Loma꞉ 15:18 - Panake Pi La: Ula: Buka pita: Kine Pieke Buka

¹⁸ I̱ma꞉ na kita꞉ yokake hata꞉ dupa lolo polopate Ketisoma꞉ I̱ pa꞉ta꞉ peaala꞉eki homeke lolueke. Diendaili wanda꞉halima꞉ Koda꞉na꞉ pi opua pina꞉yeke pua꞉me. Do pimiki ekina꞉ teketa꞉ dupae. I̱ma꞉ loa꞉ pimanu make pua꞉ haumanu make

Loma꞉ 15:18 ပူးပေါင်းရင်းမြစ်များ

Ma꞉tiu 25:16

Mo 5 daoseni kina mieke e pokaasa꞉ halima꞉ kuta kone mo manima꞉ e honkopu hao pokaata꞉ 5 daoseni ma꞉nda꞉ apa꞉tao wiekeme.

Maka 16:20

Yesuta꞉ oli hepeni nane pua hata꞉ disaipolo wanda꞉halima꞉ kenke paeyaona꞉ do pi seliapo wala꞉tiki pu hayekeme. Kutupa Tekehalima꞉ mandakena꞉ e pokolo hata꞉ wanda꞉halima꞉ ika꞉ pi ota꞉ pie lena꞉yeke wele pieke ekimanu pimikime. Kutu pimikime.]

Aposolo 14:27

Kutupa opolo a꞉paata꞉ siosi tapake wanda꞉hali mombelena꞉ laata꞉ Koda꞉ma꞉ Diendaili wanda꞉halima꞉ pi mina꞉yeke pota꞉ lombeekeeki make walepekeme.

Aposolo 15:12

Banabasi Polo yaapoma꞉ta꞉ Koda꞉ma꞉ ipiliki pa꞉ta꞉ wele pita꞉la꞉eki halaata꞉ mo na hando haemeke ekimanu make wele pieke ekimanu make mo Diendaili wanda꞉hali pa꞉ta꞉ pieke ekimanu walolo haena꞉ta꞉ mo mombelemeke haliwekima꞉ opitolo hata꞉ pi na leke yopu pitimikime.

Aposolo 15:4

Kutupa Diutuseleme da pa꞉ta꞉ opolo pemeketa꞉ mo aposolo haliweki make tondiki haliwekima꞉ make mo siosi wanda꞉halima꞉ make ta꞉na꞉ma꞉ homolo hata꞉ iki handa꞉ mimikime. Kutupa Koda꞉ma꞉ ipiliki pa꞉ta꞉ pieke ekimanu paeyao walepekepate

Aposolo 21:19

Kutupa Poloma꞉ keiyae pi laa ipikana꞉ma꞉ amba꞉ pi wala꞉ tia pomieke pita꞉ Koda꞉ma꞉ mo Diendaili wanda꞉hali pa꞉ta꞉ pieke ekimanu homeke homeke lo la hala꞉tiki pia꞉me.

Aposolo 26:20

Mo Damasikasi da wanda꞉hali pa꞉ta꞉ amba꞉la wala kutupa Diutuseleme da pa꞉ta꞉ make mo Diudia nane paeyao make kutupa Diendaili wanda꞉hali pa꞉ta꞉ make iki paeyaoma꞉ Koda꞉ pa꞉ta꞉ la꞉ka꞉lolo hata꞉ hone ma꞉nda꞉ la꞉ka꞉la witolo epeke haumanu pina꞉yeke pi waloendi pu haowa꞉me.

Loma꞉ 1:5

Koda꞉ma꞉ Yesu Ketiso pa꞉ta꞉ hone witolo hata꞉ I̱ aposolo hali halo pua꞉eki kia꞉me. Kutupa Ketisona꞉ bikina꞉ kenke ta꞉ta꞉ ta꞉ta꞉ pa꞉ta꞉manu haeme wanda꞉hali paeyao hatuku pua ipika꞉ pi hone tulao opua pina꞉yeke kia꞉me.

Loma꞉ 16:26

Koto pa꞉la꞉pate hande a꞉mbao wieke ota꞉ pi manuta꞉ ameta꞉ mo hande potopede haliwekina꞉ wape pelemeeki manuma꞉ peneme yaala꞉me. Kutupa hande na homeke pa hao hala꞉ Koda꞉ma꞉ dupa꞉pe laa leeke handaata꞉ wanda꞉hali paeyaoma꞉ opua pina꞉yeke koto hande pita꞉ kenke honiki honiki paeyao pa꞉ta꞉ mo tutu paeyao pa꞉ta꞉ wala꞉tia pominoloma꞉me.

Loma꞉ 6:17

Koda꞉ pa꞉ta꞉ keiyae pi lomana꞉e. Do ekina꞉yeke loa꞉me. Ikita꞉ amba꞉ hone pa꞉la꞉eki pitolo hata꞉ hoke hau pu haemeke ekina꞉ pa hameke e pokaaseme haliweki leke haemekepate ikana꞉ma꞉ hande waleekeeki opua handa꞉ wimiki ota꞉ pimanu wotu pimikime.

