Loma꞉ 12:7 - Panake Pi La: Ula: Buka pita: Kine Pieke Buka

⁷ Koda꞉ma꞉ta꞉ mo Ketiso wanda꞉hali tamba꞉ mea꞉peke ekita꞉ niki kia꞉ka꞉na꞉ta꞉ kota꞉ nikana꞉ma꞉ tamba꞉ mea꞉peke ya꞉la꞉me. Koda꞉ma꞉ta꞉ mo pi wala꞉la꞉ ekita꞉ niki pa꞉ta꞉ kia꞉ka꞉na꞉ta꞉ kota꞉ nikana꞉ma꞉ ipika꞉ pi wala꞉peke ya꞉la꞉me.

Loma꞉ 12:7 ပူးပေါင်းရင်းမြစ်များ

Ma꞉tiu 28:19

Koto ekina꞉ta꞉ wanda꞉hali paeyao ya disaipolo haena꞉ mea hamena꞉ kenke honiki honiki paeyao pa꞉ta꞉ wala꞉tia pu hapa꞉peke. Koto ya disaipolo halimi wanda꞉halita꞉ Koda꞉na꞉ bikina꞉ make Ya bikina꞉ make mo Holi Sipitidina꞉ bikina꞉ make bapitaisi hau peao hapa꞉peke.

Dioni 3:2

nate ma꞉nda꞉na꞉ timba Yesu pa꞉ta꞉ pua alota꞉ Disao. Neketa꞉ Koda꞉ma꞉ tapaaleke walele hali hale ekita꞉ handoloma꞉me. Kutupa nakana꞉ma꞉ wele pitele tupa꞉ Koda꞉ yaapo na hake halima꞉ wele pea꞉peke na ya꞉la꞉me la leekeme.

Aposolo 13:1

Mo A꞉ndioko siosi tapake pa꞉ta꞉ mandane potopede haliweki make pi walo haemeke haliweki make haemekeme. Koda꞉na꞉ pi lao hayeke Banabasi make Simioni biki ma꞉nda꞉ Naidia make Saitini hali Lusiasi make hande you hali Hetodina꞉ yankeke hali homeke Maneini make Solo make haemekeme.

Aposolo 20:20

Iki epeaalo pia꞉eki iki na a꞉mbaake walo haowa꞉ ekita꞉ handememe lea꞉me. Kutupa da ma꞉nda꞉ pa꞉ta꞉ make momba꞉la pitimi tukiki pa꞉ta꞉ make walo haowa꞉ ekita꞉ handememe lea꞉me.

Aposolo 20:28

Holi Sipitidima꞉ ikita꞉ handeteke halo peleme haliweki mea hamina꞉ leeke handa ika꞉ kone handeteke hao mo ma꞉na꞉titi paeyao make handeteke hapa꞉peke lea꞉me. Tekehalima꞉ ipika꞉ Eiyekena꞉ wema꞉ kone mieke tapake wanda꞉halita꞉ ikana꞉ma꞉ handeteke hapa꞉peke lea꞉me.

Aposolo 6:1

Koto natena꞉ta꞉ mo Yesuna꞉ disaipolo haliweki daeyaeyekeme. Mo Kitiki pi lo haemeke Diu wanda꞉halima꞉ mo teke da pa꞉ta꞉ haemeke Diu wanda꞉halima꞉ ika꞉ kosa꞉piki wanda꞉sunu ne ana꞉na꞉ na telipitolo hata꞉ honditi pitelememe laa pi lemekeme.

1 Kotindi 12:28

Kutupa Koda꞉ma꞉ta꞉ mo siosina꞉ mea haena꞉ la꞉la꞉ wanda꞉hali dupa. Titina꞉ amba꞉lata꞉ aposolo haliwekie. Koto hoki naneta꞉ Koda꞉na꞉ pi la꞉ mea halo haleme tapakee. Koto hoki naneta꞉ mo Koda꞉na꞉ pimanu epeke walo haleme tapake mea haena꞉ la꞉la꞉me. Koto hoki naneta꞉ mo na handeke haumanu puluekema꞉ wele peaaseme haliweki make pa ika꞉ hoki naneta꞉ yeni tandelaaseme haliweki make mo tamba꞉ mineleme haliweki make mandane mandane e pokaena꞉ handeteke haleme haliweki make pi ta꞉ta꞉ ta꞉ta꞉ aleme haliweki make Koda꞉ma꞉ paeyao mea haena꞉ la꞉la꞉me.

1 Kotindi 12:5

Mo Tekehalina꞉ e pokaasoma꞉ ekimanu make ta꞉ta꞉ ta꞉ta꞉ ya꞉la꞉pate pa mo ena꞉ Tekehalita꞉ homeke kone hala꞉me.

1 Kotindi 14:26

Ya kametitio. Eki haumanu pea꞉peke ya꞉la꞉pe. Koda꞉ pa꞉ta꞉ yeni puluekema꞉ mombelemeka꞉na꞉ta꞉ kota꞉ hali homekema꞉ emeli lelieke. Kutupa hali ma꞉nda꞉ma꞉ pi walelieke. Kutupa hali ma꞉nda꞉ma꞉ Koda꞉ma꞉ ipiki pa꞉ta꞉ la hala꞉la꞉eki iki pa꞉ta꞉ la kilieke. Kutupa hali ma꞉nda꞉ma꞉ da ta꞉ta꞉ ta꞉ta꞉ pi laa leliepate hali ma꞉nda꞉ma꞉ koto ala꞉ pi lekelieke. Kutu pea꞉peke ya꞉la꞉pate mo hau paeyaoma꞉ mo siosi wanda꞉hali epeaaluekema꞉ pimika꞉na꞉ta꞉ epelieke.

