Loma꞉ 14:14 - Panake Pi La: Ula: Buka pita: Kine Pieke Buka

¹⁴ I̱ta꞉ Tekehali Yesu yaapo ta꞉ma꞉ni poloeki yalo hata꞉ hone ota꞉ dupa witolome. Aleta꞉ ma꞉nda꞉ homeke a꞉nda꞉ta꞉ ipika꞉ kone hone wia pa na hoeta꞉la꞉me. Hali ma꞉nda꞉ ipika꞉ honema꞉ta꞉ aleta꞉ ma꞉nda꞉ma꞉ I̱ hoeyaalieke hone wia hata꞉ kone pa meisa meisa pea pia꞉ka꞉na꞉ta꞉ kota꞉ mo hali ipika꞉ kone hoeyaalieke.

Loma꞉ 14:14 ပူးပေါင်းရင်းမြစ်များ

Maka 7:2

Kutupa Yesuna꞉ disaipolo haliwekima꞉ na tandepemeke kikima꞉ ne nemekeeki handemekeme. Mo Pa꞉tisi haliwekima꞉ dupiki tandepea꞉peke laa lemeke tupa꞉ kiki na tandepemekeme.

Aposolo 10:28

Diu halima꞉ kenke ma꞉nda꞉ hali yaapo ta꞉ma꞉ni pea꞉peke na yeke ipika꞉ da pa꞉ta꞉ pua꞉peke na ya꞉la꞉me ekita꞉ ika꞉ kone handelemepate Koda꞉ma꞉ Hali ma꞉nda꞉ta꞉ hoke hali o hoe peao hala꞉ halie pi na lapeke laa I̱ pa꞉ta꞉ walea꞉me leekeme.

Loma꞉ 14:2

Hali ma꞉nda꞉ma꞉ta꞉ hone tulao hata꞉ nemanu paeyao napeke ya꞉la꞉pate hande damako piki hone tulaasa꞉ halima꞉ta꞉ ena꞉ noka꞉pa꞉la꞉ nemanu homeke mea nelieke.

Loma꞉ 14:20

Nakana꞉ma꞉ nemanu paeyao noluekema꞉ hone witele ekima꞉ Koda꞉ma꞉ pa꞉la꞉eki na hoeyaena꞉ lapeke. Nemanu paeyao pa napeke ya꞉la꞉pate nakana꞉ma꞉ ne ma꞉nda꞉ nale ekima꞉ hali ma꞉nda꞉ma꞉ hala꞉mba꞉liao lopa hoke hau pia꞉ka꞉na꞉ta꞉ kota꞉ nakana꞉ma꞉ pu hoeyaaseme.

Loma꞉ 14:23

Kutu pa꞉la꞉pate mo halima꞉ nalo nalo hata꞉ kone hone ti yokea꞉ka꞉na꞉ta꞉ kota꞉ hone tulao hata꞉ na nala꞉ ekina꞉ Koda꞉ma꞉ mo hali pa꞉ta꞉ alota꞉ Nakana꞉ma꞉ do hauta꞉ pu hoeyaaseme laa lelieke. Hau paeyao puluekema꞉ta꞉ hone tulao hata꞉ na puma꞉ka꞉na꞉ta꞉ kota꞉ hoke hau pulumeke.

1 Kotindi 10:25

Mo makedi pa꞉ta꞉ ula꞉ hoteke mindikimanu ikana꞉ma꞉ pa hamba napeke ya꞉la꞉me. Kutu puluekema꞉ yeke hone eleke eleke witolo hata꞉ lota꞉ lota꞉ pea꞉peke na ya꞉la꞉me.

1 Kotindi 8:10

Do ekina꞉yeke loa꞉me. Neketa꞉ handele hali hata꞉ pa toopi tima꞉ wepia ula꞉ alena꞉ yeni hau pita꞉la꞉ da pa꞉ta꞉ pua pita꞉ ne naleme ekita꞉ mo dupiki hauna꞉ hone na lumba ula꞉ halima꞉ neke handea꞉ka꞉na꞉ta꞉ kota꞉ naka꞉ pitele ekima꞉ta꞉ mo toopi ti wepia ula꞉ ale pa꞉ta꞉ yeni hau pita꞉la꞉ nemanu nena꞉ loluekema꞉ na sutiaalipikipe.

1 Kotindi 8:7

Koto do nikana꞉ma꞉ handoloma꞉ ekita꞉ mandane wanda꞉halima꞉ta꞉ na handelememe. Mo wanda꞉halima꞉ta꞉ toopi tima꞉ wepia ula꞉ alena꞉ haumanu pia꞉tiki pu haemeke ekina꞉ ame make kutupiki nemanu nalo hata꞉ta꞉ mo hande toopi tima꞉ wepia ula꞉ alena꞉ ekie hone witelememe. Kutu piki wanda꞉halina꞉ hone na lumba witolo hata꞉ kone mo hande ne naloma꞉ ekima꞉ta꞉ niki hoeyaasa꞉me laa hone witelememe.

1 Timodi 4:4

Koda꞉ma꞉ wepieke alemanu paeyaota꞉ epeke ale manue. Ala꞉ta꞉ ma꞉nda꞉ wahapa꞉ pu kiaapeke na ya꞉la꞉pate paeyaota꞉ pa Koda꞉ pa꞉ta꞉ keiyae pi alo hata꞉ mea꞉peke ya꞉la꞉me.

Taitasi 1:15

Yako piki hau pu hala꞉ somema꞉ paeyaota꞉ pa yako pikieki homeke hone u hala꞉pate pa mo pi na miki ha̱i̱piki hone u hala꞉ somema꞉ paeyaota꞉ yako pikieki dia꞉me hone u hala꞉me. Pa ekipeke ipika꞉ hone wita꞉la꞉ ekimanu make ipika꞉ puki make ha̱i̱ pitolo pita꞉la꞉me.