Loma꞉ 14:3 - Panake Pi La: Ula: Buka pita: Kine Pieke Buka

³ Mo hande nemanu paeyao napeke ya꞉la꞉ halima꞉ta꞉ hande ena꞉ noka꞉pa꞉la꞉ nemanu homeke nala꞉ hali pa꞉ta꞉ laaso hata꞉ ninamu no hala꞉ halie lapeke na ya꞉la꞉me. Kutupa make mo hande ena꞉ noka꞉pa꞉la꞉ nemanu homeke nala꞉ halima꞉ta꞉ hande ne paeyao nala꞉ hali pa꞉ta꞉ hone u hoeyaaso hata꞉ neketa꞉ hoke halie laa lapeke na ya꞉la꞉me. Do alo ekita꞉ do ekina꞉ yeke loa꞉me. Hande ne paeyao nala꞉ halita꞉ Koda꞉ma꞉ ipiki amba꞉ handa꞉ ma꞉la꞉me.

Loma꞉ 14:3 ပူးပေါင်းရင်းမြစ်များ

Ma꞉tiu 18:10

Ikana꞉ma꞉ dupiki wekiwandiki sunu pa꞉ta꞉ pa alema꞉ handali mina꞉ma꞉ wopu handeteke hapa꞉peke alome. Pa ekipeke. Mo wekiwandiki ika꞉ hepeni hala꞉ enisolo tonuma꞉ mo ya hepeni hala꞉ Apa꞉na꞉ leke popelekena꞉ teke pa꞉ta꞉ hata꞉ handeteke hao halememe alome.

Ma꞉tiu 9:14

Kutupa nate ma꞉nda꞉na꞉ mo hande bapitaisi peao hayeke hali Dionina꞉ hoki nane telimiki haliweki ikana꞉ma꞉ Yesu pa꞉ta꞉ a꞉pa alota꞉ Pa ekipeke nikana꞉ma꞉ make mo Pa꞉tisi haliwekima꞉ make tana꞉ eleke elekena꞉ nee pi u moneao haloma꞉pate naka꞉ disaipolo haliwekima꞉ta꞉ nee pi ota꞉ na wilimime leekeme.

Luku 18:9

I̱ta꞉ epeke hali seliapo ya꞉la꞉pate iki paeyaota꞉ hoke wanda꞉halie hone u haleme tapake pa꞉ta꞉ta꞉ Yesuma꞉ onkoluma꞉ pi ma꞉nda꞉ dupa leekeme.

Aposolo 10:34

Kutupa Pidama꞉ alota꞉ Ameta꞉ ota꞉ handolome. Koda꞉ma꞉ wanda꞉hali paeyao pa꞉ta꞉ hone ta꞉ta꞉ ta꞉ta꞉ na wiki homeke hone wita꞉la꞉eki handolome leekeme.

Aposolo 10:44

Pidama꞉ koto pimanu alo haena꞉ kone mo Holi Sipitidima꞉ koto opimiki wanda꞉hali paeyao pa꞉ta꞉ hola꞉pa꞉niaeyekeme.

Aposolo 28:2

Koto pa꞉ta꞉ haeme haliwekima꞉ niki petololo hata꞉ ti kita kiki kimime. Lako ipulu hata꞉ kosa꞉ pieke handa pimime.

Loma꞉ 11:15

Koda꞉ma꞉ Diu wanda꞉hali kiaeyeke pita꞉ ipikana꞉ma꞉ mo mandane kenke wanda꞉halita꞉ ipika꞉ yankeketiti haena꞉ leekeme. Kutu pieke handaata꞉ Koda꞉ma꞉ Diu wanda꞉hali paa handa꞉ mia꞉ka꞉na꞉ta꞉ kota꞉ kutu pulu pa꞉la꞉ ekita꞉ mo homa toko ula꞉ wanda꞉hali paa mea da꞉taalo pa꞉la꞉ ekina꞉ pa꞉la꞉me.

Loma꞉ 14:1

Hali ma꞉nda꞉ta꞉ ipika꞉ hone tulao hala꞉eki damako pu pa wia꞉ka꞉na꞉ta꞉ kota꞉ iki ame̱le̱ apa꞉tao haena꞉ ikana꞉ma꞉ handa꞉ mea꞉pa꞉peke. Kutu pulu pelemepate ipikana꞉ma꞉ ipika꞉ hone wia pita꞉la꞉eki manuna꞉ ikana꞉ma꞉ ipiki ame̱le̱ ape na lapa꞉peke.

Loma꞉ 14:10

Koto pa꞉la꞉pate pa nakana꞉ma꞉ naka꞉ Ketiso yankeke hala꞉eki handaata꞉ ekipeke hone u hoeyaasepe. Kutupa nakana꞉ma꞉ make naka꞉ Ketiso yankeke pa꞉ta꞉ ekipeke la la pitelepe. Koda꞉ma꞉ niki ame̱le̱ pi yokaalu pina꞉yeke ipika꞉ leke popelekena꞉ niki paeyao pua halumeke.

Loma꞉ 14:13

Koto ekina꞉ nika꞉ nika꞉ kone nika꞉ haloma꞉eki handaata꞉ hone na u hoeyaama꞉na꞉ pea꞉pa꞉peke aleo. Dia꞉me. Hone dupa wia꞉pa꞉peke aleo. Ika꞉ Ketiso yankeke hoke hauma꞉ hala꞉mba꞉liao mea lopaama꞉na꞉ hau ma꞉nda꞉ na pea꞉pa꞉peke.

Loma꞉ 14:15

Nakana꞉ma꞉ ne ma꞉nda꞉ nale ekima꞉ta꞉ naka꞉ Ketiso yankeke ma꞉nda꞉ hala꞉mba꞉liao mea lopaeka꞉na꞉ta꞉ kota꞉ nakana꞉ma꞉ ipiki pa꞉ta꞉ pukima꞉ homa꞉la꞉eki pitolo na piteleme. Ketisota꞉ mo hali pa꞉ta꞉ homeekepate kone nakana꞉ma꞉ ne ma꞉nda꞉ nale ekima꞉ mo hali na hoeyaena꞉ lapeke.

Loma꞉ 14:21

Epeke hau pulu pa꞉la꞉ ekita꞉ dupae. Ne ikali nala꞉eki make hau ma꞉nda꞉ pea꞉pekeeki make naka꞉ Ketiso yankeke mea lopaapeke nono pia꞉ka꞉na꞉ta꞉ kota꞉ koto hauta꞉ paapa꞉peke.

Loma꞉ 15:7

Ketisoma꞉ iki handa꞉ minolo pia꞉ tupa꞉ ikana꞉ma꞉ make iki ika꞉ kone handa꞉ mu alu alu pea꞉pa꞉peke. Wanda꞉halima꞉ Koda꞉na꞉ pi laena꞉yeke pea꞉pa꞉peke.