Loma꞉ 13:13 - Panake Pi La: Ula: Buka pita: Kine Pieke Buka

¹³ Nikita꞉ natena꞉ pominoloma꞉ wanda꞉hali leke hata꞉ta꞉ popeke pa꞉la꞉ haumanu pumana꞉e. Hoke ikali naa keaaso hata꞉ yaala꞉ma꞉ na homeke haumanu make suseke haasa꞉ hau pamba na piki haumanu make a꞉nda꞉ pita꞉la꞉eki honditi pita꞉la꞉eki make kutupiki haumanu ikana꞉ma꞉ pea꞉peke na ya꞉la꞉me.

Loma꞉ 13:13 ပူးပေါင်းရင်းမြစ်များ

Luku 1:6

Mo wanda꞉ hali yaapota꞉ Koda꞉na꞉ leke popelekena꞉ tikitiki yao hata꞉ ipika꞉ pi ula꞉ ekimanu paeyao opu haepekeme.

Luku 16:19

Amba꞉ hamoko hali ma꞉nda꞉ma꞉ yenki tiekema꞉ hambeeke dau seliapo pikieki pambatiki peata꞉ nate paeyao epeke epeke nemanu na꞉tiki pu hayekeme.

Luku 21:34

Ika꞉ kone wopu handeteke hapa꞉peke. Ne tieke pamba make honkopu hake hoke ikali wopu na make do kenkena꞉ hone pa꞉la꞉ ekina꞉ we pamba꞉la꞉ ekima꞉ iki ota꞉ na tumbaena꞉ lapa꞉peke. Pa ekipeke mo Tekehalina꞉ Natema꞉ ikita꞉ wisakema꞉ pita꞉la꞉ tupa꞉ koto kone

Aposolo 2:15

Mandane haliweki ika꞉ honema꞉ta꞉ do haliwekita꞉ hoke ikali naa keaaso pitelememe alemepate dia꞉me. Ameta꞉ pa 9 okoloko nate minolo haena꞉ kone haloma꞉me.

1 Kotindi 3:3

Ikana꞉ma꞉ ne tunkula꞉la꞉ haumanu make ape ala꞉ ekimanu make kutupiki haumanu piteleme ekita꞉ mo kenke wanda꞉halima꞉ pu haleme tupa꞉ kone pitelememe.

Ka꞉leisia 5:19

Mo lokena꞉ hone pa꞉la꞉ hauna꞉ hone pa꞉la꞉ hauta꞉ ikana꞉ma꞉ handa hone wilimime. Koto hau manuta꞉ doe. Tooli ka꞉taasa꞉ hau o yola꞉la꞉ hau o suseke suseke haasa꞉ hau

Ka꞉leisia 5:21

o ma꞉nda꞉na꞉ epeke hauna꞉ mineke panka꞉la꞉eki make o ikali naa keaasa꞉eki make o kima꞉ na homeke hoke ikali nala꞉ haumanu make kutupiki mandane hau ma꞉nda꞉manu make hone wilimime. Amba꞉ iki kinki pua꞉ tupa꞉ ame make paa kinki pitolome. Do alo haumanu pu haleme wanda꞉hali ikita꞉ Koda꞉na꞉ Kilu Tombuao Hala꞉eki pa꞉ta꞉ pua꞉peke na yelieke.

Epesese 4:1

I̱ta꞉ Poloma꞉ Tekehalina꞉ e pokaaso ekita꞉ dipula pita꞉ kone iki pa꞉ta꞉ hone wotu witolo hata꞉ doeki alome. Koda꞉ma꞉ wi la꞉la꞉ ekina꞉ iki do tupa꞉ tikitiki yao hapa꞉peke.

Epesese 4:17

Koto ekina꞉ Tekehalina꞉ bikina꞉ I̱ma꞉ iki pa꞉ta꞉ do pi tieke wotu alome. Hande pi na miki wanda꞉hali haleme tupa꞉ na hapa꞉peke.

Epesese 5:15

Koto ekina꞉ epeke tupa꞉ haluekema꞉ wotu handeteke hata꞉ hone na wiki haliweki leke na hake hone wotu witolo hata꞉ hapa꞉peke.

Epesese 5:18

Kutupa hoke ikali naa keaasa꞉ ekima꞉ iki hoeyaapa꞉na꞉ kotoeki na piki Koda꞉na꞉ Holi Sipitidima꞉ iki tumbaatiki pita꞉la꞉eki muemena꞉ ota꞉ pea꞉pa꞉peke.

Epesese 5:8

Amba꞉ titina꞉ ikita꞉ timba꞉ la꞉pa peeke pa꞉ta꞉ haemepate ameta꞉ Tekehalina꞉ wanda꞉hali haleme ekina꞉ pa̱a̱ pita꞉la꞉eki tukiki pa꞉ta꞉ haleme wanda꞉hali ana꞉na꞉ hapa꞉peke.

