Loma꞉ 12:19 - Panake Pi La: Ula: Buka pita: Kine Pieke Buka

¹⁹ Ya yankeke titio. Ma꞉nda꞉ma꞉ iki pa꞉ta꞉ hokeeki pia꞉ka꞉na꞉ta꞉ kota꞉ yenki mulu peleme hone na wia꞉pa꞉peke. Ika꞉ yenki meaake hauta꞉ Koda꞉ma꞉ mineke panka꞉la꞉ ekima꞉ peaowaena꞉ lapa꞉peke. Hande Baibolo bukana꞉ wape pa꞉la꞉ ekita꞉ dupa Tekehalima꞉ alota꞉ Yenki meaake hauta꞉ I̱ma꞉ pulueke laa wape pa꞉la꞉me.

Loma꞉ 12:19 ပူးပေါင်းရင်းမြစ်များ

Ma꞉tiu 5:39

Pate ame I̱ma꞉ iki pa꞉ta꞉ la kitolo ekita꞉ dupa. Ma꞉nda꞉ma꞉ neke tekipuleke laeya꞉ka꞉na꞉ta꞉ nakana꞉ma꞉ hombo na peapeke. Hali ma꞉nda꞉ma꞉ naka꞉ popeke nanema꞉ pakena꞉ dakapoma꞉ lia꞉ka꞉na꞉ta꞉ kota꞉ mo hoe nane pakena꞉ make lina꞉ la꞉ka꞉lapeke.

Loma꞉ 12:14

Iki pa꞉ta꞉ a꞉nda꞉ liteleme wanda꞉halita꞉ Koda꞉ma꞉ koto wanda꞉hali epeaena꞉ ikana꞉ma꞉ yeni pea꞉pa꞉peke. Koda꞉ma꞉ hoeyaena꞉ laa yeni na piki epeaena꞉ laa yeni pea꞉pa꞉peke.

Loma꞉ 12:17

Hali ma꞉nda꞉ma꞉ iki pa꞉ta꞉ hoke hau pia꞉ka꞉na꞉ta꞉ kota꞉ ikana꞉ma꞉ ipiki make hombo peaaso hata꞉ hoke hau na pea꞉pa꞉peke. Wanda꞉hali paeyaoma꞉ta꞉ Do hauta꞉ epeke ekie laa hone witelemeeki kone pea꞉pa꞉peke.

Loma꞉ 13:4

Pa ekipeke ipikita꞉ Koda꞉na꞉ e pokaasa꞉ hali hata꞉ neke epeaaso pita꞉la꞉me. Kota꞉ a꞉nda꞉ nakana꞉ma꞉ hoke hau pika꞉na꞉ta꞉ kota꞉ mo halita꞉ ota꞉ panisi peaalo pa꞉la꞉ hali hala꞉ ekina꞉ neketa꞉ ipiki pa꞉ta꞉ paala꞉ma꞉ homa halipikie. Mo hali ipikana꞉ma꞉ Koda꞉na꞉ e pokaasa꞉ hali hata꞉ta꞉ hoke hau pu haleme wanda꞉hali pa꞉ta꞉ Koda꞉ma꞉ ipika꞉ mineke panka꞉la꞉eki kone ipikana꞉ma꞉ peaasa꞉me.

Epesese 4:27

Sadanina꞉ pota꞉ ma꞉nda꞉ na pilaapa꞉peke.

1 Desalonaika 4:6

Do ekina꞉ta꞉ hali ma꞉nda꞉ma꞉ ipika꞉ Ketiso yankeke tekipuleke lao hoke hau ma꞉nda꞉ na pea꞉pa꞉peke aleo. Koto pita꞉ iki pa꞉ta꞉ kinki wopu pitolo hata꞉ loma꞉ ekita꞉ dupa. Kutupiki hau pu haleme wanda꞉halita꞉ Tekehalima꞉ wape walieke laa loma꞉me.

2 Timodi 4:14

Mo kepete kawai wepu hala꞉ hali A꞉lekesa꞉ndama꞉ I̱ pa꞉ta꞉ hoke hau tieke piekeme. Koto ipika꞉ pieke hauna꞉ yenkita꞉ Tekehalima꞉ ana꞉na꞉ halieke.

Hibulu 10:30

Mo yenki meake hauta꞉ I̱ma꞉ pealueke. Hoke yenkita꞉ I̱ma꞉ kone pa halueke laa pi leeke halita꞉ niki hone witoloma꞉me. Ipika꞉ leekeeki ma꞉nda꞉ dupae. Tekehalima꞉ ipika꞉ wanda꞉hali pa꞉ta꞉ pi yokaalu pilieke leekeme.