Loma꞉ 12:15 - Panake Pi La: Ula: Buka pita: Kine Pieke Buka

¹⁵ Wanda꞉hali epi amedama꞉ ta꞉na꞉ma꞉ homemeka꞉na꞉ta꞉ kota꞉ ikana꞉ma꞉ make iki ame̱le̱ mandakena꞉ ta꞉na꞉ma꞉ homa꞉pa꞉peke. E̱ aleme wanda꞉hali make ikana꞉ma꞉ make iki ame̱le̱ mandakena꞉ e̱ lapa꞉peke.

Loma꞉ 12:15 ပူးပေါင်းရင်းမြစ်များ

Luku 1:58

Kutu pieke handaa ipika꞉ tapake wanda꞉halima꞉ make ipiki ame̱le̱ haemeke wanda꞉halima꞉ make Tekehalima꞉ ipiki ota꞉ epeaeyekeeki handaata꞉ pea꞉ paeyaoma꞉ make Elisa꞉bedima꞉ make ta꞉na꞉ma꞉ homemekeme.

Dioni 11:19

Kutupa Diu wanda꞉hali wopuma꞉ Mada Meti yaapo ipilika꞉ ana꞉ homeeke ekina꞉ tamba꞉ minolo hata꞉ pi pi loluekema꞉ pemekeme.

Aposolo 11:23

Banabasita꞉ oli da opolo puaata꞉ Koda꞉ma꞉ epeaeyekeeki handaata꞉ ta꞉na꞉ma꞉ wopu homeekeme. Kutupa paeyao pa꞉ta꞉ Tekehalina꞉ pi da̱o̱la hata꞉ wopu miniki hao hapa꞉peke laa pi waleekeme.

1 Kotindi 12:26

Koto ekina꞉ mo lokena꞉ tunaala꞉ ale homekema꞉ tanda mia꞉ka꞉na꞉ta꞉ kota꞉ mo tunaala꞉ mandane alemanu paeyaoma꞉ make mandakena꞉ tandama꞉ homilimikie. Kutupa ma꞉nda꞉ma꞉ mo lokena꞉ tunaala꞉ ale homeke a꞉nda꞉na꞉ biki yeiya꞉ lea꞉ka꞉na꞉ta꞉ kota꞉ mo lokena꞉ tunaala꞉ mandane alemanu paeyaoma꞉ta꞉ mandakena꞉ ta꞉na꞉ma꞉ homilimikie.

2 Kotindi 11:29

Ma꞉nda꞉ a꞉nda꞉ damako pia꞉ka꞉na꞉ta꞉ I̱ make homeke tupa꞉ damako pu halome. Ma꞉nda꞉ a꞉nda꞉ hoke hau pa꞉ta꞉ mea lopaeya꞉ka꞉na꞉ta꞉ kota꞉ I̱ta꞉ ya puki pa꞉ta꞉ ka꞉nda꞉ma꞉ homolome.

2 Kotindi 2:3

Koto ekina꞉ta꞉ I̱ma꞉ koto tameiya꞉ tapaowa꞉me. Pa ekipeke I̱ma꞉ta꞉ iki pa꞉ta꞉ a꞉pa yaka ta꞉na꞉ma꞉ homa꞉ tiaapeke ya꞉la꞉ tapakema꞉ kone I̱ puki ka꞉nda꞉ma꞉ homo tiaaseme laa laapa꞉na꞉ alo pua꞉me. I̱ma꞉ hone witolota꞉ I̱ ta꞉na꞉ma꞉ homolo dina꞉ta꞉ iki paeyao make ta꞉na꞉ma꞉ homelememe.

Pilipai 2:26

Ipikana꞉ma꞉ iki a̱i̱ handuluekema꞉ hone wotu u hala꞉me. Kutupa ipiki yeni haasa꞉me pi opelemeeki opitolo hata꞉ ipikana꞉ma꞉ puki tandama꞉ homa꞉la꞉me.

Pilipai 2:28

Koto pia꞉ ekina꞉ta꞉ I̱ma꞉ ipikita꞉ iki pa꞉ta꞉ tapaaluekema꞉ hone tieke wotu pa꞉la꞉me. Kutaata꞉ ikana꞉ma꞉ ipiki paa ipilieki handolota꞉ ta꞉na꞉ma꞉ paa homilimikie kutupa ya ka꞉nda꞉ma꞉ homoloeki make pa paeyaalieke.

Hibulu 13:3

Mo dipula haena꞉ la꞉la꞉ wanda꞉halina꞉ ka꞉nda꞉ta꞉ nika꞉eki kone hone witolo hata꞉ iki hone na yonka꞉lapa꞉peke. Koto tupa꞉ kone mo mandane tanda no haleme wanda꞉hali make hone na yonka꞉lapa꞉peke.