Ka꞉leisia 6:6

Koda꞉na꞉ pi wala꞉la꞉eki opua mina꞉la꞉ somema꞉ ipika꞉ mina꞉la꞉ alemanu ipika꞉ wala꞉la꞉ hali yaapo putupa alu pia꞉pa꞉peke ya꞉la꞉me.

Epesese 4:11

Ipikana꞉ma꞉ kone wanda꞉hali pa꞉ta꞉ hala꞉la꞉ alemanu dupa haleekeme. Mandaneeki aposolo haliweki haena꞉ laata꞉ mandaneeki hande Pi Seliapo wala꞉la꞉ haliweki haena꞉ laata꞉ mandaneeki Koda꞉na꞉ pi la꞉ mea hala꞉la꞉ haliweki haena꞉ laata꞉ mandaneeki pasida haliweki make disa haliweki make haena꞉ la꞉la꞉me.

Kolosi 4:17

Kutupa Akipasi pa꞉ta꞉ta꞉ Hande Koda꞉na꞉ e pa꞉ta꞉ kia꞉ eta꞉ ota꞉ pu paeyapekee lapa꞉peke.

1 Timodi 2:7

Koto pi walono yeke Koda꞉ma꞉ I̱ aposolo hano la꞉la꞉me. I̱ma꞉ yaa pi na alome. Ota꞉ pi alo loa꞉me. Ipikana꞉ma꞉ I̱ta꞉ mo Diendaili wanda꞉halina꞉ moka꞉la꞉ tiaasa꞉ hali hata꞉ta꞉ ipika꞉ ota꞉ pi make mo hone tulaasa꞉eki make walaano yeke hano la꞉la꞉me.

1 Timodi 3:2

Ketiso wanda꞉hali hatuku pula꞉ halita꞉ eki a꞉nda꞉ na piki hali yelieke. Ipikita꞉ wanda꞉ homeke ma꞉la꞉ halie. Ipikita꞉ hone wotu lenkene pea ula꞉ halie. Ipika꞉ lokena꞉ handeteke hata꞉ e na kapa꞉lake epeke tupa꞉ pita꞉la꞉ halie. Mo na handeke wanda꞉hali make ipika꞉ da pa꞉ta꞉ mea peliaasa꞉ hali yelieke. Ipikita꞉ pi epeke tupa꞉ wala꞉la꞉ halie.

1 Timodi 4:16

Naka꞉ walele ekimanu make naka꞉ pu hale hau make wopu handeteke hapeke. Do haumanu paeyao epeke tupa꞉ putia peka꞉na꞉ta꞉ kota꞉ koto pilipi ekima꞉ta꞉ neke make mo nakana꞉ma꞉ walele pi opua ipu haleme wanda꞉hali make detelimikie.

1 Timodi 5:17

Ika꞉ you haliwekima꞉ wanda꞉hali handeteke hata꞉ e epeke tupa꞉ pokemeka꞉na꞉ta꞉ ika꞉ biki a꞉meiyaaso yenki ana꞉na꞉ haka꞉ta꞉pao mina꞉e hone wia꞉peke ya꞉la꞉me. Mo pi wala꞉pekeeki o mana꞉ moka꞉la꞉ tiaaso hata꞉ ota꞉ honkopu hao wopu pokemeka꞉na꞉ta꞉ kota꞉ kutu piki you haliweki pa꞉ta꞉ amba꞉la hone wia pea꞉peke.

2 Timodi 2:2

I̱ma꞉ wanda꞉hali eleke elekena꞉ leke popelekena꞉ waloeke opi mana꞉ pi manuta꞉ kota꞉ nakana꞉ma꞉ meaata꞉ mo hone epeke tupa꞉ u paleke hata꞉ mandane da wanda꞉hali ana꞉na꞉ wala꞉peke ya꞉la꞉ wanda꞉halita꞉ nakana꞉ma꞉ moka꞉la hale hale pea꞉peke.

2 Timodi 2:24

Mo Tekehalina꞉ e pokaasa꞉ halima꞉ta꞉ta꞉ ape ape na lelieke. Kotoeki na pikita꞉ ipikana꞉ma꞉ wanda꞉hali paeyao pa꞉ta꞉ a꞉ta꞉ma꞉ homolo epeke disa hali hata꞉ ika꞉ pu hoeyaaseme haumanu pa꞉ta꞉ ka꞉nda꞉ma꞉ a̱i̱ na homake yu wia hapeke ya꞉la꞉me.

2 Timodi 4:2

Koda꞉na꞉ pi walo hapeke. Kutu polo halena꞉ wanda꞉halima꞉ opuluekema꞉ ta꞉na꞉ma꞉ na homolo haena꞉ make o ta꞉na꞉ma꞉ homa opitolo haena꞉ make na kiaake pa walolo walolo ombu hapeke. Nakana꞉ma꞉ mo puki nala꞉ pima꞉ make mineke pima꞉ make kutupa mo hone u tiaasa꞉ pima꞉ make koto pi manuma꞉ ikana꞉ma꞉ epeke honemanu wina꞉ loluekema꞉ ta꞉na꞉ma꞉ homa꞉ tiaaso handeteke hao hapeke.