2 Kotindi 11:31

Koda꞉ mo Tekehali Yesu Ketisona꞉ Atekema꞉ta꞉ I̱ma꞉ta꞉ yayapiki pi na alome laa hone wita꞉la꞉me. Ipika꞉ bikita꞉ hoto paeyao mea a꞉meiyamana꞉e.

2 Kotindi 12:6

I̱ma꞉ pi lalueke hone ua꞉ka꞉na꞉ta꞉ kota꞉ I̱ta꞉ hone na wiki some na halueke. Pa ekipeke. Koto pita꞉ ota꞉ pi homeke lolueke. Pate pi na lalueke. Kutupa ma꞉nda꞉ma꞉ yaka pokoa꞉ emanu handolota꞉ yaka waloa꞉ pimanu opitolo hata꞉ I̱ta꞉ dupiki somee laa lea꞉ka꞉na꞉ta꞉ a꞉pa꞉la꞉pate pa ma꞉nda꞉ma꞉ I̱ pa꞉ta꞉ anemone hone wita꞉la꞉ ekita꞉ I̱ kipa꞉la꞉me.

2 Kotindi 3:5

Nikana꞉ma꞉ ana꞉na꞉ kone do eta꞉ pokaalumeke pi lapeketa꞉ ota꞉ waleke ma꞉nda꞉ na ula꞉me. Nikana꞉ma꞉ pea꞉peke honkoputa꞉ Koda꞉ pa꞉ta꞉ yama꞉ ipula꞉me.

2 Kotindi 6:1

Koto ekina꞉ nikana꞉ma꞉ Koda꞉ ame̱le̱ e pokaasoma꞉ tapake hata꞉ iki Koda꞉na꞉ a꞉ta꞉ma꞉ homa tamba꞉ mina꞉la꞉eki meleme wanda꞉hali pa꞉ta꞉ta꞉ do meleme hauta꞉ na hoeyaapa꞉peke laa honke aloma꞉me.

Ka꞉leisia 2:8

Pida mo hande Diu wanda꞉halina꞉ aposolo hali mea haena꞉ lea꞉ tupa꞉ kone I̱ make Koda꞉ ipika꞉ welema꞉ mo hande Diu na hake ta꞉ta꞉ piki wanda꞉halina꞉ aposolo hali hano mea haya꞉me.

Kolosi 3:17

Ika꞉ piteleme haumanu make aleme pimanu make paeyaota꞉ mo Tekehali Yesuna꞉ bikina꞉ pitolo hata꞉ ipiki pa꞉ta꞉ yama꞉ Apa꞉ Koda꞉ pa꞉ta꞉ keiyae pi lo hapa꞉peke.

2 Desalonaika 2:17

Kutupa ipikana꞉ma꞉ make nika꞉ Tekehali Yesu Ketisoma꞉ make ipilikana꞉ma꞉ aela꞉ baasa꞉ hauma꞉ ika꞉ puki tumbaena꞉ lapa꞉peke aloma꞉me. Kutupa ika꞉ epeke hau paeyao pulu peleme ekina꞉ make ika꞉ epeke pi paeyao lolo peleme ekina꞉ make ipilikana꞉ma꞉ iki wele peawapa꞉peke aloma꞉me.

Hibulu 11:8

Eipoloha꞉ma꞉ ipika꞉ hone tulaeyeke ekima꞉ Koda꞉na꞉ kakena꞉ homa mo hande kuluekee laa pi la꞉ wieke kenke pa꞉ta꞉ peekeme. Ipika꞉ teke da mina꞉pa꞉lao mo ipiki mateke kenke pa꞉ta꞉ peekeme.

Hibulu 5:9

Ipikita꞉ koto hau paeyaona꞉ ota꞉ ana꞉ pieketa꞉ mo ipika꞉ kakena꞉ homaa pi opu haleme wanda꞉halina꞉ da꞉ta꞉la꞉ ekina꞉ tekehali hayekeme.

Dia꞉mesi 1:22

Hande pi ale manuta꞉ pa katakema꞉ homeke opitolo hata꞉ ika꞉ kone makeaasememe. Kotoeki na pikita꞉ pi opuata꞉ ota꞉ pea꞉pa꞉peke.

1 Dioni 3:18

Yaka wekiwandikio. Nika꞉ pukima꞉ homoloma꞉ ekita꞉ kakema꞉ homeke o pima꞉ homeke lapeke na ya꞉la꞉me. Dia꞉me. Koto pukima꞉ homa꞉la꞉ ekima꞉ta꞉ pa mo ota꞉eki peneme yaena꞉ nika꞉ kikima꞉ pitolo hata꞉ homekee.

Diudi 1:9

Hande you enisolo Maikoloma꞉ kone kotoeki na piekeme. Ipikana꞉ma꞉ta꞉ Sadani yaapo mo Mosesina꞉ tokota꞉ epima꞉ milia꞉pe laa kake neli pitolo hata꞉ kone Maikoloma꞉ta꞉ mo Sadani pa꞉ta꞉ yaala꞉ peake pimanu na leekepate pa Tekehalima꞉ neke hando lena꞉e leekeme.