Loma꞉ 12:17 - Panake Pi La: Ula: Buka pita: Kine Pieke Buka

¹⁷ Hali ma꞉nda꞉ma꞉ iki pa꞉ta꞉ hoke hau pia꞉ka꞉na꞉ta꞉ kota꞉ ikana꞉ma꞉ ipiki make hombo peaaso hata꞉ hoke hau na pea꞉pa꞉peke. Wanda꞉hali paeyaoma꞉ta꞉ Do hauta꞉ epeke ekie laa hone witelemeeki kone pea꞉pa꞉peke.

Loma꞉ 12:17 ပူးပေါင်းရင်းမြစ်များ

Kini Pieke 42:25

Diosepema꞉ta꞉ mo e pokaemeke haliweki pa꞉ta꞉ta꞉ mo ipika꞉ hameke tonuna꞉ nu manuta꞉ mo widi napeke manuma꞉ tumbao mo homeke homekena꞉ widi hambemeke manita꞉ mo nu kakena꞉ paa mendiama꞉ mendiama꞉ peaata꞉ mo ika꞉ pota꞉na꞉ nolo pimiki ne make hala꞉pa꞉peke leeke handa ota꞉ kutu pimikime.

Ma꞉tiu 5:24

kota꞉ naka꞉ mo pa hameke hala꞉pekeeki koto pa꞉ta꞉ kone mina꞉pa꞉laota꞉ koto kone a̱i̱ la꞉ka꞉la pua naka꞉ kame yaapo a꞉nda꞉ pelia꞉pa꞉peke. Kutupa paeya꞉ka꞉na꞉ta꞉ la꞉ka꞉la a꞉pa mo naka꞉ pa hameke hala꞉pekeeki Koda꞉ pa꞉ta꞉ hala꞉peke.

Ma꞉tiu 5:39

Pate ame I̱ma꞉ iki pa꞉ta꞉ la kitolo ekita꞉ dupa. Ma꞉nda꞉ma꞉ neke tekipuleke laeya꞉ka꞉na꞉ta꞉ nakana꞉ma꞉ hombo na peapeke. Hali ma꞉nda꞉ma꞉ naka꞉ popeke nanema꞉ pakena꞉ dakapoma꞉ lia꞉ka꞉na꞉ta꞉ kota꞉ mo hoe nane pakena꞉ make lina꞉ la꞉ka꞉lapeke.

Loma꞉ 12:19

Ya yankeke titio. Ma꞉nda꞉ma꞉ iki pa꞉ta꞉ hokeeki pia꞉ka꞉na꞉ta꞉ kota꞉ yenki mulu peleme hone na wia꞉pa꞉peke. Ika꞉ yenki meaake hauta꞉ Koda꞉ma꞉ mineke panka꞉la꞉ ekima꞉ peaowaena꞉ lapa꞉peke. Hande Baibolo bukana꞉ wape pa꞉la꞉ ekita꞉ dupa Tekehalima꞉ alota꞉ Yenki meaake hauta꞉ I̱ma꞉ pulueke laa wape pa꞉la꞉me.

Loma꞉ 14:16

Ikana꞉ma꞉ do ekita꞉ epekeekie laa aleme ekita꞉ mandane wanda꞉halima꞉ dia꞉me. Do ekita꞉ hokeekie laa pi na lena꞉ lapa꞉peke.

Kolosi 4:5

Mo hone na tulaaleme wanda꞉hali pa꞉ta꞉ta꞉ ika꞉ piteleme hau manuta꞉ hone wopu u lenkena꞉ pea pea꞉pa꞉peke. Iki pa꞉ta꞉ waleke wita꞉la꞉eki paeyao epea꞉ka꞉na꞉ta꞉ iki na pakalaena꞉ leke epeke tupa꞉ mina꞉pa꞉peke.

1 Desalonaika 4:12

Kutu pu haemeka꞉na꞉ta꞉ mo pi na miki wanda꞉halima꞉ handolo hata꞉ iki pa꞉ta꞉ epeke hone wilimikie. Kutupa make ma꞉nda꞉ma꞉ peaena꞉e hone na wiki ika꞉ honumake kone handeteke hapeke yelieke.

1 Desalonaika 5:15

Mandane wanda꞉halima꞉ iki pa꞉ta꞉ hoke hau pimika꞉na꞉ta꞉ ikana꞉ma꞉ paa na hombo peaapa꞉peke. Hoto paeyaota꞉ ika꞉ ika꞉ kone epea alualu pea hata꞉ wanda꞉hali paeyao make epeaaluekema꞉ hone wopu wia꞉pa꞉peke.

1 Desalonaika 5:22

kutupa hokeeki paeyao handa paka꞉laapa꞉peke.

1 Timodi 5:14

Mo a꞉nda꞉ piteleme wanda꞉halima꞉ niki pa꞉ta꞉ hoke pi loluekema꞉ waleke wiaama꞉na꞉ mo Ketiso hala꞉ moputali kosa꞉piki wanda꞉wekita꞉ pa hali ma꞉nda꞉na꞉ da pua wekiwandiki mendia ika꞉ da handeteke haena꞉e hone witolome.

1 Pida 2:12

Ikana꞉ma꞉ pi na ma꞉la꞉ wanda꞉hali taapuna꞉ ota꞉ epeke hau pu hapa꞉peke. Kutu pimikina꞉ta꞉ hande pi na ma꞉la꞉ wanda꞉halima꞉ iki biki hoeyaaluekema꞉ taapilimipate ika꞉ epeke piteleme ekimanu pa꞉ta꞉ handilimikie. Koto ekina꞉ koto wanda꞉halima꞉ta꞉ hande la꞉ ula꞉ nate epea꞉ka꞉na꞉ta꞉ Koda꞉na꞉ biki a꞉meiyalimikie.

1 Pida 3:16

Koto pa꞉la꞉pate ikana꞉ma꞉ hombo peaemeka꞉na꞉ta꞉ epeke hone witolo hata꞉ homu pikima꞉ lapa꞉peke. Ika꞉ hone teke tikitiki yao hala꞉ tupa꞉ kone haena꞉ lo hapa꞉peke. Koto pimika꞉na꞉ta꞉ iki mo Ketisona꞉ hoki nane telia꞉la꞉ wanda꞉hali hata꞉ epeke hau pu halemeeki handata꞉ mo mandane wanda꞉halima꞉ do hauta꞉ hokeekie lemeka꞉na꞉ta꞉ wetepena꞉ koto leme ekina꞉ yaala꞉ma꞉ homena꞉ yeke ika꞉ hone teke tikitiki yao haena꞉ lapa꞉peke.

1 Pida 3:9

Hoke hau iki pa꞉ta꞉ pimika꞉na꞉ta꞉ hoke hauma꞉ na hombo peapa꞉peke o keke pi lemeka꞉na꞉ta꞉ keke pima꞉ na hombo peapa꞉peke. Ikana꞉ma꞉ koto hau na pikita꞉ iki tamba꞉ mulu peleme ekima꞉ hombo peapa꞉peke. Kota꞉ kotota꞉ Koda꞉ma꞉ iki wi lea꞉ dina꞉ta꞉ iki tamba꞉ mulueke la la꞉ wiekeme.