Loma꞉ 14:13 - Panake Pi La: Ula: Buka pita: Kine Pieke Buka

¹³ Koto ekina꞉ nika꞉ nika꞉ kone nika꞉ haloma꞉eki handaata꞉ hone na u hoeyaama꞉na꞉ pea꞉pa꞉peke aleo. Dia꞉me. Hone dupa wia꞉pa꞉peke aleo. Ika꞉ Ketiso yankeke hoke hauma꞉ hala꞉mba꞉liao mea lopaama꞉na꞉ hau ma꞉nda꞉ na pea꞉pa꞉peke.

Loma꞉ 14:13 ပူးပေါင်းရင်းမြစ်များ

Ma꞉tiu 16:23

Yesuma꞉ la꞉ka꞉la mina Pida handolo hata꞉ alota꞉ Sadani. Neke puma. Neketa꞉ ya pota꞉ a꞉mbaluekema꞉ taapeleme. Pa ekipeke. Do naka꞉ wili hone manuta꞉ Koda꞉ pa꞉ta꞉ yama꞉ na ipula꞉pate pa hali pa꞉ta꞉ yama꞉ ipula꞉me leekeme.

Ma꞉tiu 18:7

A꞉pei. Do kenke pa꞉ta꞉ I̱ paala꞉e. Wanda꞉halima꞉ hoke hau pina꞉yeke ula꞉ hoke haumanu ula꞉me. Dupiki haumanu a꞉pa꞉peke yolo pa꞉la꞉pate a꞉pa꞉e mo hau epena꞉ ala꞉ halita꞉ ota꞉ hoke yenki milieke.

Ma꞉tiu 7:1

Koda꞉ma꞉ iki pa꞉ta꞉ pi yokaalu kiaapa꞉na꞉ ikana꞉ma꞉ make ma꞉nda꞉ pa꞉ta꞉ pi yokaalu na hala꞉pa꞉peke.

Luku 12:57

Ekipeke handaa ika꞉ kone mo epeke hau pia꞉peke ekita꞉ na teli pitolo pimipe.

Luku 17:2

Kutu pita꞉la꞉ someta꞉ ipika꞉ make pa꞉ta꞉ toopi tieke aneke mea endiao oni dawala ikali pa꞉ta꞉ lopaaso yoluta꞉ epolo pia꞉me. Ekipeke. Ipiki pa hata꞉ta꞉ do hosiki wekiwandiki sunu ma꞉nda꞉ hondo hoke hau pina꞉ pu tialieke.

Loma꞉ 11:9

Deipidima꞉ make wape pa꞉la꞉eki dupa Mo wanda꞉halita꞉ ika꞉ ne pambolo peleme ekimanu pa꞉ta꞉ pua hata꞉ ma꞉nda꞉ma꞉ maala꞉ hona꞉na꞉ tea wimika꞉na꞉ta꞉ epilieke. Lopa hata꞉ panisi mimika꞉na꞉ta꞉ epelieke.

Loma꞉ 14:10

Koto pa꞉la꞉pate pa nakana꞉ma꞉ naka꞉ Ketiso yankeke hala꞉eki handaata꞉ ekipeke hone u hoeyaasepe. Kutupa nakana꞉ma꞉ make naka꞉ Ketiso yankeke pa꞉ta꞉ ekipeke la la pitelepe. Koda꞉ma꞉ niki ame̱le̱ pi yokaalu pina꞉yeke ipika꞉ leke popelekena꞉ niki paeyao pua halumeke.

Loma꞉ 14:3

Mo hande nemanu paeyao napeke ya꞉la꞉ halima꞉ta꞉ hande ena꞉ noka꞉pa꞉la꞉ nemanu homeke nala꞉ hali pa꞉ta꞉ laaso hata꞉ ninamu no hala꞉ halie lapeke na ya꞉la꞉me. Kutupa make mo hande ena꞉ noka꞉pa꞉la꞉ nemanu homeke nala꞉ halima꞉ta꞉ hande ne paeyao nala꞉ hali pa꞉ta꞉ hone u hoeyaaso hata꞉ neketa꞉ hoke halie laa lapeke na ya꞉la꞉me. Do alo ekita꞉ do ekina꞉ yeke loa꞉me. Hande ne paeyao nala꞉ halita꞉ Koda꞉ma꞉ ipiki amba꞉ handa꞉ ma꞉la꞉me.

Loma꞉ 14:4

Hali ma꞉nda꞉na꞉ e pokaasa꞉ hali pa꞉ta꞉ hone u hoeyaasa꞉ hali neketa꞉ epi ya꞉ka꞉ta꞉pe. Pu hoeyaaleme laa make epeke peleme laa make ipika꞉ Tekehalima꞉ homeke lelieke. Ipika꞉ Tekehalima꞉ epeke tupa꞉ pina꞉ lapeke ya꞉la꞉ ekima꞉ mo halima꞉ epeke tupa꞉ pilieke.

Loma꞉ 16:17

Yaka Ketiso kame titio. I̱ma꞉ iki sutiaaso hata꞉ dupiki pi alome. Mo wanda꞉halina꞉ hone tulaasemeeki hoeyaasa꞉eki make wanda꞉hali ka꞉ta꞉ alualu peaasa꞉eki make kutupiki hau piteleme wanda꞉halima꞉ iki hoeyaama꞉na꞉ma꞉ wotu handeteke hapa꞉peke. Amba꞉ titina꞉ iki pa꞉ta꞉ walemeke handa ikana꞉ma꞉ opimiki pi manuta꞉ ame mo wanda꞉halima꞉ tombualuekema꞉ taapelememe. Koto wanda꞉halita꞉ iki ame̱le̱ mandake pa꞉ta꞉ na momba꞉la꞉pa꞉peke.

