Loma꞉ 14:21 - Panake Pi La: Ula: Buka pita: Kine Pieke Buka

²¹ Epeke hau pulu pa꞉la꞉ ekita꞉ dupae. Ne ikali nala꞉eki make hau ma꞉nda꞉ pea꞉pekeeki make naka꞉ Ketiso yankeke mea lopaapeke nono pia꞉ka꞉na꞉ta꞉ kota꞉ koto hauta꞉ paapa꞉peke.

Loma꞉ 14:21 ပူးပေါင်းရင်းမြစ်များ

Ma꞉tiu 13:21

Mo opiteleme pita꞉ ika꞉ puki tukiki nane wopu na wina꞉ alemeke handaa hosiki hao hao peaata꞉ koto kone paelieke. Pa ekipeke. Mo Pi Seliapo wala꞉la꞉ ekina꞉ kiaasa꞉ halima꞉ta꞉ iki pa꞉ta꞉ tanda o ka꞉nda꞉manu hala꞉leketa꞉ kota꞉ koto kone lopo halememe.

Ma꞉tiu 16:23

Yesuma꞉ la꞉ka꞉la mina Pida handolo hata꞉ alota꞉ Sadani. Neke puma. Neketa꞉ ya pota꞉ a꞉mbaluekema꞉ taapeleme. Pa ekipeke. Do naka꞉ wili hone manuta꞉ Koda꞉ pa꞉ta꞉ yama꞉ na ipula꞉pate pa hali pa꞉ta꞉ yama꞉ ipula꞉me leekeme.

Loma꞉ 14:13

Koto ekina꞉ nika꞉ nika꞉ kone nika꞉ haloma꞉eki handaata꞉ hone na u hoeyaama꞉na꞉ pea꞉pa꞉peke aleo. Dia꞉me. Hone dupa wia꞉pa꞉peke aleo. Ika꞉ Ketiso yankeke hoke hauma꞉ hala꞉mba꞉liao mea lopaama꞉na꞉ hau ma꞉nda꞉ na pea꞉pa꞉peke.

Loma꞉ 14:17

Mo hande Koda꞉ ipika꞉ Kilu Tombuao Hala꞉ ekita꞉ kota꞉ ne ikali nala꞉ ekima꞉ na pa꞉la꞉me. Mo hande Holi Sipitidima꞉ kita꞉la꞉eki manuta꞉ tikitiki yao hala꞉eki puki lopa꞉niaasa꞉eki ta꞉na꞉ma꞉ homa꞉la꞉eki koto ekimanu kita꞉la꞉ ekima꞉ pa꞉la꞉me.

1 Kotindi 8:13

Koto ekina꞉ yaka kamena꞉ ne nala꞉ ekima꞉ta꞉ ipiki hoke hau pina꞉ mea lopaapeke yea꞉ka꞉na꞉ta꞉ kota꞉ I̱ma꞉ mo mindiki ma꞉nda꞉siki hoto homeke a꞉nda꞉ ota꞉ na nolueke. Yaka kame lopaapa꞉na꞉yeke loa꞉me.

1 Kotindi 8:9

Koto pa꞉la꞉pate ikana꞉ma꞉ mo ika꞉ ana꞉na꞉ handaa pitelemeeki manuma꞉ta꞉ pa mo hone wopu na tulaaleme wanda꞉hali hoke hau pea lopaapa꞉na꞉yeke wotu handeteke hapa꞉peke.

Hibulu 12:13

Kutu pimika꞉na꞉ta꞉ kota꞉ mo ika꞉ dola꞉pake peleme anketa꞉ ota꞉ hoena꞉ dia꞉ ya꞉la꞉pate epena꞉ta꞉ mo tikitiki piki pota꞉ manuna꞉ pu hapa꞉peke.

Peneme Yaeyekeeki 2:14

Koto pelemepate I̱ma꞉ta꞉ iki pa꞉ta꞉ alo pimanu dupa. Iki tukiki pa꞉ta꞉ta꞉ mo Beilame wala꞉la꞉ pi tolu haleme wanda꞉hali taa haleme handa꞉e. Koto Beilame Beileke walolota꞉ Isulai wanda꞉hali mo toopi ti wepia ula꞉ ale pa꞉ta꞉ halo haleme nemanu nena꞉ alo make loke hoeyaasa꞉ hau pina꞉yeke ipikana꞉ma꞉ sutiaeyeke hauma꞉ iki hoke hau pa꞉ta꞉ hatuku pena꞉yeke waleekeme.