I̱ma꞉ta꞉ ipikana꞉ma꞉ ipika꞉ weki titi make ipika꞉ monduma꞉ monduma꞉ pilia꞉ wekiwandikina꞉ wekiwandiki pa꞉ta꞉ make I̱ pa꞉ta꞉ homu pea tikitiki hau make ota꞉ hau make ota꞉ pia꞉pa꞉peke laa la halena꞉yeke ipiki ma̱leke lulume. Ikana꞉ma꞉ kutu pimika꞉na꞉ta꞉ kota꞉ I̱ma꞉ mo ipiki pa꞉ta꞉ pi la꞉ ua꞉ tupa꞉ hau paeyao peawalueke leekeme.
Loma꞉ 12:8 - Panake Pi La: Ula: Buka pita: Kine Pieke Buka8 Koda꞉ma꞉ta꞉ mo wanda꞉hali sutiaasa꞉ ekita꞉ niki pa꞉ta꞉ kia꞉ka꞉na꞉ta꞉ kota꞉ sutiatiki pumana꞉e. Hali ma꞉nda꞉ma꞉ ipika꞉ wia hala꞉ alemanu kone wanda꞉hali pa꞉ta꞉ teli teli peaeya꞉ka꞉na꞉ta꞉ kota꞉ epeke moke pitolo hata꞉ pea꞉peke ya꞉la꞉me. Hali ma꞉nda꞉ ipikita꞉ biki ula꞉ hali haya꞉ka꞉na꞉ta꞉ kota꞉ honkopu hao e poka꞉peke ya꞉la꞉me. Hali ma꞉nda꞉ma꞉ wanda꞉hali pa꞉ta꞉ a꞉ta꞉ma꞉ homolo hata꞉ pa꞉ta꞉lea꞉ka꞉na꞉ta꞉ kota꞉ ta꞉na꞉ma꞉ homolo hata꞉ pa꞉ta꞉la꞉peke ya꞉la꞉me. အခန်းကိုကြည့်ပါ။ |
Loma꞉ 12:8
57 ပူးပေါင်းရင်းမြစ်များ
Hali ma꞉nda꞉ma꞉ mo Mosesima꞉ wape pea ula꞉ Lo Pimanu make mo potopede haliwekima꞉ wape pea ula꞉ pimanu make yata꞉pa haena꞉ta꞉ mo pi hotu haemeke da you haliwekima꞉ Polo ameda pa꞉ta꞉ pi la꞉moneaaso alota꞉ Kame titio. Wanda꞉hali honkopu hao halo pa꞉la꞉ pi lapa꞉peke yea꞉ka꞉na꞉ta꞉ kota꞉ loa꞉mina꞉e hone witoloma꞉me lemekeme.
Kutupu haemekepate hali ma꞉nda꞉ta꞉ Diosepe hayekeme. Koto halita꞉ Lipae tapake hali hayekepate ipiki mendiki hauta꞉ Saipotasi nane mendieke halie. Aposolo haliwekima꞉ mo halina꞉ biki ma꞉nda꞉ Banabasi lemekeme. Mo biki lemeke ekina꞉ pi napeketa꞉ dupae. Honkopu haena꞉ Sutiaasa꞉ Halie la kone lemekeme.
Kutupa Koda꞉ma꞉ta꞉ mo siosina꞉ mea haena꞉ la꞉la꞉ wanda꞉hali dupa. Titina꞉ amba꞉lata꞉ aposolo haliwekie. Koto hoki naneta꞉ Koda꞉na꞉ pi la꞉ mea halo haleme tapakee. Koto hoki naneta꞉ mo Koda꞉na꞉ pimanu epeke walo haleme tapake mea haena꞉ la꞉la꞉me. Koto hoki naneta꞉ mo na handeke haumanu puluekema꞉ wele peaaseme haliweki make pa ika꞉ hoki naneta꞉ yeni tandelaaseme haliweki make mo tamba꞉ mineleme haliweki make mandane mandane e pokaena꞉ handeteke haleme haliweki make pi ta꞉ta꞉ ta꞉ta꞉ aleme haliweki make Koda꞉ma꞉ paeyao mea haena꞉ la꞉la꞉me.