1 Kotindi 10:32

Kutupa mo Diu wanda꞉hali pa꞉ta꞉ make Diendaili wanda꞉hali pa꞉ta꞉ make mo Koda꞉na꞉ siosi wanda꞉hali pa꞉ta꞉ make homeke a꞉nda꞉ mea lopaaluekema꞉ hau ma꞉nda꞉ a꞉nda꞉ na pea꞉pa꞉peke.

1 Kotindi 11:13

Ikana꞉ma꞉ kone hone wia꞉pa꞉peke. Wanda꞉ homeke a꞉nda꞉ma꞉ pa wanda꞉hali paeyao ame̱le̱ hata꞉ you aka꞉ na dopiki pa yeni pia꞉ka꞉na꞉ta꞉ kota꞉ koto hauta꞉ ti pa꞉la꞉pe.

2 Kotindi 5:14

Ketisona꞉ pukima꞉ homa꞉la꞉ ekima꞉ta꞉ niki handeteke hala꞉me. Pa ekipeke nikana꞉ma꞉ hone witolota꞉ hali homekema꞉ta꞉ paeyaona꞉ homaeyekeme. Koto hauma꞉ta꞉ paeyaoma꞉ ipika꞉ homa꞉la꞉eki putu pelememe.

2 Kotindi 6:3

Nikana꞉ma꞉ta꞉ ma꞉nda꞉ma꞉ nika꞉ pokoloma꞉ ena꞉ ata꞉ka꞉ pa꞉la꞉eki ma꞉nda꞉ na handa꞉ wina꞉e hone uluma꞉me. Koto ekina꞉ nikana꞉ma꞉ta꞉ mandane wanda꞉halina꞉ pota꞉na꞉ ma꞉nda꞉ ha̱la̱꞉mba꞉ liaena꞉ ala꞉ta꞉ ma꞉nda꞉ uluekema꞉ na taapo haloma꞉me.

1 Timodi 5:14

Mo a꞉nda꞉ piteleme wanda꞉halima꞉ niki pa꞉ta꞉ hoke pi loluekema꞉ waleke wiaama꞉na꞉ mo Ketiso hala꞉ moputali kosa꞉piki wanda꞉wekita꞉ pa hali ma꞉nda꞉na꞉ da pua wekiwandiki mendia ika꞉ da handeteke haena꞉e hone witolome.

Dia꞉mesi 2:4

kota꞉ ikana꞉ma꞉ mo hali yaapota꞉ ta꞉ta꞉ ta꞉ta꞉ pea telipaaso hata꞉ honditi na pilimipe. Kutu pimika꞉na꞉ta꞉ ikana꞉ma꞉ ika꞉ kone pi yokaalu pita꞉la꞉ ekina꞉ tumiki haliweki mea haaso hata꞉ hoke hone wilimikie.

Dia꞉mesi 4:11

Ya kametitio. Ikana꞉ma꞉ ika꞉ kame ma꞉nda꞉ pa꞉ta꞉ hoke hone witolo hata꞉ la la pita꞉la꞉ pi na lapa꞉peke. Hali epima꞉ ipika꞉ kame pa꞉ta꞉ hoke hone witolo hata꞉ pi lao pi yokaalu pita꞉la꞉ halima꞉ handa haya꞉ka꞉na꞉ta꞉ mo hali homeke pa꞉ta꞉ na pita꞉la꞉pate mo hande Lo pimanu pa꞉ta꞉ kone pita꞉la꞉me. Nakana꞉ma꞉ kutu pika꞉na꞉ta꞉ mo hande Lo Pimanu hone na wiki neketa꞉ mo Lo Pi manuna꞉ pi yokaalu pitele hali halipikie.

1 Dioni 2:10

Pate manda꞉ epima꞉ ipika꞉ kame pa꞉ta꞉ pukima꞉ homea꞉ka꞉na꞉ta꞉ kota꞉ ipikita꞉ mo pa̱a̱ pa꞉la꞉eki pa꞉ta꞉ hala꞉me. Koto ekina꞉ ipiki pa꞉ta꞉ta꞉ hoke hau pu tialo pa꞉la꞉ ekita꞉ ota꞉ ma꞉nda꞉ na ula꞉me.

Peneme Yaeyekeeki 2:14

Koto pelemepate I̱ma꞉ta꞉ iki pa꞉ta꞉ alo pimanu dupa. Iki tukiki pa꞉ta꞉ta꞉ mo Beilame wala꞉la꞉ pi tolu haleme wanda꞉hali taa haleme handa꞉e. Koto Beilame Beileke walolota꞉ Isulai wanda꞉hali mo toopi ti wepia ula꞉ ale pa꞉ta꞉ halo haleme nemanu nena꞉ alo make loke hoeyaasa꞉ hau pina꞉yeke ipikana꞉ma꞉ sutiaeyeke hauma꞉ iki hoke hau pa꞉ta꞉ hatuku pena꞉yeke waleekeme.