Loma꞉ 14:19 - Panake Pi La: Ula: Buka pita: Kine Pieke Buka19 Koto pa꞉la꞉ ekina꞉ nikana꞉ma꞉ta꞉ a꞉nda꞉ pelia pata꞉ pea halo poloma꞉eki make nika꞉ nika꞉ kone honkopu hatia alualu pea halo poloma꞉eki koto hau manuta꞉ ota꞉ pumana꞉e. အခန်းကိုကြည့်ပါ။ |
Loma꞉ 14:19
28 ပူးပေါင်းရင်းမြစ်များ
Mandane wanda꞉halima꞉ alota꞉ Nikana꞉ma꞉ nika꞉ hone pa꞉la꞉ hau paeyao pa pea꞉peke ya꞉la꞉me la alemepate pa ika꞉ hau paeyao piteleme ekima꞉ta꞉ iki epeaasa꞉pe. Ikana꞉ma꞉ alota꞉ Nikana꞉ma꞉ nika꞉ hone pa꞉la꞉ hau paeyao pa pea꞉peke ya꞉la꞉me la alemepate hande hau paeyao pitelemeeki manuma꞉ta꞉ niki honkopu haasa꞉ Ketiso wanda꞉hali hamono na ala꞉me.
Ya kametitio. Eki haumanu pea꞉peke ya꞉la꞉pe. Koda꞉ pa꞉ta꞉ yeni puluekema꞉ mombelemeka꞉na꞉ta꞉ kota꞉ hali homekema꞉ emeli lelieke. Kutupa hali ma꞉nda꞉ma꞉ pi walelieke. Kutupa hali ma꞉nda꞉ma꞉ Koda꞉ma꞉ ipiki pa꞉ta꞉ la hala꞉la꞉eki iki pa꞉ta꞉ la kilieke. Kutupa hali ma꞉nda꞉ma꞉ da ta꞉ta꞉ ta꞉ta꞉ pi laa leliepate hali ma꞉nda꞉ma꞉ koto ala꞉ pi lekelieke. Kutu pea꞉peke ya꞉la꞉pate mo hau paeyaoma꞉ mo siosi wanda꞉hali epeaaluekema꞉ pimika꞉na꞉ta꞉ epelieke.
Iki paeyaoma꞉ ta꞉ta꞉ ta꞉ta꞉ piki pi ala꞉eki pimika꞉na꞉ta꞉ ta꞉na꞉ma꞉ homolo polopate iki paeyaoma꞉ Koda꞉na꞉ pi la꞉ mea hala꞉la꞉eki pimika꞉na꞉ta꞉ kota꞉ ta꞉na꞉ma꞉ wopu homulueke. Hali ma꞉nda꞉ma꞉ iki ame̱le̱ mo da ta꞉ta꞉ ta꞉ta꞉ piki pi lea꞉ka꞉na꞉ta꞉ kota꞉ koto pima꞉ta꞉ mo siosi wanda꞉hali tamba꞉ mina꞉ lena꞉ pa hali ma꞉nda꞉ma꞉ mo somena꞉ pi na la꞉ka꞉lea꞉ka꞉na꞉ta꞉ kota꞉ koto someta꞉ mo siosi epeaasa꞉ hali na haliepate pa mo Koda꞉na꞉ pi la꞉ mea hala꞉la꞉ halima꞉ pita꞉la꞉ ekita꞉ mo tamba꞉ mina꞉la꞉ hau tieke yelieke.
Kutu pu hapeke ya꞉la꞉pate hande pi na miki halima꞉ ipika꞉ Ketiso wanda꞉ mina꞉pa꞉lao pena꞉ yeke hone pia꞉ka꞉na꞉ta꞉ kota꞉ kutu pina꞉e. Mandake tupa꞉ kone mo pi na miki wanda꞉ma꞉ ipika꞉ Ketiso hali pa mina꞉pa꞉laeya꞉ka꞉na꞉ta꞉ kota꞉ kutu pina꞉e. Koto hau tukiki pa꞉ta꞉ta꞉ hande Ketiso hali pa꞉ta꞉ make Ketiso wanda꞉ pa꞉ta꞉ make pota꞉ a꞉mbaapekeeki dia꞉me. Koda꞉ma꞉ wi ala꞉ ekita꞉ iki a꞉nda꞉ peliaaso hata꞉ hamina꞉yeke wi ala꞉me.
