Loma꞉ 14:4 - Panake Pi La: Ula: Buka pita: Kine Pieke Buka

⁴ Hali ma꞉nda꞉na꞉ e pokaasa꞉ hali pa꞉ta꞉ hone u hoeyaasa꞉ hali neketa꞉ epi ya꞉ka꞉ta꞉pe. Pu hoeyaaleme laa make epeke peleme laa make ipika꞉ Tekehalima꞉ homeke lelieke. Ipika꞉ Tekehalima꞉ epeke tupa꞉ pina꞉ lapeke ya꞉la꞉ ekima꞉ mo halima꞉ epeke tupa꞉ pilieke.

Loma꞉ 14:4 ပူးပေါင်းရင်းမြစ်များ

Aposolo 11:17

Nikana꞉ma꞉ta꞉ hande Tekehali Yesu Ketiso pa꞉ta꞉ amba꞉ hone tulaome pita꞉ta꞉ Koda꞉ma꞉ niki kia꞉ ekita꞉ kotoeki kone mo Diendaili wanda꞉hali pa꞉ta꞉ make halea꞉me. Koda꞉ma꞉ pita꞉la꞉ ekita꞉ sa꞉sa꞉ pua꞉ka꞉na꞉ta꞉ kota꞉ I̱ta꞉ epipe. Dia꞉me. Sa꞉sa꞉ pea꞉peke na ya꞉la꞉me laa leekeme.

Loma꞉ 11:23

Diu wanda꞉halima꞉ make ika꞉ hone na tulao haemekeeki mina꞉pa꞉laemeka꞉na꞉ta꞉ Koda꞉ma꞉ ika꞉ amba꞉ haemeke alena꞉ paa mea tunao haena꞉ lelieke. Pa ekipeke. Koda꞉ma꞉ iki paa mea tunao hapeke ya꞉la꞉me.

Loma꞉ 14:3

Mo hande nemanu paeyao napeke ya꞉la꞉ halima꞉ta꞉ hande ena꞉ noka꞉pa꞉la꞉ nemanu homeke nala꞉ hali pa꞉ta꞉ laaso hata꞉ ninamu no hala꞉ halie lapeke na ya꞉la꞉me. Kutupa make mo hande ena꞉ noka꞉pa꞉la꞉ nemanu homeke nala꞉ halima꞉ta꞉ hande ne paeyao nala꞉ hali pa꞉ta꞉ hone u hoeyaaso hata꞉ neketa꞉ hoke halie laa lapeke na ya꞉la꞉me. Do alo ekita꞉ do ekina꞉ yeke loa꞉me. Hande ne paeyao nala꞉ halita꞉ Koda꞉ma꞉ ipiki amba꞉ handa꞉ ma꞉la꞉me.

Loma꞉ 16:25

Nikana꞉ma꞉ Koda꞉na꞉ pi laamana꞉e. Koda꞉ma꞉ mo amba꞉ kiake kone a꞉mbao wieke pa ame I̱ma꞉ walolo hande Yesu Ketisona꞉ Pi Seliapo pa꞉ta꞉ yama꞉ Koda꞉ma꞉ ika꞉ hone tulao haleme ekita꞉ ana꞉na꞉ taka꞉lao hamina꞉ lelieke. Koto walolo pita꞉ mo amba꞉ kiaake kone a꞉mbao wieke ota꞉ pie.

Loma꞉ 9:20

Kutupiki pi lelipi halita꞉ neketa꞉ epi ya꞉ka꞉ta꞉pe. Koda꞉na꞉ leke pa꞉ta꞉ lia halipikii. Kenkema꞉ wa꞉pa꞉la꞉ kanake holiki ma꞉nda꞉ma꞉ mo wa꞉pa꞉la꞉ hali pa꞉ta꞉ pi dupa na lelieke. I̱ta꞉ dupiki kanakena꞉ ekipa wepia hano la pipe laa na lelieke.

Hibulu 7:25

Koto pa꞉la꞉ ekima꞉ta꞉ wetepe make ame do make mo ipiki pa꞉ta꞉ yama꞉ Koda꞉ pa꞉ta꞉ ipilimi wanda꞉halita꞉ ota꞉ da꞉taapeke ya꞉la꞉me. Pa ekipeke ipikana꞉ma꞉ ikina꞉ Koda꞉ pa꞉ta꞉ honke latiki puluekema꞉ hao hala꞉me.

1 Pida 1:5

Koda꞉na꞉ pa꞉ta꞉la꞉la꞉ ekita꞉ mo paetolo natena꞉ peneme yao opolo epena꞉ ana꞉lao hala꞉me. Koto ekina꞉ ikana꞉ma꞉ do pa꞉ta꞉ la꞉la꞉ ekita꞉ muluekema꞉ yu wia haaso hata꞉ta꞉ ika꞉ Koda꞉ pa꞉ta꞉ hone tulaasemeke handa ipika꞉ wele pita꞉la꞉ ekima꞉ta꞉ iki handeteke hala꞉me.

Diudi 1:24

Koda꞉ma꞉ta꞉ iki lopaama꞉na꞉yeke ana꞉na꞉ handeteke hala꞉me. Kutupa mo ipika꞉ pa̱a̱ pu hala꞉ alena꞉ pua hamena꞉ yeke ipikana꞉ma꞉ iki ana꞉na꞉ hatuku pua꞉peke ya꞉la꞉me. Koto pa꞉ta꞉ta꞉ ikita꞉ ata꞉ka꞉ ma꞉nda꞉ na piki ta꞉na꞉ pita꞉la꞉ ekina꞉ tumbulu bao halimikie.