Pilipai 1:27

Ketisona꞉ Pi Seliapoma꞉ puemena꞉ wala꞉la꞉ tupa꞉ pu haleme hauta꞉ ota꞉ tumiki haue. Kutu pilimipate I̱ epoa꞉ka꞉na꞉ make o pa ika꞉ pilimi hauna꞉ pi lalimieki opua꞉ka꞉na꞉ make kota꞉ ikita꞉ taka꞉lao haemeka꞉ta꞉me hone ulueke. Kutupa mo wanda꞉halima꞉ Ketisona꞉ Pi Seliapo pa꞉ta꞉ hone tulaena꞉ ikana꞉ma꞉ ota꞉ homeke hone wia hata꞉ tamba꞉ mualualu pu haemeka꞉ta꞉me hone ulueke.

Pilipai 2:3

Kutupa make naka꞉ honumake homeke hone witolo o honumake hau o handaena꞉ hau ma꞉nda꞉ na pea꞉pa꞉peke. Kotoeki na pikita꞉ iki paeyao homu pu alualu pea hata꞉ ma꞉nda꞉ pa꞉ta꞉ ika꞉ hauma꞉ta꞉ nika꞉ hau lombei pa꞉la꞉me laa hone u hapa꞉peke.

Kolosi 1:10

Kutu pia꞉ka꞉na꞉ta꞉ ikita꞉ mo Koda꞉ ipika꞉ hone pa꞉la꞉ tupa꞉ hata꞉ hoto paeyao ipiki ta꞉na꞉ma꞉ homa꞉tiaasa꞉ hau homeke pu halimikie. Ika꞉ halimi pa꞉ta꞉ta꞉ epeke haumanu opolo ipulu hata꞉ ikita꞉ Koda꞉ hone wopu witelemeeki pa꞉ta꞉ daelimikie.

Kolosi 3:5

Koto ekina꞉ta꞉ do kenkena꞉ ekina꞉ hone pa꞉la꞉eki manuta꞉ yola꞉la꞉ hau make ha̱i̱piki hau pita꞉la꞉eki make we pamba꞉la꞉eki make hoke hauna꞉ hone tulaa pelia hala꞉eki make pasa꞉tei pita꞉la꞉ hauta꞉ mo toopi ti wepia ula꞉ ale pa꞉ta꞉ honke honke ala꞉ pasa꞉tei pita꞉la꞉ hauma꞉ handekeeki make doeki paeyaota꞉ ota꞉ homena꞉ lapa꞉peke.

1 Desalonaika 2:12

Nikana꞉ma꞉ iki sa꞉sa꞉ pea tiaaso make epeke hone u tiaaso make iki sutiaaso puma꞉me. Ikana꞉ma꞉ epeke tupa꞉ hata꞉ Koda꞉ ta꞉na꞉ma꞉ homaamina꞉ iki sutiatiki puma꞉me. Pa ekipeke Koda꞉ma꞉ta꞉ ikana꞉ma꞉ ipika꞉ Kilu Tombuao Hala꞉eki pa꞉ta꞉ hata꞉ ipika꞉ hau puemena꞉ make muemena꞉ make iki wi la꞉la꞉me.

1 Desalonaika 4:12

Kutu pu haemeka꞉na꞉ta꞉ mo pi na miki wanda꞉halima꞉ handolo hata꞉ iki pa꞉ta꞉ epeke hone wilimikie. Kutupa make ma꞉nda꞉ma꞉ peaena꞉e hone na wiki ika꞉ honumake kone handeteke hapeke yelieke.

1 Desalonaika 5:17

Hoto paeyao make yeni pu hapa꞉peke.

Dia꞉mesi 4:5

Hande Baibolo bukana꞉ wape pa꞉la꞉ ekita꞉ paekie hone witelemepe dupae. Hande Koda꞉ma꞉ niki loke tukiki pa꞉ta꞉ pitaala꞉ temokoma꞉ta꞉ ipika꞉ hone pa꞉la꞉eki puluekema꞉ wotu taapilieke wape pa꞉la꞉me.

1 Dioni 2:6

Ma꞉nda꞉ epima꞉ Koda꞉ yaapo ta꞉ma꞉ni pea halome lea꞉ka꞉na꞉ta꞉ kota꞉ ipikita꞉ mo Yesu Ketisoma꞉ pieke tupa꞉ kone hao pelia꞉peke ya꞉la꞉me.

2 Dioni 1:4

Naka꞉ mandane weki wandikita꞉ mo hande Apa꞉ma꞉ niki pa꞉ta꞉ ota꞉ pia꞉pa꞉peke la꞉la꞉ tupa꞉ ota꞉eki pa꞉ta꞉ halemeeki handa꞉ u hao I̱ta꞉ ta꞉na꞉ tiekema꞉ homoa꞉me.

Diudi 1:23

Mandane wanda꞉halita꞉ oni ti uleke pa꞉ta꞉ homaama꞉na꞉ pa꞉ta꞉la꞉ mea꞉pa꞉peke. Kutupa mo mandane wanda꞉halina꞉ peleme hoke hauma꞉ta꞉ ika꞉ dau manuna꞉ wema꞉ handeke ale taleke nono pa꞉la꞉ ekita꞉ honditi pitolo kone paala꞉ piki hata꞉ a꞉ta꞉ma꞉ homa꞉la꞉eki wala꞉pa꞉peke.