Kutupa hande toopi tima꞉ wepia ula꞉ ale pa꞉ta꞉ ne hala꞉la꞉ hauna꞉ wape pea lota꞉ pimi ekita꞉ dupa alome. Niki paeyaoma꞉ta꞉ mo handa꞉la꞉ hauta꞉ hone uluma꞉me. Pate mo handa꞉la꞉ hauma꞉ta꞉ mo hakoko lita꞉la꞉ hau pu tiaasa꞉pate pa mo pukima꞉ homa꞉la꞉ hauma꞉ta꞉ wanda꞉halina꞉ hone tulaasa꞉ ekita꞉ daeya haena꞉ ala꞉me.
Mata꞉la꞉me. Hoto paeyaota꞉ ika꞉ leke popelekena꞉ nikana꞉ma꞉ nika꞉ kone tamba꞉ muluekema꞉ pitoloma꞉me hone witolo pitelememe. Dia꞉me. Nikana꞉ma꞉ta꞉ Koda꞉na꞉ leke popelekena꞉ hata꞉ Ketisoma꞉ niki pi lomono lolo pa꞉la꞉ tupa꞉ aloma꞉me. Kutupa nika꞉ puki piki yankeke tonuo nikana꞉ma꞉ pitoloma꞉ hau paeyaota꞉ iki tamba꞉ muluekema꞉ pitoloma꞉me.
Koto ekina꞉ ameta꞉ yaka kame tonuo iki pa꞉ta꞉ a꞉taloe alome. Eki a꞉nda꞉ ota꞉ na piki wanda꞉hali hamena꞉ iki ota꞉ honkopu hao hapa꞉peke. Yaka loa꞉ honke pimanu opu hapa꞉peke. Ma꞉nda꞉ ma꞉nda꞉ ame̱le̱ homeke hone u alualu pea꞉pa꞉peke. Puki lopaniaasa꞉eki pa꞉ta꞉ hapa꞉peke. Kutupa mo pukima꞉ homa꞉la꞉eki make puki lopaniaasa꞉ ekina꞉ Koda꞉ta꞉ iki ame̱le̱ halieke.
Mo haliweki ika꞉ napeke na pitiki pimanu make ika꞉ apa꞉meina꞉ atekena꞉ atekena꞉ bikimanu yata꞉po hata꞉ alemeeki make paeyao mina꞉pa꞉laena꞉ lapeke. Kutu piki pi lo haleme ekima꞉ ikana꞉ma꞉ Koda꞉na꞉ epeaalo pa꞉la꞉ ekimanu mina꞉ na tamba꞉ mikita꞉ ape ape la꞉ tiaalieke. Mo epeaalo pa꞉la꞉eki manuta꞉ nika꞉ hone tulaaloma꞉ ekima꞉ homeke mia꞉peke ya꞉la꞉me.
Nakana꞉ma꞉ mo wekihali hata꞉ mo wekiwandikima꞉ ika꞉ lokena꞉ hoke hone u alualu pita꞉la꞉ haumanu wendia꞉peke. Nakana꞉ma꞉ mo iki tamba꞉ mina꞉ ika꞉ yako piki pukima꞉ ika꞉ Tekehali o laa wi lo haleme wanda꞉hali ame̱le̱ hata꞉ mo tikitiki piki hau make hone tulaasa꞉eki make pukima꞉ homa꞉la꞉eki make a꞉nda꞉ peliaasa꞉eki make muluekema꞉ hone ha paleke pua꞉peke.
ကြော်ငြာတွေ