Nika꞉ honema꞉ ota꞉ hau pelememe laa peneme yaasekena꞉ ta꞉na꞉ma꞉ homoloma꞉ ekita꞉ dupae. Nika꞉ pitoloma꞉ hau paeyao pa꞉ta꞉ta꞉ Koda꞉ma꞉ kita꞉la꞉ yakopiki hau make tikitiki piki hau make pitoloma꞉me. Dupiki hau manuta꞉ do kenkena꞉ hone u lenkena꞉ peaasa꞉eki pa꞉ta꞉ na a꞉pa꞉la꞉me. Pate mo Koda꞉na꞉ a꞉ta꞉ma꞉ homa tamba꞉ mina꞉la꞉ ekima꞉ homeke puma꞉me Dupiki haumanu puma꞉ ekita꞉ mo wanda꞉hali paeyao pa꞉ta꞉ puma꞉pate pa iki pa꞉ta꞉ homeke hone wopu witolo hata꞉ puma꞉me.
Kutupa do ika꞉ pokeleme ema꞉ta꞉ ika꞉ epeke hau peneme yaaso hata꞉ paeyaoma꞉ta꞉ ikana꞉ma꞉ Ketisona꞉ Pi Seliapo oto pa꞉ta꞉ haleme ekina꞉ Koda꞉na꞉ biki yeiya꞉ lalimikie. Mo ikana꞉ma꞉ ika꞉ ta꞉na꞉ma꞉ homolo hata꞉ ale mandaneeki pa halo halemeeki iki ame̱le̱ telipa make paeyao ame̱le̱ putupeleme ekina꞉ loa꞉me.
Pa hameke e pokaaseme haliwekio. Ika꞉ piteleme hau paeyao pa꞉ta꞉ta꞉ ika꞉ do kenkena꞉ handeteke haleme haliwekina꞉ pi opua pia꞉pa꞉peke. Mo haliwekina꞉ leke popelekena꞉ hata꞉ iki ta꞉na꞉ma꞉ homaaluekema꞉ homeke na pikita꞉ ota꞉ hau pitolo hata꞉ pia꞉pa꞉peke. Pa ekipeke mo ika꞉ Tekehali pa꞉ta꞉ paala꞉ma꞉ homeleme ekina꞉ loa꞉me.
Ika꞉ you haliwekima꞉ wanda꞉hali handeteke hata꞉ e epeke tupa꞉ pokemeka꞉na꞉ta꞉ ika꞉ biki a꞉meiyaaso yenki ana꞉na꞉ haka꞉ta꞉pao mina꞉e hone wia꞉peke ya꞉la꞉me. Mo pi wala꞉pekeeki o mana꞉ moka꞉la꞉ tiaaso hata꞉ ota꞉ honkopu hao wopu pokemeka꞉na꞉ta꞉ kota꞉ kutu piki you haliweki pa꞉ta꞉ amba꞉la hone wia pea꞉peke.
Mo ika꞉ siosi you haliweki pa꞉ta꞉ homu pea hata꞉ ika꞉ kakena꞉ homo hapa꞉peke. Ikana꞉ma꞉ ika꞉ siosi wanda꞉hali tukiki pa꞉ta꞉ e poka꞉la꞉eki paeyao Koda꞉ma꞉ handena꞉ ipiki pa꞉ta꞉ peneme yao waluekema꞉ta꞉ timba꞉ nate yaapona꞉ u na peliki hata꞉ mo siosi wanda꞉hali ika꞉ temokomanu wopu handeteke hao halememe. Ika꞉ kakena꞉ homa telia pu haemeka꞉na꞉ta꞉ kota꞉ ta꞉na꞉ lulu hata꞉ ika꞉ e epeke tupa꞉ pokolo pelemepate pa ikana꞉ma꞉ ika꞉ kakena꞉ na homemeka꞉na꞉ta꞉ kota꞉ ika꞉ e poka꞉la꞉eki ka꞉nda꞉ pealieke. Ikana꞉ma꞉ ka꞉nda꞉ma꞉ homemeka꞉na꞉ta꞉ kota꞉ koto ka꞉nda꞉ peaasa꞉ ekima꞉ mo siosi wanda꞉hali iki na tamba꞉ milieke.
ကြော်ငြာတွေ