yaka hone witoloeki homeke dupae. Ketisona꞉ biki na opiki pa hao haleme wanda꞉hali pa꞉ta꞉ I̱ pua mo hande Pi Seliapo waluekema꞉ hone u halome. Ma꞉nda꞉ma꞉ pa꞉la꞉eki manda taapopao peaama꞉na꞉ loa꞉me.

Loma꞉ 15:20 ပူးပေါင်းရင်းမြစ်များ

Loma꞉ 1:15

Koto ekina꞉ Loma꞉ wanda꞉hali iki pa꞉ta꞉ make mo Pi Seliapo waluekema꞉ tiki tiki hao halome.

Loma꞉ 10:15

Kutupa hande pi mea pua walaaseme wanda꞉hali na tapaemeka꞉na꞉ta꞉ kota꞉ ekipa pi walaalimikipe. Mo hande Baibolo bukana꞉ wape pa꞉la꞉ ekita꞉ dupa. Mo ota꞉ epeke pi seliapo mea a꞉paaseme wanda꞉halina꞉ anke manuta꞉ ota꞉ yole pea ula꞉me laa la꞉la꞉me.

Loma꞉ 15:16

Hande I̱ pa꞉ta꞉ ka꞉la꞉ eta꞉ dupae. Yesu Ketiso ipika꞉ e pokaaso hali hata꞉ mo Diendaili wanda꞉halina꞉ e pokaanoyeke ka꞉la꞉me. I̱ma꞉ mo hande Koda꞉na꞉ Pi Seliapo walaaso hata꞉ta꞉ yeni peaasa꞉ hali leke hata꞉ pitolome. Mo hande Diendaili wanda꞉halita꞉ Koda꞉ma꞉ ta꞉na꞉ma꞉ homolo hata꞉ mina꞉yeke pa hala꞉la꞉ ale leke haluekema꞉ pitolome. Mo Holi Sipitidima꞉ make mo hala꞉la꞉ aleta꞉ yako pina꞉ ala꞉me.